Video
4-min walk from Exit D, Kwai Fong MTR Station
continue reading
Telephone
51260345
Opening Hours
Today
12:00 - 03:00
Mon - Sun
12:00 - 03:00
Above information is for reference only. Please check details with the restaurant.
About Reward Scheme
一個價錢盡享即撈海鮮火鍋、熟食、即開榴槤、即開椰子等等….回本率極高!!揀咗最高等級「120分鐘至尊套餐」, 三百蚊左右呢個價錢的確係坊間好難食到新鮮海鮮, 難怪平日晚座無虛席, 人氣爆燈。餐廳設自助區, 放有多款丸類、蔬菜、飲品、雪糕雪條等, 當然仲有幾個水缸, 放有多款海鮮。即撈海鮮包括有鮑魚、蟹、大頭蝦、沙白蜆, 自己撈絕對係揀到最新鮮嘅質素。鮑魚大大隻, 大頭蝦肥美爽彈又鮮甜, 蟹雖然偏細隻, 不過總算鮮甜實肉。六選一湯底, 揀咗蕃茄湯底, 甜酸清新開胃。熟食自助區放有少量熟海鮮同炸物,蒜蓉烤蠔: 肥美多汁, 加咗大量蒜蓉, 少量辣椒, 惹味提鮮。另有炒蟹、小龍蝦、炒蝦等…肉類同部份火鍋配料經QR code落單, 肉類有牛肉、牛板腱、牛肩胛、五花腩片同埋羊肉, 質素對得住放題價錢。今晚主攻海鮮, 所以火鍋配料只點了蠔、海參、鵝腸同埋毛肚。鵝腸沒有肥油連帶, 爽口!飲品方面除了罐裝汽水、紙包飲品, 仲有即開椰子, 清甜潤喉!!另一最有驚喜就係可以任食即開榴槤, 散發榴槤獨有香氣同埋香甜。
continue reading
天氣嚴熱又好想食火鍋最愛吃鴛鴦湯底可以品嚐兩面味道朋友介紹去葵芳大西洋火鍋, 又平, 又有新鮮海鮮又近地鐵站真的不錯葵芳..搭車返家都易店內雖然不大.最吸晴係個海鮮位. 又大又干淨比想像中好.仲有其他熱食.不錯.叫左2個 套餐D298 (成人) • 鴛鴦湯底 雞蘿蔔湯 同 金銀花露雞湯 第一件事, 出去拎海鮮. 每人一桶, 朋友拎左5少蜆, 蝦, 鮑魚,, 新鮮的扇貝,扇貝通常有厚實的外殼，內部有鮮嫩的肉，顏色從白色到淡橙色。好吸引。仲有好多火鍋配料. 牛丸, 墨丸,響鈴等等熱食.徐左出面任食外. 可以手機落其他食物:另外叫了 西班牙五花腩片/份 , 滷雞/份 , 雞腿/份, 帶子, 長腳蟹蝦滑/份 鮑魚肉/份 鵝腸 蝦餃/份o西班牙五花腩片/份：肥瘦相間，煮熟後入口即化，油脂與湯底融合，帶來濃郁的肉香。o滷雞/份：醬香濃厚，雞肉嫩滑，滷汁滲透入味，回甘無比。o雞腿/份：肉質鮮嫩多汁，帶有輕微炭香，適合喜歡濃郁口感的食客。o特別一提，蝦滑/份份量超值，新鮮蝦肉與蝦膠製成，口感彈牙。我們直接將一份放入滾燙的鍋中，爽滑美味，令人回味。o鮑魚肉/份：雖然細隻, 但口感軟糯，帶有天然海鮮甜味，與湯底相得益彰。o鵝腸：煮得恰到好處，爽脆彈牙，略帶獨特風味。o蝦餃/份：皮薄餡嫩，蝦肉彈性十足。o帶子: 不是細隻的帶子. 都算厚身•食物確實豐富，尤其是第一次吃火鍋時遇到榴蓮、山竹、荔枝糯米糍, 細粒李子, 甜品是雪條等等特別選擇，遠超一般西瓜或哈蜜瓜的常規水果，令人驚喜。以兩百多元的價格，實在超值，性價比高。•整體而言，葵芳大西洋火鍋帶來了難忘的用餐體驗，新鮮海鮮與多樣化的食材搭配，冷氣環境和便利的交通更添舒適。這裡都值得，期待下次再訪！
continue reading
