35
0
0
Address
G/F, Fook On Building, 67 Yuen Long On Ning Road, Yuen Long 元朗元朗安寧路67號福安樓地舖
3-min walk from Exit D, Long Ping MTR Station continue reading
Telephone
67443331
Payment Methods
AlipayHK Alipay Cash Octopus WeChat Pay
Update Restaurant Info
Business Zone - OpenRice Biz
Above information is for reference only. Please check details with the restaurant.
Photos
Menu
Recommended Dishes
Review (38)
新分店闊落 坐得又舒服 味道不變🫰🏻
Level4 2025-04-13
223 views
好到底水餃雲吞麵今次要介紹一間喺元朗安寧路有一間麵店叫「好到底水餃雲吞麵」，我知道阜財街都有一間「好到底」，呢間新店大少少，坐得好舒服，呢間係佢哋家族第三代老闆開設，承傳爺爺年代配方，味道不變，一樣有自己嘅工場製麵，用心經營，繼續承傳！呢間麵店門口係有一級，輪椅人士要入去食嘅話，就要自備斜板，入到去左右兩邊係卡位，中間有幾張拼埋一齊嘅長枱，店員完全唔介意我輪椅大部，仲話我坐到就得啦，所以係非常歡迎輪椅人士入去食！1.牛腩麵（河粉）$47+凍奶茶$10（10/10）呢碗牛腩河粉入面有2大條牛腩同2大條牛筋，牛腩咬落非常軟淋，牛筋食落好似入口即溶咁淋，勁多骨膠原，河粉好滑，份量又多。只要叫任何一碗麵加$10就可以飲到餐牌上嘅飲品，我揀咗凍奶茶，凍奶茶非常香滑！2.雲吞麵（幼麵）$38+凍鴛鴦$10（9.5/10）呢配雲吞麵個麵底揀咗幼麵，幼麵無鹼水味，雲吞一共有5粒，每粒雲吞都好似乒乓波咁大，入面有好爽口嘅蝦仁同滿滿嘅豬肉，雲吞外皮超滑，真係超正。只要叫任何一碗麵加$10就可以飲到餐牌上嘅飲品，我揀咗凍鴛鴦，呢杯凍鴛鴦比較偏酸少少！3.炸鯪魚球（4粒）$44（9.5/10）呢碟炸鯪魚球一共有4大粒，每一粒鯪魚球都大過乒乓波，咬落小心有少少骨，旁邊仲有蜆芥醬同泰式甜辣醬比你點嚟食，個人鍾意點泰式甜辣醬嚟食！4.細淨水餃$39（10/10）呢碗細淨水餃一共有4舊水餃，每一舊水餃入面有蝦仁、豬肉、木耳絲同冬菇絲，水餃外皮都係好薄，唔係平時出面水餃皮，食落水餃口感好豐富，入面餡料實在太多，太正啦！5.蠔油生菜$22（10/10）呢碟蠔油生菜叫咗少蠔油，生菜好新鮮，咬落有爽脆聲，蠔油係放落生菜側邊，唔似其他餐廳係倒落生菜上面，放落生菜側邊嘅好處就係想點幾多蠔油都得，好細心！2人總共價錢$210個人口味總評分：9.8/10     @hototainoodles @taichan.com.hk 地址：元朗安寧路67號福安樓地舖Please follow me🙆‍♂️ @wheelchaireatinhongkong 如果鍾意我嘅分享，麻煩請follow我，仲有記得Like同Share！🙏🏻🙇🏻‍♂️#好到底水餃雲吞麵 #水餃麵 #雲吞麵 #牛腩麵 #香港美食 #元朗美食 #元朗好去處 #hkig #hkboy #hkkol #hkfoodie #hkfoodblogger #hkfoodpic #hkfoods #hkfoodshare #dessert #hkdessertshop #food #hkfoodstagram #hkfoodpic #hkigfood #foodiehk #yummy #delicious #foodie #hkfoodieblogger #hkfoodies #wheelchaireatinhongkong continue reading
(The above review is the personal opinion of a user which does not represent OpenRice's point of view.)
