Tian Tian Hainanese Chicken Rice (ELEMENTS)

之前去新加坡睇Gaga, 一心諗住喺當地食天天海南雞！點知！去到Market嗰度大排長龍… 之後賣晒仲閂咗門🥲唔緊要，返嚟香港都有得食！呢度天天海南雞仲合併咗幾間餐廳嘅菜式，選擇都幾多👍 我哋約咗雙拼海南雞，兩款都好味，雞肉好嫩滑。燒雞配秘製酸辣醬汁好惹味，海南雞點濃醬油我自己就最鍾意！兩款都好適合配油飯～牛乳雜菜煲都幾好味，清清地好健康。胡椒大頭蝦粉絲煲都係必食推介，大頭蝦好多蝦膏，粉絲又入味，送飯一流啊。最後飲埋杯恐龍美祿，飽晒！…Read More

尖沙咀天天海南雞飯｜必食招牌海南雞！喺尖沙咀想食高質海南雞飯？「天天海南雞飯」絕對係首選！呢間過江龍新加坡名店，開業以來長期人氣爆棚，憑住一道「招牌去骨海南雞」俘虜無數港人胃口，連蔡瀾都大推！以下3大必試理由＋點餐攻略，食過返尋味 1. 海南雞三大極致賣點雞肉嫩滑到犯規！嚴選三黃雞，慢煮後即浸冰水，皮爽肉嫩，入口像果凍般Q彈，連雞胸都零嚡口！靈魂三色醬超地道！黑醬油濃甜、薑蓉辛香、辣椒醬酸辣醒胃，蘸雞食層次感爆炸，正宗新加坡風味！油飯粒粒雞油香！用雞湯+斑蘭葉+香茅煮飯，金黃油潤唔膩口，齋食飯都上癮！點餐秘訣 必點「招牌海南雞飯套餐」包雞髀/雞胸部位 推薦選髀！、油飯、例湯，性價比高。 追加「雞串燒」炭香微焦，蘸沙嗲醬超惹味！升級「斑蘭椰香薏米水」清甜解膩，完美配搭。抵食彩蛋：外賣自取有9折，返屋企慢慢嘆～…Read More

男朋友之前食過喱間天天海南雞，讚到天上有地下無咁樣，最近終於都同佢2個去食圓方分店，叫左2人餐。檸檬鳳爪味道酸酸甜甜，咬下去口感滑嫩，好開胃。海南沙律有唔少生果，番石榴既口感特別爽口，感覺好清爽，而且海南沙律唔係好多地方有得食。火焰石燒豬頸肉肉質鮮嫩，燒得岩岩好，店員上菜時會順便點火，令到成份豬頸肉外脆內嫩，好惹味。天天海南雞拼燒雞天天海南雞拼燒雞絕對係主角，海南雞肉滑嫩，肉汁豐富，而燒雞就好香口，雞皮脆卜卜，喱份拼盤可以滿足到想一次過試哂2種招牌菜既人，完美!參巴辣椒炒通菜香辣開胃，通菜炒得剛剛好，保持了脆口的口感，平衡返成餐飯既油膩感。雞油飯雞香氣撲鼻，米飯粒粒分明，食海南雞必備~埋單600頭~食到咁多款野食都算CP值幾高，個人覺得每一道菜都好好味，分量又多到要打包食多餐！得閒不妨可以試下<3…Read More

相信有去過新加坡嘅朋友，都會食過連奪多年米芝蓮推介嘅天天海南雞飯，而依間餐廳終於嚟到香港開分店！今次點咗十大招牌嘅No.1：【天天海南雞拼燒雞】💰299仲考慮緊食海南雞定燒雞？小朋友先做選擇，我全都要！嗌拼盤就可以一次過試晒海南雞同埋燒雞！！！雞有雞味，肉質嫩滑，無骨啖啖肉食得好方便！配上秘製醬汁，更加滋味。油飯亦都十分出色，聞落去充滿油溢香味，好香好開胃呀！但係始終都要成$300一碟，價錢有少少進取啦⋯⋯…Read More

ELEMENTS呢間天天海南雞飯真係好方便又好食佢係好多年嘅米芝蓮推介，食物唔需要諗，係唔錯嘅我哋揀咗50年代咖啡，個味道有啲似啡走，又有啲似越南咖啡，幾好飲呢度必嗌嘅我覺得就係海南雞佢呢款海南雞係好滑，但雞味冇咁重如果鍾意食啲滑雞嘅，呢個就啱晒佢三個醬調味都調得好好，我最鍾意個辣醬，好香，辣度岩岩好用埋呢個擺盤,都好肯定呢個菜式係佢哋最推介另外我哋叫咗個黑松露蝦多士個多士炸得好脆口黑醬油蘿蔔糕都係幾好食，個豉油味好香好濃我哋仲叫咗個豬肉骨茶小火鍋，個排骨好腍好好食，跟住放埋粉絲芽菜落去索埋啲湯，入面除咗排骨，仲有豆腐卜，豬腩肉，豬肚，好多材料兩個人叫咗呢個份量係超級飽…Read More

