Video
Payment Methods
Above information is for reference only. Please check details with the restaurant.
親民街坊格局，主打各式餃子。先嚟兩個前菜小食。 胡麻醬雞絲粉皮，粉皮質感清爽。 加埋麻醬、青瓜、芝麻，啱晒咁熱既天氣唔想食熱嘢。花雕醉雞翼，花雕味幾香。 酒味中等，適合想有少少花雕味又唔想太重酒味既人。餃子有湯、煎、同炸選擇。 天氣熱，唔想食湯餃。 至於炸餃，口感幾有趣，但餃皮較厚同會比較乾同硬，於是揀煎餃。餃子偏薄身，扁平形狀。 兩邊微微煎香，適合想少少香口，但又怕熱氣既人。 揀咗粟米餃，餡料味道都算鮮甜，不過因為餃子扁平形狀關係份量唔算多。 特別一提佢既自家製辣醬，炒得好香亦都相當之辣。 食得辣一定要試。整體上價錢合理，食物都有一定水準。
continue reading
我今日嚟叫咗呢間餐廳嘅外賣湯餃，結果真係嚇親我！食到一半，竟然發現裡面有一粒石頭，開以為豬骨，點知真係石頭，真係接受唔到！嚇死！食到石頭實在唔止驚，好彩無吞，勁擔心，有陰影，完全唔明點解包餃子會包到石頭入去。從來未試過餃子入面有石頭，真石頭！有圖。呢度啲食品安全好有問題，我當時就諗，咁大嘅失誤，餐廳係咪完全冇檢查過？我明白做餐飲業唔容易，但顧客嘅安全絕對係第一位。希望餐廳可以加強對食材嘅檢查，唔好再出現咁嘅問題！希望餐廳可以加強檢查，但今次經歷完石頭餃子，我以後唔會再嚟食，警世！
continue reading
很久沒同老人家去天園了，決定農曆年前到店一行。老人家怕熱氣永遠食湯餃，我則永遠吃炸餃🙋。跟以前的旺角店不同，原來土瓜灣店只得清湯底，沒似旺角店可揀蕃茄湯底😅。若跟旺角店一樣，有湯底揀就更好了🙋♀️! 加$亦沒問題啊😄!總覺得天園的炸餃比湯餃更出色😄! 推介炸白胡椒雜菌豬肉餃和炸雞蛋蕃茄餃，亦是我的至愛😍! 炸白胡椒雜菌豬肉餃食後嘴裡散發著白胡椒香氣及菌的清甜味; 而雞蛋蕃茄餃食時有蛋加蕃茄的香甜味! 吃時加上店內自家製的辣椒油，絕配👍👍👍👍👍。小食方面，不二之選是炸茄子，大大件，不太油，價錢不貴，正👍👍👍👍👍。除此之外，若不想吃綠色的菜，清湯蘿蔔亦是不錯的選擇。其實，一直都覺得天園餃子的炸餃子貌似上海雲吞多一點，老板可考慮炸餃叫天園雲吞呀😆!
continue reading
好似有一排冇介紹素餃咯喎，今次為大家介紹土瓜灣北帝街嘅「天園餃子」。🥟通常餃子店都係年紀大啲嘅姐姐經營，但呢間店嘅負責人同店員都好後生喎，店內仲貼咗 Edan 同 Mirror 嘅海報添。😍真漢子試咗：🍤 紹菜甘筍木耳素炸餃（5 隻）$30湯餃同煎餃食得多，炸餃咁特別，唔試對唔住自己啦。炸餃就咁炸冇加炸粉所以都冇蛋。即叫即炸所以滾熱辣又香脆，就咁食都好夠味，鍾意嘅亦可點啲甜酸醬一齊食，感覺就冇咁熱氣 😃。蕃茄蛋餃都有炸嘅版本，價錢一樣。🍅 蕃茄蛋素餃（5 隻）$26湯餃可轉素菇湯，湯嘅味道較清淡，但餃本身都夠味，所以我都冇咩點豉油或醋食 😋。紹菜甘筍木耳湯餃都係同價。反而煎餃只有三款，而呢三款都唔包括素餃嘅，鍾意食煎餃嘅素友唔好意思喇 🥲。問過負責人話其他款式不太適合做煎餃。但我見餐牌佢兩款素餃都有生餃可以買（$38 一打），買返屋企自己鍾意點煮都得啦。👨🏻🍳⬜ 椒鹽脆豆腐 $34豆腐細細粒一口份量，食落外脆內嫩，又係唔使點嘢食都夠味，而且有啲炸蒜所以非常香口 （QR code 落單時可指明走蔥，蒜 🙅🏻♂️🧄）🍋 手工檸茶 $18而家嘅餃子鋪或者麵店都冇水吧，所以飲品都係現成樽裝，呢度都係。隨便叫個檸檬茶試吓都冇咩期望，但估唔到非常好飲，茶味夠濃，甜酸度又恰到好處，比好多茶餐廳即沖嘅凍檸茶都要好飲，估佢唔到。😅餃子嚟講呢度都算賣得平，而且可以 5 隻咁試，一個人嚟都可試哂兩款素餃。值得一讚係佢哋出餐超快，店員又好友善同親切，大家如果經過開土瓜灣不妨去試下。😉
continue reading
雖說水餃店水餃款式繁多，水餃皮不算太過厚，粉感一般，餡料方面不錯，說不上爆餡，但餡料充足，味道不錯，可是吃過後非常口喝，味精惹的禍。小店生意亦沒有以往般受歡迎了。
continue reading
You may be interested in