Dai Mon Yokocho (Closed)

第一次黎食果係佢新開張第一個星期。果次叫左午餐咖哩吉列豬扒飯，，送提子汁。咖哩同吉列豬都好食冇問題....唯獨是D飯竟然生米算啦，新開張可能師父仲未掌握得好。第二次，比多次機會佢個咖哩吉列豬扒飯!!好好食呀~~今日興之所至，又再次光顧。去之前同事極力介紹「汁燒雞扒飯」同「燒青魚飯」。仲話燒雞可以燒到乳豬皮咁、10分為滿分，青魚可以有12分咁話喎~好!!!就即管試下個「汁燒雞扒飯」先~點知午餐牌冇左果個飯 唯有問下啦~ 侍應話而家冇做午餐，但如果要都可以做比我，不過要等15分鐘。同事咁讚口不絕我又點會唔試呢，而且佢係即叫即做，我同事未落order佢就話落左我果個先，等我快d有得食。燒汁起飯底，好好味:)仲有醃羅白、中華沙津做配菜，真係做到色香味俱全。同事既咖哩吉列豬扒撈烏東，都好正呀!!!希望水準會keep住啦，好想快d試埋個12分既燒青魚飯呀!!!!整得好食既餐廳冇幾多間，為左以後都可以享用到咁正既lunch，極力推介呀!!!…Read More

初次認識大門橫丁, 是有一次在旺角誤打誤撞而入去的, 還記得有原隻蟹烏冬可惜當時供應有限, 但我立心一意一定要吃所以一定會再來, 但香港實在太多美食, 一直找不著機會. 幸好得知原來在元朗開了分店, 真是天助我也~~~~~~~~穩陣起見, 在店外已問了經理今晚是否有蟹烏冬, 他們有的, 那我入去都不會覺得失望~~可能是平日的晚上時間亦算早, 所以店內只是坐了三成人左右. 由於新裝修店內亦算大, 所以坐位很寬闊, 現在的食肆很少有, 因舖頭不太當然想多一點坐位吸客人, 形成了像屈蛇一樣真的坐得不舒服~當晚門還坐了卡位的角落, 真有自成一角的感覺~熱辣辣的烏冬上場, 已上半隻溏心蛋感覺很窩心. 湯底相公非常喜歡因辣度都算足夠, 份量其實都不少, 除了配料豐富外, 牛肉和豬軟骨都算合格, 肉質不錯之餘牛肉味亦都很重. 烏冬跟旺角店一樣那麼好吃, 都是爽爽的~~溏心蛋相公十分欣賞流流的溏心散發出一點點的蛋香味~只是吃到差不多尾聲時, 可能湯底味太濃, 此刻覺得湯底有點鹹. 如果濃度方面可以偏啖少少我想一定是100分烏冬.期待已久的蟹烏冬出場了~~~我喜愛的蕃茄湯底配上兩大個的蕃茄十分足料, 再看看主角...........嘩...有很多蟹膏橙橙的蟹膏十分好味, 我已經忍不走先吃了整隻蟹, 今次實在疏忽了烏冬和湯底, 最後我竟然吃不清還剩下少許烏冬. 這款烏冬配上一隻溏心蛋, 亦是十分好吃, 溏心滑滑的流出, 蛋味香濃, 再喝一口蕃茄蟹湯..........確實是十分美味~辣酒大蜆亦是跟熱烏冬窩盛上來, 酒香已很快傳到我鼻上, 真是忍不住先喝一口湯........................很香清酒味啊~~~~~~~真是估不到味道十分香濃好像會令人上癮一樣. 大蜆方面亦十分鮮甜爽口一點沙也沒有, 雖然只有大約六, 七隻但我一點都不覺得不值, 因這個辣酒湯已經滿分了~論食物真是已不錯, 起碼用料足不是馬馬夫夫, 但現在拉麵店烏冬店盛行, 如果馬夫的話真是很快受不了要被淘汰, 眼見大門橫丁越開越多分店, 希望能保持水準越做越好. 環境方面新裝之餘最緊要是坐得舒服, 一間食肆好除了食物還要有環境才令客人能真正地享受食物, 服務方面待應主動亦經常加茶, 經理亦十分努力在門口拉客, 因始終地點在後街不算太旺, 但我們八時多走時已坐滿了八成, 以平日計真已算不錯. …Read More

