Yummy Yummy Seafood Hotpot Restaurant (Closed)

服務員態度有禮，好笑容，有部份仲幾後生，有活力如果揀雞煲，鴨煲，仲可以係自助區加雞同鴨對比同場其他樓層既邊爐優勝，CP值高，新張期內仲有一人一隻鮑魚送，煮熟都唔會勁縮水果種，彈牙同鮮味。其他材料亦新鮮，特別要提下店內供應既兩款牛(任食) 美國安格斯同手切肥牛，美國安格斯咬落有濃濃既牛香，口感滑，手切肥牛亦唔失禮，油花均勻，唔會太滯，確實唔錯其他選擇雖然唔算多，例如海蝦，鱔片，鵝腸，花膠，象蛂蚌等等口感都算新鮮，呢個價錢黎講幾高質，絕對值得一試好食過同大廈最頂層好多人等，間間分店都爆既個間…Read More

打邊爐最緊要係個爐😂但對於阿佬來説，有無限啤酒同＂脆肉鯇魚腩＂先係最緊要！今晚兩個人，佢就帶咗我嚟這間佐敦的海鮮火鍋店。放工過嚟七點多，到火鍋店後，人流未至爆棚，但真的是男士們一大枱一大枱的較多，老豆心得，多數係唔花巧，抵食之選。百零蚊任飲任食的火鍋不代表無選擇。呢度ge湯底已經有10款，啤酒鴨、椰子鷄丶酸菜魚，但辣妹辣哥的我倆，梗係揀四川麻辣鍋！開始之先，已點了任食的牛肉二款，安格斯牛同手切肥牛，脆肉脆魚腩當同帆立貝。我哋無點丸同蔬菜，係因為除左可以係剔剔紙度揀，佢哋佢有自助火鍋生料雪櫃，丸呀菜呀麵呀都整整齊齊排好，有得自己走去睇邊樣樣靚新鮮就攞邊樣，而且呢度仲有4有排飲品櫃，我飲完兩罐啤酒再飲冬瓜茶(罐裝），真係唔會熱氣。之後再encore 幾輪肉，點埋水餃、水魷，再去埋雪糕櫃攞雪糕，捧住個肚腩走。總結：有時俾D佬帶吓路都有意外收獲…Read More

約左火鍋控朋友dinner,小資族揀任食是常識吧。訂左8:15，由於太旺場，等左一陣先入得，不過門口有櫈，有得坐住等都OK...入座後拿拿林揀好湯底同野食就行去自助醬料吧拎醬料，同攞野飲，醬料同飲品都多選擇尼到嘅蔬菜類面類丸類都係自己出去涷櫃夾，食幾多拎幾多，唔洗下下落單我，等餐懞，唔錯。職員都會就不時幫我地加湯，肥牛以仼食黎講質素唔錯，軟滑略帶小小牛味，encore左幾round都無漏單，抵讚。…Read More

天氣繼續熱辣辣，但都無阻我地去打邊爐嘅心，開大個冷氣，好似打獵咁，睇見食物浮上水面就即刻撈起，沾下醬，吹一吹再擺入口，爽呀！今日黎咗莊士倫敦廣場嘅好味煌，上咗扶手電梯後要再搭lift先上到去，記住搭要行上樓梯嗰部喎，我就係因為搭錯而搭咗兩次……店面非常光鮮新淨，應該開咗無幾耐，有卡位同圓枱，近窗位置望到街景，視野唔錯，佢地提供嘅湯底選擇亦非常多，市面比較少見，但因為兩人食只可擇一款，所以我地就揀咗清少少嘅泰國椰子雞鍋，湯底幾清香但味道唔算濃。呢到食物分為寫單同自己出去攞嘅，肉品肥肉唔多，食落唔油膩，肉味亦幾好，魚肉片都幾新鮮，比較特別少少嘅係，佢地價錢唔算貴，但居然有象拔蚌片，花膠同海蝦任食，性價比算高。飲品方面同外面嘅比, 大同小異，雪櫃夠凍，呢樣好重要，尤其係夏天打邊爐時，食一啖熱嘅食物，飲返啖凍野最正。…Read More

