大阪王將 (Closed)

今日行完mega box,搭幾個站去apm會合vicky食dinner, 見food court呢間餃子店的鋪面擺放o既套餐款式繁多,而我同amy 兩個人又唔係特別餓,所以揀呢份套餐share黎食但係搵位真係不容易,果陣7:15pm only,行左好耐先咁岩搵到張4人桌呢~套餐 叉燒拉麵+餃子6隻+炒飯 $61但係套餐本身無附送飲品,本身份餐的拉麵display出來係海鮮拉麵,但當我地order果陣,職員話海鮮拉麵會轉為叉燒拉麵~職員有禮,而且廚房開放式,可見到職員煎餃子的情況~而我地等左6min左右就可以取餐~叉燒拉麵很大碗,味道不錯的,湯底唔會很oily!叉燒很大件,咸度又適中炒飯 一個size適中的飯球~與之前荃灣分店一樣咁好味~有少許燒汁的味道呢~有碎紅蘿蔔,青豆粒,蛋碎及叉燒粒作配料~賣相不錯餃子6隻皮薄餡靚,煎得岩岩好,又唔會好燶~沾上餃子醬汁後,這個配搭很match,不錯

好耐之前食過呢間野的餃子後一直念念不忘....之後終於有機會再試....個餃子即叫即煎, 所以要等一陣, 一入口好香脆, 入面d料熱lala, 好味道!!!再點埋佢個汁, 好似係gap汁咁酸咪咪, 簡直越食越想食

今日因工作關係...下晝一個人到APM Food Court 食飯，試左大阪王將。咁啱好似之前一個食評，我都係叫餃子+大阪烏冬。烏冬：味道唔錯, 湯底唔會太鹹，清清地咁。不過份量少左D，唔啱大胃王 餃子：冇咩特別，但最大問題D餃子但有微溫，而且好乾...總結： 餃子烏冬，普普通通，主角餃子煮成咁，食過一次就算

記得第一次食真係覺得好驚喜自此去親apm 都忍唔住食，搞到都冇肚食其他野平時肚餓一定叫炸雞飯餃子combo但今日唔餓就食烏冬男友話 烏冬質感有d似唧出黎0個d 四海xx麵(完全唔記得但一定係四海...)其實係咪我地孤陋寡聞呢... 未試過呢種烏冬, 不過唔難食ga，係唔慣jei餃子不嬲唔點醋，但居然都食到酸酸地，咩事呢??以前唔係咁ga bor不過下次俾多次機會佢，叫多次炸雞飯餃子combo，唔得就真係要講再見了

腸胃不適日，大家提我千祈唔好食肥膩野啦，咁我食個烏冬啦，連加餐餃子都唔要，叫左個狐狸烏冬（＄４0）。個staff聽到我唔跟餐好奇怪咁，難道唔食你d餃子都係罪？狐狸烏冬即係油豆腐皮，一向鍾意食腐皮壽司既我一心歡喜。點知，問題出係烏冬度。我後悔點解唔去隔離烏冬專門店。呢間既烏冬直情係難食啊！麵質唔係烏冬既滑，而且好似未煮熟既麵粉咁。凈係feel到硬硬的粉狀。已經係病人架啦仲要咁對我。我明白佢主打係餃子，唔係烏冬。但無理由整d唔合格既食物架，＄10/5包個d打邊爐烏冬都好過佢...

係日本食過正宗的蛋包飯....今日見到這個天津飯好相似...當然不是啦~這個天津飯係葱煎蛋包著珍珠米飯~加一個蠔油汁,做法與蛋包飯相似~我覺得日本飯好好食,用珍珠米,比較淋身,但葱煎蛋就中式啦~蛋很厚身,煎得太熟,所以麻麻地~而蠔油汁好膠...飯裡面又汲有任何配料的~個餐仲有餃子,份量多,普通啦~不是非常好吃...餡多,啖啖肉咁~

兜飯好食...食完唔覺得飽而d餃子就真係一般,同阿媽整果d差唔多價錢都幾昂貴試過就滿足了

大板王將，當知道其出名的是餃子的時候，我這個愛吃餃子的人就一直好想好想試了>w<。無奈觀塘這個地區我是極少會去的，直到今天…公事後，回程前，人在APM。走進美食廣場內，餐廳林羅滿目，有石頭飯，有鐵板燒…全都十分吸引!幸好餃子癮仍深深在心中，所以選擇王將，點了一個有炒飯有餃子的餐，多謝$45，豪多$5有罐ZERO。雖然正值下午茶時段，但所有餐廳都沒有下午茶餐的，怪矣!跟餐原來有碗麵鼓湯，熱度溫溫的，有幾條海帶，不是粉開的，骨一聲就喝完了，沒有過咸的味道出現，收貨。為了食多幾條菜才點配有沙律的餐，面前這飯碗”沙律”，開心的是沒有可怕的沙律醬，可惜的是…椰菜條除乾巴巴外，還夾帶著苦瀝味!還以為主打日式的店子，沙律中會有心愛的酸汁/黑醋加下，如今要一邊乾哽一邊吃苦，唉!來到我期待的餃子，兩邊煎到金金黃黃外加脆身，隻隻都很飽滿哦~餃子皮很薄很軟，鬆化的豬肉餡中湧出肉汁，整體上不算油膩，所以一人吃掉六隻也非難事!本來炒飯只是用來填肚用，怎料炒飯的質素比餃子更勝一籌!@@!第一次遇上珍珠米的炒飯，其獨有之飯感，加上炒到又乾身又香口的飯底，掂!配料雖只有蛋碎﹑蔥粒，簡簡單單的但已令人吃

