Daimon Family Cafe (Closed)

黃埔地鐵開咗，梗係要去八下啦，見到隻船又新裝修過，就去咗呢一間大門Family Cafe。其實冇乜要求，因為價錢都幾平，兩個人埋單兩舊水，坐得都幾舒服，啲Staff又OK好好笑容，所以都係值得去嘅。係啲飯嘅溫度唔係好夠熱，其他都OK啦。…查看更多

黃埔aeon新裝修咗，而且地鐵站又開通咗，梗係要黎一黎睇下有咩好野食。今次試下大門，見門面幾好，台與台之間又唔迫，8點黎到又唔洗等位，所以試下呢間。叫野食時，侍應無用紙寫低，又無機篤，以為幾好記性，因為重複單時又無錯。但結果出單時落錯咗其中一樣，不過我地都有責任嘅，因為無對到單，所以都無怪佢地，照試。特制大門拉面呢間啲拉面較其他日式店粗身，所以鐘意硬身面嘅我覺得幾好，好有咬感，唔會浸淋晒。湯底味道岩岩好，唔會太重味，落埋拉面胡椒粉梗加香。叉燒雖然得一塊，但肥瘦適中，而且好厚身，夠食。糖心蛋蛋黃做到流心，不錯。海鮮拿破侖炒拉麵就係落錯呢道，本身叫拿破侖炒拉麵，落錯咗，無晒腸仔，變咗2隻大蝦。呢個拉麵係鐵板上，底層係蛋，之後放拉麵，跟住放2隻大蝦係面。由於送上台時，蛋漿已被熱嘅鐵板整熟咗，所以痴晒係個鐵板度，攪到唔係好刮到黎食。呢個拉麵我覺得同個名好唔岩。話係炒拉麵，但食落去唔覺係炒，只係煮過嘅拉麵撈茄汁。咁嘅配搭，都係意粉撈茄汁好食啲，拉麵撈會太硬身唔夾。除咗2隻大蝦同底係蛋外，無其他配菜或餸。煎餃子都唔錯，皮煎得脆身，料有肉料玉子燒睇落唔錯，面煎到有少少焦我覺得幾好，而且厚身夠大件。食咗一啖就覺得好失望，係一啲味都無。我係其他日本餐廳食過嘅玉子燒都會甜甜地，但呢間係無，係一啲味都無，連蛋香都無。玉子燒最唔得係呢間。整體黎講除咗大門拉麵同煎餃子唔錯之外，其他都好失望。應該唔會再有下次。…查看更多

琴日黃埔站終於開咗啦身為港仔既我今日又點會唔係搭地鐵去黃埔朝聖呢.黎度黃埔一定要去吉之島嗰間船度瘋狂影相影完相見肚餓就去咗間日式Family cafe我就食咗特製大門拉麵（味道好有之前係日本嘅感覺）女朋友就食咗個叉燒炒飯加餃子（叉燒炒飯就好似中左伏因為對比起特製大門拉麵叉燒炒飯一定冇咁抵食好彩係女朋友食呵呵）飲品仲有得無限飲唔執輸嘅我梗係飲番幾杯啦.佢嗰度有沙律吧可惜沙律吧啲沙律唔啱我食.如果唔係都可以一戰嘅依家返到屋企.都好想去再試下.但無奈黃埔對我來講都幾遠…查看更多

幾個男同事, 去完超市買活動用品. 個個肚餓到死. 行去對面呢間野.. 原來好大..我叫左個拉麵. 大大碗. 湯底好足味. 麵條明顯比出面街嘅粗. 所以好好"趙"。當然又會飽好多..最抵叫埋drink bar,任飲. 我地幾個人食完就坐係度吹水.. 位又闊.唔逼........ 以後要傾野可以黎呢度.…查看更多

今日去開黃埔順便搵吓有咩食，見到呢間開嘅餐廳所以入去試吓，如果大家食過薩莉亞，呢度其實就係一間食拉麵為主嘅薩莉亞飲品及沙律吧都係自助，嘢食嚟得快！選擇暫時唔多，因為仲係試業階段主攻都係拉麵同埋鐵板餐先嚟一個似水一樣嘅粟米湯，感覺仲差過日本熱水開嗰隻呢度飲品係每位計任飲，如果你係飲水的話記住要拎普通水杯然後當然叫個招牌拉麵(特制大門拉麵)$58賣相同想像差唔多，好鹹，好油！湯飲咗一啖已經唔想飲，麵食咗幾啖就已經成口油唔想再食呢個價錢我加多$20-30，可以食碗好好味嘅拉麵然後試吓新口味(其實因為冇咩揀)，叫咗個原創經典油麵，Order前已經問咗原來係有D童星點心麵碎放上面，同埋係一個撈麵但係其實除咗冇湯同多咗點心麵，根本同頭先嗰碗毫無分別諗住點心麵會增加口感，但係跟住嚟到當你撈埋一齊之後已經淋哂唯一鍾意係呢罐拉麵胡椒粉幾香最後漢堡拼吉烈蝦，薯角正常，炸蝦只Feel到粉，漢堡勁多根，咬唔到嘅肉粒！個芝士忌廉汁好難頂，好似食緊白膠漿最後好勉強咁埋單走人，以後都唔會再嚟！…查看更多