天天海南雞（尖沙咀）位於圓方ELEMENTS九龍站，地點夠晒方好耐都冇食過星加坡菜，港人都非常鍾意食黑胡椒羅氏蝦粉絲煲，蝦的肉質爽脆彈牙，重點是他的蝦頭，滿滿的蝦膏入口甘香，鮮味黑胡椒帶來的微辣感，更加醒胃，粉絲吸收了蝦和湯底的精華，口感滑嫩，十分入味，羅氏蝦的鮮甜與粉絲的柔韌相結合，每條粉絲掛滿湯汁，煲中的香氣隨著熱氣釋放，讓人一聞就感到無比誘人，忍不住想要一口接一口天天海南雞，雞肉鮮嫩，肉質滑潤，咬下去時汁水口感極佳，雞肉散發著淡淡的香氣，雞味濃郁，輕微的鹽味恰到好處，突顯了雞肉的鮮味，而不會壓過其原味，每一口都有海南雞的獨特風味，回味無窮，雞肉入口原汁原味最緊要黑松露蝦多士，黑松露的獨特香氣濃郁，新鮮蝦肉的鮮甜與松露的香氣相互輝映，蝦肉爽口彈牙，多士外層金黃酥脆，咬下去時發出清脆的聲音，內裡卻柔軟細膩，搭配的醬汁滑順，完美地融合了蝦和松露的風味，松露的餘味持久，讓人忍不住想要再來一口…Read More

⭐️鮮無花果燉雞湯：清潤見真章廣東人飲湯最忌「得個甜字」，而呢盅燉湯卻以鮮無花果嘅天然果糖，吊出老雞嘅深邃鮮味。湯色金黃透亮，呷一啖，無花果嘅蜜香率先湧出，尾段係雞肉同杞子嘅甘醇，完全冇味精嘅「鎖喉感」。雞件選用雞髀肉，燉足四小時仍保持嫩滑，連皮食更溢出膠質。最驚喜係湯底暗藏兩片海底椰，增添一絲南洋風情，足見師傅對「清補平衡」嘅執著。 ⭐️黑醬油蘿蔔糕：鑊氣與醬香的共舞新加坡「黑醬油嘅濃稠甜香，一向係星洲炒粿條嘅靈魂。今次師傅大膽用嚟炒手工蘿蔔糕，效果出奇制勝！蘿蔔糕先煎至外脆內軟，再以黑醬油快炒，撒上馬來盞（Belachan）碎同銀魚仔，鹹甜交織。糕體咬落有粗粒蘿蔔絲，啖啖清新，完美中和醬油嘅厚重。最加分係上枱時熱辣辣，鑊氣逼人，絕對係「邪惡但停唔到口」嘅代表作。 ⭐️九製陳皮火焰黑金叉燒：視味覺雙重震撼「火焰叉燒」聽得多，但用九製陳皮醃製嘅黑金版本肯定係全港首創！選用西班牙黑毛豬梅頭，以陳皮、桂皮、甘草等秘製滷水慢浸，上枱前淋上玫瑰露點火，藍色火燄中飄出陣陣橙香。叉燒外層焦脆如蜜糖紙，內裡嫣紅多汁，陳皮嘅甘香後勁十足，完全唔會得個「甜」字。伴碟嘅酸薑粒更係神來之筆，解膩之餘帶出肉鮮。 ⭐️天天海南雞（中份）：雞有雞味，油飯更絕海南雞飯嘅靈魂，一在雞，二在油飯，三在醬料，以新加坡傳統手法「冰鎮熟成」，皮爽肉嫩得嚟唔會血淋淋。最驚艷係雞皮與肉之間嘅啫喱層，證明師傅對水溫控制精準。油飯以雞油、香茅、斑蘭葉焗製，粒粒分明得嚟充滿南洋香料香，單食已上癮！三色醬中嘅黑豉油同薑蓉屬正常發揮，但酸辣青醬加入咗泰國青檸皮，清新感秒殺同業。 餐廳位置方便！而且坐得非常舒服，非常適合家人或者朋友聚會！有機會會再返去幫襯！…Read More

