Dragonfly Asian Fusion Restaurant

如果真係太忙，趕唔切就唔好再接單，免得浪費放飯時間。我本身唔算趕時間，但落單之後等一碗湯粉竟然等咗35分鐘，期間店員只係不停叫我再等等。我一開始見到人多都無開口，企喺外面又熱又焗死咁等，入到餐廳佢哋又話快有，結果一直都無。最離譜嘅係，之後比我遲落單成半粒鐘嘅客人已經順利攞到餐，我先忍唔住問。當時店員無解釋，但我估計係單漏咗，出好咗又認錯單號，結果浪費咗我成大輪時間，好影響心情。我真心建議，如果餐廳真係忙得嚟做唔切，應該暫停或者限制外賣訂單。咁樣至少唔會令客人白白等咁耐，亦可以避免服務混亂。希望餐廳可以正視，改善處理流程，唔好再有客人遇到咁差嘅體驗。…查看更多

好少去愛民邨食嘢，今日去到中午兩點幾，想食個午餐先開會。由商場行到出戶外（冇冷氣真係攪唔掂）再行去冬菇亭，終於揀咗呢間食泰國嘢。我叫咗天龍招牌湯河，基本上冇期望，因為我好鍾意食湯河但係又成日中伏！唔知係咪我肚餓，我覺得好好食！啲河粉夠滑又唔會索晒啲湯，香茅雞翼即煎，好香口美味，得一片札肉但係好厚，碗底有青嫩通菜而且份量唔少！由於佢話淨係收現金，咁我一面搵現金，都忍唔係住話比收銀姐姐聽個招牌河粉超好味！…查看更多

泰手豬手飯無骨豬手最岩我哋懶人啖啖肉幾滿足🤓🤓一啖肉一啖飯🤤🤤雞肉炒金邊粉用泰式酸辣醬炒邊粉食落酸酸甜甜口感幾特別☺️完全唔會辣最岩D食唔到辣既人🙈🙈…查看更多

泰式冬陰功海南雞米粉是一道融合了泰國與星馬風味的料理，湯頭酸辣鮮明，冬陰功的香茅、檸檬葉與辣椒層次豐富，湯汁濃郁卻不膩口，帶有微微的椰奶香氣，令人胃口大開。海南雞肉質嫩滑，皮薄肉厚，搭配米粉吸飽湯汁，口感彈牙，每一口都充滿了東南亞的風情。配料如豆芽、香菜等增添清爽感，平衡了湯頭的濃烈。整體而言，這道料理既保留了傳統冬陰功的酸辣特色，又融入了海南雞的溫潤，十分適合喜歡重口味又追求層次感的食客。熱奶茶則是完美的搭配，茶香濃郁，奶味醇厚，甜度適中，入口滑順，能中和冬陰功的辛辣，帶來一絲溫暖的滿足感。兩者結合，既滿足了味蕾的刺激，又帶來舒緩的享受，是一頓令人回味的美食體驗。…查看更多

喺附近返工返學，每個禮拜都起碼會食兩次，真係好食，就算全場爆滿都可以保持到上餐快，平時成日都會見到好多學生喺午飯時間排晒隊，所以會建議可以的話就早少少落嚟食同埋平時留意到佢外賣的話有啲餐會平啲價錢嚟講本身亦唔算貴，四十幾五十幾一個餐我自己最推薦佢個乾炒牛河係粗身嗰隻粉，牛肉唔係平時茶餐廳嗰隻同埋牛肉都比得好多，成碟嘢上嚟超級香佢嘅湯河粉都唔錯，如果清湯嘅話就會係pho嘅湯底，我有啲比較食得辣嘅同學就會加$5轉冬陰功。…查看更多