Gaia Veggie Shop

是日午餐簡簡單單，大自然素食柚子沙律配肉鬆魚生壽司，亦配有例湯一盅餐廳環境不錯，可能午市比較忙，點餐要花約莫15分鐘才會有人回應你協助你落單送餐服務不錯，員工約1分鐘內已經把茶式從廚房端到臺面上肉鬆不太足夠，令到壽司的外形不太討好，醋及飯的比例卻是剛剛好沙律菜新鮮，咬下去非常清爽例湯是蘿蔔腰豆煲蓮藕，湯水並沒有任何味精及添架劑…Read More

今次係健康養生局，冇錯就係吃素。近排認識咗一位食長素15年的朋友，咁佢就帶咗我來呢間一齊食下素，刷新咗我對素食的認知。原盅黃耳素翅燉椰皇，唔好睇佢椰皇細細個內有乾坤，裡面有好多黃耳素翅好足料。水東芥菜釀豆腐煲，水東芥菜外面餐廳比較少食到，而且配客家釀豆腐，幾好幾好。北京片皮鴨跟薄餅，第一次食到素版既片皮鴨，不論係口感還是味道都好鬼似喎！好過癮好味道。原隻鮮菠蘿咕嚕肉，咕嚕肉同普通版本吃不出差別，呢個先係犀利之處，而且好多菠蘿肉我很喜歡。法式牛油果焗多士，朋友話係必點菜之一，她每次來都會吃這個，的確是挺有特色的，而且焗到很脆。…Read More

之前見到幾個食評都係話佢態度差，今次自己身歷其中，先知道佢哋真係名不虛傳。我大約3：30去到，人流無咁多以為服務會好D，咁諗真係諗多咗。服務態度差可能係佢哋的宗旨，因為我埋單時講“你哋服務好差喎”，個個姐姐回覆我“梗係架啦”！ 係唔係吹漲！佢哋係唔係好似澳牛咁，標榜自己服務態度差？但佢D野食又唔係好食到服務態度唔好都想去食。個日我去到，企咗門口等了幾分鐘，有待應行過但唔會理你。叫人寫單，應完你話等陣，但佢係做其他嘢，唔會再理你。有一班倒米伙記，我估老闆要減到三折先吸引到客人再嚟…Read More

唔知咩玩法！堂食有半價、但竟然外賣得8折！😡😡！加上打電話叫外賣、仲要我等成三分鐘先再聽返！真係冇下次👎🏻👎🏻！好似唔優做咁！我今次係係銅鑼灣分店叫…Read More

平日工作繁忙，難得放假，把握機會來大自然嘆午餐。點餐後，腦海中浮現了一條問題，一個想法🤭人係乜野情況下，午餐會食多d?一般原因：未食早餐、勞動工作消耗體力、遇到不快事情以食宣洩情緒，凡此種種，不一而足。今天剛想到的原因：📢📢大自然半價午餐快餐是正價的，餐牌上的食物半價，於是除了吞拿魚醬雞粒菜粒炒飯外，就額外多加了半價的生煎菜肉餃了。大自然素食 GaiaVeggie Shop 全日半價的優惠，應該是有限期的（暫時未知幾時完結），大家把握機會，食平d，食好d，一起來支持素店。#眾裏尋素千百道 #veggieEverywhere #veggie #gogreen #銅鑼灣素食 #香港素食 #大自然素食#半價優惠…Read More

Lunch 時間過去，本身呢間都已經出咗名差，因為想食齋都照去d阿姐係咁傾計唔做嘢明明大把位無人，係咁喝我要去搭枱做乜？仲大大聲話d位唔坐得唔係俾我坐？？ 唔怪得無客，真係唔好怪人唔喺香港消費…Read More

黎銅鑼灣行街，諗唔到食啲乜嘢。之後就試咗依間大自然素食，咁啱又有下午茶發覺有好多下午茶餐，銅鑼灣分店都幾迫。服務態度方面: 我只可以講麻麻，沒有服務可言，可能喺銅鑼灣地段，店員比較串(我覺得)。食物方面:不過不失，亦好驚喜，每次都問係咪真係冇肉㗎，但係菜式上比較油膩，兩個人下午茶二百幾蚊都ok。…Read More

尋幽探秘兜錯路，竹林深處有人家，居然有間素菜隱蔵於非常舊式的商廈中，走上電梯陰陰暗暗，再跳入古老升降機直奔八樓﹗冷清清小貓三四隻的食客，侍應們輕輕鬆鬆高談闊論悠然自得。原盅黃耳素翅燉椰皇⭐️⭐️⭐️湯底極素的味道，幸好香濃飽滿沒有水汪汪的感覺，足料無欺場。生煎菜肉餃⭐️⭐️油膩感十分重食不出味道來，不知道是韮菜還是薺菜，雖然外層煎得金黃焦香，但餡料非常清淡。瑤柱金菇炆伊麵⭐️⭐️菜多麵少，菜味溶入伊麵中怪怪，鑊氣欠奉而且落味單調陰沉。…Read More

lunch去左好耐無去大自然，因為齋期無套餐就叫左$98羅漢齋炒麵，係大碟但完無味，餸好明顯係白焯完就咁放落去，得返滾水味，所有餸都唔入味，麵底炸到好乾，汁少麵完全吸唔到，好差，我明白點解無咩人去食。埋單連茶介已經唔要蕃茄小食，$118，唔會再食。…Read More

