Tin Tin Good Seafood Restaurant

有無人同我一樣都係生炒骨嘅忠實fans😌?去到任何中餐廳都想食😀上次入到西貢食海鮮覺得唔算太好食今次揀食小菜😎佢地嘅生炒骨同鹽焗雞都ok好食，不過最好食嘅係碟椒鹽魷魚😍調味啱啱好，啲粉又唔會太厚😋不過咁遠入到去西貢，其實應該會有更加值得食嘅餐廳，等我下次再試下新餐廳啦🤩…Read More

西貢食海鮮出名，同完朋友行西貢就行行行，揀左呢間食，今次無點海鮮，食小菜為主，好多小菜都係以70蚊。叫左3個餸 什菜煲，真係幾足料，真係什菜唔係假，又粉絲，所以係幾正，份量足。雞球，味道唔錯不過口感有d林林地，但有份量既，真係大碟過出面食啊 咕嚕味有沙津豬仔骨，口感都係林林地不過都係份量夠大，而且味道係唔錯。不過美中不足係d飯唔夠熱，暖暖地咋，一碗飯真係好重要架。如果夠熱就完美啦。服務係唔錯既，都算主動同有禮貌呀。好少係西貢食晚餐，今次無試海鮮，下次有機會都想試試海鮮先:)總結平民價格，小菜味好。…Read More

講到食海鮮大家都會諗起西貢，我自己亦經常會與家人到西貢食海鮮或者飲茶， 近年比較鍾意買海鮮到天天好海鮮酒家加工。 已經試過好多次天天好海鮮酒家的加工煮法， 雖然佢響西貢唔係好大間的海鮮酒家，但是佢哋廚師水準絕對一流，至於加工的費用亦相當合理。豉椒炒聖子皇， 超級大隻 但係一啲都唔韌，鑊氣十足好好味。陳皮蒸鮑魚， 今次我哋買咗好大隻鮑魚，本身都擔心會難入口比較硬，竟然煮出嚟不但有鮑魚的鮮味， 還襯托陳皮的香味， 最緊要易入口肉身夠軟一流！椒鹽瀨尿蝦， 啖啖肉仲要每一隻都好多膏！東星斑蒸嘅時間啱啱好， 又滑又鮮甜！油鹽奄仔蟹， 鹽味十足帶出蟹的鮮味，夠多膏！揚州炒飯， 鹹咗少少，但是都炒得夠鑊氣，飯一粒粒夠乾身。肉絲炒麵， 我的家人最鍾意吃這一個， 脆卜卜點埋醋吃夠香口！今次買的奄仔蟹真是很多膏！ 又肥美!總括來說如果大家有興趣到西貢吃海鮮可以試下 天天好海鮮酒家， 價錢親民，烹調手法絕對唔錯!…Read More

入西貢食海鮮得兩個選擇，一係就去食嗰啲套餐，已經有晒所有嘅海鮮，因人數而定海鮮豐富嘅程度。另一種，就係自己去街市揀海鮮，搵一間信得過嘅餐廳煮，唔會濫收煮食費。天天好就係我唯一選擇。佢煮工每一道餸菜計， $30起，每個人頭加多$10 ，真係抵到你唔信。師傅手勢一流，蒸嘅海鮮，恰到好處，調味適中，食完唔會口水乾，充滿着味精。如果你星期六日你，佢淨係分兩個時段，六點或者八點，可以嘅話都建議你去六點，因為一夜左，人多，餐廳會好嘈，佢樓底唔高，所以都好應聲。…Read More

