TAI HING (Metro Town)

呢間太興開左好多年..只係食過一次早餐..覺得一般..諗住比多一次機會試下晚餐..好多人..不過都好快有位..所以野都係散叫再加$19轉套餐..叫左個鮑魚雞煲..得一粒細鮑魚..雞得幾舊..仲要骨多過肉..同埋超級油...完全送唔到一碗飯..老公叫左個蝦醬通菜鮮魷...菜係多既...但係魷魚得幾粒..仲要係未熟...d菜咸到不得了..我要用熱水浸左先食得..魷魚冇再食..亦唔想得幾粒都要同廚房講..一來驚加料..二來得幾粒亦好無謂..咁樣都一人差唔多$100..我完全覺得唔值..我唔明點解咁樣都可以生存到咁耐..仲要等位先食得..…查看更多

今日午餐食咗太興既三拼燒味飯，雖然價錢對於學生黎講會有d貴，但間唔中食下都未必係壞事，話曬太興人人都食過架啦，但又叫三拼燒味未呢？首先一岀地鐵站左邊已經到達，位置超級方便，雖然午餐時段多學生上班族等位，但都唔等得耐馬上就安排座位。我今次叫咗個燒鴨，油雞，燒肉飯，仲加咗個羅宋湯添，個飯一黎到雖然都唔算好大舊，但佢都有好多肉，d肉香留曬係個口到，油雞仲好夠味呀！燒肉既肥瘦一半一半，再加埋d飯，其實真係好夠飽！另外羅宋湯一d都唔稀，好濃，份量岩岩好！午餐快食燒味推介：太興…查看更多

下午茶去太興，點了兩份茶餐。1）叉燒咸蛋飯 $44及2）牛柳絲瑞士汁濕炒河 $48，都係跟凍檸茶 。先講講我份，令人失望之選擇。牛柳絲份量少之又少，數過只得5條。😓牛河只得甜味，相當之奇怪，最後，只能吃了半碟就放棄了，真係好難吃及令人失望。都係燒味信得過，叉燒不肥，蜜汁味又適中，加上全隻咸蛋，只是$44 ，味道一定不錯，阿仔成碟清哂。他還笑我，嚟太興更係食燒味，招牌及信心之選！😂😂知道了，下次不會再試！…查看更多

今晚去太興吃晚飯看到晚市餐牌的排骨麵只是$50，還包飲品！惹味排骨麵 $50一來到就香味四溢，排骨肉少，但帶筋肉，入口軟滑吾鞋！麵質像拉麵的質感 吾會過淋而且有咬口 湯頭有滷水既香氣 整體都吾錯晚市包野飲 依個價錢也算超值太興果然是燒味最出色！我和女兒一個要食燒肉，一個要切雞同叉燒，最後全都點了特搜叉燒半肥瘦 入口鬆化吾鞋那香甜的味道加上啖啖肉，肉脂係口散發，肥而不膩很過癮！切雞幸運地是雞脾肉！有海南雞的味道，香嫩滑，味道上乘。燒肉口感飽滿，肥瘦適中，但皮燒得過咸，比較遜色。不過就不是每次都這樣的，還是看彩數吧！蘭花炒斑塊 冰鮮魚塊的貨色這是必然的了，一吃就知道，略嫌炒得過乾，斑塊太薄，咬下去沒有什麼口感味道偏咸，吃到底也有很多油這應該都是普遍餐廳犯的毛病吧。整體感覺還好，假若能做到少油少鹽會更好！…查看更多

這星期因為要去拜山所以幾約咗去調景嶺等，早到所以咪諗住貪方便去太興食早餐。咁本身我好鍾愛通粉，所以咪叫個火腿通粉早餐連炒蛋多士，而佢好識做將即磨咖啡升級到泡沫咖啡。但可能因為太多人所以要等10~15分鐘先有得食。點知佢竟然用快熟通粉，炒蛋又太乾身，咖啡同普通即磨無分別，重要收我36蚊。好心你唔識煮通粉記就唔好賣啦！即時 blacklist，以後唔會再去！…查看更多

已經唔止一次去太興食嘢食到一肚氣，上次叫外賣常餐雪菜肉絲米、炒蛋、多士、連野飲，攞完之返到屋企後發覺佢哋執留咗份炒蛋，都算啦，當佢哋一時之間唔記得。今次打定電話去落單外賣自取，20分鐘後過去俾錢攞左單，收銀員粒聲唔出叫我喺度等足10分鐘先發現原來個外買一早已經準備咗！嗰度啲員工完全唔理！由得個客乾等，一啲都唔會攞外賣俾客人/通知客人。啲嘢食凍哂！仲要比佢話返我做咩唔問啲外買攞得未！簡直本末倒置！…查看更多

我相信太興一定會賺錢但我再也不會來吃了點 蒜蓉西蘭花 送來臘味炒芥蘭反應送錯 結果換來的是 把臘味拿掉的炒芥蘭蒸魚都吃完了 青菜才來 廚房還 play tricks 跑堂裝傻就想混過去了 哼…查看更多

During tea time, there are tea sets for around $2x-3x, and it comes with a drink. I ordered a peanut butter and marshmallow toast.The toast was a bit too sweet because the toast was thin so it didn't really balance out. (Maybe that's why smores uses chocolate and not peanut butter) It's good for sharing though.The drink ($23) was pretty refreshing. It's blueberry juice on top and has aloe bits at the bottom, but the aloe has a canned taste to it.…查看更多

