大觀園食坊

終於明白點解香港食肆咁多結業 呢間真係好難食 叫左韭菜雲吞 個皮硬的 好似未熟咁 但食左個餡係熟的 正常雲吞皮係要散開 佢係黐埋一舊唔散開 個皮實到咬唔到 唔想嘥嘢 勉強食咗個餡 比錢個陣反映 店員話係呀 好多人講過 話會轉 咁即係本身間野知道呢件事 仲要拎D咁的質素食物比客人食 想食客食晒呢批難食雲吞先再賣新雲吞 呢間店永遠唔會再去 打上黎係希希比人知呢間伏店環境方面 張櫈超污糟 無抹過 勁多湯漬 唔小心坐落去真係成條褲都污糟 唔明呢間鋪點再生存落去 …查看更多

朋友叫咗個麻辣米線，湯底唔掂檔，味道似預製湯包，豬潤佢煎過嚟，想做到獨有味道，但又唔好食，雲吞無肉味，皮又厚。另外一碗紅薯粉，豬腸又霉，湯又唔得，奶茶又唔得，態度又差，收人兩舊水都好意思。小店都做到咁，點可能唔比差評。…查看更多

其實唔想做份工可以唔做，D客冇欠你。黑口黑面指指點點又冇禮貌，就算嘢食點好都補救唔到，何況一間普通茶餐廳。真係去一次冇下次，香港飲食業真係比呢啲鋪頭拖累晒！！！…查看更多

這間餐廳的服務態度非常惡劣，令人難以忍受。工作人員毫無禮貌，對待客人冷淡並且要顧客自行執拾餐牌。完全不尊重客人。食物質素也令人失望，我對這種糟糕的餐廳態度感到非常失望，絕對不會再光顧。…查看更多

今日喺大潭水塘行完山，落到去東大街食呢間小店酸辣粉，之前都食過呢度嘅秘制豬軟骨同一口小雲吞，都幾好食今次都係食麻辣米線中辣$29，除左要韮菜雲吞$8，仲諗緊要清湯牛腩$22定超級猪扒$18，兩款都好吸引，但最後都揀左清湯牛腩，唯有下次先至猪扒清湯牛腩都幾大件，共有四件，食落好易咬得開又唔韌，牛腩嘅牛肉味幾濃，韮菜雲吞有六粒，雖然細細粒，但韮菜同猪肉餡都唔少，味道唔錯呢度仲有煎手打餅（香煎肉餅）食，雖然環境細小同衛生普通，但以小店黎講都算用心制作食物…查看更多

今日同朋友去食lunch，叫咗碗麻辣麵 + 雲吞 +薯粉。食到1/4驚覺有隻小強向湯底入面浮下浮下。因為太驚人，所以來不及影相已經叫店員收咗碗麵。店員比過碗新嘅麵，又收咗張單。我以為係唔洗比錢，但到我哋走嘅時候發現居然仲夠膽收錢。我的天。以前間中都有嚟食下，但唔會再有下次。雖然嚟得東大街食嘢都知唔多乾淨得去邊，但有小強仲夠膽收錢我覺得好過分。當時得我哋兩個女仔就費事鬧事，但其實覺得唔ok的。大家以後小心。…查看更多

筲箕灣東大街大觀園嘅早餐都算平， 超級豬扒，出前一丁面加雙蛋厚多士加杯奶茶，都係$40，食完午餐都唔使食。早餐可以食韭菜一口雲吞，$34+一杯嘢飲，唔食辣嘅可以食清湯，雲吞不是太大碗的，細細的11粒。…查看更多

到店前10分鐘落單，之後外賣等左好耐有30，淨係講豬扒要等。其實本身一直有幫襯開，都唔洗等咁耐。每次打電話落單後去攞，從未有咁情況，幾個月後再去就咁，個員工、老板態度愛理不理，問等幾耐又唔答，足足等咗30分鐘。…查看更多

一家🏠四口揸車🚗過嚟東大街搵食，每隔一段時間過來，呢條食街一定有啲食店轉咗手。所以每次都會行晒成條街先再決定食啲乜嘢。當然通常女人話事。老婆今次揀咗呢張大觀園，店舖細細，只有幾張枱，坐得好迫。但係啱啱可以望到我架車。豬軟骨雲吞撈麵：呢個面底係用上海面，超級好食，醬油汁微甜，洽當好處。令豬軟骨，雲吞都淪為配角。超級豬扒米線：豬扒碎上，超級大塊仲好厚身，好味👍👍雞絲蘿蔔米線：正正常常，冇乜特別。時菜雞翼：正正常常，冇乜特別。淨清湯牛腩：蘿蔔薦底，清甜冇喳。牛腩用了雪藏牛肋條，份量是很多，但相對牛味不足。店小二好殷勤，會主動和你傾偈。埋單$224，美味抵食。…查看更多

🔻東大街出名多嘢食，但有時自己一個食飯其實真係求其入一間就算🤣喺門口見到有一間蕃茄湯底嘅小鋪頭，諗都唔使諗就入咗去喇😆🍴雞扒蕃茄湯底上海麵💲38🌟推薦指數：★★★★★雞扒係新鮮煎好嘅，一咬個皮仲有少少脆😋個人覺得就好抵食又大塊！湯底絕不失禮，足料晚番茄蓉 夠晒香甜，我食晒成碗仲飲埋湯添🥰蕃茄迷必試！！！配搭埋時菜要讚👍🏻上海麵軟硬適中 而且份量好多，食完真係捧住個肚走🤣🤣🤣😋…查看更多

