好拍檔美食 (Closed)

上星期無意經過，已經比佢門口啲海鮮深深吸引住，今日 終於得閒去試食。。。結果。當然係無令我失望啦，依家係香港地，已經好難揾到食新鮮海鮮既BBQ店，就算揾到，都未必燒得好味，雖然 呢間<好拍檔>門面裝修吾係太出眾，但味道真係一流，今次試左3~4款吾同既貝殼類，每一款都食到鮮甜2個字，而非出面啲燒烤店，會用好多蒜蓉蓋過啲海鮮味，食到甘上下，同老闆傾下計，先知，原來老闆每日都會親自去入海鮮，所以 如果有咩想食，只需早1日通知，以後 大飽口福喇。。。。

因為屋企住係附近，成日夜晚放工經過都聞到一陣陣好香嘅串燒味，今晚深宵落街搵野食，終於試到依間店整嘅美食！同朋友叫左雞全翼，雞腎，雞肉腸，同埋menu寫住推介嘅五層燒。價錢都唔貴，今次叫嘅野食都係13-15蚊左右！我見menu上其他食物價錢都都好實惠，今次叫住甘多先！每一樣其實都燒得好好味👍👍，我個人偏愛食雞全翼同雞腎,配埋沙嗲汁真係好惹味！個五層燒其實都好正，唯一美中不足可能係差罐啤酒送黎食，所以變得比較寡😂（其實係本人唔飲開啤酒）下次可以試埋其他野食😋見其他食評，有人推介乾炒牛河同埋小炒類，同埋間店仲有海鮮類食物可以簡，我見好似仲有貝類食物可以叫，係menu度應該無寫到嘅菜式，係老細寫左個名擺左係店前係客選擇，所以要親臨一趟先知咩食物係果一晚新鮮推介同埋兩位老細都好nice👍，話下次可以打電話叫佢地燒定先先黎拎👍👍可惜間店開個地方比較隱蔽,通常西灣河最多人只係識太安樓所以今次想多d人可以認識依間小店,令多d人有口福😋本人係第一次係openrice寫食評推介,寫得唔好請見諒

星期六夜晚十一點，有啲肚餓睇下屋企附近有咩宵夜食喺個橫街小巷入內，有間好拍擋美食行近小小就聞到串燒，炒野既香味即刻睇下有咩好食！選擇好多，總有一款岩心水！我地兩個人，一人一串燒雞全翼，$15@，大大隻，一路食啲肉汁流落黎 😋😋淨係雞翼點夠，仲叫左雞軟骨同燒菠蘿，燒菠蘿啲汁好甜，燒到好香，下次一定會再叫果度只有少量座位，所以我地買外賣返屋企食見到有人坐喺果度食干炒牛河，下次一定要試下！以後食宵夜唔一定要去太安樓啦！

前幾個星期老公响呢度買咗隻好好味既雞脾我食，因為好鐘意食雞脾，今晚就到店內試下。雞脾保持一貫水準，熱辣辣又大隻，真係好好味鯖魚好juicy,軟殼蟹好鮮，味道真係可媲美好多高級日式餐廳，價錢又超值，讚呀！我仲食咗馬刀貝，扇貝同魷魚筒，全部都好新鮮，絕對可以再encore唯一不足就係坐响街有少少熱，但勝在老闆個人好好，仲問我們有咩意見，好讓佢地改進。咁有熱誠既小店，真係要讚下

一直都好鐘意元朗b仔希望係西灣河有類似既野食終於俾我等到啦 以後唔洗去到元朗先有得食 絕到係宵夜良品!鋪頭位置係小行，唔係好起眼希望多d西灣河街坊認識佢小b雞翼尖$20 大概12-15隻(目測)

每次經過都聞到陣陣香味，終於有機會一試！店舖雖然唔大，但充滿人情味，而且價錢唔貴，選擇又多！雞煲：用秘製醬料炒過，雞好嫰滑，夠鑊氣，好入味生炸大雞髀：即叫即炸，雞髀有底味，喜歡辣又可以加辣，香脆juicy魚香茄子煲：茄子用油爆過，好夠鑊氣，簡單的一道菜盡顯師傅水準

好簡單，本人住左西灣河好多年好多人覺得附近有太安樓，一定好多正野食不過講真，附近大部分食肆都無乜特別，毫無特色甚至有好多人話太安樓係小士林，本人真係笑而不語今次介紹嘅小食店我淨係想講四個字:干炒牛河牛河夠鑊氣，牛肉無落鬆肉粉，製作認真芽菜洋蔥炒得惹味喺西灣河同筲箕灣一帶可以話無得頂，絕對有大師級水準各位有機會不妨一試，好過食太安樓炒粉面多多聲p.s 只有幾個座位，另外有串燒供應，不過本人認為無炒野咁出色

行過都索到陣香味...唔試唔得🙈之前都唔覺呢間野一問之下先知，呢間鋪係今個月先開始接手做,所以依家有串燒食早餐開始到晚餐都有😮，野食都算多選擇，最緊要個價錢唔貴！除左串燒之外仲有炒粉麵飯個啲食，下次試埋其他野先得

諗住開左間新既餐廳試下. 第二次試叫喱間外賣. 香港真係越來越少呢啲茶餐廳. 好味又抵食. D沙律起碼好新鮮. 隻雞髀又唔會炸得太多油同唔會太鹹. 等我下次有機會食埋佢其他嘅外賣先😋😋 美中不足嘅就係如果佢可以開得成一間比較大嘅茶餐廳就好啦. 希望佢係我屋企附近都可以快啲開分店啦😍😍