星期日同男朋友去完南生圍影相，出返元朗食飯，天氣咁熱, 我地都打算食日本野既, 但壽司鋪一定有排等位, 我地都好攰唔想再等喇去左千色附近搵食啦, 見呢間有日式串燒好似幾正咁, 就入去試下魚生冷麵，四十幾蚊有咁大盤冷面, 仲有三文魚都唔少, 真係抵食！加埋個芝麻醬簡直一流！燒雞泡魚干, 好正呀, 呢個最岩用黎送beer茄子好夠味, 面頭有芝麻,乾蒜粒加埋一齊好好味！露荀完全俾d雞皮入晒味, 所以一d都唔乾, 好嫰!個雞翼睇落唔似辣, 但食落都辣辣地, 仲好夠入味, 連骨都有味架九點前入座好多串燒都有特價, 都唔算貴…Read More

是晚早已決定吃日本菜, 七時多的時侯剛好在元朗廣場, 這是造就我要去元氣的嗎? 但當取過號碼後, 突然又想吃串燒, 反正大門橫丁開業多時, 遲遲未有機會試到, 說罷又走回頭路過去, 就當是慢慢散步走動一下, 所以說女人始終是善變的動物。 生怕這黃金時段會引來大量人流, 離遠看店外幾乎沒有人在等, 反而鄰近幾間店已有人輪侯, 不過有時侯水準好與否不能單以人流而定, 推門入內, 只見有幾檯客, 但坐下一會時, 陸續開始多人, 我倆算是幸運呢!:) 店內燈光較為暗黑, 周圍都一片木色, 裝潢簡約, 傾向小店格局, 比同類型的金田寬敞一點。 店家本設店在尖沙咀和旺角, 主打串燒、和食和烏冬, 難得九點前也提供優惠, 款式更不是寥寥幾款, 而是一整頁的選擇。 由我這多心又難決擇的人拿主意, 同行者實有點無奈, 所以快手點上幾款, 邊吃邊研究再加單。 煙肉芝士年糕($18): 這配搭實在太美妙了, 煙肉燒至香口卻未有硬得像肉乾, 卷住的芝士呈半溶狀, 奶香動人, 早已跟軟糯的年糕融合, 只嫌年糕份量偏少, 不細心留意的話可能不覺它存在, 切大塊一點不是更好?串燒牛舌($32): 初時見這個價錢, 真以為是兩串, 原來只是單串計, 心想真不便宜。 吃串燒的頭號至愛非牛舌莫屬, 燒至僅熟, , 沒有過韌或難咬開, 爽脆細嫩,:) 帶輕微的羶香,椒鹽份量得宜, 不會過咸而掩蓋牛的鮮香, 叫我這粉絲大為滿意, 可惜只三小塊要分吃, 貪人的我真嫌不夠呢!吉列炸蠔($38): 炸物看來同樣吸引, 見每隻都是金黃香脆的樣子, 胃口即時大開, 以這定價早想像到蠔的大小。 粉漿未算薄身, 但鬆脆乾爽, 麵包糠粒子細緻, 不覺會界口, 蠔肉雖小, 但鮮甜度搭夠, 很軟滑的質感, 卻不覺腥。 伴上的沙律醬甜味出眾且帶點酸, 十分滋味。三文魚刺身($28): 沒記錯的話這裡是沒壽司供應, 刺身也只看到三文魚, 一客四片, 切得厚厚的, 未會因特價而偷工, 看那紋路分明有序, 入口軟腍, 但未算十分油潤, 滲著淡淡的魚味, 看來還是集中火力在強項的串燒身上。日式燒茄子($20): 開邊後才燒, 火侯掌握剛好, 一夾下去, 便見成絲狀的肉, 腍滑細緻, 外皮柔韌之餘有點爽脆, 配上甜甜的燒汁, 還有葱花、 炸蒜頭、芝麻等皆為惹味的源頭, 愛濃味人士必不可錯過。鹽燒鴨舌($20): 一向對舌頭之類的食品真的不抗拒, 難得見有鴨舌, 沒理由不點吧! 輕輕咬下, 已感覺到骨頭正與肉慢慢分離, 燒製反感乾爽, 不會太腍身, 更富咬口。羊癮起, 但見羊架要數十元一件, 真點不捨得, 還是向較平易近人的香草燒羊仔肉($36)下手。 見中間心仍是呈現誘惑的粉紅色, 甚為對辦。 肉質細嫩沒渣, 肉汁沒有流失過度, 就連外圍較熟的部份也不乾鞋, 主要以孜然粉作調味, 更能襯托出羶香。 我愛沾些芥末醬同吃, 夾雜粒粒種籽, 香味更突出, 酸、甜、辣交錯, 正是美味所在。極上牛肉沙嗲手打烏冬($65): 其實心底很想選配地獄或是辛辣湯, 但同行者不太吃得辣, 總不能苦了她的。 原鍋送上, 溫度得以保存, 只見熱氣在空中飄散著, 後來所吃的仍是溫熱的。 烏冬麵每條都脹卜卜很圓潤, 爽滑彈牙, 又帶點煙韌, 不會太輕易散開, 沒有怪怪的酸味, 反覺麵粉的甜味。 湯底本身帶點稠, 頗濃縮的, 更能附在闊身的烏冬上。 沙嗲味非常濃重, 又像嚐到花生的味道, 甜多於辣, 當然對我來說, 如果是辣的話會更討我歡喜。 端來時仍見牛肉帶嫩紅色, 牛味很濃, 比預期中更為柔軟細嫩, 不感鞋口。 至於那半隻蛋, 喜見不是全熟的, 蛋黃仍算是流質, 色澤偏橙, 微黏口, 但一咬下易跟蛋白分開, 未算是完美的溏心蛋。燒菠蘿($20): 不是特意當作甜品的, 但偏偏最後才送上。 外面帶點微燶, 甫入口汁水像在口腔爆發出來, 豐盈得很, 那份甜不是外加糖而造成, 完全出自果甜, 又夾雜酸香, 纖維不過粗, 硬邊都去得乾乾淨淨, 吃起來很爽, 清脆利落。 只嫌切得未免太細粒, 有點不夠呢!吃至將近尾聲, 店員突然拿出另一個特價餐牌, 原來每晚九點都提供優惠, 食物跟前段的不同, 忽然想出一條精明的計子, 下次大可選八時半左右入座, 不是可以兩個優惠都吃到嗎? …Read More