適逢全日半價優惠，今午2pm便到大自然吃lunch😄服務員很快便安排入座，優惠期間食完要走不能hea坐🤣，另外有些食物巳沽凊😅。～非一般芝士薄餅👉餅底脆口，芝士味濃且拉絲，不錯✌️～黑松露雜菇焗蘆筍👉雜菇只有秀珍菇用油泡過，蘆筍軟淋，黑松露卻很濃郁味道，👌～法式牛油果焗多士👉出奇鬆脆可口又有拉絲芝士味👍，搶走牛油果味🤣～即磨腰果露👉完全失望，稀爛過甜又無腰果味👎😅整體一般，半價都抵食。😁…Read More

平日星期五訂了晚上七時半，一入餐廳已見到好多人正在用餐，好彩訂了枱。看看餐牌，好多野都想食，最後選擇了：🏮原盅黃耳素翅燉椰皇湯清甜好好飲，椰子味重，黃耳爽脆，椰子肉腍。🏮壽司拼盤賣相好靚，壽司卷好食，牛油果或芒果配搭嘅壽司好夾，好好味，口感好正！🏮蜜汁叉燒皇像真度好高，味道同口感都好似真叉燒。🏮芝士焗蒜蓉包賣相好吸引，增加食慾感，烘得恰當好處，外脆內軟，芝士味唔膩，好好味。🏮薑蓉炒翡翠苗翡翠苗好嫩，新鮮。🏮香椿瑤柱魚翅蛋白炒飯炒飯炒得乾身，粒粒分明，味道亦唔會太咸，有香椿嘅香氣。🏮原隻鮮菠蘿咕嚕肉甜酸味做得好好，好開胃，‘啖啖肉’嘅感覺。🏮紅豆西米露糖水甜度係少甜，好合心意！好多款式嘅素食，食得好滿足、好豐富嘅一餐。…Read More

近年多咗接觸素食，發覺香港其實都有好多高質嘅素食餐廳！最近就俾我發掘到呢間喺鬧市中嘅餐廳，素菜菜式有好多花款，價錢相宜味道仲要幾不錯😍推介大家試下出面比較少見嘅🐖大紅乳豬件($126) 賣相幾可亂真，好有心思😍 自製掛包加上素乳豬件同乳豬醬，食食下真係覺得自己食緊真乳豬咁🤣🐷芋蓉豬扒焗飯 ($106) 素豬扒嘅口感同真肉又係好似，芋蓉都綿密，不過太多澱粉就有啲填肚～我哋仲試咗芝麻手撕雞 ($56) 同鮮牛油果焗有機大蘑菇配雜果沙律 ($88) ，味道都幾不錯！…Read More

已經唔係第一次食了，之所以會再黎，係因為餐牌上樣樣嘢都好吸引，但胃容量有限，上次試唔曬🤣呢一晚食咗好多樣嘢1️⃣ 菠蘿咕嚕肉三色椒份量多過肉🤣 不過好食！2️⃣鮮竹銀杏湯浸翡翠苗清清地又大大碟👍🏻👍🏻👍🏻3️⃣鬆化芋頭魚真係超級鬆化😋 大家都爭住食！4️⃣三色刺身貪得意，叫來試試😂 點知又ok 喎！ 真係有食魚生的感覺😂另外，仲點左金沙南瓜蝦，叉燒荷葉包一樣好食！ 如果要來吃飯，強烈建議叫多啲人，可以叫多幾味吖嘛最後，是日甜點係芋頭西米露！勁香芋頭同椰汁味啊！餐廳嘅姨姨會主動過嚟問大家要唔要，唔洗自己order架記得打電話book位啊…Read More

朋友極力推介話大自然素食就順佢意試吓地方幾闊落，晚餐時間客人不多，去廁所就知道有幾污糟，食飯前最好避免去。伙記少，叫左幾次先有人啋吓……. 幸好上菜都好快蜜汁叉燒荷葉包$78素蜜汁叉燒賣相乾柴，味道就冇乜特別，只係有色的硬麪根，用包夾住食，加埋青瓜同甜醬，反而食吾到素叉燒原先味道，感覺仲好。鮮牛油果焗啡菇$88牛油果軟稔如忌廉，啡菇內加入了沙律醬，同時加上芝士焗，所以十分香口，口感亦 juicy, 可惜呢個價錢得一隻菇有點兒那個。鮮竹粒班腩豆腐煲$88份量足，個蠔油軒汁超杰身，食落好漿咀，味道較淡，唔好食。白飯$12一睇就知煮飯落得太多水，超級黏口，連煮碗飯都冇心機，真係等執笠。基本上十叫九吾應，零服務。…Read More

來大自然素食，一定會訂枱，因為Walkin未必有位，椒鹽日本淮山片本身淮山淡而冇味的健康食物，但經過炸完再曬上椒鹽，立即變成美味餸菜 燒汁蘆筍牛肉卷 燒汁味好濃，素牛肉香脆夾雜露筍平衡味道唔油膩士多啤梨骨士多啤梨汁好清新，肉質彈牙！海鮮鴛鴦焗飯我較鍾意食茄汁嗰邊， 酸酸甜甜，白汁嗰邊較淡非一般芝士薄餅比個名吸引而order， 但確實有點失望，除了芝士濃濃，其實都好一般 大自然燒味拼盤款式多，每款都好好味玄米茶水滾茶靚總括嚟講餸菜大部份好好食，性價比高！…Read More