大當家粵皇食府 (Closed)

超好味食評或搶閘先出的食評就見得多，拖拖拉拉不想提筆落墨的食評在筆者來說這間都算首次。是晚朋友在這裡宴客，十二個人就點選這裡的秋冬洋溢全包宴！蒸圍蝦、蛇羹、帶子腐皮卷、芝士焗扇貝、炒螺片、蒸海班、時蔬、鴛鴦雞及炒飯；非假日週末實收$1198全包連飲品，其實一分錢一分貨絕對是千古良言，以這個超平值錢，材料會怎樣心中理應有數。蛇羹基本上蛇肉罕小；炒螺片是南非大螺頭，無什味道的那種；帶子腐皮卷應為沙津卷；芝士焗扇貝是冰鮮扇貝焯熟後放上所謂芝士醬來焗；鴛鴦雞是半只白切雞加半只炸子雞，鮮鮮貨色，前者沒有味道，而後者反而因醃制後油炸，反而不錯；蒸海班夠大但亦是科學飼料下的產物，快大是唯一的目標；炒飯仍是濕濕的，不夠乾身；最好的反而是蒸圍蝦及時蔬，始終是新鮮養蝦及菜蔬，不會差的。另外的單尾紅豆沙反而是整晚的佳作，紅豆夠大之餘份量亦多，不太甜之故筆者盡取三碗，而就以此作劇照吧！

喜歡柚子，見這裏下午茶有柚子糕($7)，好奇心起就叫來試試。原來是加入了柚子茶的jelly，簡單得很，若有一些鮮柚子肉在內更佳。半隻炸子雞+一窩雪菜湯米線只收$38，確是很難抗拒。分量相當，並無欺場。主角皮脆肉嫩，是水準之作，不過以此價錢，用上什麼材料自是心中有數，雞味欠奉是意料之內。

日期:10月7日時間:晚上七點半第一次上呢間食肆食晚飯,感到算係唔錯!地方算ok 啦,食物方面,都算幾抵食,我地一行六人,叫左五個餸,一個湯,六個白飯,3個楊枝金露,三個南瓜露,大家都食得好飽! 以下是我地點左o既菜色:1) 無錫排骨(原本想點鎮江排骨,但無晒),味道幾濃幾香,都算ok la!2) 半隻雞(都幾滑,不過少左d)3) 雀巢海上鮮-海上鮮是帶子,鮮尤魚,人做蟹柳,蝦炒西芹,個雀巢唔脆, d海鮮都算過得去啦!4) 蒜蓉炒時菜- 莧菜幾好食,不過多左少少油!5) 布包豆腐燴海鮮(唔記得個名)-呢個最好食!,之前叫左4 個餸大家覺得唔多夠,又人提議食豆腐,於是我就點左呢個餸,之前侍應話要等半個鐘先有得食!無所謂啦,邊等邊傾,又可以幫助消化,最後得左半個鐘就有得食,豆腐好滑,而海鮮d味好鮮,好有海棠豆腐feel, 用來送飯一流!!(值得推介!)6) 冬瓜盅, 冬瓜加上海鮮,雞肉,味道唔錯,不似味精湯!(值得推介!)食完問呀姐有無糖水送,佢話散叫餸是無得送的!為有叫左楊枝金露,南瓜露(8元個算OK LA)最搞笑上甜品果時,部長送左紅豆沙比我地,心諗:早知唔叫甜品,一時話有一時話無,下

8月27日晚去食，D野幾好食啊，隻雞最正，個翅都幾好食，無味精，但位就迫少少，其他飽魚等都好正...最記得個排骨，D肉剛剛離骨，正，真係非常正，值得推介...必定要食啊

今晚去左呢度食晚飯. 去到個環境幾好有架位.我地叫左個set, d野食ok, 隻雞好大隻! 成個晚餐都幾好食係個甜品糖水麻麻好"希". 我地另外嗌左奶黃包,好好味!! d奶黃會流出黎. d野食好好但d服務真係唔點, 問左2個waitor野, 兩都話會問下再覆我地點知兩個都係咁,系我地問返佢佢先話無..etc..etc..我地叫左啤酒用杯飲, 咁正常waitor見到個客無晒會去囉返o係冰桶既啤酒出黎"針"比個客, 但佢地唔係囉