今日約左朋友食午飯，因為住左係元朗好耐既關係，要諗食咩真係有一定既難度。有見大門橫丁既分店終於開到去元朗，就一於去試下拉！呢排既天氣悶熱到爆炸，好彩店內空調設備充裕，一身悶熱既氣息即刻被一掃而空，當時正值午餐時分，其實都有好多LUNCH SET可以選擇，不過本人比較想一試該店比較出名既湯底拉麵，所以就DECIDE單叫拉麵食。不過一碗拉麵唔平，要百零蚊。其實本人係想叫豬骨湯底既，但無奈只限晚上供應，唯有試味噌湯底。而且可能因為平時比較少人會於午餐時段散叫食物，故等候時間相對較長~正當朋友已經食左大半個LUNCH SET既時候，我終於都等到碗拉麵黎喇，嘩！好大碗呢，呢次一定飽死喇，湯底尚算濃郁，可能本人對味噌湯冇乜特別情懷，故未能判斷其好壞~糖沁蛋唔錯，不過都係一般貨式。帶黎驚喜既反而係塊豬扒，肉質比較鬆軟，雖然友人食既SET LUNCH都係叫炸豬扒，但係好明顯食得出兩者有分別，而且望落去兩者肉質既顏色都大有不同，果然一分錢一分貨，有機會既話下次會試埋豬骨湯底。…Read More

