大澳華記香脆雞旦仔

Open Now

Now Closed

好得意好少見見碳烤雞蛋仔，好彩今日無乜人排隊，一去到老闆就整比我地，大概等佐3分鐘就有得食，因為得一個爐如果人多排隊真係要等好耐。真係熱辣辣又好脆，不過蛋味唔係幾夠，味道食落其實同普通雞蛋仔差唔多

📍大澳華記香脆雞蛋仔每次去大澳一定會唸起炭燒雞蛋仔‼️🐣一場黎到緊係要試啦😆炭燒雞蛋仔 （$27）成間舖得一個炭爐去燒雞蛋仔平均每底雞蛋仔大約要等5分鐘先整好所以今次都排左差唔多半個鐘先買到🤣叔叔整每底雞蛋仔都會加d炭去燒再將蛋漿倒入模入面然後慢慢用炭火燒香每底雞蛋仔都係新鮮熱辣辣整好👍🏻炭燒雞蛋仔同普通雞蛋仔明顯食得出有分別炭燒既雞蛋仔會乾身同脆口一d😋😋😋咬開入面仲係好濕潤飽滿雖然$27一底雞蛋仔唔算抵食🧐但食完呢底雞蛋仔之後會令你覺得值得去排隊買真係心機貨💯如果去大澳既不妨一試👍🏻👍🏻👍🏻✅

見到無咩人排隊 就即刻衝咗過去排隊買因為逐個逐個整 所以等嘅時間會有D慢但排幾耐都係值得嘅～依間個雞蛋仔真係好好食 有陣陣炭燒嘅味道襯熱食 真係好香脆 好正👍🏻下次去大澳都一定要去買嚟食🥰😋

上個禮拜日我同朋友去咗大澳食嘢，發現咗一間好正嘅雞蛋仔攤位，叫做大澳華記雞蛋仔- 招牌炭燒雞蛋仔。炭燒雞蛋仔真係好特別啊！巿區真係唔覺有。佢可以用炭火燒烤，令到佢哋嘅外皮有啲煙燻味，好香！當日攤位前面排咗一堆人，我哋都係等咗好耐先等到買到嘢，等咗半個鐘頭左右，雞蛋仔係即叫即燒，新出爐。想食到炭燒雞蛋仔，就要有少少耐性啦。如果去大澳，可以嚟試試佢哋嘅特色炭燒雞蛋仔啊。

黎過大澳嘅朋友都一定知呢間炭爐雞蛋仔🧇🔥大家要有心理準備排隊～因為只得店主一個打理，我諗一底around都要10分鐘先出爐🤪！如果你排係第5個～等候時間都有數得計🙈🙈🙈 呢個大熱天時，店主對住個炭爐都咪話唔辛苦，我真心佩服🙏🏻🙏🏻🙏🏻 店主都好貼心，立咗幾把太陽傘幫手擋下太陽⛱️⛱️ 如果唔係我都幾肯定會give up waiting 😂Wow 等左30分鐘，終於拎到底熱辣辣嘅雞蛋仔 ($27) ～食落唔叫特別食到炭燒風味🙈 不過外表都夠脆～入面都唔係空心👌🏻 帶有淡淡蛋香，我覺得甜左少少🤏🏻 今次食過～下次就唔排喇！留返啲機會俾人😋😋

琴日去咗大澳玩🤭，今次最主要嘅目的就係去試吓好出名嘅炭燒雞蛋仔🤤。聽講店主冇特定開店時間，所以都好怕冇開門，好彩有開到。去到嘅時候，已經有十幾個人排緊隊😳，也米同🐻仔即刻跟住排，最後排咗差唔多個半鐘先買到😮‍💨。-🍴炭燒雞蛋仔🔥($27) - 以一般雞蛋仔嚟講，價錢唔算平，但以炭燒嚟講，要全日對住炭爐，就一啲都唔貴😚！每底炭燒雞蛋仔都係即整，外皮好香脆，入面都有少少蛋糕質感，不過食落同普通雞蛋仔冇咩分別🤨，只係脆口啲，感覺有啲失望😞。可能排隊排得耐，期望愈大，失望愈大。

個舖得一個爐，見到長籠都比有啲人照買5底。等左－個鐘先排到，食落去－啲都唔熱辣辣，可能用炭燒吧；反而硬左。呢度只係得gimmick ，對比其他地方好食好多，所以冇下次！

我孤陋寡聞，淨係識每次入大澳食沙翁，都無留意有排晒長龍嘅雞蛋仔。好彩朋友早左少少去排，都排左半個鐘。炭燒味有，都脆口，頭幾粒都有追住食，不過食到中間好快就無再特別想食了。一如網上食評指是缺少了蛋味，有點可惜，或者改良一下蛋漿會更好。不過依然覺得自己是幸運的，排隊時間是可接受範圍內，而且不至於網上照片有其他人的雞蛋仔是燶了的🫣