我們一直都知道西貢是很出名食海鮮的，但都沒有真正嘗試過！這是因為我們都怕被大型海鮮集團開天索價！幸得今次友人帶我們去買海鮮和食海鮮，我們終於有機會一嘗在西貢即買即食嘅感覺當我們在西貢買了海鮮後，便把海鮮交給這一間酒樓加工！加工的費用合理，亦都沒有把我們購買的海鮮換走，可見這間酒樓是非常之老實可靠！第一味：豉椒炒聖子王 鑊氣十足，但不會令蟶子皇變老，鮮味十足第二味：椒鹽賴尿蝦王椒鹽的方法很吸引，亦都很脆口！這是我最喜歡的一味第三味：鹽水浸珍珠旁味道很鮮第四味：蒜蓉蒸扇貝蒜香味很濃，配上粉絲，十分好味第五味：蜜汁筒蠔把筒蠔配上蜜汁煮成，這一味只有這一間酒樓才可以吃到。我的家人非常喜歡吃這一味，但是對於甜的海鮮我自己覺得很一般，口味不合第六味：奄仔黃油蟹這是賣海鮮的老闆非常推薦的，這一個季節蟹是重皮蟹，即是蟹正在換殻，亦都是我們所講的軟殻蟹！第七味：砂礓雞腳和腎片我們另外點了兩個菜，味道也是一流的！我個人覺得只有白飯是事硬了一點，其他所有的菜式都是非常好吃！當我們一路吃的時候，職員不斷幫我們碗碟，亦都給予我們濕紙巾，真的很細心呀總括來說，這一間酒樓是誠實可靠，待客人非常細心，他們把我們的海獅精心調製味道是一流的！非常欣賞我們一共六人，平均每人300多元，這個價錢在西貢能夠吃到新鮮的海鮮是非常的抵啊！…Read More

已多久沒來西貢吃鮮，今次七叔公老遠由金山來香港，我們一家要好好招呼他們，所以決定去一直有光顧開的天天好海鮮酒家，未入酒家前，我們先到西貢街市買足海鮮料，再帶到天天好酒家加工。1)鹽焗奄仔蟹: 多膏，鹽味十足，引出蟹肉的鮮味，超愛膏，要看季節才可吃到奄仔蟹2) 清蒸海杉斑: 剛熟，不過火喉，魚肉夠實，口感赢3)酥炸生蠔: 外面金黃，內蠔味十足，幸福滿瀉4)豉椒蟶子王: 手掌一樣長，豉汁與蟶子已融為一體，鲜味十足，令人想吃多幾隻5)蒜蓉蒸扇貝: 蒜香爆燈，肉質也很爽，啖啖肉，超喜6)芝士焗龍蝦伊麵: 芝味可再濃郁，伊麵也可提升份量7)薑葱炒象拔蚌仔: 欣賞厨師手藝，爆得好香，下次要再吃象拔蚌仔，超甜香整體而言，香港海鲜就是無得頂！！…Read More

今天在西貢做完事，下午去天天食海鮮，點了薑葱炒蟹，椒鹽瀨尿蝦，蒜蓉粉絲蒸扇貝，豉椒炒蟶子，豆腐魚湯。店員親切為你點菜，教我怎樣選海鮮，怎樣才抵食，心想現在外面那有這樣，有時店舖除了享受食物的味道，還有的就是人情味。幫襯了這間店已有十年，味道始終如一的好味，食的每一口都是鮮甜，不知如何形容，就是食每道菜放入口，就是這個味道的感覺，沒有花巧，實實在在。…Read More

同屋企人食, 硬係要食海鮮啦~ 我地早一星期已經預訂左海鮮, 前一日佢會CONFIRM張單~ 凍食長腳蟹: 味道鮮甜, 太凍既關係食到手凍到痺白灼蝦: 新鮮夠甜, 好鐘意佢點蝦個豉油炒聖子王: 大大隻, 爽口彈牙，洋蔥好甜蒜蓉蒸扇貝: 同樣大大隻, 甜東星班: 蒸既時間岩岩好, 肉唔會太老~ 蔥好味蒸長腳蟹蓋: 酒落多左, 有D苦，唔岩小朋友食最尾會送飯後果~橙，有時會送布甸。整體黎講, 呢到既海鮮好新鮮. 位置都唔會太難搵。下次家庭聚會再黎食過…Read More