難得與媽媽行街shopping，晩餐梗係要食我們母女都至愛嘅火鍋，最近喺網上睇到彌敦道有間火鍋店「好味煌海鮮火鍋專門店」2個半小時HKD158/1位任飲任食咁價錢十分抵食。坐電梯上8樓一打開門已經見到大大個招牌,門外看都坐滿了好多人，非常非常幸運唔使等可即時入座。入內裝修好簡單就如一般嘅火鍋店，右邊則是落地玻璃，地方好寬鬆和乾淨。一坐下服務員好親切地講解細節。食物分為落單紙和自取兩部份，落單紙食物好多選擇。湯底已有10多款，兩個人只可以提供一款湯底，只要加多HKD18就可以選擇兩款湯底，最後選擇了麻辣鍋和酸菜鍋。牛肉有手切肥牛同安格斯牛肉，兩款牛手切肥牛較為好食輕輕一煮就食得牛味香濃，還有脆鯇魚、蜂巢豆腐、蝦、鰻魚片、鵝腸、響鈴、花膠...等等咁嘅價錢好多選擇真的好值得食自取部分都有40幾款食物包括有多款蔬菜類、牛丸，貢丸，魚片頭、魚蛋、冬菇、蕃茄、黑木耳、芋頭、蘿蔔、豬肉、雞肉、豬肚等等…Read More

今晚老公話好想打邊爐，所以上Opencie 睇下有邊間可以選擇，見到呢間新開，所以就決定去試下我地6點去到，未算有太多人，不過個好大！到左7點左右個場已經坐滿8成，走個時仲見到有人排隊。我地叫左重慶雞煲，份量還算可以，有好多香料！食落去好惹味種類都多，岀面仲有個櫃可以拎來食，主要係蔬菜類，丸類，仲有少少肉類飲品就係基本野，不過我飲來飲去都係個幾種，所以都滿足到我呢個安格斯肥牛有驚喜，好好食！而且好少打邊爐任食有呢個質素的肥牛食，我地2個人叫左4碟，放棄叫普通手切肥牛係樓下拎左張宣傳單張，有張紙仔話有鮑魚送，上到台時極生猛，好味新鮮魚雲，食落去唔腥牛肉同滑雞柳，老公最愛香煎倉魚件，我覺得骨有點多咩都叫少少食下，好滿足仲有雪糕食…Read More

今日同朋友打邊爐興祝birthday, 7時入座，2個半鐘任食火鍋，$158+10%，價錢真的好抵，入座後，火鍋料選擇唔多，只得20款左右，我們點了番茄薯仔湯湯底，湯底來到之後，等了半小時都未有火鍋料，侍應叫我們出去自助櫃攞住野食先，等了又等，再催促侍應，他叫我們再點過，廚房唔見左張單，簡直太離譜了吧，我們唯有再重新落單，落左5次單都沒有來牛肉，豬肉, 白鱔片，豆腐，響鈴等等，經過多番催促，9點先把漏單的食物送來，接著就叫我們結帳，食物遲送來，未夠鐘就要我們埋單先，門口根本沒有人等位，還催促我們交枱!!!服務質素完全差，食物質素完全不合格~花膠似漂白橡膠，牛肉豬肉雪到似硬繃繃，手打三寶丸一毫子咁細粒兼唔新鮮，蔬菜又黃又無菜味，豆腐又酸酸地，象拔蚌似橡筋，蝦又唔新鮮發黑的，真的一分錢一分貨，完全失望! 沒有下次! …Read More

在香港，永遠食不厭的打邊爐，周不時都會有朋友邀約。今天呢間酒樓位於莊士倫敦廣場嘅八樓，地方極之寬敞，冷氣好足够，吃完都不會出一身臭汗，好好啊。可選擇的湯底唔少，啤酒炆鴨煲好似新奇啲，唔係太多地方提供，就揀呢個喇首先將D鴨塊炒到好香，加埋啤酒，香氣十足，未吃入口已覺吸引，每人吃咗幾件香噴噴嘅鴨塊後，先至叫店員加湯。由於任食任飲，因此都叫咗唔少嘢, 有手切肥牛，脆鲩魚片，鮮生魚片，象拔蚌，生猛海蝦，顺德鯪魚條，鵝腸，豬紅，花膠……全部新鮮好味，啖啖湯，啖啖肉，啖啖好滋味。除咗點菜單之外，亦有自取的青菜，豆腐，丸類，瓜類食物，粉，麵，烏冬，一句話，抵食，在熱鬧的尖咀。…Read More