日落之前，小編終於品嚐到其中一個大澳名物——炭燒雞蛋仔。長長的人龍注定要等起碼1小時左右，期間朋友幫我去買沙翁，吃完之後人龍依然很長，所以小編只好一邊玩手機，一邊看旁邊的貓耍廢。終於等到小編的時候，站在正門前就已經感受到炭燒的熱度跟淡淡的炭燒味。每一個雞蛋仔製作大概要5、6分鐘左右，然後再吹乾，這樣就會變得比較脆。小編吃第一口的感覺就是脆，然後有一點點微微的炭燒味，裡面比較空心，可惜沒有蛋香味，它只是比外面的普通原味雞蛋仔多了一點炭香味，其餘就是平平無奇。小編覺得閉著眼睛吃，都會覺得是個非常普通的雞蛋仔。蠻失望的，畢竟都排了很久，反而第一間誤闖的雞蛋仔相對比較好吃一點。

好失望，千里迢迢入到大澳，但係最出名嘅炭燒雞蛋仔雖然外皮吹口有炭燒味，但係入面一啲蛋味都冇，金玉其外敗絮其中，買$26不特止仲要排好耐，我哋已經係平日入去大澳，人流已經非常少，認真唔值得

一上網search大澳名物，不外乎都係呢幾樣，有我最愛嘅雞蛋仔，當然要試下，仲要係炭爐燒嘅，真係買少見少。平日嘅下午，唔洗排隊，幸運地成為買到最後一底嘅客人。好佩服老闆大熱天時，仲要喺炭火爐前面努力整雞蛋仔。但不得不說，雞蛋仔嘅質素令人極失望。不脆，不香，沒有味道。任何一樣雞蛋仔應有嘅元素都無。一咬落去淋嘅，而且一啲炭烤味都無，基本上係唔知食緊乜，不嗜甜嘅我都覺得無味。點解咁受歡迎🙈係咪今日水準唔穩定...

中午𝟏𝟐:𝟑𝟎正式開賣老細早十分鐘已經出黎打點見到每一底都用時間、心機、技術烹製而成開爐之後第一底烤左最耐但竟然係唔要嘅應該係只用黎開爐用但老細都用十足功架去整！實在太敬佩佢每一日都有呢份熱誠去維持每一底雞蛋仔嘅質素🉐急不及待就已經食左第一粒香脆內軟的口感唔會太甜真係有炭燒嘅味道已且特別脆邊唔知電pan同炭pan係咪真係有分別但覺得華記呢底可以脆好耐都唔會淋雖然等候時間就耐少少但真係值得一試再試🆙

而家香港無得去旅行，唯有去d離島遊今日去到大澳，見到呢間雞蛋仔好多人排隊，招牌係炭燒，咁遠來到就不如排隊試下啦！一條長長嘅人龍去到轉彎路口，排左足足個半鐘！老細係一個個咁整，因為得一個爐，所以等候時間好長。拿到熱辣辣嘅雞蛋仔一試，原來同普通係出面食嘅雞蛋仔冇咩分別又唔會特別重蛋香味或者炭燒味，排左咁耐隊有d失望。行大澳果陣，都見到有幾間主打炭燒雞蛋仔，不過唔洗排咁耐隊，下次會試下其他係埋都係咁普通

Weekend去大澳郊遊，臨走前經過華記香脆雞旦仔好似都有啲人排隊咁，見仲未夠鐘搭船，所以就排下，睇下喺咪真喺咁好食😋因為記得睇過評價唔差好彩唔洗排好耐，15分鐘左右就到我，叫咗一個原味雞蛋仔💛好耐冇食過呀！一路等就一路好期待🤤拎咗上手，即刻相機食先😂都喺比佢涼少少脆多少少🤏點知….有啲失望 ！一底都唔平$25一底！但竟然外面唔夠脆，裏面又唔夠軟🥹好傷心！ 好失望！估計係weekend人多關係…為咗做多啲生意而令水準下降下次見到有人排隊，更唔應該排！📍大澳石仔埗街121號地下

📍大澳華記香脆雞旦仔 #wgz_taio #wgz_港式星期六日大家可能都會去遠啲，分享下免得大家中伏🤢🧇炭燒雞蛋仔 (2/10) $26🧇巨伏🤮見前面得10個人左右，應該唔會等好耐啦，點知成6分鐘先整到一底，等咗足足一個鐘😵‍💫都唔緊要啦，當你慢工出細貨。點知一到手...點解咁黑嘅🫠之前上ig睇人哋嗰啲都唔係咁架！你以為佢咁燶應該好脆啦，唔係喎，淋過毛巾，冇辦法逐粒完整摵開架。啡咗嗰啲咪一陣燶味囉，蛋香？炭燒香？完全冇呀🤡唔明點解咁嘅嘢都有人吹捧，人生都未食過咁難食嘅雞蛋仔😡📌大澳石仔埗街121號地下