如果對筲箕灣冇咩概念嘅人，大可以認住東大街，係呢度嘅landmark，好西多籮籮，尤其係平民飯堂有一間夜晚好多街坊入嚟食或外賣，睇menu大胃就知佢地嘅豬扒應該好撚手就嗌碟香蔥豉油汁嘅豬扒雞翼飯，豬扒鑊氣好夠，彈性十足又夠嫩，淋上豉油超過癮，加上好入味嘅雞翼，呢碟飯實在令人滿意另外佢地嘅撈丁都多人食，睇麵底都知好有味道豬扒一樣係大大塊又腍，仲有令人難以抗拒嘅荷包蛋𠻹呀佢地嘅豬扒咁出色，嗌埋手打肉餅試吓先，肥瘦比例完美，肉香爆燈，煎得啱啱好估唔到呢度嘅奶茶都可以沖得咁好飲，見幾檯都嗌樽仔奶茶，大胃冇理由唔埋堆唔嗌埋一份嘅…查看更多

東大街不嬲出名多好嘢食，見到呢一間屹立不倒嘅餐廳🍴聽附近住佢friend講呢間餐廳喺度好多年🤣住喺港島區嘅我竟然未試過，就衝左入去試吓啦。一入到去，啲員工都好有熱誠咁問我哋有冇食過同埋為我哋推介有啲乜嘢係主打🥳豬軟骨、雞扒紅薯粉麻辣湯底（ BB辣） $50由於個店員去我哋帶推麻辣湯底，所以我哋就叫咗麻辣湯底🤤結果真係冇介紹錯，就算我淨係叫BB辣都好，啲紅薯粉都好入味🥰而且個豬軟骨勁大舊😈仲要好索味😍而且個雞扒都落足料成塊上嚟，仲要好似心梗幫我切開咗一嚿嚿清湯牛腩、一口雲吞米線麻辣湯底（ 小辣） $54個清湯牛腩真係好好食，肉質嫩滑仲要入口即溶🍜配埋極度足料嘅雲吞，入邊淡淡都係有蝦同豬肉🥳真係超級豐富同埋飽肚🙆🏻‍♀️而且麻辣湯底唔會話剩係得麻同辣味，可以feel到個湯底都落足心機去烹調我哋另外仲叫咗個小食，就係炒豬潤🤤口感豐富不單止，而且呢個菜式喺出邊好少見！如果鍾意食豬潤嘅朋友都可以叫一個試吓🥰…查看更多

🍳🍳🍳不嬲都話筲箕灣東大街真係好多好嘢食今次就同大家介紹吓呢間大觀園食坊😝小店價錢相當貼地親民 份量仲要好大碟大件夾抵食果然係喱頭街坊嘅飯堂🥰醬油汁豬扒蛋撈一丁 （$48）豬扒係餐廳嘅招牌菜 一上枱見到咁大塊同咁厚嘅豬扒已經好驚喜🤩 拎起嚟仲大塊過我塊面😂食落香口 又夠juicy 仲要一啲都唔覺得油配埋隻煎得咁靚嘅太陽蛋 整體賣相真係幾唔錯至於個麵底醬汁嘅辣度簡左bb辣 麻香味好出 但又唔會太鹹撈落個麵到超惹味👍🏻一口雲吞鮮牛肉撈烏冬（$42）個份量同樣係超多😌淨係計雲吞都有成六至七粒不過大家唔使驚因為一口雲吞果然係名副其實真係一啖就食得晒😂味道有啲似蝦餃 而且皮薄餡靚 仲要細細粒咁 好鬼cute😍至於牛肉亦好夠滑 肉質又林👍🏻雖然喱一碟同上一碟一樣簡左撈麵不過今次就選擇咗咖喱汁 撈落個烏冬度真係絕配…查看更多

屋企住港島就係可以食下小店，有時候唔知食乜好我就會食米線。今次同妹妹夜晚落街就見到呢間好似幾好食的平民小店。‪ 𓌉◯𓇋自選米線（酸辣紅薯粉+ 手工餃子+ 豬軟骨 + 手打肉餅）個米線中規中矩，紅薯粉好煙韌，個酸辣湯對我黎講辣度適中。手工餃子🥟粒粒飽滿，仲要幾多三十，皮唔會太厚，配菜黎講非常OK。其實主要想講個手打肉餅真係好驚喜，食左一啖之後非常驚豔。連妹妹都偷左一舊黎食，個人覺得好食過午餐肉很多，非常彈牙爽口Ꮚ ֊ .̫ ֊ Ꮚ ᐝ‪ 𓌉◯𓇋鮮茄蓉豬扒蛋撈烏冬妹妹叫的，個人覺得茄蓉🍅好原汁原味，加埋超級厚嘅豬扒，係一個滿足嘅晚餐。分量都幾大，妹妹表示食唔曬！‪𓂃 𓈒𓏸໒꒱大觀園食坊 (筲箕灣)筲箕灣筲箕灣東大街50號金來大廈地下F舖…查看更多

作為一個筲箕灣街坊我成日嚟依間又抵又好食嘅餐廳食飯，主要有清湯牛腩，雲吞，肉餅，豬膶，豬扒等等食，配飯，湯麵，撈麵食都得，成日食都唔會厭。😀今日我食豬潤太陽蛋飯，隻蛋煎得幾靚🍳，完美嘅蛋黃咭破撈鼓油飯食，豬膶大大塊煎得好香，有差唔多10塊，補血補肝。🐷另一個叫咗清湯牛腩，蘿蔔，腐竹紅薯粉。紅薯粉好食彈牙，蘿蔔好甜無渣，清湯牛腩不嬲係依到嘅主打當然好好食，燜到好腍又有牛味，湯清甜唔會令人口渴。🐮🍜…查看更多