第一次黎莊士倫敦廣場搵食 好多野食揀左8/f 嘅好味煌 一出升降機就聞到椰子香$138任飲任食2.5小時 真係超級便宜.泰國椰子雞鍋🥥免費見好多枱都叫了這個 好熱門啊果然好重椰子香 呈奶白色的 好吸引店員另外推介鮮茄薯仔豬骨鍋🍅可以試下.同一般平價火鍋唔同 火鍋料選擇較多真係好易回到本 仲要冇限幾多碟(不要浪費食物)👇🏻個人推薦食物有👇🏻肉類: 手切肥牛 安格斯牛 西班牙豚肉 羊肉片 豬頸肉🔹啲紋都幾靚 肥瘦比例不錯 重點是份量很多基本上每款一份已經夠飽了 不過羊肉羶味幾濃如果怕羶的話就不要叫啦😹打邊爐一定要芫茜yeah.海鮮: 象拔蚌片 海蝦 鮮生魚片 新鮮魚雲🔹有啲驚會食窮佢 encore左幾次一般火鍋店都只有魷魚 魚片等是免費但好味煌連象拔蚌 海蝦都係 良心店鋪啊！比較少見的魚雲都有得食 好滑好新鮮.丸類: 紫菜鯪魚滑 三寶丸 松露丸 鮮蝦雲吞 韭菜豬肉餃🔹除左冰箱自取的丸類蔬菜 仲有自家製的雲吞水餃都包得好大粒好足料 手打丸類同魚滑夠創新當中三寶丸係指墨魚 豬肉 鯪魚 細細粒好得意.飲料區就同一般的火鍋店大同小異都係汽水 啤酒 忌廉溝鮮奶 茶類等其實仲有雀巢雪糕 就係飲料區旁邊完左2.5小時都唔會即刻趕人走 氣氛幾好🤣一般都食1.5-2小時就飽 投哂降…Read More

窮遊香港-任食打邊佬$138起👍🏻即刻like @hkfunfoodrecord 同follow先啦.呢間打邊佬都幾抵食先講價錢5至7點半/9點後$138其他時間$158基本上要有既都應有盡有任食海鮮選擇都多但冇左芋絲但最最最爽既係 有機會2人坐6人台（可以睇睇圖先）.呢到湯底選擇真係好多（可睇餐牌）咁呢日唔想食咁重口味想清d所以問下姐姐推介最後選擇咗⭐️酸菜魚真係落左好多酸菜 加煎香左嘅魚.但呢個煮法係酸菜豬肚果隻酸菜唔係重酸重辣果隻 比較清淡得閒清下都ok既.⭐️配料方面 係出面自己拎肉料海鮮 就寫紙叫姐姐落單手切肥牛 呢個係黃盒果隻 重肉味 肉感口感唔錯美國安格斯牛 呢個先係肥牛（減肥呀 唔食咁多肥牛）.仲有花膠粒 海鮮大大粒帆立貝（不過上台果時冰封住）脆鯇魚 魚雲 鮮蝦等等.👍🏻野飲數量都足夠👎🏻但甜品只有雀巢雪糕.是日20:00全場大概8成人小既主動叫佢安排6人位應該都ok既人多就唔當然唔得啦整體唔貴 而且野食多黎狂點肥牛 海鮮都唔錯既.#好味煌海鮮火鍋專門店 (佐敦)地址：佐敦彌敦道219號莊士倫敦廣場8樓.⭐️評分：味道：3.8/5環境：5/5 環境新淨 2人坐6人位呀服務：3.8/5抵食：4/5…Read More