今次我們一行十二人去西貢赤徑山。行了四五小時後，便選擇今晚一齊到西貢碼頭吃海鮮大餐。🐠🦀🦐因為西貢碼頭船仔啲海鮮較平靚正，我們首先睇中心水，佢地會用手籃吊到客人面前，一手交錢一手交貨。之後，我們便到加工海鮮店食晩飯。雖然入面嘅裝修不像酒家但煮海鮮卻一流。👍第一碟便是椒鹽斑馬賴尿蝦，好味程度五粒星。就連我表妹唔食蝦蟹都話好好食。每一隻賴尿🦐中間有膏，香口而多汁。鼓椒聖子米粉底～精華索晒入米粉，非常好食。聖子大大隻啖啖肉。😻到蒜蓉粉絲蒸扇貝～可能扇貝唔夠大隻，味道做得好好但唔夠口感大粒。買咗兩隻花蟹做薑蔥炒，蟹肉好豐盛，雖然唔係好多膏但味道十足。蒸海魚～佢蒸到火候剛剛好，又滑再配合蒸魚豉油，鍾意食魚的人一定鍾意。辣酒煮花螺～這個就普通，又唔辣，酒味又唔濃郁，真係普通。我們除了加工海鮮，都有叫他們嘅小菜，金銀蛋白菜仔，梅菜扣肉，咕嚕肉。他們除了做海鮮出色，做小菜都不錯。👏…Read More

来过很多次，因为懒每次都无写评语，今次先俾评语佢，每次都系去西贡街市买海鲜俾佢加工，味道几好，比屯门海鲜酒家整得好，又吾收开瓶费，价钱公道。由于我每次都是周末去，所以都系食4点半场就吾使定位，通常周末都爆场，个场比其他细，环境就一般不适合请客食饭，自己吾使食装修就一流。…Read More

我們一行七人入去西貢搵食。老實說，我對西貢食海鮮真係有點陰影。每次也被當水魚。又貴又沒什麼吃又沒特式。平日遊船河後在西貢食飯位位＄3XX仲要唔飽。。。。不過天天好令我有返少少信心。今次我們先到附近的街市買海鮮，魚檔再自己送到酒家，我們只要乖乖坐著等食。未食之前，溜到隨近閒逛，那條街有不少特式店舖。在等食之時，出去看看也不錯。之後老板娘來take order. 她很nice 的介紹有什麼煮法配什麼海鮮。而且一邊食（都是有殼海鮮）一邊給我們換碟。在這種舖頭來說很surprice, 你估現在在大酒樓咩？他們的換碟比大酒樓更密，而且不停送濕紙巾給我們抹手。只是這個服務也值回票價啦。至於食物也不錯，在西貢來說是平靚正。大大碟，絕無偷工減料。聽說他們的蒸蠔是很不錯，可惜我們點了炸蠔。不過我枱也一件不剩。他們應該飽到上心口也要吃完。那～～你自己想像到啦。…Read More