今日同老婆落元朗買嘢兼食晏。本來想試果間越南嘢原來已經執咗。本着既來之則安之（加上啱啱有客走唔使等），於是就試下呢間日本嘢。坐落先知佢哋準備開第六分店，即時覺得出品應該差極有限。午餐揀咗辛辣蕃茄湯牛脷豬軟骨手打烏冬同日式叉燒炒蛋飯。食物好快就送到，食落老婆讚豬軟骨夠惗又入味；我嘅叉蛋飯亦炒得好靚，叉燒入味炒蛋亦唔老。有信心下次再去試其他嘢食！…Read More

4日食左2次啦呢間餐廳！佢既午餐係幾抵既！仲附送一杯飲品同埋前菜海草！星期3食，人真係唔多，仲有好多位！人少少，食既時候就靜d！到今日星期6，差唔多既時間，但係餐廳已經就快滿座！多人就梗會嘈d既:)巧合既係，2次都係坐同一個卡位！星期3帯個朋友去食，佢就點左個豬軟骨牛利烏冬牛利夠林，蕃茄湯都夠濃既，粟米亦都好甜！而我就點了吉列豬扒烏冬湯底我比較喜歡呢個！岩我多d豬扒就普普通通吧。今日就帯媽味黎試下。因為佢淨係食得豬，所以點了吉列豬扒烏冬媽咪略嫌湯底咸左少少！咁媽媽點了豬扒我就唯有點其他。最終點了雞柳烏冬湯底ok喎，跟吉列豬扒的有不同，有驚喜不過雞柳就麻麻！海草前菜好開胃，碗底仲有爽口青瓜！令到成份午餐健康左峰蜜綠茶燒物：汁燒脆玉瓜燒汁不錯，脆玉瓜燒得香，好林！不錯！燒物：魷魚穌燒得爽口略嫌燒得好似過左火少少。下次會再試其他鳥冬同燒物！…Read More

2012年7月7日因為想食好d, 又自己一個人冇野做, 去左試大門橫町食果陣大約9點, 店面員工都好友善係咁問幾多位, 又比牌等待緊既人睇, 又介紹有咩好食, 9點之後有d 燒物小食都半價等左8分鐘度就入到, 因為自己一個人, 坐吧台都冇所謂, 店入面既職員都好有禮貌, 見我拎住個大袋, 旁邊個位空左比我放袋, 我諗係因為冇咩人坐吧台, 少個位都唔緊要於是我睇左陣, 就叫左個 金麵豉頂級拉麵(叉燒) $125, 一杯紅棗蜜 同 一個芝士雞串 (已經唔記得左幾錢)*金麵豉頂級拉麵(叉燒, 可選雞扒豬扒): 黎到已經聞到陣幽香, 但配料怪怪有四季豆, 湯底好濃好香, 有種蒜味同海鮮味, 但又唔膩同唔會口渴, 飲左一啖搞到我係咁飲湯, 糖心蛋就冇咩特別, 四季豆好脆好新鮮, 但我覺得同個拉麵既味唔夾, 而叉燒就夠哂軟, d肥膏有少少黏黏地好好食, 但都係淡味左d*紅棗蜜: 依樣先黎既, 但飲落重蜜味, 我比較鐘意重紅棗味, 整體味道普通*芝士雞串: 睇落好正, 但個芝士味太淡, 蓋哂原本燒雞串既味, 食果陣想整走d芝士食原本有燒汁味既雞串, 下次叫汁燒雞肉會好d*總結: 個金麵豉頂級拉麵 都好食, 但唔值咁貴, 比我下次我會試烏東, 聽講烏東好食d, 埋單$165 有加一, 我都會想再黎食其他野…Read More