  • Recommend
    Recommended
  • Report
元朗⭐️ 食出香港懷舊好味道
Level4 2025-02-18
755 views
元朗「好到底」一向出名，反覆試過元朗阜財街店同呢間位於安寧路”好到底水餃雲吞麵”，可以肯定安寧路新店比較好，真心覺得無論麵底、雲吞，尤其湯底，都好食好多✨新店由好到底家族第三代老闆開設，承傳爺爺年代配方，承傳不變老味道，一樣有自己嘅工場製麵。而家要食到好味嘅雲吞麵真係唔易，非物質文化係要保留💪🏻地方乾淨企理，設有卡位，員工勤快招呼有禮☄️蝦子撈麵蝦子份量大方不吝嗇，鹹鹹香香，撈麵食真係好夾😋撈麵麵份量比雲吞麵稍多☄️水餃麵幼麵咬落去彈牙有嚼勁，無任何梘水味，幫襯幾次都keep到水準👏🏻個湯底係精粹，清澈見底，食完唔會覺得口渴，平時食麵唔飲湯嘅我都飲晒碗湯，因為真係好鮮甜😋水餃用燕皮，同一般嘅水餃皮唔同，口感滑中帶脆，好食，必叫🔥☄️淨雲吞如果一碗麵唔夠食，可以叫多碗淨雲吞或水餃。雲吞同水餃一樣都好足料，雲吞皮薄而滑溜，蝦肉爽彈，豬肉鮮甜，蝦同肉嘅比例啱啱好☄️炸雲吞脆口，內餡飽滿，炸物但無滴油👍🏻☄️炸鯪魚球外皮香脆，魚肉新鮮而且super彈牙，無腥味，大粒到好似乒乓波咁，配蜆蚧醬鹹香味出哂嚟正！💥蝦子蘿蔔蘿蔔清甜無渣，好多蝦子😍✴️餐牌 continue reading
(The above review is the personal opinion of a user which does not represent OpenRice's point of view.)
  • Recommend
    Recommended
  • Report
新店升級味道不變
Level4 2025-01-21
826 views
元朗老字號好到底開左新店，近朗屏西鐵站，地店幾方便，店內設有卡座，比舊店好坐喎。餐牌主打三款野～雲吞、水餃同牛腩，同朋友都揀左雙併，一次試多幾樣嘛。⭐水餃牛腩麵自己揀左湯麵，湯頭幾鮮甜，麵爽口無鹼水味，正喎🤤水餃有豬肉、木耳絲同鮮蝦等，鮮味爽甜。牛腩炆得軟腍，入口無渣。好味喎，成碗食晒湯都飲埋。⭐雲吞水餃撈麵朋友就揀左撈麵，雲吞皮勁滑，蝦肉彈牙，正。個人覺得雲吞同水餃都好好食，難分勝負😎⭐蠔油生菜翠綠清爽，點下蠔油都不知幾正。⭐炸雲吞拼炸鯪魚球寫係黑板的炸物小食，自己都無留意，係朋友見到話想試，又怕食唔晒就要雙併，兩樣都試下嘛。炸雲吞同湯雲吞味道一樣，但炸起上嚟皮更香脆。炸鯪魚球非常彈牙，放耐左都無回縮，大大球正呀，仲有鹹鮮嘅蜆芥醬，無得彈🤤⭐凍奶茶 & ⭐凍檸茶新店有水吧，叫返杯奶茶同檸茶先，走甜版～味道正，食完無口渴，真材實料嘅好店👍 continue reading
(The above review is the personal opinion of a user which does not represent OpenRice's point of view.)
