The Best Shanghai Restaurant (Closed)

朋友說在尖沙咀的分店吃過不錯, 及推蔫千層咕嚕肉點了一份2人套餐$188,有湯及前菜及2款主食好好靚羹: 紫菜湯醉雞: 大碟, 差不多半隻雞千層咕嚕肉: 外層脆, 肉嫩, 沒有肥膏蟹籽菠蘿雞粒炒飯: 外表普通, 味道不錯杞子桂花糕: 餐牌上沒有看到送甜品, 不太甜, 很香桂花味…Read More

真是太神奇了, 前晚去了一間差勁在尖沙咀的上海食肆. 今天早上旺角一天遊, 沒有看招牌便入內, 原來是前晚那間上海食肆的分店…喎! 真係有緣! 上海食肆供應早餐, 但不是上海式早點, 而是港式ABC餐, 粉麵煎蛋火腿. 選了一個D餐, 吉列魚柳, 西煎雙蛋, 牛油餐包, 另一個E餐, 鮑魚片肉碎湯米線, 鮮茄炒滑蛋, 牛油餐包.吉列魚柳, 食開茶餐廳早餐都知, 魚柳款式, 有不規則款式, 有四方形款式, 四方形是最差品種, 厚度不夠, 炸起來水份全失, 引致又硬又實, 煎雙蛋的樣子認真麻麻, 幸好還有些少漏黃, 蕃茄一片, 新鮮, 千島醬汁, 一讚.鮮茄炒滑蛋, 表面乾乾, 切開內裡一粒粒的蕃茄粒, 超乎想像以外, 有些未全熟和未攪混的蛋白和蛋黃, 這就稱為滑蛋吧??鮑魚片肉碎湯米線, 齋鮑魚片三件, 少少肉碎, 味道尚可, 米線爽滑彈口, 但味精湯水求其, 鹹!身處旺角區的一線街道, 唔好期望搵到好嘢食了.…Read More

當天約朋友吃飯，朋友說提前請我吃個生日飯，所以叫我想吃甚麼。我隨口說想吃上海菜，跟住才發現原來旺角的上海菜並不多。還好朋友是個旺角通，便帶我來了這間不起眼的上海菜館。我們叫了一個2人餐再加了2個小食，已擺滿了一桌，很豐富！2人餐包括：一個擔擔麵，一個酸辣湯，再加兩個自選菜式，我們挑選了鎮江小排骨及雞絲海蜇。擔擔麵是我朋友介紹的，味道還不錯，不是很辣，如果湯底可以再濃少少便更加好了！酸辣湯我就不太好，不過，朋友說很好味！鎮江小排骨很好吃，酸甜適中，也比較多肉吃，最怕有些地方做的排骨真的只有骨頭！！！雞絲海蜇就普普通通，海蜇好像不太新鮮～另外點的兩個小食是雪菜毛豆和麻辣拍青瓜，兩個加起來都比一個單點的菜式便宜，又可以試多些味道，明智的做法！雪菜毛豆很有上海味道，就好像我的上海親戚在家煮的那些一樣！雪菜很爽口，會忍不住一直吃。麻辣拍青瓜的麻辣汁是另上的，麻辣汁很香，不錯！！！還有一碟醬油給怕辣的朋友，照顧到大家的需要！不過，如果青瓜可以再拍爛一些就更好了，可以吸多些汁嘛！總的來說，這是一間讓我喜出望外的上海菜館呢！下次可以再來試試其他！…Read More

同老公去左旺角行街, 佢想起久違了的豬扒擔擔面, 咁就即刻再去吃過今次叫左2個擔擔面餐, 一碗擔擔面+一個小吃及一杯飲品豬扒炸得好鬆軟, d湯夠濃, 好好味, 唯一缺點係d擔擔面吸湯吸得好快, 要食快d小吃方面有雞絲粉皮, 棒棒雞, 夫妻肺片等等, 今次揀左夫妻肺片及粉皮拼白肉肺片夠入味, 唔太lum, 辣味適中粉皮煮得剛剛好, 唔會太爛, 白肉切得夠薄, 配埋d醬汁, 夠惹味最值得一讚既係老闆同伙計既禮貌都好好~ (呢樣真係好緊要, 好過好多好好食既地方, 但係d人黑口黑面既, 食完都係背脊骨落)…Read More

