天下豬肚雞椰子雞專門店

Open Now

Now Closed

店內走南洋木系風，椰殼吊燈＋竹簾隔板，感覺chill。招牌二人套餐：先上原個椰青開蓋倒入銅鍋，椰水＋老椰肉慢火熬湯，清甜中滲微微椰香。雞件每日鮮斬，3 分鐘即熟，肉質滑而不韌；湯頭第二輪加入甜粟與紅棗，鮮味再升級。霜降肩胛肥牛油花分佈平均，涮 8 秒入口油香爆發。明火煲仔飯選「流心牛肉煲」：生蛋黃＋豉油撈飯，飯焦脆卜卜超滿足。時蔬以本地菜心為主，吸湯後更鮮甜。檸檬黑醋、沙薑豉油兩款蘸料配合度高，整體份量足、味道順口。 

雖然係椰子豬肚雞湯既舖頭名，但係我本人去食過幾次都係食胡椒豬肚雞湯底😂仲係咁飲啲湯😂佢啲雞點豉油已經好好食！另外叫嘅小食係炸墨魚餅同埋凍豬手🤣炸墨魚餅真係超級好食，鍾意食嘅朋友可以試吓!不過呢期唔知係咪加咗價，貴咗，人多食就會抵食啲😆嗰個炸墨魚餅咬落好有口感，好彈牙😆凍豬手，其實佢深水埗都有一間食打冷嘅舖頭，嗰間好似好食啲啲同埋份量多啲，呢幾次去食，我唔知係人頭問題，所以份量少咗定係點？😂不過都係好食嘅。

搜索豬肚雞，估唔到唔係咁多地方跑出嚟。相信打邊爐嘅地方，好多都應該有。但係真係主打豬肚雞嘅，似乎唔係好多。 所以今次係經過搜索，特登過嚟一試。湯底算唔錯，味道鮮甜。特別係條竹笙，真係好大條。豬肚份量亦算唔係太少。不過其實打邊爐，都唔會真係有人諗住嗌咗個鍋底淨食就搞掂。呢度有其他手切牛。當然亦有大中小份量去選擇，不過點樣睇，份量都確實唔係想像中咁多。特別，呢個手切牛嘅薄，應該唔係普通人真係可以切到咁薄。相信師傅功架應該係要相對了得，先真係可以切到咁薄。 😝所以總括而言，覺得性價比不高。可能由於地理位置關係，相信應該都係應酬遊客居多。😉

前一日訂枱book左19:30，去到話要等多陣，我等咗三個字，發現原來我隔黎等緊枱嗰台人都係book左19:30。店員仲話佢地黎先所以有位會比佢哋入先，做生意唔係咁做，冇位就唔好夾硬俾人book，最後我等咗三個字就走，垃圾服務態度

最近發現一間只靠佐敦街坊口碑的地道火鍋店他家的招牌椰子雞湯底清爽鮮甜 跟走地雞是絕配強烈推薦手切頸脊肥牛！吃完一碟太好吃🤤又再點了一碟大的牛頸脊 油花豐富而且均勻肉質鮮嫩爽滑 牛味濃郁💯 另外煲仔飯必點！臘腸排骨煲仔飯越吃越開胃 味道不會過鹹😍每次吃火鍋必點象拔蚌刺身 非常鮮甜 好好吃！假日6點多去已經滿座 食材新鮮而且價錢不貴👍🏻

行完廟街，就行來這店食椰子雞煲、門口都有人排隊，大約等了20分鐘，但他們說我地可以去行一陣，輪到我哋會打電話給我們！一入餐廳服務員就給一煲熱水我地洗碗碟，叫我地飲咗個湯先再食雞，湯非常清甜，飲咗三婉湯，雞剛剛好！好彩有侍應幫我地計時同提醒我地食，牛肉都淋有牛肉味軟滑！生菜，我地還叫咗個九菜鮫，即包！最後有還有個煲仔飯！啲飯係一粒粒！唔濕立立，非常之好！食唔哂要打包！叫咗枝啤酒！兩人合共食了五百幾！下次試下個象拔蚌二人餐！見到都多人叫！但要七百幾！服務員態度好好！多謝前多謝後！用餐時間90分鍾，但係我地都只係食了1小時，時間都充裕！下次會再去食！

沒有準備的情況下在佐敦同老公搵嘢食，佢話不如打邊爐，行吓行吓見到間唔係好起眼嘅豬肚椰子雞，門口見到二人餐$388，不抱任何期望入咗去，叫咗一個二人餐，包括半隻豬肚雞窩，一份霜降肩胛肥牛，一煲煲仔飯（我選咗臘腸排骨飯），一份時令蔬菜。另外我再點咗一份即炸響鈴，一份脆肉鯇魚腩一份美國桶蠔，三支汽水。首先，要彈嘅就係冷氣唔夠，不過我向服務員表示之後，佢哋馬上將冷氣開大一啲，講到食物方面，套餐啲牛肉就真係一般般，而脆肉鯇真係普通貨色，唔脆嘅！之但係，佢個豬肚雞真係好食，隻雞係清甜有雞味嘅，而且食得出係走地雞，質素非常好，湯底亦都夠胡椒味，豬肚煲得好腍，桶蠔亦都尚算中上貨式，OK！最令我驚喜嘅係個臘味煲仔飯，我覺得係非常之出色，啲飯嘅質地係粒粒分明油香夠，但係唔會太肥膩，飯焦亦鬆化臘味同排骨亦都係好出色，個煲仔飯食90分以上，就算今晚唔嚟打邊爐齋食個煲仔飯我都覺得好滿足！今次我係因為呢煲煲仔飯真心比5個👍🏻，佢好食過好多YouTuber介紹嗰啲所謂老字號，我都「領」過幾次嘢！其實佢煲仔飯價錢唔算貴，可以一試！埋單$837，合理，講真上深圳食都要$400。起碼，仲未計搭車來回舟車勞頓同時間，響香港

