大良甜品鴻輝記 (Closed)

話說我早兩日喺元朗間X茶餐廳食完個晚飯。想搵啲甜嘢食下，我覺得B仔坐得唔舒服， 又見到對面有一間就試吓。我入到去睇到佢張餐牌好少嘢食，不過佢地標榜大良燉奶咪試吓囉。同個仔一人叫左一碗燉奶， 我再加多碟咖喱魚蛋諗住咁普通嘅嘢難食極都有限啦！原來我係大錯特錯，係可以真係好難食㗎！先講講啲魚蛋陣味好香，不過一食落口啲魚蛋唔係豉油魚蛋黎架， 林到阿媽都唔認得，仲要係無味，蒜蓉好難食， 好似食生蒜咁， D咖喱好似水咁，總括嚟講唔係俾人食。再試下啲燉蛋仲大鑊，超硬勁甜, 食落口感覺係好鞋。唉， 食咗兩啖就走人，全單成為＄50。PS 唔該啲食肆真係攞個心出黎整啲嘢俾人食啦！唔好求求期期交差算, 真係唔該你哋俾啲良心！

教育路真係幾多野食食完烤魚工房行幾步見到有間中式糖水雖然已經好飽，但食埋糖水先會感覺更圓滿🤗我同🙎🏻‍♂️都簡左小店既推介叫左<清心丸椰汁🥥紫米露>同埋<芝麻糊溝合桃糊>2個糖水都ok既，唔會太甜個清心丸好煙韌，有驚喜，係自家手工制既👍🏻個芝麻合桃糊我同🙎🏻‍♂️都覺得ok啦，如果個糊杰d會好d總括黎講 呢間糖水小店都ok既，推介個清心丸$20幾蚊又大碗而且店內都好乾淨如果係附近食完晚飯又想食下甜品，都可以試下既

天寒地凍，食完飯最好去食個蕃薯糖水暖一暖個身體，前一天試了B仔，今次便選擇了鴻輝記大良甜品，這蕃薯糖水過甜，不夠薑，不夠辣，真的失望，自己煲的還好吃呢！還食了熱杏仁糊，都是一般的。

晚飯過後散左陣步，消化哂緊係食埋糖水啦😆咁岩經過呢間鴻輝記就入去試下嗌左碗芒果涼粉同清心丸紫米露涼粉無咩特別不過芒果好甜好好味友人就話清心丸都唔錯，煙煙韌韌咁，但略嫌紫米露稀左少少。不過好多蚊滋，可以再注重一下會更好可以一試既～

鍾情中式糖水 衝著清心丸而黎 少地方有得食環境舒服 老闆同姐姐服務都好 芋頭同番薯希望可以改善......•椰汁西米露 另外再加一份芋頭(因為menu無椰汁芋頭西米露😅) 叫任何糖水都可以加$5一份芋頭 雖然椰汁西米露同芋頭分開煲 但芋頭係爽入口硬骨骨 選用劣芋頭定煲得唔夠🧐椰汁西米露椰汁香西米比例多👌🏻•薑汁番薯糖水 無薑味 一味甜 重要係番薯竟然係爽零口感 好失望 細心將分開清心丸另上 •馳名燉鮮奶 過甜 無奶香 感覺好奇怪•招牌合桃糊 中規中矩•清心丸紫米露 清心丸份量多 口感正夠煙un 紫米露好水比較稀 紫米比例少

入元朗大家必食的是什麼？大家都會答B仔涼粉啦～老實作為新界西老薑，真心不覺得有什麼好吃，但你問我仲有咩揀，老實又真係冇飯後好糖水，唯有焗住繼續吃。前幾日又同朋友食完日本野，驚覺原來有間老字號糖水鋪，有殺錯冇放過，一定要身先士卒先可以有另一番生天。同朋友各叫了一份，腐竹糖水同黃金番薯糖水。十分鐘後熱辣送上。黃金番薯糖水，人如其名，金黃色，個子均勻，樣子娟好。吃一口，心一深，首先番薯爽口，失敗！番薯一點也不糯，好硬，真心似不熟的薯仔，爽到一個點，然而薑味唔出，失敗！糖水得個甜字，沒薑味帶動沒層次！到腐竹糖水，雖然煲到溶光了，但豆香不夠，只是有甜味的豆漿水，普通到不行。咁樣的質素，難怪大家寧願去食B仔涼粉啦～

Not easy to find walnut paste sweet soup nowadays but this shop’s one was worth a try. $20 With $1 for takeaway. Was a big bowl full to the brim and the level of sweetness was just right. The texture was smooth and creamy. We also bought their almond paste sweet soup and texture and sweetness was alright too but I liked the walnut one better

大良甜品 - 出名的中式糖水店, 但真係非常失望. 我叫咗一個清心丸椰汁紫米露, 清心丸有幾粒, 都唔錯, 但個紫米露溝咗好好好很多水, 紫米仲要得好少, 完全唔值廿幾蚊........係既話不如俾多十蚊去附近B記食個真材實料既. 真係好失望, 唔會再去