我上網睇食評見口碑唔錯，於是約埋班friend係度食晚飯。7點鐘到，一坐低，D侍應係咁叫你點套餐，千幾蚊，冇睬佢地。8個女仔叫了6個小菜、一個窩麵、一碗担担麵。其中兩個餸特價$108 - 虾 + 炆班腩，虾大約有一斤，都算正常，但係碟班腩只見豆腐加兩三塊冇肉o既魚，變左108蚊食斤骨同豆腐，你話抵唔抵。重有個炒帶子，真係一人得一啖。因為唔嗅米氣，所以order麵食，個侍應介紹個窩麵，除左麵得幾隻冬菇同幾條菜，埋單都唔記得睇幾多錢。至於担担麵，係酒樓食呢類嘢，水準如何，大家可以想像得到。不過個鎮江骨同三杯雞味道唔，加番少少分。間餐廳裝修幾新淨唔錯，但係d 檯擺得非常近。當晚人多，噪音有成80分貝。至於服務方面，D侍應係見唔到你，嗌極都唔應。食完叫極都唔換碟，個担担麵遲遲唔來，叫侍應唔好收碗筷因為未食麵，佢睬你都傻，淨係想趕人走，等佢地做多轉。總結來說，碟頭非常細，6個小菜加麵完全掃光，勉強叫做夠食，如果有男士就一定唔夠。是日消費每人$75，唔平唔貴啦。聽講冇甜品送喎。

星期五晚去大當家,顧客當然不少,還好不用等位。看過不同的三個餐牌,都是常見菜式,那就隨意選好了。彩虹斑球是油泡斑片配上甜脆瓜,配搭雖然一般,但事實斑片滑而不油,味道適中,平凡中見功夫。日式蒜片牛柳粒,用牛油煎嫩牛柳,是筆者喜歡的菜式,既香且滑,味道一流,惟一奇怪是加上青椒,葱,及甜豆,百份百粵菜賣相。雀巢海上鮮是用炸粉絲做雀巢,該是沒有隔油.所以既油又焾。海上鮮是帶子,鮮尤魚,人做蟹柳(最討厭的),炒以西芹,不過不失,點上了蝦醬亦挺滋味。鎮江排骨用煲上,味就是那種鎮江味,汁偏鹹還好肉不鹹,排骨被醋醃過,骨肉分離,難得是肉不但沒有變乾硬,而且非常軟滑,真想問問師傅是怎樣弄的。附送黑米芋頭糖水,滑而不太甜,很好。服務一般,態度不夠熱誠...

上星期五一行3人到這裡晚飯,3個人又不太肚餓,所以只叫了3個菜.1.清蒸海班拼無鍚排骨$148--條海班頭連尾約有一呎長,魚身不算肥厚但有魚鮮味,蒸的火喉又剛好(朋友說早前在某酒樓吃過1條$168的都沒有這條好吃)2.無鍚排骨--肉排都有滿多的,平均每人有4條,雖然炆得不夠入味,但肉質還算不錯,不會'鞋'的,若喜愛濃味的可能稍嫌淡味,但我卻覺得剛好.3.支竹銀杏小唐菜$48--味道清清的一道菜,唯一要彈是銀杏(白果)略帶苦味.之後再加了3個甜品--楊支甘露,我沒有吃但朋友說芒果味不夠,奶味偏重.芒果布甸--我也沒有吃,朋友說okay.流沙奶皇包--包皮是黃色的幾靚,裡面的餡是一些吉士奶加少許咸旦黃粒的流質餡,食味都唔錯.由於是朋友付錢(我剛去了洗手間)所以不知共吃了多少錢.至於環境--坐位都幾迫,餐桌間很貼近,6:45分前比較靜,但之後開始很嘈,但地方及餐具都幾乾淨,服務雖沒什麼笑容,但一叫很快便有人招呼你.

我幫襯了好幾次，每次都很滿意，而且一定會再去。這店設計簡單但由於有不少大玻璃窗可望出街外（於10樓），而且座位幾舒適，留下很好的印象。這店不是有太多人光顧，不需要等位，所以不會太吵鬧。服務很好，可能人流不多，所以侍應可以照顧到客人即時的需要。最重要是殷勤有禮。食物選擇也有很多，而且超級經濟實惠，這店特價推出的送菜都很夠份量，而且有其質素。白灼蝦一斤都只需要$50，大部分是鮮紅色新鮮的，而且足份量。三個人食一個海皇羹、一斤灼蝦、海味雜菜煲、脆奶伴醋骨，非常富足，食唔晒。埋單$230。味道好，份量足，價錢合理，環境舒適，我深表讚賞！

10/6(六) 7:30pm又與男友家人的聚餐,今次由我覓地點,睇過幾間中菜館菜單,環境加地點,此店最為合適.原本訂了vip房,但之前一日再致電confirm,豈料侍應說翌日無房,連聲道歉.唯有坐回出面.訂了7時半,2圍,每圍9人.點了個12人餐$1688全包宴:白灼海蝦,燒味大拼盤,XO醬碧綠龍花蚌,玉環瑤柱甫,雞絲翅,鮑片扣鵝掌,脆皮吊炸雞,清蒸大海斑,紅豆沙,鮮果拼盤.全部菜色均十分對辦,尤其鮑片扣鵝掌(扣得相當入味且腍),脆皮吊炸雞(皮脆肉嫩),燒味大拼盤(脢頭叉燒,豉油雞,燒鴨,牛展,海哲,貢菜)唯清蒸大海斑蒸過火,魚肉偏韌,失手!環境企理,四正,光猛,窗外可望到樓景,加上比一般中菜館較寧靜,感覺良好!服務亦不錯!上菜速度適中,收碟換碟速度快,侍應彬彬有禮.食物+環境+服務+價錢=中上水準!recommended!!!

