Video
Above information is for reference only. Please check details with the restaurant.
假期又跟屋企人去了西貢行了一轉，天氣不算熱有點風，遠離凡囂呼吸一下新鮮空氣感覺寫意，下午茶時間行到累見到有間新的餐廳人流暢旺，看看門口餐牌價位大約$40-70左右，對比鄰近其他西貢餐廳，經濟實惠，餐廳裝潢帶點港式懷舊冰室風格，牆壁上的餐廳名牌匾更以麻雀牌作裝飾，行上一層有閣樓坐位，閣樓有鋪懷舊花地磚，地下樓底夠高亦很開揚光猛，而且都是做街坊生意, 感覺沒有限時離坐的壓力。【蔥花叉燒炒蛋飯】(HK$60)大大塊叉燒，較多瘦叉燒啖啖肉有口感，蔥花炒蛋份量很多，蛋漿煮得半熟，覆蓋著整個飯面，份量超多很慷慨，有淋上豉油亦不會過鹹。【印度咖哩牛腩飯】(HK$65)冰室推介菜式之一，咖喱汁是他們自家餐廳調製，入口比出面的咖喱香，咖喱口感醇厚不辣不嗆喉口味溫和，而牛腩及薯仔亦煮得軟腍入味，入口很惹味，配飯吃一流。【沙爹牛肉奄列+西多士】(HK$42)熱辣辣的厚身西多士，外層炸成香脆金黃色，質感厚身不油膩有蛋味，可自行搽上牛油或淋上糖漿。而奄列雞蛋煮得半熟，入口嫩滑柔軟，中間夾有肉質軟腍的沙爹牛肉，是份量十足的下午茶。【紅豆冰】(左) (跟飯加HK$10)紅豆入口軟腍不會硬，保持著紅豆原粒狀，不會太甜。【菠蘿冰】(右) (跟飯加HK$10)港式懷舊飲品，非常透心涼的飲品
continue reading
西貢性價比茶餐廳🥰🥰星期日嚟到西貢，搵咗一間俾個招牌吸引咗嘅餐廳，大笑爺🤣我哋叫咗佢嘅招牌咖喱牛腩飯，好正宗嘅印度咖喱，惹味椰香重，牛腩份量好多，而且非常入味❤️❤️🤩🤩豬扒炒公仔麵，份量好大份，炒得非常均勻，豬扒好大塊，非常之香口，炒麵控記得叫呢味🥰🥰華田西多士有創意👍👍👍總結嚟講用餐體驗非常之好，而且老闆好Nice，有傾有講，絕對係街坊食堂🤩🤩西貢呢個地方假日黎餐廳選擇好多，但係如果大家想揀平平哋嘅性價比之選又有香港特色，一定要嚟呢度🥰
continue reading
我地叫左一杯紅豆冰，入面勁多紅豆，三分一杯好足料，紅豆又好粉嫩，飲落唔錯。茶餐廳格局環境好有玩味用麻雀砌成既餐廳名我地叫左一份豬扒包配西多士，豬扒包口感外面麵包煙韌入面既豬扒香脆軟淋岩岩好。西多士係半份size岩晒又想食多d款式又怕肥既人，不過佢既西多炸到岩岩好加埋糖漿食落又唔會真係太油膩既。沙嗲牛奄列，沙嗲牛肉奄列沙嗲牛味香濃入面仲勁多牛肉奄列大塊又抵食。下午茶黎呢度招呼又好又幾好坐，岩晒三五知己街坊黎食下，豬扒包西多，炸雞脾，炸雞脾外脆內嫩都係必食推介既食物。
continue reading
每隔一段時間就要幫屋企人嚟西貢買鹹魚🐟撞正天后誕就行埋西貢內街，偶爾經過見到間茶記裝修充滿舊香港情懷，食物質素比預期中好，而且大大份絕對夠填肚🍅鮮茄牛肉蛋飯 個滑蛋係精粹⭐️鮮茄個比例掌控得好好，唔會出太多水之餘，又有啲汁送下飯🍔香煎肉餅包樓面姐姐好熱情咁推介一定要試佢哋嘅招牌肉餅係偏肥嗰種，所以特別Juicy同埋腍身最後random叫咗個茶記標配嘅常餐🙂↕️全日供應！超勁量！只係$55火腿奄列、兩款餸配粉麵、配牛油厚多士奄列餡係滿瀉嘅狀態，沙嗲牛必試，牛油多士都睇得出廚房嘅功架下次入嚟除咗Cafe之外試吓發掘下其他食肆先 o(≧v≦)o
continue reading
去西貢一定係食海鮮？今次同朋友閒遊西貢，經過一間叫「大笑爺餐廳」嘅茶記被裝修吸引左入去。牆上有麻雀🀄️，好有特色，打卡一流。試左都唔錯👍🏻。老闆娘話餐廳新開左4個月，試一試新餐廳先！重有樓上雅座。❤️小食：雜果沙律有椰果、紅腰豆🫘、菠蘿🍍、蕃茄等，好豐富！❤️印度咖喱牛腩飯老闆娘話個咖喱汁係佢哋自己調製，內有洋蔥、薑蓉🫚、蒜頭及多種香料等。咖喱好香，令人胃口大開。第一次食到呢隻味道嘅咖喱，實際味道，你哋都要黎自己試吓啦。嚟呢度必食咖喱！👍🏻😍牛腩夠腍好入味～👍🏻😋❤️乾炒牛河奉送例湯及熱飲（凍飲加兩蚊） （跟餐轉特飲加$10)乾炒牛河炒得夠鑊氣唔油👍🏻。例湯夠熱足料又無味精，好似飲緊呀媽煲嘅住家湯一樣有家的味道。見餐牌有菠蘿冰，好少餐廳有就即刻加左$10嗌左杯。入面真係好多菠蘿🍍呀！😍邊飲邊食，菠蘿酸酸甜甜好開胃！❤️勁量常餐 （全日供應）先任選一款：吉列魚柳好大塊，剛炸起上枱炸得金黃香脆熱呼呼。還可點旁邊的沙律醬。再配兩款：時菜和蘿蔔。時菜是清甜爽脆生菜。蘿蔔清甜無渣👍🏻。配粉麵（米粉，米線，公仔麵，粗麵，幼麵）（加左$5轉烏冬）。配牛油厚多士及熱飲。嗌左杯熱杏仁霜。牛油厚多士是將一塊多士切成一半，中間塗抹了牛油🧈。
continue reading