奇趣燒鵝大王 (弼街)

Open Now

Now Closed

我们在香港的第一顿晚餐，很失望！店面小，有至少四位客服，我们还没拿定主意吃什么，客服就很不客气说她很忙🤦🏼‍♀️问题是，整间点客满，客人都在吃着食物，她都没其他客人，就很不客气说她忙。食物一般般，可以在其他店吃到的食物，不会光顾第二次了！

是咁的 話說心血來潮想食燒鵝見佢咁有信心叫自己做「燒鵝大皇」即管行入去試吓！咁就遇到我一生人最差嘅燒鴨實在太幸運！👍🏻坐低即刻叫咗個價值$62既燒鵝飯屋企人就叫咗個鹹蛋蒸肉餅唔使3分鐘，燒鵝飯就嚟到，一夾起舊鵝，真係嚇死人，嗰塊「皮」連「肉」連埋「骨」我肯定唔超過3mm, $5硬幣都厚過佢一嚿半嚿我都算，夾埋隔離嗰兩舊睇睇新年流流真係想X出聲！我諗隻鵝應該係非洲過嚟，佢唔單只係冇肉下年肥膏都冇，其實都幾可憐🥺跟住我就叫姐姐過嚟，忍住怒氣咁問：我：靚女，點解咁樣嘅？皮包骨喎點食？姐姐：噢..呢個…呢個呢咁樣…（佢擰轉個頭望一望師傅嗰邊…之後行開咗）Omg….😱😱😱真係估佢唔到我正準備開火嘅時候，屋企人控制住我，新年流流叫我唔好，好！👌🏻我忍！隔咗大約15分鐘，個「鵝皮飯」都食完，鹹蛋蒸肉餅飯仲未到姐姐話：即叫即蒸㗎所以冇咁快，要半個鐘！我喝左句：咁落單時你唔同我講？屋企人見我就快要爆嘅時候，即刻嗌埋單，個蒸肉餅飯就轉外賣，臨走嘅時候，個姐姐仲好有勇氣咁問我攞一蚊膠袋錢，我就反問佢，咁嗰幾舊冇肉嘅燒鵝，你係咪退返幾蚊俾我？佢就話：唔好意思…咁由佢啦！成件事真係好神奇！呢間嘢實在太美妙！😊

見肚餓 又想食燒鵝 咁岩行到果度就入咗去 悲劇開始啦即刻叫咗個燒鵝飯 6×蚊 興致勃勃 萬分期待 終於等到個飯黎 見到成隻髀 好開心 哇....咗出黎 用雙筷子🥢夾起一舊 我心諗 依...無肉得塊皮嘅？！跟住夾第二舊 第三舊 第四舊 ...全部都係皮同骨 即刻笑唔出 x咗出黎 跟住直頭想喊添..成碟得3舊手指咁大嘅肉 ..食咗幾啖豉油撈飯 頂唔住啦 即刻走咗去深水埗燒鵝大王 食完成個人開心返曬！千奇唔好幫襯呀！如果唔係你一定後悔！畢生難忘！

四寶飯 份量係正常咸蛋，燒肉，紅腸，貴妃雞，菜一條，配菜：甜酸菜 食左一啖 吐返出黎。奇怪味道燒肉係熟 但又凍又硬又紅腸食第二舊已經唔想食，點解連紅腸都可以咁難食架貴妃雞 又乾鞋口，食第二舊都唔想再食呢個價錢又俾啲垃圾咸蛋正常操作都偏難食街市燒味飯仲好食過呢間食緊啲乜 ,食左1/4 停對面兩餸飯仲好食過呢間50幾蚊食左啲垃圾真係好難食 . 大家唔好中伏呀姐幾熱情都好，都叫有服務但啲野真係比一般茶記更難食唔會有下一次