隔了一個月，真的另有機會真正來試這小店的海鮮手藝。是日有些老闆級的人士來訪西貢遊玩兼食一個提早的聖誕大餐。在西貢，不是食海鮮就是食西餐，以他們也算是專程來食海鮮的樣子，我先帶路去街市買海鮮。來西貢食海鮮，最好就是入街市買，因為他們都是以本地街坊為服務對像，比起海鮮檔及賣海鮮的艇仔，來得老實很多。我們買了800多元海鮮，收了500多元油水，這價錢算是不錯吧。我們買了些小蟶子，小型的蟶子，口感是嫩滑的，以豉椒去炒就最惹味。《天天好》的味道功夫做得非常好，豉汁濃濃的，均勻地亦圓滿地令到每一條的蟶子都沾滿了濃濃香香的豉汁，再加有輕微的辣，惹味非常，感覺到一斤蟶子，似乎不夠五個人食。大的象拔蚌，刺身最佳，小的象拔蚌，店方建議用粉絲蒸。我們一人一隻，鮮味蒜味香濃，象拔蚌雖然肥美，但真正能吃的肉不太多。以粉絲蒸出來的小象拔蚌，味道甜美爽口，兩小片的肉除了自身的甜味之外，豉油同蒜蓉的味，成為了一個重要的 catalyst，把貝類的鮮味提升。同桌的朋友更把剩餘的汁，用來撈飯食。新鮮的鮑魚，店方建議用陳皮清蒸。這一個鮑魚，我要 credit 給海鮮檔，因為這鮑魚是絕對的新鮮嫩滑，入口，爽口彈牙，而且是腍的，軟的，絕對不需要費勁去咬開。這鮑魚，以鮮甜來形容是不對的，正確的就要以香甜來形容。靚的陳皮，把鮑魚的香味提升了，加少許蔥花豉汁，已經是十分的惹味。老虎大蝦，最佳的煮食方法就是蒜蓉開邊蒸。極新鮮生猛的蝦，甜美爽口，若我們沒有加蒜蓉去蒸，相信他能夠吃得出這蝦的新鮮味道，這次店方以充足的蒜蓉，適當份量的豉油，把老虎大蝦完美的做出來給大家食。本想試油鹽水瀨尿蝦，但眾人都習慣了椒鹽，就眾人所好，那就傳統地椒鹽瀨尿蝦。以椒鹽炒瀨尿蝦，是最惹味的，亦是最保守的，因為瀨尿蝦的肉好容易化水，用椒鹽炒便沒有那麼容易流失。如用油鹽水，一定要保證瀨尿蝦肉夠厚夠實，唔靚的瀨尿蝦，就一定會變成一灘水。所以，以高熱力鑊氣加椒鹽去炒，能鎖住水份之外，也能夠保住肉的鮮味。是日的瀨尿蝦，絕對是好肉的，真的若以油鹽水去煮，得到的會是更鮮甜的原味。這蝦肉厚，膏多，甜甜的肉，香口的膏，再加上椒鹽的香味，是一流的享受。門口寫著馳名客家鹽焗雞，我們當然也同場加點這一個鎮店之寶。店方說明了是用新鮮雞泡製，入口除了鹽味濃香之外，其雞味也是十分之香，雞肉有結實感，雞皮下的油脂香口豐富不膩，說是點止淮鹽會更香，但我們覺得就咁食，已經味道爆燈。食飯不忘青菜一碟，清炒芥蘭。沒有用薑汁，及而加了蒜粒去炒，味道同樣地清甜。炒得剛好熟的芥蘭，菜汁的甜味得以保留，菜身帶爽，很甜很美滿。由午餐粉粉麵、加工海鮮至自家的小菜，小小的《天天好海鮮酒家》都能夠給予大家一個滿足的味道。這一次新試小店，我可以向大家說，來西貢買海鮮入店加工，最好都是來這些小型的海鮮酒家，你得到的會是，老實、經濟同美味。…Read More