女友今日下晝放工同班同事去APM唱K, 6點左右去接佢, 諗住同佢去觀塘碼頭食泰國野, 點知原來佢係唱K度已食左野, 無奈之下, 自己一條友走去APM FOOD COURT睇下有咩食, 最後揀左呢間叫大阪王將, 睇下佢有咩好食啦, 見到有個套餐有拉面, 有餃子, 有炒飯, 賣$65, 嬲嬲地, 諗住食餐好既啦, 好就買佢OK, 佢個套餐包括1) 6隻煎餃子 ( 個樣好似幾靚, 點知一食落去, 凍既! 有冇搞錯, o岩o岩煎既餃子點解會凍呀! , 好明顯係一早煎定, 有人叫再返煎啦, 返煎又要煎唔熱, 直頭失望)2) 一碗天津飯 (所謂既天津飯, 美其言只係蛋炒飯, 加少少肉碎 & 蔥, 先唔好講好唔好食, 第一啖食落去, PK, D飯"窿"既, 係好明顯既炒"窿"飯, 唉~~~~~~)3) 一大碗大阪王將拉面 ( 好大碗, D湯底係好似加左生粉水咁, 超級"傑"撻撻, 成碗面既材料, 包括一隻蝦, 二塊尤魚, 數塊肉片, 大量椰菜, 一 到 二個即食拉面餅, 無錯, 你冇睇錯, 就係得咁多餸, 先講湯底, 明顯係味精+鹽煮成, 冇任何鮮味, 絕對唔係什麼上湯煮的, 仲有個面餅, 唔

(過期食評之十)之前係度食過一個都係三十八蚊既午餐係天津飯加餃子覺得相當唔錯，今日黎想再食之際，見倒佢有個新餐，鰻魚炒飯加餃子，雖然餃子得三隻比較少，但係呢個餐就連汽水兼仲有麵豉湯，我自己又幾鍾意食鰻魚，都好似幾抵所以決定食呢個，上次已經覺得呢度d煎餃子好食，雖然今次好似退步少少d皮無咁靚但都算係好食，麵豉湯就一般貨色，比較失望係個炒飯，雖然係炒飯但實在係太過油膩，攪到我食到大半已經唔係好想食，整體黎講唔算太差啦，下次都係食返鶴仙派組合天津飯加餃子好了

很久沒有食他的餃子，眞是懷念 Egg & Crab (Set $58)餃子眞是薄皮和餡肉豐富和現時開到週圍都有的台式餃子相比，還是王將勝一籌。因為皮薄之餘餡料鬆軟和有汁，食落一點也不乾這個飯賣相好有趣，其實內裡是白飯，再將滑蛋放在飯面形成球狀，蛋裡頭沒太多配料，只有少量虾肉及碎肉，最後加上一個芡汁。再跟一個小小的薯仔沙律及好清淡的蛋花湯，食完這個組合都非常飽了

每次去APM Food Court 食晏都係食(我)指定的幾間, 九里香, 南京路. 但今日突然想試新野, 所以就揀左 大阪王將. 估唔到第一次食就留下深刻印象. 今日食的係 海鮮面同餃子套餐. 外表睇來已非常健康,多菜少肉,菜鋪滿成碗面,幾乎搵唔到有海鮮.湯底清徹之餘味道也一樣清.淡到同清水無分別.面身結實(有咬勁),似係煮好左放埋一邊備用,到上台前先淋上湯.餃子係成個餐唯一唔夠健康的食物, 因為佢點左鼓油之後有少少鹹味.如果有營食肆搞一個選舉, 我相信佢認第二, 無人敢認第一.

我是王將FAN。 她在HK一開業已幫襯。昨天叫了"2號"餐, 當中的"王將拉麵"的湯, 淡如開水, 我安慰自己, 淡總好過咸。最難接受是炒飯, 有油"益"味。 我唔知乜嘢原因, 不想去推測。幸好餃子是OK (即似番平時的)。希望只是偶然, 若再多幾次, 我想支持你都怕支持唔住噃......o甘既環境, 唔該大家著緊啲, 幫幫手呀......

前幾排，黎左呢間野食。都係要多謝OR送戲票俾我地睇戲，呢度既午餐都算幾多人。但都好快搵到位既，太好啦。餃子炸雞定食個人認為餃子就好普通，但個皮煎得好脆。雖然係普通，不過都算唔錯。而個沙律就唔多得，無乜味同唔多新鮮。而炸雞就唔錯啦，好有肉味。又唔會炸到太乾，好有肉汁。雞肉又唔算鞋口，算幾好架。而個飯就無乜特別。我覺得個餐都幾好食，雖然個價錢係貴左小小。但都無計啦，因為九龍無乜地方食野平。

17-06-2009友人吃了這個都不知是什麼名堂的食物賣相不錯, 都幾好味蛋包飯的汁不錯特別好吃又不是, 但又未至於唔好食~中中上吧~