太興是我喜愛的餐廳。最愛它的燒鵝及冰鎮奶茶！！「太興」的前身為「太興燒味」，由陳永安先生於1989年在香港西灣河太安樓創立，經過二十幾年的努力與發展，太興由一間小規模的傳統燒味快餐店，蛻變成港人熟識的連鎖集團。太興的板圖進駐國內多個城市，例如深圳、北京、上海、杭州、濟南、天津、武漢等。太興不斷壯大，除以燒味聞名的「太興餐廳」外，太興建立７個不同品牌：粥店「靠得住」、西餐廳「Café 308」、日式燒肉放題店「宮崎」、日式拉麵店「築地」、車仔麵店「MinMix 1950」、台式餐廳「TeaWood」及火鍋店「南燒北鍋」。唔知會否上市?太興是我喜愛的餐廳。太興地方比較整潔，枱比較大張，店員比較有禮貎，加上食物質素不錯，因此差不多每星期都幫襯太興。最近幾年一年都無聲無息的加價幾次，從＄４５的燒鵝飯午餐，已經加到現在＄６８。。。５年內增幅接近５０％，人工都無加咁多。。。。太貴了。最近已變成每１，２個月先幫襯太興。調景嶺的餐廳不多，而且質素一般; 太興的加入，令我興奮！！很早前買了它的現金卷，大約有８５折，所以又再增加幫襯的次數。太興食物質素不錯，所以晚上時段人流不斷。幸好今晚只等了十多分鐘便可入內。這間分店地方不算大，但太興大多都不會被要求搭枱，所以都坐得舒服。好幾年前，太興的枱轉用這款用來盛放餐具的抽櫃，十分方便。這設計十分有創意，現在很多茶餐廳都用這款枱。連我我家的枱都照樣特製類似的枱。未到8點鐘，燒味部只餘下好少燒味！咕嚕肉及燒肉是太興的出名食物，但我的最愛是燒鵝及冰鎮奶茶！！燒味晚餐要＄６２～７３，真的越賣越貴！太興的小菜都不錯，選擇多。但轉套餐要多加＄１９，唔太街坊價。燒鵝飯＄６８每次都指定要胸！這裏可以指定部位，不加錢，難得！外皮略脆，連著少少脂肪，它的油香，實在美味。但是，鵝肉有些實，而且不太熱，這可能因為大興的燒味是中央處理，因此味道不及小時在西灣河老店食的味道。但整體而言，都不錯！＊太興的價錢不是統一的，這裏的價錢比旺角平，而且晚餐燒味餐有油菜送。旺角好似是沒有。椰香咖哩筋腩煲＄６８轉套餐＋＄１９太興的咖哩出名，都是我的最愛。椰香味重，不是太辣；好惹味，用來送白飯真係一流!牛腩夠腍又入味，份量多。最怕有些餐廳D筋大大舊，這餐的筋細細夠，爽口有咬感。另外，裹面有連皮的薯角，好好味！冰鎮奶茶冰鎮奶茶是太興首創的，不會冲淡奶茶的濃味而且能保持溫度，十分聰明的做法！太興奶茶每次飲的味道都一樣，就算去其他分店都一樣，品質的出品管理不錯！這裹的員工親切, 每次都會逗BB玩, 不錯!埋單位位$78, 平d就好!…查看更多

話說今日探呀爺既時候, 就帶左佢落樓下間太興食好野啦...好彩今日都唔係好多人啫:)我就嗌左個乾炒牛河, 佢就炒得唔係好油, 同埋好有鑊氣好惹味, 而且份量幾夠食...咁我呀爺就健康d嗌左個豬軟骨拉麵, 個湯好濃味, 不過一d都唔油膩...呢間野的確幾抵食,加多杯奶茶, perfect!…查看更多

都會駅餐廳好少，揀左太興。3個人，一人叫個餸加碗飯，share都幾好，又有埋野飲。蒸水蛋幾滑，有粉絲同肉碎，味道地道。黃立倉蒸得恰到好處，肉好滑，配埋豆豉更香。海味雜菜煲就普通，當清清地食D蔬菜，份量幾大。簡簡單單茶餐廳食個晚飯，都可以好飽好滿足:)…查看更多

今天假日，本來打算外出吃早餐，但太晚起床，剛過了早餐的時段，唯有改吃午餐。自從康年結業，太興開張至今，也沒有在這裡用過餐，因為門口一大埋人龍已經「嚇窒」了我們！今天難得可以有位，一於點至愛的燒味～燒鵝飯鵝燒得沒話說，肉汁豐沛，略脆的外皮，連著一環油脂，甘香四溢。只是略嫌鵝肉醃得不夠，某些部位肉也略「鞋」，但整體而言，仍能保持水準，收貨！值得一提的是，這裡的飯欠缺香糯、柔軟，比較硬，如果可以用好一點的香米，整件事就更加完美。蜜汁叉燒飯蜜汁叉燒，蜜味很夠，有些人可能會嫌太蜜，但我喜歡。下單時叫了半肥瘦的，可惜來的時候仍略瘦，而且鬆化程度差了，略有失望。只是，飯實在需要改善，根本沒法配合燒味油甘的味道，可惜！ 在調景嶺這裡，想吃好一點的燒味，選擇幾乎沒有。自從來了太興後，多一個選擇，但失去的卻是康年每日新鮮出爐的麵包，有得有失。 …查看更多