今日起身好頭痛.2點幾才落街食午飯.我知道呢間係大門橫丁第5間分店.在太子.旺角.尖沙咀立足到.應不是太差!一入到店發覺環境有的迫.燈光較暗,我知道呢間店烏冬出名,當然試烏冬,可惜午餐牌得2款烏冬..坐下服務員俾茶同餐牌我...效率同禮貌都不錯..這張相的食物.飲品加十元..神奇的是蜂蜜綠茶.明明叫凍仲有冰.但飲下去暖.仲好淡..前菜的海折同青瓜香口而清新但份量少.炸豚肉烏冬,熱力很足夠.雖則豬骨湯是開粉的.但味道,不會濃,又不會鹹,我好滿意.至於豚肉炸到皮離開肉.皮香口,而不油,點醤更好食.至於肉鮮嫩而有肉汁.無可批評...埋單48元....合理.但我知晚市不便宜.有機會去其他分店試晚市,一看晚市的品質.…Read More

五月初一個週六，兩口子下午都要外出，就拜訪婆婆前來照顧寶寶。晚上二人回家，正好姨姨也有空，就連一道連同寶寶一起出外用餐，順便當是預慶母親節。 是晚媽媽日本菜癮起，行經這間新開的大門橫丁，便決定一試。週末店內頗為多人，而可以擺放BB車的檯卻只得兩張，為了即時入座，當晚大家決家將BB車收起，手抱著寶寶吃飯，還真有點論盡! 打開餐牌，發現此店專賣串燒、拉麵烏冬，原來並無媽媽想吃的壽司卷物，真可惜，唯有盡情大點主打菜式：　蟹籽青瓜蟹柳沙律，用上小青瓜，打橫切成小圓片就成事，省了不少功夫；整體口味也頗為清新，就是份量比較小。　煙肉芝士燒年糕，煙肉烤得香口，半融芝士樣子更是無比吸引，成品的確美味但也有點點漏。由於一客只得兩件，當然不夠分要加單!燒牛舌，肉爽彈牙，豐腴多汁甚為美味，幸好玉仔姨姨不吃牛舌，每人一件剛好分勻!燒鯖魚，又是媽媽至愛，成品烤得不錯，中間魚汁仍然豐盈，鮮美好吃!　 燒牛助骨，肉質比牛舌鬆化，吃的口感不同，卻是同樣的香口味美。燒煙肉露筍，露筍不夠清甜，沒預期中理想的對比效果；又因玉仔姨姨不吃露筍，又是剛好每人一件。　 燒辛辣雞翼，玉仔有太多東西不吃，這個全歸她啦! 八卦媽也試了一口，以七味粉為主的調味確有點辣，但肉汁不夠，普通啦。吉列炸蠔辛辣沙爹湯烏冬，除了串燒，烏冬也是這裡的主打，配料十分多元化，為想吃炸蠔就點了它，兩者分開上檯。先講炸蠔，一客共有五隻，身量中等，熱度則是百分百，幾乎熨破咀皮，點上沙律醬味道還算不錯。 　至於辛辣沙爹湯烏冬，烏冬本身夠滑溜頗好吃，配料也新鮮爽甜合心意，之不過對於現時的媽媽來講，湯底真的很辣，而越吃越辣，故只吃數口就要放棄了! 據知店內還有一款更辣的地獄湯底烏冬，嗜辣的應該會滿足。特級肥牛蕃茄湯烏冬，湯中的肥牛絕對不是特級，吃起來柴柴的，其他的配料則與前一款相約。湯底方面，這一味明顯清甜易入口多了，因此媽媽吃的不少，但因食物太多還是吃剩了。凡惠顧拉麵/烏冬可以$8優惠價享用餃子蛋，是晚也來了兩份，每份有溏心蛋半隻x2及餃子兩隻。其中溏心蛋賣相吸引，然而卻是食落無味，差；餃子則是來貨, 水準正常。最後點了香桃雪葩，味道清新的富有桃子香氣，淨食未算吸引，卻是濃惹串燒及辛辣烏冬後的良好結尾。今餐埋單約$500，以此價位來計質素可接受，在元朗發起串燒或烏冬癮時可去吃吃。不過，媽媽始終未吃到最想吃的壽司卷物，不夠滿足，於是母親節正日又再出去吃過!…Read More