中午在旺角想不到食什麼好, 行過見一間招牌寫住新派上海料理便進去一試, 坐下來叫了回鍋肉客飯, 湯先來, 是蛋花肉腓湯, 正宗無味例水.:(到回鍋肉來了, 色是不鍺的. 味只有咸和小小辣, 完全不是一般回鍋肉的味兒, 最旖份是改用了猪脛肉而不是一般的腩肉而且雪櫃味都未過. 這可能就是新派上海料理, 但我接受不了.…Read More

下午5:00P.M. 店內很少人這裡除了供應一般茶餐廳的食物外, 也有小菜和上海食品, 但燒味則欠奉今日下午茶, 我們揀了一份奶醬豬仔飽跟熱奶茶HK$18, 另一份是豬扒飽跟凍咖啡HK$22+2, 再加4元配酸辣年糕來探索一下"好食"程度, 先來餐飲, 熱奶茶率先上枱, 雖然用膠杯盛戴, 但上枱時仍能保持很熱, 而且茶身夠厚, 奶下得剛好, 正合我心意, 但店方略為吝惜, 沒有裝滿一整杯子, 給客人一種小家的感覺 :(至於凍咖啡就有澳門茶餐廳的風格, 凍咖啡上面放些少的咖啡粉來增添其香味 接著來酸辣年糕, 份量正好同價錢成正比, 不足半碗, 少得可憐, 年糕更只有4-5片, 但味道卻可以接受, 至少湯底的酸味和稀杰程度又剛好,挽回不少分數:)奶醬豬仔飽接著上枱, 練奶下得不夠均勻, 一邊多一邊少, 花生醬只憑肉眼觀察, 塗上 薄薄一層, 略欠花生香味, 入口則覺其飽身不及翠華, 彈性不足, 但勝在烘得香脆, 配上練奶, 永遠係最佳配搭豬扒飽賣相不錯, 裡面夾有生菜和蕃茄, 再加上千島醬, 配上極瘦的豬扒, 味道可以, 只嫌飽身烘得不脆這小店論價錢定位與食物質數是相稱的, 但有機會還是要試一下店方的上海擔擔麵等食物, 食評食後再作報告…Read More

課堂前的速食晚餐，是這裡的「招牌燻魚麵」。麵質不錯，雪菜多，可是主角燻魚令人失望。可能是浸湯的關係，燻魚不新鮮，無味，背面更燒焦了，吃下去苦苦的。服務員不錯，剛剛過了下午茶時間，也送我一杯豆漿。雖然無豆味，不過用來解渴也好。…Read More

經過一天的折磨，差不多整晚也不能安然入睡。不過今日早已決定要到中旅社申請新的回鄉証，所以也不作更改，一切跟原定計劃進行。這店跟從前有點不太相同，特別是座位還是那麼狹窄，個子如我真的是"剛好"能入座而已......跟待應要了一份早餐後，在三份早餐中，我那份是最後才到來....還好奶茶早一點到來~各位也許不太清楚，有溫哥華是沒有"合格"的奶茶，雖然有同樣的茶葉供應商，但是味道還是兩回事，可能是清水方面的根本問題吧。這裡的奶茶口感算是香滑，厚而有奶的香味，茶味相對"薄"了一點，不過對於一個兩年來沒嚐過好奶茶的人來說，這杯中物可是十分之美味了﹗我要的炒蛋煙肉沙爹牛肉一丁，炒蛋熟透了，該死的是自己忘了要求滑蛋........煙肉是肥少肉多但煙燻味欠奉的那種，好不失望。沙爹牛肉味道正常，但不是好的出品。整碗食物仍有出色的地方，那就是煙韌度剛好的一丁麵，帶一點點硬的剛好是我喜好的那種。算是勉強拉高了整體的味道...再過一會便是跟各友好相會之時，但是行李方面仍是沒有消息，看來是凶多吉少的了.......…Read More