昨天行經元朗，見到有間感覺懐舊風味的糖水店，而且説明雙皮奶是大良做法，就入去吃碗比較一下先。店內地方明亮整潔，這裡大概約十款糖水，所以很快我們就決定了選雙皮奶，而且加疆汁不會額外收費，算合理。兩碗雙皮奶一起送過來，原來疆汁是由店員後加上去，這做法完全與其他糖水店不同，那就沒有這麼好了。奶味不是太濃，更而且沒有奶香味，完全不是我喜歡的，味道不好。

年三十晚大家都知比較忙 我做客人既都係出面排隊等啦？等到入去食 食物質素唔講 服務真係好一般 環境係逼既 應該係我比較肥（食得太多好野）大家都明白 但有有一件事真係極為不滿 我食剩兩粒湯圓 居然個待應叫你轉位置 已經講左食埋兩粒湯圓就走（點都唔會過5分鐘話？）叫完一次一分鐘後又一次 我最後忍唔住 轉比你 就係為左出面等左唔夠5分鐘既5位客人 我都知我得兩個人 消費冇人地（5碗）咁多 真係唔駛咁既 我覺得講唔好意思已經冇用 只係凸顯你顧住生意冇咩點去理會客人感受 但我兩分鐘都唔駛 就食完 即走！然後同自己講冇下次！真係好難得有鋪 要我上來專登寫⋯

除左荃灣開左16年以上嘅主店外元朗上年都開左分店專食中式糖水的店有二十款中式糖水店選擇裝修具有八十年代的格局以合桃糊、芝麻糊、杏仁糊為招牌三寶而合桃、杏仁、芝麻都是古法製作以人手炒製當中雙皮奶、燉蛋、桑寄生蛋茶等亦有芝麻合桃糊(雙併)熱 $20加兩粒湯丸$7雙併都是同樣價錢以食開中式糖水為例尼間真係相對有d失望首先以糊黎講滑係幾滑冇一粒粒但質感係好水好稀芝麻味尚可但合桃味唔突出芝麻湯圓芝蔴香突出好味食到磨碎香米糯米的芝麻香味係略嫌皮太厚腐竹蛋糖水(熱) $20加兩粒湯丸$7個人覺得招牌三糊的味道最為出眾比較下此款味道極為一般腐竹少糖水稀冇乜特別比較之下個人覺得荃灣主店的糖水極為好味味道香濃可口亦特別出眾

由荃灣起家一做16年，開鋪開到入元朗的中式糖水老店 - 大良甜品鴻輝記，門外門內都是一貫地道港式風格裝潢。 糖水款式不多，主打合桃糊、芝麻糊和杏仁糊的鎮店三寶，其他如湯丸、喳咋、西米露、涼粉等，都是沒太大花巧的基本類別。價錢最平由$17起跳，平均廿元的交易算是合理親民。 第一次光顧先小試牛刀，來碗補腦的合桃糊 $20( 外賣加$1)合桃炸過後才磨制，所以煮出來面帶一層油光。合桃的味道十分濃郁突出，啖啖果仁香真材實料，是自己磨制而非開粉煮成的效果，口感非常幼滑稠身，沒有加水煮稀，甜度剛好，細膩柔滑，果然是鎮店的三糊之一，驚喜又不錯啊! 相比連鎖店的糖水，小店的出品便宜得來又有如此足料水準，值得下回再去呢。

其實我已經光顧2次，因為2次都係外賣，所以都忘記影相！😅其實依間糖水鋪吸引我之處！係佢地既皇牌合桃糊，因為真係唔多甜品鋪有賣👍🏻！所以我有日行過見到門口貼住個餐牌，我真係隻眼發光！因為又有少合桃糊之外仲有無糖水鋪賣既清心丸呀！唔買都唔得啦😋！入去買外賣先，首先店員好有笑容咁問食咩啦！合桃糊加清心丸，拎返屋企仲係好好食！合桃糊好香好滑，甜度適中！配合清心丸好味到極！另外一次試埋芝麻糊！好香好滑，仲有既係D芝麻糊好黑！

黎呢度飲桑寄生蓮子紅棗蛋茶已好幾次 都覺得好得 夠熱 唔太甜 有桑寄生茶味 因之前試過一d鋪頭 甜度蓋過哂茶味 而佢隻蛋又好新鮮 蓮子唔會太稔 I Like It 不過佢既芝麻糊就一般般 似用粉開出黎 蕃薯糖水都可以 不過薑味唔夠勁 如果薑味重d會仲正d 同蕃薯粉d再正d

元朗食糖水，真係話都冇咁易喇!因為元朗係飲食天堂。聽朋友講教育路最近開左間傳統中式糖水店，所以專登入去試下老實講，其實要搵地方食芝麻糊，合桃糊，杏仁糊唔難，最難既係要搵到一碗高質素既黎食咁先至係最難！合桃味十足，十分香滑！一食就已經知道唔會係用粉開出黎。一d都唔會覺得碗合桃糊稀，食完一碗都覺得唔夠喉，點知食完既時候先見到個餐牌上面寫住熱食可以雙拼😑所以下次會再黎試。haha..再加上店內既員工服務態度一流，係邊搵先？！元朗鴻輝記！正呀