今日行旺角…見到佢掛起左啲燒鵝….好靚好吸引！開開心心咁打算買返屋企今晚做餸！買咗下庄返屋企，點知@@一打開個盒😡😡😡見到佢份下庄！好細份，好似冇咗1/3,冇左胸嗰度，同埋癡住個脾嗰個身，下庒意思應該係全個下半身！點知冇咗🤬🤬🤬佢地真係打斧頭打得好勁！d肉又多肥膏，但係又冇肉！咁嘅鋪頭以後真係唔會再幫襯🤬🤬🤬！仲要$148!仲衰過樓下同屋邨街市！仲要係唔好食🤮本來諗住入院前食返夠先😢點知完全覺得自己中伏！開心變得好失落！又驚返到屋企比老公話自己俾人呃…嗰種心情真係好失望失落！🤬🤬🤬🤬🤬🤬真心唔會再幫襯😡😡😡

到下午茶抵食時間，剛好2:00pm 無乜人，地方淺窄，得五張枱，衛生一般，沒有抹乾淨枱🤢叫咗叉燒腩仔瀨粉，送熱飲$32！燒腩仔脆皮，肉質鬆軟，唔係太咸，幾好叉燒難食，看似半肥瘦，但食落咬唔開，無肥肉位，全是肉+筋。叉燒燒腩仔瀨粉+熱飲 $32賣相可以，燒腩仔可以，叉燒完全唔得。除咗燒味，仲有手撕雞飯。每日不同靚湯平時的食物價格。整體來說，坐得不是很舒服，位置太窄，以下午茶價錢還可以僅僅接受，食物方面比叉燒拉低哂分數。

試左燒鵝叉燒賴粉同埋四寶飯，個粉ok…但係啲燒味係有進步嘅空間。例如：明明已經叫咗肥叉燒，但係佢比的都係勁瘦，個人唔鍾意食太瘦的叉燒，因為這樣肉質會很柴，口感會冇咁好。同埋佢叉燒都冇乜汁，所以就變咗咁㗎冇咁好送飯。燒鵝都係要有進步嘅空間，肉質硬同埋鞋，個皮都唔係太脆，同埋佢上菜嘅溫度都係凍㗎，所以食唔到佢的最佳狀態。

奇趣燒鵝大王是一間燒臘飯店，店子不大，坐處比較擠擁，用餐環境一般。各式燒味飯由五六十元起。小編試了一客燒鵝乳豬飯，乳豬皮脆但肉肥；燒鵝同樣皮脆酥香，鵝肉不算特別 juicy，但肉味仍屬理想。連飲品消費 $90，說實話都不算平，性價比一般喇！

因為新開張有特價，買了盒叉雞飯回家試試。以往我覺得燒味飯差極有個譜，想不到這盒叉飯完全巔覆我以往想法，簡直眼前一亮。首先叉燒數量很少，第一眼看上去顏色很奇怪，但還是放了入口嚐嚐。一咬之下發現完全咬不動，原來整舊叉燒都是生肉。再檢查其他叉燒也全部是粉紅色，一舊都吃不到。我叫叉燒，結果給了我豚肉刺身，恕我吃不來。另外因為白切雞售罄，舖頭轉了油雞給我。油雞一樣都是很少，但至少有些肉仔可以食，是熟的，感恩。結果我的叉雞飯變成了豚肉刺身雞豉油飯，主菜是豉油飯。

疫情很久導致無外出，經過花園街聞到燒鵝香味，即買了一盒下裝回家一試，＄138。回家途中，氣味的確很香。回家後品嚐，其燒鵝味不算重，燒鵝皮食落不夠甘香，部分位置亦太肥，整體一般。