行完隔離永安 黎尼到食個晚飯。今次係第二次黎食！ 個二人套餐好抵食$388 有半隻雞連湯底，包一碟牛，煲仔飯同蔬菜。足料又抵食。 真係好滿足。椰子雞湯底清甜，雞件足料，嫩滑多汁。肉質爽脆，一D都唔「梅」。套餐包的肥牛，絕不馬虎。肥牛 脂肪與肉的比例平均，入口即溶。脂肪與牛肉的味道融入口腔。好味道👍👍再配埋個煲仔飯。好有廟街特色。今次加左$20食個新推介的白鱔飯。白鱔肉質彈牙，煲仔飯好正宗。好多飯焦。鍾意食白鱔 必點！

呢間位於佐敦主打椰子雞煲嘅火鍋店係近嚟食過嘅打邊爐材料最新鮮嘅一間，真係每樣食物都好好味👍🏼今次連埋J小編就有3個人一齊食，所以叫左都算多，不過最後好飽都食得晒。雖然小編有book到枱 (7pm)，不過7:30pm後就已經爆棚，所以如果想嚟記得一定要book！雖然設有用餐時間 (120分鐘)，不過如果真係walk in就要等一段時間啦~小編見無乜人介紹，唔知算唔算新啦，但以佢嘅食物質素、價錢、同份量嚟講，性價比係相當高，絕對值得再嚟食多次😝再加上都見到佢都提供好多種類嘅套餐，唔想煩可以直接叫都係一個幾好嘅選擇~下次再去小編都想試下佢哋嘅象拔蚌同白胡椒豬肚雞，聽到啲店員講都係主打才菜式，好似好吸引咁haha

朋友推薦的餐廳，過來試下！食材優質，多種類，份量大，✌️有我最喜歡的桶蠔🦪，象拔蚌，竹笙！價錢合理，環境闊落，人流多，服務到位，不過收台太快，不好意思坐太久！

幾乎日日都會响佐敦搵食的我🤭🤭路過呢間新開的「天下豬肚雞椰子雞專門店」門面好濶，好光猛，見到有好大個招牌二人套餐$388 新張驚喜價😀有半隻椰子雞鍋、霜降肩胛肥牛（中）仲有明火煲仔飯 和 菜，好似好抵喎😍😍試下先半隻椰子雞⭐️⭐️⭐️⭐️ 賣相幾靚😍店員將半隻雞一次過放落椰子湯煲5分鐘就食得，椰子湯清清甜甜，記得飲返兩碗先打邊爐，雞件都幾滑嫩霜降肩胛肥牛（中）⭐️⭐️⭐️⭐️肥牛色澤均勻，肩胛肉的筋比較少，而且肉味比較重，啱哂鍾意重口味的我😁窩蛋牛肉煲仔飯⭐️⭐️⭐️⭐️呢個煲仔飯冇乜飯焦，D飯煲得好滑唔會乾爭爭，窩蛋撈埋滑牛又幾好食喎😋親測👆🏻招牌二人套餐抵食！味道我比⭐️⭐️⭐️⭐️環境都好企理，兩個人都有卡座⭐️⭐️⭐️⭐️我地晚上9點幾去到，9成滿座都幾Full～雖然繁忙，食到成碟雞骨店員亦不忘換碟，同埋飲緊椰子雞湯未開始打邊爐的時候都好細心咁將個電爐調教一下溫度保住溫先，可以慢慢飲湯下次可以試埋胡椒豬肚雞❤️

今日收工唔係太夜，喺佐敦搵嘢食，呢間舖頭好似唔係開咗好耐，店名同佢哋嘅套餐好似都幾吸引，好想去試下。入到舖頭入面原來都幾大，多數都係大枱畀一大班朋友一齊食飯，兩至四個人呢就只得幾座卡位。今次兩個人食叫咗一個二人套餐，好抵食，而且好好味。首先雞煲，可以揀豬肚雞或者椰子雞，我哋揀咗椰子雞，聽講佢哋揀定雞都係一啲果園走地雞，所以特別嫩滑， 再加上佢呢個電磁爐都幾特別，有埋計時器，啱啱好五分鐘，唔會太熟太老，椰子湯非常清香，暖粒粒，好好味。跟住可以揀一份牛肉或者豬肉，我哋揀咗霜降牛肉，肉質唔錯，另外有份菜，仲有個煲仔飯，有幾個選擇，天氣唔係好凍，唔係好想食臘味，所以就揀咗一個窩蛋牛肉飯，呢個窩蛋牛肉飯好有驚喜，因為佢唔係用一般嘅牛肉餅，而係真係用滑牛，朋友原本唔係好鍾意食煲仔飯，佢都話正，成個餐連埋加一醬芥 500 元有找，當然佢另外仲有啲 Upgrade 嘅套餐下次再嚟試。