今日放左工同屋企人去食🍲「好味煌」火鍋😋 店內任飲任食2️⃣.5️⃣小時💲158 🔸（9:00後入座$138）🔸 ====—====—====—====—店內提供醬油區供客人DIY醬料 首先選湯底，店內提供多款湯底如清湯、麻辣、胡椒豬肚雞等湯底選擇！ 🍲免費湯底 1️⃣0️⃣選1️⃣（2-6位）🇹🇭泰國椰子雞鍋🥥🐥 我選了椰子雞鍋，甫進店時，已聞到香噴噴的椰子雞味道。鍋內除了椰子肉外，還有紅蘿蔔、雞件。 火鍋紙跟一般火鍋店大同小異，食物款式眾多，還細心地將每款食物分開上枱，精緻可觀，相當衛生，以任食的質素來說，整體也算是新鮮不錯的！ 🐄🐷任食多款火鍋配料🐟🐥 🥩肉類：🐮手切肥牛🐄美國安格斯牛🐮五香牛筋粒🐄滑牛肉🐑羊肉片🐖豬頸肉柳🐷西班牙白豚肉🐥滑雞柳 海鮮類：🌸滋補花膠🦐生猛海蝦🐠脆鯇魚腩🐟脆鯇魚片🐡新鮮魚雲🐠鮮生魚片🐟鮮白鱔片🐚帆立貝🦑水魷魚 🐥雞公子🥠豆腐🐷豬紅🐟炸魚皮🌯炸響鈴卷 🍢丸類：🍡三寶丸🍄黑松露墨魚丸🐟紫菜鯪魚滑 🐄牛骨髓🐮牛柏葉🦆鵝腸 🥟餃類：🦐鮮蝦雲吞🐖韭菜豬肉餃🐟魚皮餃 🥬蔬菜、🍜粉麵類： 店內的雪櫃放滿了各式各樣蔬菜、粉麵類、及丸類供客人自取，擺放有條理，乾淨又衛生！ 🍹飲品 雪櫃內有各式各樣的飲品都是免費任飲的，梗有一款岩你！ 甜品吃完火鍋後還有雪糕給你作飯後甜品！ ====—====—====—====—…Read More

個人揀選自助火煱店 首選價錢唔搶錢好多店家 巧立名目 埋單先知中伏……時間要足夠 食物多樣化多選擇 …… 最重要都係 食材要新鮮 & 乾淨"好味煌" 前身"好一煱" 食過幾次都價錢一樣優惠 2.5小時 夠滿足早段 7:30pm前埋單 $138+10% =$152新開張 送 鮮活鮑魚 埋咗單至記得男經理仲話 樓下派coupon 至有得送但明明訂枱時 問咗服務員係有嘅……反正都食唔到算數啦 忘記他而家改咗冇午市 5點開門 ……時間常轉… 出發前電話先確認環境擺枱冇大變 招呼就各有差異 女侍應/樓面勤快有禮 收碟快男經理x2 都有做嘢嘅 但冇咁寛容5:30pm到只有幾枱客 食物紙選擇少咗牛肉靚 羊肉騷味重 其他食材都鮮響鈴 每次只出兩件 唔脆口皮旦芫茜湯 ~ 湯底太濃咸魚頭腥 手打3宝丸肉鬆唔彈冇咬口 第1次有漏單 追番都有補足咁橋漏咗啲較貴嘅… 虾 鱔片 雞仔 響鈴冇帆立貝 冇是日海鮮 冇蜆炸魚皮~ 細塊 講真唔使畀咁多 食唔晒就嘥豐富食物 滿足眼球……出面多咗個雪櫃 自己攞菜 新鮮靚冬菇 涼瓜 冬瓜 生菜 絲瓜 油麥菜 西洋菜支竹 豆卜 鵪鶉蛋雞件 鴨肉件 腸仔 午餐肉 麵 烏冬……醬料自選 : 芫荽蔥 沙茶醬 金銀蒜 天椒👇 魔鬼在細節 要改善嘅……載菜嘅筲箕油淋淋 仲黐住隔夜嘅菜屑碗筷都係 建議用熱水洗洗先用………Read More