曾經有朋友同我說，他每一之來西貢，他的友人都會約他在《Day Day Good》用膳。《Day Day Good》是什麼? 連我一名西貢達人的朋友也要想一想才聯想起來，所謂的《Day Day Good》，就是是日我拜訪食簡便午餐的《天天好海鮮酒家》。亦因為這樣，令這一家《天天好海鮮酒家》一直都備受我的關注。每一次經過門口，總會看多兩眼，總有一個念頭要去發掘這一間不見經傳的海鮮小酒家。近日，這一家小酒家再一次受到我強烈地關注，原因就是他們放在門口的$35午市客飯炒粉麵套餐。可是，每一次我都沒有機會入來，原因就是我太太嫌這一家食店太佬，不敢入。是日，我只同父母來午飯，一入內，於中午時段，這的確是一家非常佬的小酒家。不計有一至兩大檯真正食海鮮的人，其他的散客大眾，都是工人階級的中年大漢，這情景，的的確確會把很多女士嚇走。我們三人，只求簡單及平平地食飽個午飯就走，一人一份飯麵，就最好不過。而奉送例湯的午餐，店方見我們三人行，竟然來一大窩湯，單是這一個湯，已經足夠令我們半飽。這一個是金銀菜湯，材料除了新鮮白菜同茶乾之外，就是豬骨同紅蘿蔔，另外這一個湯一家加了蜜棗，不然不會出現滋潤的清甜味。是一窩真材實料的例湯。我們點的粉麵飯，全部都是《男人的浪漫》類型食品，首先是一個中老年男人的浪漫，梅菜蒸鯇魚飯。中老年的男人，好多時都想食得比較健康，中午，既要飽肚，又要啖啖肉，又要有味道，用豉汁或梅菜配上味道清甜而肉厚的鯇魚件，味道濃烈，蒸得剛好未老的魚肉香滑無比，送飯一流。真正的《男人的浪漫》，是豆腐火腩飯，但我偏偏要了一個支竹火腩飯。《男人的浪漫》的感覺是完全一樣的，一樣是一個多飯，多肉，濃汁的碟頭飯，是一個令人會一口餸配兩口飯的東西。雖然火腩的質素一舨，支竹也未算最腍，但這一個飯同汁的味道，的確可以吸引你食多幾啖飯。再低一層次的《男人的浪漫》，也就是學生哥的浪漫干炒牛河了。這牛河，一看就知道鑊氣充足，河粉完全地上色，而且也能夠保持到應有的嫩滑同煙韌口感。豉味香濃的炒牛河，粉條有少少因鑊氣而出現的微燶，牛肉的味道同豉油的味道，完全地及均勻地在河粉條中展示出來，河粉亦有豐滿的油亮感，但沒有多餘出來的油在碟底，絕對是精彩的一碟干炒牛河。未試其海鮮手藝，先試其午市飯餐，而這一個既便宜又抵食的粉麵飯，已經能令我心滿意足，不日有機會買海鮮來此小店加工的話，再評。…Read More

難得有機會入西貢食海鮮，對上一次已是十多年前的事。 今次有當地居民帶領下來此，地點位置離開了海鮮街，在內街的一處不太顯眼。 而帶路人來此時已在街市內的相熟海鮮檔搜羅了一堆豐富的海鮮了。之後便到此店加工 再連上酒水2碟小菜 餐前小吃等......海鮮大餐正式開始了首先出場乃3斤新鮮海中蝦，一堆蝦山上台時非常震撼，但可惜一出閘便甩腳~忘了影相幸好最後一隻時終於記得影。 為什麼忘了？因為蝦身爽甜彈牙而且蝦頭很多膏令人一試難忘！接著每人一隻蒜蒸貴妃蚌，每隻都有大量蒜蓉粉絲蓋面加上蔥花非常的香口，蚌身又是大得來爽甜，一隻真的不夠分比碗還要大~~再來豉椒炒大蟶子，雖然蒜蒸都好食但已經有蚌取代了所以改炒，但係一樣惹味，雖然一堆炒難控制味但師傅似乎未被難到，一樣香口惹味 大大條蟶子比烏冬仲要粗 一大口食落去 簡直一流。看相時星斑絕對不似4斤重....但上台時真的非常誇張，中間雪白的魚身像花一樣散開，時間控制得非常好，魚身肉質很滑，而魚頭的肉非常重的膠質，唯有一嘗才知固中奧妙。2斤重的龍蝦配了大量芝士伊麵底，每人都分到一大碗，龍蝦的膏混入當中即時變了高級版伊麵，而龍蝦蝦身都算彈牙但蝦味個人來講不算太重 但整體也是很棒。豉油王魷魚上台已經感受到惹味，入口一啖香口非常不知是否煎過，某些部位帶脆身，而加了豉油帶出的香送汽水啤酒是不二之選。海鮮湯用了3隻大賴尿蝦連一堆魚仔花甲豆腐淆出來的奶水色湯盡吸收了入面精華，相信女士們必定喜愛，聽說飲了皮膚都會靚靚！奶一樣白的湯最後每人當然非常盡興啦~~非常希望下次聚會快點來臨，仲有好多海鮮未試過 ^3^…Read More