某日很懶惰的只想係屋企附近搵D野食，就黎左呢度食飯，其實以前曾經黎過幾次都覺得可以的，是日懶得諗就入左黎啦。大概係午飯時間點幾兩點都有唔少客人，不過我地一入到去都即刻有位坐，環境係有DD迫同嘈，不過係MK寸金尺土係咁架啦。首先叫左個上海粗炒，呢個幾乎係每次黎都會點的，因為唔會太難食~ 不過一食就知係烏冬黎既，雖然感覺怪怪，不過又唔難食的。係鹹鹹地既醬油味道，加上肉絲，椰菜，冬菇等全部切絲，都炒得幾入味，同埋感覺又唔會太油膩，所以最後都食哂。另外叫左個飯，原來我地叫蝦仁炒蛋，黎到既時候雖然D蛋炒得好好食，不過D 蝦就有少少問題... 味道怪怪地，有D酸味，應該係變左啦。同佢講佢都好樂意幫我地轉個另一樣，叫我地炒過第二樣，最後就要左比較穩陣既涼瓜牛肉。涼瓜牛肉黎到好香豆豉味，炒得唔錯的。涼瓜夠爽口而且帶甘味，一D都唔覺得苦，牛肉雖然有肉味不過略嫌好似過淋左少少喎~ 另外就係唔知點解食落有D甜口，感覺怪怪，睇黎落糖落多左？不過都唔係難食的，而且又唔係太大碟，所以最後都食哂。這裡食物水準當然同好好仲有一段好長既距離，不過佢唔算太差的，而且價錢唔係太貴，都算係咁上下啦。…Read More

尋晚旺角落雨.. 我地一行5人諗住求其搵間野食完就返屋企..老爸提議去呢間食..初時見到門口做緊十周年優惠..叫一個小菜or小菜套餐 + $1就有多樣小食..有醉雞/鎮江排骨/雞絲粉皮見到即時心諗咁抵?!不過見佢打正上海菜但茶餐廳ge裝修..心諗應該好食極有限掛..入到去.. 老爸推介豬扒擔擔面..我地好肚餓.. 叫左好多野.. 值得一讚係上菜好快..$1優惠排骨.. 預左係好細碟.. 大概有6-7舊.. 但好好味..$1雞絲粉皮.. 我覺得唔太夠花生醬.. 不過都ok!豬扒擔擔面.. 我冇食到.. 但食嗰兩位都話好.. 話唔會好漿..嫩雞煨面, 三拼冷盆.. 正常.. 不過不失.. 同出面食開ge差唔多..水煮牛"月展"+粉皮底.. 呢個好正.. 第一啖入口.. 好麻ok辣.. 呢個真係好好食!三拼湯餃.. 我食左其中一款素餃.. 呢個麻麻.. 水餃皮春卷餡..仲有個咩咸肉雜菌上湯皇帝菜.. 係嗰度阿姐推介.. 個名好長.. 唔太記得個名.. 呢個都好食!食ge期間老闆走過黎同我介紹.. 同我地傾左幾句.. 仲話請我地食甜品..其實我地本身都諗住叫架喇..結果.. 老闆請我地食桂花糕(6大舊呀)..桂花蛋散.. 我地自己加個豆沙窩餅..先食豆沙窩餅.. 個皮唔肥膩.. d豆沙好平均.. 唔會話邊邊嗰d位冇豆沙得塊皮.. 再食蛋散.. 蛋散上面有少少椰絲+糖漿.. 好脆.. d 味mix埋一齊ok!最後個桂花糕.. 其實對佢興趣唔大..心諗食左咁多甜野舊野仲邊有味丫..點知一試落口.. 桂花糕d味冇比之前d甜品蓋左.. 仲好清香.. 啖啖都係杞子龍眼肉..細問老闆之下.. 原來仲加左龍眼肉.. 好好咬感又好好味..鍾意糕點ge.. 一定要試下..老闆仲請左我地飲凍鴛鴦.. 呢杯都係佢推介之一.. 味道平均.. 唔會過甜or比咖啡搶左d味.. 正!總結.. 呢間絕對唔係行野.. 必定要試水煮牛"月展".. 好好味呀!!!!p.s. 可惜我冇影相.. 個桂花糕用料十足呀!!!…Read More