今晚, 我同「細靚孖」去左朋友推介既「大門橫丁」元朗店度試!其實之前係太子店都食過, 不過, 上次我就試「原隻蟹湯烏冬」, 果次隻蟹好大隻, 我又懶醒叫左幾款串燒, 食到過飽好似夾硬質d野落肚!今次, 我地分別點左蕃茄「大門糖心」(叉燒 / 豬軟骨) 手打烏冬及沙嗲豬軟骨烏冬, 仲有芝士雞串、燒牛舌及燒菠蘿...加埋兩杯梳打特飲...勁滿足 D豬軟骨勁大舊, 又淋又入味:)值得介紹係加 $8 多送糖心蛋同埋餃子 (不過, 下次我唔會加, 因為要留肚叫下D特色串燒)有我至鍾意既酸酸甜甜蕃茄湯底, 連渣連湯幾乎一滴不留食晒, 正! 最後, 仲有新店開張既COUPON送, 下次可以同「細靚孖」再嚟食過 …Read More

之前同女朋友去過旺角嗰間大門食嘢，發現係元朗開咗間新店咪同阿媽落去試吓囉:)我哋一同8人成7點幾先落到去諗住要等位呀啦，點知連位都唔駛等 SO GOOD全個menu得一個拉麵，仲要成$128都唔知有咩咁巴閉，但係冇計阿媽鐘意食咁我就問吓個侍應個咁貴既拉麵究竟係咩料子啦，但係佢答既嘢我完全係唔知佢講咩我都費事問佢有咩好食啦:(有條西裝高佬幫我哋落單，咁我又再問吓佢個拉麵係咩東東啦佢既答案好啲，但係我都係唔明呀啦但係佢好好咁同我哋講可以叫四五個麵再叫啲串燒一齊食佢仲介紹咗啲special嘢比我哋食:)總括我哋叫咗︰$128既拉麵，豬骨湯烏冬，蕃茄牛肉烏冬，蕃茄雞柳烏冬，地獄义燒烏冬串燒就試啲大路啲既嘢︰牛舌，冬菇，秋刀魚，雞翼，茄子，鵪鶉蛋，雞皮蝦仔同芝士翠玉瓜同一個special︰脆皮蠔先講吓啲湯麵︰$128嗰個係麵豉湯底既都ok，麵豉味幾重，唔會好咸，吉列豬扒分開上都ok啦，但係價錢就見人見志啦個豬骨湯就好似啲老火湯咁好濃蕃茄湯始終都係我既至愛，好濃既蕃茄味，牛肉係用肥牛都ok，不過啲雞柳就麻麻啦，冇咩味:(個地獄湯呢．．似麻辣多過地獄囉，我就唔係咁鐘意啦…不過個义燒就幾好食，唔會太油到串燒︰都要等幾耐呀(15至20分鐘)佢就話係生燒所以要耐啲牛舌，冬菇，雞翼，鵪鶉蛋同芝士翠玉瓜一般水準啦秋刀魚會起咗中間條骨，幾細心茄子就係個面度加咗好多唔知係咩既嘢上去都ok雞皮蝦仔有創意最後個脆皮蠔原來要追先到既，問條高佬點解要咁耐，佢話你哋試咗先啦點知一試我真係冇嘢講，原來係用雞皮包住隻蠔嚟燒，啲蠔汁係個口度爆哂出嚟．正．服務都ok啦,要改善地方，最重要既係啲茶係唔夠熱總括嚟講我都會下次既…Read More

見呢間新開左一排就黎試下~~叫左個雞柳豬骨拉麵，稔住試下佢既麵質同湯底。等左好耐兼吹左一次先到。成個鍋上，整體賣相都唔錯。主菜方面，雞柳似雞碎，個樣唔得，但個味都可以既。麵方面，話係拉麵但唔似日本黃色拉麵（無論粗／幼身都唔似），似普通白色乾麵餅！唔合格。湯底方面，唔係日本既豬骨湯底，不過味道都ok。跟餐飲品全部係罐裝既。…Read More