  • Recommend
    Recommended
  • Report
安寧路呢間先係真‧「好到底」大佬
Level4 2025-06-20
0 views
🚨 街坊急報！安寧路呢間先係真‧「好到底」大佬唔講唔知！原來元朗有兩間「好到底」，今次試嘅安寧路分店先係隱世王者——唔止份量多，阿姐笑容仲甜過蔗水！仲未坐低已經WARM到心坎😭🥢 鎮店三寶｜平靚正鐵三角► 淨水餃 $50一上枱嚇親！大隻水餃霸氣浸滿碗，皮薄到透出粉紅蝦肉影，咬落「啪」聲爆出爽蝦+冬菇絲+木耳碎，湯底大地魚香超濃，$50呢個質素拍得住酒樓！► 牛腩蘿蔔 $36腩肉份量多過連鎖店一倍！坑腩部位連半透明筋膜，炆到啱啱好，蘿蔔冇根仲吸盡腩汁精華。► 生菜鯪魚肉 $35鯪魚球咬落魚肉彈牙仲有陳皮絲吊味！底墊生菜索咗魚油香🍜 隱藏彩蛋｜撈麵黨必搶牛腩撈麵 $59 撈勻秘製濃湯黏住每條麵，上面堆滿大大件既牛腩！溫馨提示：「食到一半倒碗湯落去，變湯麵第二食法啊！」🌟 其他驚喜位► 淨雲吞 $38：雲吞皮滑過絲襪，蝦肉爽到彈牙，超級推介，份量仲好多添呀！► 蠔油生菜 $22：菜心嫩到冇渣，蠔油另外分開，控制鹹度自己話事～► 凍咖啡 $10：茶記靈魂！，咖啡煉奶比例完美，飲到尾都唔淡！✅ $10熱豆漿好有紅棗味一飲就知真材實料又新鮮，飲到尾都暖笠笠💡 人情味無價埋單 $260 食到捧住肚走，最感動係：✅ 隔籬枱婆婆食得慢，夠鐘收鋪都冇催📍 溫馨提示：記住係「安寧路分店」，阜財街嗰間唔同班底！ continue reading
(The above review is the personal opinion of a user which does not represent OpenRice's point of view.)
  • Recommend
    Recommended
  • Report
蝦子撈麵同雲吞冇得輸！
Level4 2025-06-10
139 views
今晚加班後，自己食自己，就試下新開無耐嘅呢間喺安寧路嘅好到底水餃雲吞麵，因為好想食好耐冇食嘅蝦子撈麵！最後入到嚟坐低叫咗：🦐🦐🍜🍜 蝦子撈麵 $66嘩，一上枱好大碟，成碟麵都係鋪滿蝦子，完全毫不吝嗇！一睇就知麵夠晒乾身，啲麵黐滿曬蝦子，入口每啖都充滿濃濃鮮蝦子香，麵爽口又彈牙，簡直停唔到口！加埋蔥花提鮮，層次升級，真係老饕至愛！🦐🦐🥟🥟 細淨雲吞（5粒） $27雲吞皮薄都算滑溜，一啖咬落去能食出鮮味，蝦仁爽口、豬肉無豬肉騷味，湯頭明顯有大地魚嘅香味，每一啖都暖胃又好食，有啲後悔嗌咗細碗。。。下次要嗌大碗食多d先夠皮！🥬🥬 蠔油生菜 $22 (改咗腩汁） 生菜爽脆得嚟仲掛滿腩汁，輕輕一咬就食到濃郁肉香，清一清蝦子味，絕配也！🍋🥤熱檸水 最後嚟杯熱檸水，微酸微甜，要讚一下熱檸水好大杯，食完呢餐真係覺得人生圓滿咗！整體嚟講，呢餐冇得輸，每樣都好有水準，夠哂令人回味無窮！如果你都鍾意呢啲傳統風味，又唔使去澳門先食到，就可以喺元朗試試！😋😋😋 continue reading
(The above review is the personal opinion of a user which does not represent OpenRice's point of view.)
  • Recommend
    Recommended
  • Report
Show All 38 Reviews
You may be interested in