好味軒

Open Now

Now Closed

朋友介紹隱世小廚舖仔細細非常熱鬧，牆身仲有一幅壁畫，收錄咗香港好多間傳統老飯店，好有意思兩個人今次食唔得多，煎封馬友做頭盤，少少乾粉加脆咗魚皮，肉仲好嫩，飲酒非常啱！之後來個魚卜雞雜，鐵板上，保持住溫度，雞雜好新鮮，魚卜勁膠，食到我lam lam脷！結尾嚟過蒜蓉粉絲蒸勝瓜，清清地餸菜份量都幾大，佢出名嘅蒸飯留待下次

🍚出色超有鑊氣小菜館🍚位於旺角既喱間小菜，大部分食客都係叔叔😆，小菜抵食又有鑊氣，而且開到好夜，適合食宵夜、遲收工去食飯😎。蜜餞鎮江骨($93)黑醋骨係店內招牌菜，一上枱時係超熱熱到咬唔到落去😂。食落外層好酥化，但肉係實在，醬汁偏稀但足夠掛汁，醋味經過烹煮變成香氣，鍾意酸甜口必點。番茄牛肉炒蛋($98)鮮茄味好出，牛肉嫩，不過蛋少左啲，但撈飯一流！香辣炒雞($88)雞肉雖然切得細，但炸過所以保持到外面微焦但入面係嫩，整體好濃味，香辣感十足。酸菜魚($138)魚一般唔洗試🫣，食酸菜魚都係要去返川菜餐廳。

再去竟然有全新菜式仲要道道都好高質好好食先黎一道椒鹽鮑魚係外面都無見到呢道菜，所以一上枱已經哇聲四起，望落好吸睛！！一食仲驚喜，無諗過炸鮑魚係咁軟綿，又咁香口大推啊再黎就係鎮江骨本來諗住椒鹽鮑魚已經係亮點、高水準，後面既菜唔會再咁驚艷，點知一放入口，又一道大推既菜！唔講個調味有幾正，個脆皮簡直係世一，又薄又掛汁，超級驚喜～最後仲有個芝士龍蝦伊面呢到啲海鮮係高質，道道都好彈牙新鮮，呢啲無得呃，一食個種彈牙係整唔黎，再加埋個芝士汁底，第一round已經分曬整體大推，勝在料新鮮，調味好，食物又特別，唔係周圍都食到，記得買海鮮去加工啊！推

已經好耐冇寫食評超級讚一樣嘢食 雖然我冇食過但係佢其他嘢 雞煲好一般, 唔使特登叫. 豉椒炒鵝腸OK, 食得出好夠火喉 大排檔咁👍佢嘅白飯 特別要讚一讚 好過出面D餐廳 粒粒分明好有咬口 乾爽煙韌 👍糖醋骨好食到爆炸 絕對會為呢個餸而來 我係香港食咁多次糖醋骨都冇一間 稱得上非常好食👍👍👍👍👍 呢間 糖醋骨 真係 好好味😍😍😍 唔會好乾好硬 味道啱啱好 個面頭係脆脆地仲要灑上芝麻, 平時去酒店 中菜廳 食都冇整得咁好食, 推薦大家必定要試呢個我下次會嚟再試佢其他嘢, 再有好嘢食 再分享畀大家

今日同同事去咗Hilton Garden Inn附近搵食, 隨意之間入咗好味軒。我們三個人點了一個滷水燻蹄及三個小菜, 分別係白切雞, 回鍋肉及义燒炒蛋, 等候食物時廚房不時傳來火爐打氣的可可聲 ... 結果衆人都喜出望外！ 炒的餸菜什有大排檔的鑊氣風味, 白切雞肉嫩亦難得有雞味, 燻蹄不是一般白色那種而是近以滷水烹調, 十分入味, 同事都紛紛追加白飯。有午飯套餐一個小菜連湯, 白飯及飲品, 今天埋單$237, 肯定會再去幫襯！!

今日去食左個下午茶，叫左個沙嗲牛肉米線 第一次黎食，念住沙嗲牛肉都五會難食得去邊點知先食米線好冧，但都仲食得落口，再食舊沙嗲牛肉根本咬五開，再試多舊都係甘 ， 最後成碗無食走人 ，一個甘簡單既野都甘失望，簡直五會再黎，伏到一個點。。。

最鐘意港式茶廳啲鑊氣同味道，其他地方食唔到之餘，有時太耐無食會心思思😋😋😋幫人慶祝生日飯兼人多多食茶廳氣氛夠熱鬧，呢間海鮮真係勁新鮮，碟碟海鮮啲味道都惹味到不得了，份量大大碟，但太好食都清曬枱🥰🥰👍👍👍加埋呢到真係大碟夾抵食，雖然今次唔係我比唔知價錢，但之前食過一次成枱野都係700咁上下，咁既價錢真係好抵食！👍同埋好欣賞其中一幅牆畫左好懷舊好港式既壁畫，食住飯都會望下啲細節位，睇下舊香港風貌

突然想食蒸魚。見到價錢合理。就試試地方乾淨。叫了梅菜蒸鯇魚。等了數分鐘就有。即叫即蒸，鯇魚都大。配上梅菜。先試上魚。都新鮮喎。蒸魚肉時間剛剛好。梅菜味甜甜。再加上豉油簡直一碗白飯食清。可包一杯飲品都係47蚊。可以再試