雖然最近天氣真係好熱💦，不過只要喺冷氣底下打邊爐，一樣爽到不得了❄️🔥！今次就同朋友嚟到 大西洋火鍋 大開殺戒，真係由頭食到尾無停過🫢🍽️。🦐 $298 晚市放題套餐｜2小時任食7款海鮮+甜品任拎呢個價錢可以任食即撈活海鮮🪣，真係勁抵食！成場最吸睛一定係個即撈區，有蟹🦀、大頭蝦🦐、鮑魚🐚、生蠔🦪、沙白蜆等等自己夾，拎完即煮，勁鮮又彈牙，真係食完一round又一round🤤。除咗海鮮之外，仲有成堆火鍋配料🍢，例如丸類、餃類、蔬菜同肉片等。場中間仲有幾款熱盤可以拎🍛，加埋大閘蟹都任食🦀，實在太開心🥳！🍜 湯底 花膠雞湯 + 麻辣鍋花膠雞湯夠晒濃郁，有住香濃雞味配上膠質感，煮肉或海鮮都一流🍗✨；麻辣鍋叫咗小辣🌶️，辣度唔高，但香料味重得黎又夠惹味，唔會死辣，好正！🥥 無限供應 椰皇水 + 榴槤超驚喜居然有椰皇任飲🥥💦，清甜又解膩，配火鍋簡直係完美搭配！榴槤味道超濃郁，應該係金枕頭，又甜又香，食到停唔到口，一定要留肚食！場地寬敞，冷氣夠凍🧊，坐得舒服～當日唔算爆場，夠鐘都無趕人走🕒，仲好有禮貌咁叫我哋慢慢食完先走👍🏻。工作人員會主動通知有熱食出爐🔥，完全感受到服務有心機👏🏻。今次打邊爐體驗真係開心到爆💯！以呢個價錢嚟講，可以食到咁多款野食又唔限攞幾多次，真係性價比極高❤️！同班friend一齊吹水打邊爐，食得開心又滿足，下次一定會再encore🔥🫶🏻平時打邊爐食得多，但一人蒸氣火鍋就真係比較少見。今次就試咗【船渦】，主打新鮮即劏海鮮，一人一鍋，唔使一個爐過夠衛生，真係幾有新鮮感～見到海鮮擺晒冰上，好有誠意🧊，環境舒服，坐得幾寫意 🌿
continue reading
🔸晚市至尊套餐 D $298鴛鴦鍋底→今次揀咗豬骨濃湯同埋重慶麻辣牛油鍋底，後者就係微辣較油，我個人中意豬骨湯，呢度做得奶白味濃，用嚟滾海鮮就一流。 爐具係新裝修嘅 ，火力夠猛。我食咗幾百次自助，b都算係食自助餐嘅專家，雖然有上百種美食任飲任食，但問題係你自己個肚 冇可能裝得落咁多，所以一定要識得揀嚟食。我推薦以下幾款 必食嘅精品：澳洲安格斯牛板腱同牛腱胛，兩款都牛味香濃，牛板腱就較瘦但唔柴西班牙 五花腩片：睇落以為一片片肥肉，但涮過之後就唔覺肥膩，好香靚豬肉味海參、帶子、蟹腿、鮑魚肉← 呢幾款貴嘢，好多地方都冇得食，所以唔點好似對唔住自己 ，呢度啲海鮮確實係新鮮嘅，好味好食蝦滑： 呢個要特別推薦，我叫咗兩盤，烚起上嚟蝦膠大大嚿實肉，好似係龍蝦肉咁正豬肚： 睇落嚟就好醜樣，識落原來豬肚係已經過醃製嘅，已經入味好食魚皮餃： 係即整嘅，爽滑彈牙，用嚟做主食都唔錯剝皮魚： 雖然細細條但好新鮮，啲魚肉仲係好實淨嘅，有鮮魚味但有一啲都唔醒味道：8/10性價比：8/10🔸 免費自助區龍蝦仔、 海蝦、 生蠔、 炸魷魚、 炸薯角等炸物 源源不斷供應， 食完可以再食，仲有我最鍾意嘅炸白倉魚，炸得蘇香脆口，真係可以連魚骨都食埋。生果有 任食嘅榴槤 同埋 椰青水、荔枝、蜜瓜等，椰青水係好正嘅，好清甜，飲多幾個椰青已經圍番本，荔枝就係當做糯米糍， 肉大核細超甜😋海鮮有扇貝、大海蝦、肉蟹、新鮮鮑魚 同埋蜆， 都係新鮮海鮮，可以敞開肚皮大口敞吃👍
continue reading
每逢打風都一定會好想打邊爐，最近呢個風球落咗之後就即刻喺屋企附近搵嘢食，真心超級有驚喜！ 個價錢真係好抵，人均唔使$300 ，但係就可以任食海鮮，肥牛等等火鍋材料，全部都好高質！最值得令人欣賞嘅係佢哋嘅服務態度，全部嘅服務都好好，又細心，尤其是有位同事：蘋姐，佢嘅服務態度真係超好。知道我太太懷孕，細心提醒佢有啲乜嘢要注意，要淥熟啲嘢食先好食等等，真係令人真心有驚喜！ 佢哋嘅性價比都係好高，海鮮好高質，鮑魚好大隻👍 牛肩胛等等都好靚，充滿牛香！ 同埋佢哋而家仲做緊啲優惠，可以任食榴槤同埋椰青，但係我自己個人嚟講就唔鍾意食榴槤😂 不過原個新鮮椰青真係好抵，我太太解胎毒一流，我哋仲會幫你開埋👍👍👍呢間真心值得推介👍👍👍
continue reading