還記得2004年某天, 和男友行街, 來到旺角, 被這餐廳門口相片吸引, 於是入內, 食了豬扒擔擔面, 哇, 有好多花生粒, 湯夠濃, 好大碗, 一試難忘. 幾個月後, 有朋友由印尼來港探我, 我也帶他們來食, 他們也對酸辣湯, 擔擔面, 上海菜飯, 蛋散, 醉雞, 讚不絕口.......可是, 今日2010年, 當我與友人到此食午餐時, 我卻很失望了, 加了價也不是問題, 最重要是質素下降, 擔擔面已沒有什麼花生了, 除了辣, 就沒有其他味道, 湯也好似水一様, 面的份量也十分細碗, 連一個普通女仔都覺得不夠食. 另外也有食了豆沙窩餅, 雖然夠熱夠脆, 但有少少怪味.:(另外侍應的態度也十問九不應....這樣的質素, 如果下次再有外國的朋友來港, 我應該帶他們來嗎?我希望這餐廳的老版看到這麼多人的食評後可以改善一下, 我覺得很難得有一間上海菜館可以做得這麼平民化, 所以我真的好想再光顧的, 加油~~…Read More

係旺角行街有度好，就係行到邊食到邊今次都一樣，行到攰就搵吓有乜好野食:)我好鍾意食上海菜，咁啱俾我見到呢間新派上海菜，等我試吓有幾新派先"雞絲粉皮"...呢個菜差唔多每次食上海菜都叫，因為我鍾意食粉皮今次呢個都唔錯，粉皮都幾滑，雞絲都可以，個醬就最好，麻醬比例啱啱好，唔會覺得太漏:)"紅油炒手"...餃子裏面係豬肉同白菜，味道ok可以，但係個汁就唔多好，淡口得黎仲唔夠辣，蒜蓉太小唔夠香:("擔擔麵"...湯味道一般，太多花生醬...好漏好漏:(幸好麵質都仲可以，好一般...:("酸辣湯"...酸味唔夠...辣味唔夠，但係湯底味道還可以，料唔多...得d筍、木耳同蛋絲，唔係正宗上海酸辣湯:("栗米羮"...太過稀...無乜味好淡:(好普通...我諗開罐罐頭湯會好食得多:("上海粗炒"...味道都ok，料都幾多...有肉絲、椰菜、冬菇同白菜仔，但係好可惜唔係用正宗上海粗麵黎炒，改用烏冬麵黎炒，感覺好唔同，一d都唔覺得似上海菜:(食完覺得好麻麻，唔太正宗...又唔覺有乜野新派口味:(旺角仲有好多上海菜嘅選擇，我諗都唔會再去呢間度食lu:(…Read More

今日放假出了旺角, 便再次到這裡吃早餐, 覺得它的早餐 - 不過不失, 價錢又唔貴選擇了 A 餐 :-腸仔煎蛋 + 炸菜肉絲米粉熱奶茶 …Read More

以前我是經常食這間店子(佐敦店)，當時真是覺得以這個價錢真是好好吃、有水準:)但今日食完這一餐之後，完全徹底死心。担担麵 + 凍檸茶担担麵的麵煮得過腍，完全沒有咬口。麵的份量都算少。湯底就水太多，令到個湯味道淡，沒有担担麵湯底的香辣感覺。無一個地方可以食得人合格。Summary:算吧！不會再去。…Read More

好多年前試過一次,淨係記得入左黑名單唔會再黎今次難得同爸媽一齊食晏,老爸竟然點名要食呢間,真係滴汗 叫左兩個最普通既回鍋肉同埋鱔餬客飯回鍋肉好鞋好硬,又無乜味,鱔餬仲食得落既不過個碗飯超硬,應該係隔夜飯,完全食唔落再入黑黑黑名單…Read More