今日係呢頭收工, 所以約左朋友係圓方食野, 佢話好耐都冇食過呢間餐廳, 所以我地就去左試試佢!黑醬油蘿蔔糕這道黑醬油蘿蔔糕真是讓人驚喜！柔軟的蘿蔔糕，搭配濃郁的黑醬油，味道鹹香適中，吃一口就讓人想再來一塊。黑松露蝦多士這款黑松露蝦多士的蝦肉鮮嫩，黑松露的香氣讓整道菜升華了。多士的底部烤得恰到好處，外脆內軟，搭配蝦肉的鮮甜天天海南雞配雞油飯天天海南雞的雞肉鮮嫩多汁，搭配特製的醬油和香油，簡單卻極具風味。雞油飯則是完美的配角，飯粒吸收了雞肉的精華小籠包小籠包的皮薄餡多，湯汁豐富，咬下去瞬間湯汁四溢!恐龍美祿（凍）巧克力的濃郁與冰沙的清爽完美結合，特別適合炎熱的天氣，一口下去，瞬間消暑。香茅青檸冰沙香茅青檸冰沙則是清新的選擇，香茅的香氣與青檸的酸味相得益彰總體來說，這次的用餐體驗非常滿意，每道菜都各具特色，讓人回味無窮！如果你有機會，一定要來試試這些美食！…Read More

呢間成日行過啲商場都會見到，今次終於有機會去試！價錢喺香港相對嚟講其實真係唔算貴，同埋佢份量都幾大碟第一碟就出咗佢哋招牌菜式海南雞，佢有得揀切雞燒雞每樣半份，但係我地驚太飽😂所以淨係試咗佢出名嘅海南雞飯。雞肉鮮嫩多汁、爽口 ，雞皮油脂好夠令到食落好滑嫩完全不油膩👍之前食過一啲海南雞勁乾柴所以對海南雞印象唔好，所以呢次食令我改觀😂另外試咗碟南乳豬手煲，想講呢個豬手煲好值得一試！入邊起碼有五六嚿豬手，全部都炆得好稔🤤好少餐廳會落豆豉喺南乳豬手，我反而覺得幾特別，食落可以中和左嗰陣流嘅味呢個必試！炸蠔餅！我覺得呢碟嘅光芒仲有少少蓋過海南雞🫡炸得好脆好香口，入邊加咗啲韭菜令口感好豐富嘢飲嗌咗杯芒果沙冰同埋豆花咖啡，個人覺得芒果沙冰完勝！飲落好似食咗成個芒果感覺好fresh 兩個人埋單都係五百零蚊…Read More

真係激嬲我，過嚟食個晏，食佢最出名嘅海南雞飯，食咗一件雞已經覺得唔對路，皮厚過肉，掰開其他雞，唔係骨就係皮，請問我依家過嚟係食皮定係食雞？我喺銅鑼灣食過都唔會咁差，$120唔係好貴，但係比咁嘅價錢係咪應該俾返咁嘅quality我呢？…Read More

早幾日同男朋友去圓方食晚餐，我哋都好鍾意食東南亞菜，就揀咗呢間餐廳食海南雞飯。睇睇餐牌，原來呢間餐廳係米芝蓮推介既新加坡菜，試咗幾款菜式真係有啲驚喜。一定要試嘅梗係天天海南雞$169，我哋叫咗中份，雞肉好嫩滑，雞皮薄到幾乎係冇乜脂肪，我連皮食晒。配埋三款傳統嘅醬，有醬油、薑蓉、同甜辣醬真係冇得頂。我哋仲叫咗黑磨豉醬炆豬軟骨$129，豬軟骨真係大大件好多肉，肉質軟硬適中，磨豉醬鹹鹹地咁，同豬軟骨好夾。除咗豬軟骨，仲有幾件鐵棍淮山，中和下唔會好滯，淮山仲係好健康既食材。唔想淨係食肉，我哋仲叫咗個豆漿海南雜菜煲$109，奶白色嘅豆漿嚟做湯底真係一流，一啲味精都冇，浸住啲雜菜、粉絲，菇🍄、蝦🦐、雞腎、食落好清甜有鮮味。食海南雞點少得叫個油飯🍚，我哋叫咗兩碗油飯，淨係聞味已經好香，食落口真係超正。成餐真係最鍾意佢嘅海南雞同油飯。其他嘢食都好吸引，唯有有機會先再試啦。…Read More