幫襯咗3次，質素每況愈下，唔會再幫襯☹️：第一次外賣買咗份燒鵝下庄，雖然細份咗啲，但皮脆肉嫩，所以第二日都去買左份下庄；第二次外賣同樣要咗份燒鵝下庄，隔住玻璃望住佢切我指定嗰隻燒鵝，望住店員岩岩切好放緊落盒度，另一名店員已經拎住份包裝好嘅外賣俾我。嗰陣時已經覺得奇怪，明明我要嗰份燒鵝先岩岩放落盒，個蓋都未冚埋，點解咁快就俾到我？翻到屋企一打開，瀨嘢！份燒鵝量少都算，啲油多到根本唔係我要嗰份！皮同肉之間厚厚一層脂肪，發泡膠盒裏面都浸左層油！第三次買咗份燒鵝下庄加個鵝頭，鵝頭正正常常，但份燒鵝真係慘不忍睹，發泡膠盒入面半凝固嘅油浸起咗一半嘅燒鵝，有幾件燒鵝甚至係未熟透！廚師嘅技術真高超！到底點樣先做到外焦里生嘅燒鵝？而且仲食到膻味，咁嘅食物質素真係太令人失望！！☹️👎🏻另外店員態度都好差，我只係同佢講聲嗰汁另放唔好落埋落啲燒鵝度，個店員就喝番我轉頭：「我包緊雞呀！」。總結：食物質素差，店員態度惡劣，唔會再幫襯‼️

太子行街行到肚餓，想搵野食，見到一間新開張嘅燒鵝，稱自己係燒鵝大王，又有湯飲，咁就去試下啦…..可能新開張關係，啲阿姐唔太醒目，聽到有人話落漏單，我地落單叫下午茶，想要湯，阿姐話下午茶無，一句就完，直至我地話另外叫，佢話$18咁就ok。燒鵝叉燒瀨$43叉燒瘦過我個荷包，鞋過阿嬷塊面，睇都睇得出，完全唔掂，燒鵝比左個脾，滿心歡喜，但食落肉好散好少，完全無口感，更加係鞋又乾好似叉燒咁，既唔香又唔嫩，肉部分無皮，有皮果啲位個皮又好淋，個粉完全無味。$18個湯好稀，溝左好多水嘅湯，仲有味精味，可以唔飲。另一個燒鵝瀨$46，無雙拼但份量同雙拼嘅燒鵝差唔多，完全唔明。

首先我一入去間餐廳 冇人理我等左三分鐘先有人帶我入位 但又吾比餐牌我餐廳環境極差好細好迫店員一直背對傾偈 最後比我嗌到 點解漏單🙂🙂🙂 我嗌左燒肉燒鴨飯 廿分鐘都仲未有店員又冇發現 我坐咁耐冇嘢食嫁喎又 隔離枱坐左五分鐘 嗌左餐 到埋添 食物方面 如圖凍都算 燒肉生嘅 吾脆嘅燒鴨仲差皮肉分離 仲要切吾開仲要冇肉勁勁瘦到比錢 仲要黑口黑面 我係餐廳我冇投訴過 我仲話如果漏單就算啦 真心執左去啦呢啲垃圾餐廳第一日營業已經係咁樣 餐廳食物員工都吾掂

同朋友行完街！見到有間新開燒味見佢d裝修都幾靚！就試下佢！門口掛d燒鵝都靚仔有光澤！！叉燒又半肥瘦！！都幾吸引！！見下午茶價錢都可以就叫左個叉鵝瀨！黎到份量都多！抵食！燒鵝皮脆！！肉質又唔死實！鵝味都夠!近骨位仲帶有少少黑椒香味！超好味！叉燒！半肥瘦！d肥係燒到半透明果隻！齒頰留香！油脂感滿分！瘦果面d肉又唔柴唔會攝牙罅！肉味濃！係我喜愛架叉燒質地！！瀨粉滑得後又煙韌！！good!好少會有冬菜比埋你！誠意十足！！凍0茶 茶味濃又唔會有澀味！仲有5片檸檬 實在難得！！埋單46蚊 有咁架質素同份量！2個字抵食！！希望可以一路保持到e個質素！目前會列入太子回頭食名單中！！