昨晚和舊學生及女友一行七人食飯，良朋歡聚，本應有佳餚美酒，但昨夜嘅菜絕對稱不上為"佳餚"...菜係叫咗好多，但稱得上好味嘅真係屈指可數..1)迷你冬瓜盅--- 料就有好多，但全部都好似無醃過，個湯非常非常之淡，好似無落鹽咁，雖然冬瓜盅算係一款要求"清"嘅湯，但都唔使完全無味啩，最攪笑嘅係竟然見到有蟹柳係入面，有冇攪錯ar...;2)燒味拼盤--- 可以預計到嘅普通嘢，無乜特別；3)梅菜芯浸菜心--- 非常嘅清，無鹽無味；4)薑葱焗生蠔--- 用煲上，幾夠鑊氣；蠔都算大隻，葱亦夠多，但最可惜嘅係調味得太鹹la，食完後真係有D咯喉；5)Go Go 蟹--- 呢度嘅招牌菜，亦係比較特別嘅一味。用蘿蔔糕配羔蟹，夠晒創意，隻蟹亦夠晒多羔，但係D蘿蔔糕就認真麻麻--- 粉太多，蘿蔔絲太少，應該係用交嚟嘅貨；個蟹肉獻亦都係太鹹la，而且似乎蘿蔔糕同羔蟹呢兩種材料味道唔太配合；6)茘茸香酥鴨--- 皮不夠酥，芋茸夠晒多，多到連D鴨肉都睇唔到，只可以用揾笨嚟形容，同大圍楓林小館比較根本係蚊脾同牛脾；7)脆皮吊燒鷄 --- 皮夠脆，不過太油，雞亦無雞味；8)三蛋浸時蔬--- 點呢樣餸嘅時侯都响度諗究竟三蛋

今日約左幾個好朋友去行街，行到有ｄ又開始覺得肚餓，我地就決定係附近搵食，其中一個朋友話附近有間叫大當家，佢食過ｄ小菜都唔差，所以我地就去試下一去到樓下就見到個牌介紹我最愛食其中一種食物．．嘻嘻就係龍蝦囉＾＾而且仲只賣６８元，點都要試下好唔好食，到左坐底之後，我就問侍應仲有無６８龍蝦，因為我地去到時候已經９點幾鐘好多都會話賣晒，點知道．．佢話當然有，我地就即刻落單，過左一陣龍蝦囉．．嘩真係成隻龍蝦仲有伊麵，而且都算幾大碟．．６８元我覺得都好抵食，之後叫個侍應介紹有咩好食又抵食菜，佢拎左個餐牌跟住同我地講，依家９點過後係宵夜時間，我地可以點宵夜餐，睇下個餐牌有５種選擇．．最後我地要左個５款菜都係＄１９５有成３０－４０個小菜任選，真係好抵，食飽飽後，個侍應好有禮貌咁過問我地，依家幫你地上糖水好嗎，糖水係送架＾＾食完糖水係時候埋單囉，我地５個人埋單都係＄３５１元真係覺得好抵我要一提係．．ｄ侍應服務態度好好，時時都係笑口對住ｄ客．．．呢間大當家值得我向大家推薦試試＾＾

昨天是母親節，本人一家四口到大當家慶祝。可能是佳節當前，價錢比平日貴。我們點了$668的四人套餐，連埋白飯茶錢，埋單$801。確實有點超出預算! 但算啦，有6味(包括魚翅、蝦、魚)，而且樣樣都煮得好好味，亞媽又開心......不可不讚，這裏的招呼的確十分好，個個侍應誠懇有禮，既細心又夠笑容(不是堆砌出來的)，所以我們都食得好開心。值得推介!

我們昨晚一行九人上這菜館吃晚飯，都是看到這網頁的介紹，所以即管試試看。我們七時半到達，人客不算多，大約坐不到一半座位，侍應生給我們一間貴賓房，環境都不錯。菜色選擇頗多，點了八款小菜，有XO醬炒魚滑、無鍚骨、荔蓉香酥鴨、炸琵琶豆腐、瑤柱西蘭花、炒通菜、肉片蒸豆腐和釀炸麵等。味道尚算不錯，都很夠鑊氣。最後還奉送綠豆沙，我們自備了一個生日蛋糕慶祝生日，埋單沒有收取切餅費，六百元有找，都算抵食。

Polite and good service . They gave us few buns to celebrate my dad's birthday.Food quality is good and with many choices