新加坡米芝連海南雞！連鎖餐廳通常啲人都冇乜期望但其實出色嘅連鎖先代表穩定嘅質素😆呢到嘅坐位唔算好多但係坐位都舒服 裝修高檔有個2人餐都幾抵羊腩煲都只係$168但見好多食評都話蝦多士正 1516之下決定都係散叫✨黑松露蝦多士3隻厚肉蝦多士，望薄就夠邪惡咬落多士夠脆口 蝦都彈牙不過個人略嫌太多醬😆怕肥但整體係十分好食✨天天海南雞拼燒雞一上枱燒雞味已經好香雞皮熱辣辣夠乾身而海南雞係凍身雞肉唔厚 所以唔會有”鞋”嘅感覺啖啖肉 好感動另外佢哋嘅辣汁都係好好味比較冇咁甜口個人幾鐘意呢到嘅醬汁✨新加坡福建蝦麵呢個蝦麵超級足料睇圖都見有齊蠔仔，蝦，大大隻蝦乾粟米芯，青紅椒，青瓜好惹味，超滿足總結嚟講呢餐唔算平但質素穩定而且味道份量都完全俾足連鎖餐廳都完全唔頹！…Read More

叫咗海南雞，飯，炸生蠔，小籠包簡直係最難食嘅生蠔，兩隻都係咬唔碎要吐返出嚟。然後小籠包個底係癡住，一拎就爛。咁嘅質素可以收得貴過街邊檔，仲可以屹立喺圓方，簡直係世界十大奇蹟。…Read More

成個環境優雅得嚟又高級，坐低已經覺得自己貴氣咗😂重點係食物質素真係冇得彈火焰石燒豬頸肉店員拎住支火槍過嚟「表演」真係睇到嘩嘩聲！豬頸肉本身已經醃得好入味，再用火槍撻到表面脆卜卜，咬落去外脆內嫩，仲有啲肉汁爆出嚟，邪惡到極點！ 🐔天天海南雞（配三色醬）呢個雞真係滑到爆，皮爽肉嫩，仲要冇骨，懶人恩物～最正係佢嗰三個醬：黑醬油、薑蓉同辣醬，點唔同醬有唔同風味，我個人最鍾意混醬食，超惹味！ 🦪黃金蠔烙（腐皮底！）一上枱就聞到超香蠔味！個餅底竟然用咗腐皮，炸到金黃酥脆，入面啲蠔仔又大又鮮甜，食到停唔到口！ 🍚雞油飯雖然要額外叫，但好大碗，真心值得！飯粒油潤得嚟唔會膩，仲有淡淡雞油香，撈海南雞嘅醬汁一齊食，簡直係靈魂配搭～🥤豆花奶茶 奶綠飲品驚喜位！豆花滑溜溜，奶茶茶底夠濃，奶綠就清新啲，兩杯都唔會太甜，解膩一流…Read More

位於ELEMENTS圓方的天天海南雞飯，無疑是海南雞飯愛好者的天堂。這間餐廳不僅提供正宗的海南雞飯，其環境與服務也讓人倍感舒適，適合家庭聚餐或朋友聚會。黑松露蝦多士🍤 $129
這道黑松露蝦多士令人驚喜，外脆內軟的多士上鋪滿鮮美的蝦仁，淋上黑松露醬的精緻調味，香氣四溢。蝦肉鮮嫩多汁，與香脆的焗多士交融，口感的層次感十分出色，適合作為開胃小食。天天海南雞拼燒雞🐓 $299
作為餐廳的招牌，天天海南雞拼燒雞絕對不容錯過。海南雞的肉質鮮嫩多汁，皮膚滑膩，搭配店內自製的調味醬，讓人一口接一口。拼盤中的燒雞同樣美味，入味的醬汁使雞肉更加香滑，酸甜的味道相得益彰，無論是單獨享用還是與雞油飯一同食用，都令人陶醉。雞油飯（碗）🍚 $23
這碗雞油飯是套餐的最佳伴侶，飯粒吸收了雞油的精華，香氣四溢，恰到好處的濕潤感讓人回味無窮。這樣的配搭不僅讓雞的風味更為突出，也矢志要讓食客充分體驗海南雞飯的原汁原味。檸檬薏米水🧉 $29
最後，來一杯檸檬薏米水，清新解膩，令人神清氣爽。酸甜的檸檬與健康的薏米相結合，既能消暑又能提升餐後的滿足感，為這頓美味的晚餐畫上完美的句號。總體而言，天天海南雞飯以其新鮮美味的菜式和舒適的用餐環境，無愧為香港海南雞飯的代表之一。不論你是傳統的海南雞飯愛好者，還是想嘗試新口味的食客，這裡都能讓你感受到食物最純粹的魅力。如果你在ELEMENTS圓方附近，絕對值得一試！🌟推薦指數：7.5/10💰人均消費：$250📍地點位置：尖沙咀柯士甸道西1號ELEMENTS圓方水區1樓1050A號舖…Read More