莊士倫敦廣場成棟都係餐廳，今日約咗成班姊妹出嚟聚舊，順便講吓啲男人壞話。但食飯傾計就最怕傾傾吓俾人趕走，今日去到好味煌海鮮火鍋專門店，2個半鐘任飲任食打邊爐就啱晒啦！而好味煌海鮮火鍋專門店以價錢實惠取勝，十分抵食。鮮茄薯仔豬骨鍋湯底有成10款選擇，呢度主打係啤酒鴨煲，不過，有姊妹對酒敏感，所以我哋就叫咗鮮茄薯仔豬骨鍋，湯底充滿濃濃嘅蕃茄味，酸酸甜甜夠晒惹味！湯底仲有好多排骨，同埋夠晒入味嘅薯仔添。食物分為order紙同自取兩部份，食物款式超過50款，好豐富！牛肉牛肉有手切肥牛同安格斯牛肉，輕輕一煮就食得，以放題嚟講，質素都唔錯，牛味香濃，值得encore。除咗牛肉，仲有豚肉、雞肉、豬頸肉、鮮蝦等等。加上新店開張，店員嘅服務質素都唔錯！總結嚟講，好味煌海鮮火鍋專門店以價錢實惠取勝，夠晒抵食。…Read More

任食火鍋，無論大家鐘意食什麼都可以揀到自己喜歡的食物。有時大家口味不同，任食火鍋就可以做到人人開心。本身係佐敦站出了之後，去到莊士敦廣場，食肆林立，最後去了這間新開的店。一行幾人，價錢平，但發現款式出奇地多。首先選擇湯底，有重慶雞煲，成10款選擇，最後我地揀左泰國椰子湯底。湯底濃濃椰子味，一邊煲一邊都聞到，飲左一啖，真係足料椰子湯底。火鍋配料超級多，除了紙上的配料，還有火鍋自助配料區，可自己揀想食既野。蝦，丸類，菜，固然多，但連花膠，魚雲，魚腩，炸魚皮，帆立貝都是任食就比較少見。飲品都是任飲，選擇多，普通汽水，連台灣冬瓜茶，薑菜，忌廉鮮奶都有。等左一陣，終於上菜。超驚喜，每一樣料都好新鮮。牛肉，手切肥牛，安格斯肥牛，其實睇色水，就知道貨色如何，鮮紅不是祖紅，牛肉肥瘦分明。另外，豚肉亦是新鮮，大大一塊。另外，牛柏葉爽口，蝦亦超級大隻，本來冇諗過咁大隻，而且新鮮。蝦一向快熟，岩曬我心急食的人。魚片，薄薄一片，爽口。而且有帆立貝要等到推介黑色墨丸，這個是在自助配料區自己拎的 ，超好食。一般墨丸都是白色，佢有墨汁之餘，仲有墨魚粒，本身都是打算試試，估不到咁好食，結果食了好多粒。新開張，每位送鮑魚，鮑魚超新鮮，爽口彈牙，好大隻，厚身。睇得出餐廳都想客人再多多惠顧，介紹朋友黎，打好口碑。欣賞餐廳幾樣野1 每一次出食材速度都好快，完全是即叫即到，又冇漏單。2自助火鍋區又可以在等侯食材期間，自己揀野食。3 價錢平，但食材質素高。4 種類超多，不論是飲品還是食材。5 乾淨，自助調味區還是火鍋配料區，都好乾淨。6 沒有醬料費，一口價。…Read More

糧尾又想暴飲暴食，見到呢間新開嘅火鍋店做近優惠，晚市任食邊爐都係百幾蚊，就特登過海食。730嚟到人都幾多，要等位，如果想食最好book定先。餐廳新裝修，環境比我想像中乾淨。我同朋友得2個人，叫左個椰子雞鍋。之前喺深圳食過椰子雞，係椰青水為主，宜呢道嘅椰子雞鍋就椰漿味比較重，椰味香啲，各有各好食。雞鍋入面嘅雞份量都唔少，亦見到有一件件椰子喺入面，幾足料。任食火鍋可以選擇嘅野食都唔少，特別推介肉類。呢道嘅肉幾高質，因為我同朋友都唔食牛，叫左豬，雞同羊肉。其中羊肉嘅重味重，但唔騷，值得叫嚟食。餐廳仲有自助火鍋生料，可以自己出去夾嚟食。蓮藕，苦瓜同粟米都值得夾。飲品都係任飲，啤酒任飲好邪惡，特別推介橙汁，感覺健康啲，又幾好飲。每人158食2個半鐘真心抵到爛，前提係啲肉同菜都幾新鮮，宜家好難做到呢個價，算係良心店。…Read More