大滿足火鍋冰室

Open Now

Now Closed

香港的茶餐廳實在太地道，現在又另一稱號為冰室，有更多選擇，這次下午茶時間過去，常餐，午餐，下午茶也可點。常餐：鮮牛肉米線米線的牛肉量頗多，搭配米線的滑順口感，也有吸引力。牛肉的鮮味與湯底的香氣相得益彰，是常見的健康餐之一。還有小食及多士配搭的啊。精美扒餐牛扒＋沙律＋炒蛋＋焗豆＋厚多士 有好幾款主食配搭，這次點了牛扒，大大的一片，加上醬汁味道不錯。炒蛋鬆軟，茄汁焗豆及厚多士也可以。而雜果沙律是另外一小碗的，好懷舊，而且好好味，好豐富滿足。下午茶：大滿足柚子西多士第一次見用柚子醬作內饀的西多士啊，口感獨特，加上糖槳後，酸甜適中，每一口都能感受到柚子的清新呢。下午茶：鹹牛肉炒蛋三文治鹹牛肉炒蛋是絕配，兩者結合後的風味令人回味。厚厚的一層作為下午茶非常適合。飲品選擇每份餐食均附上指定熱飲奶茶：濃郁香滑。菜蜜：清甜可口。檸茶：酸甜適中。若晚上過來，這裏會轉成火鍋店啊，有機會過來再吃。

今時今日任飲任食邊爐竟然可以$200有找，睇到個價錢我哋都完全唔相信。最重要係佢呢個價錢仲有超多嘅選擇，淨係湯底已經有18款，而所謂嘅湯底仲係包括烤魚雞煲酸菜魚呢一類足料鍋底。我哋今晚叫咗嘅係雞煲，佢個雞煲真係超好食，個汁暫時係我食過最好食嘅雞煲汁，而且佢啲雞仲好滑，但係又夠晒入味，嗌咗小辣啱啱好。佢個份量兩個人嘅話應該都係上咗半隻雞。然之後更加經驗嘅嘢就嚟啦，因為佢呢度叫其他火鍋料係唔會落單㗎，因為全部都擺晒喺出邊俾你自己揀。最基本嘅菇類丸類瓜瓜菜菜就必定㗎啦。但係估唔到海鮮同埋肉類都係擺晒喺度任你拎。種類仲要唔少添，淨係海鮮都至少有六款，肉類都至少有四五款。而且佢啲海鮮仲好新鮮，啲虎蝦都好大隻，最重要係夠晒新鮮爽口彈牙。最特別嘅係佢仲要泥鯭㖭啊。泥鯭打邊爐真係好鮮甜㗎。然之後呢個手切肥牛都係任拎㗎。然後佢哋只有自己醃嘅花雕雞件都係超級無敵勁嫩滑，我想講佢啲雞真係好出色。至於牛板鍵就每台會送一碟，肉質係真係比較嫩腍啲，但係以呢個價錢其他擺喺出邊任拎嘅肉都其實好高性價比。另一個驚喜位係佢個飲品櫃，除咗普通出邊買到嘅罐裝紙包飲品之外，仲有佢哋自家製嘅冷泡茶同埋檸檬茶。最最最最最最最重要嘅

平日夜晚去試都要等一陣先有位，重點係二百有找嘅價錢真係好抵。今次食嘅係椰子雞煲湯底，雞同煲係分開上，椰子雞試左個湯都幾清甜，係淡淡然嘅椰子香味。等到滾左之前就可以放雞入去，店家仲俾埋個漏斗俾你計時！雞都算大舊，同埋都幾滑身。所有火鍋配料包括肉類及海鮮類都係係出面任拎，而且種類仲好多。牛肉有肥牛、牛肩胛、手砌牛，海鮮有虎蝦、蜆肉、生蠔及海螺等，全部都夠新鮮，爽口彈牙。個人重點推薦要食鵝腸，鵝腸又長又鮮，食落勁鮮甜，配埋椰子雞呢個湯底真係鮮味爆燈！另外佢地都有d即炒嘅餸任食，最推薦佢地個豉椒炒蜆，炒得有鑊氣，好快俾人夾晒，要留意住呀！佢地仲有甜品及水果都係任食，但已經飽到食唔落，呢個價錢食到咁多野真係抵到一個點，有機會嚟荃灣不妨試下！

熱死辣辣又最岩係冷氣地方打邊爐😂😆真係好中意夏天嘆冷氣打邊爐🍲呢間位於荃灣既火鍋店，人均$198起就可以任飲任食火鍋，飲品種類仲有啤酒🍻！火鍋系列仲有得揀雞煲、烤魚、酸菜魚同水煮魚等，種類好豐富🤗我就揀咗蒜蓉烤魚，一上枱條魚勁大條，蒜香味濃郁，魚肉厚身嫩滑，份量十足！魚嘅外皮有炸過，所以煲耐咗魚皮都唔會散開，反而更加Q彈，非常好食，好鬼高質😆出面仲有其他火鍋配料，海鮮種類都有幾款，都好新鮮同refill速度好快，咁嘅價錢真係非常之抵食☺️，飲品仲有自家製，水果茶都幾唔錯😂，整體好滿意👍🏻

收工同朋友想食烤魚，見到呢間打邊爐唔止有正常湯底，仲可以揀雞煲、烤魚等鍋底都幾特別，就入左去試。我唔太食得辣，揀左個滕椒味烤魚，由於製作需時，就出左去夾熟食同水果，水平果好新鮮，沙律食得出用新鮮蘋果。至於熟食有避風塘炒蝦，炒蜆，雲耳，青瓜同雲吞仔，雖然冇燈暖住，但味道好出色。無幾耐條魚上到枱，真係勁大條，魚皮仲有炸過，湯滾後就可以食，整開個魚皮，見到啲肉仲係好滑，食唔到骨，岩晒我唔識吐骨既人😂😂😂飲品有汽水啤酒任飲，果茶同奶茶原來都係自己煲，臨走個陣見到佢岩岩煲起竹蔗茅根，下次會早啲再黎試下！

最近終於去咗荃灣大滿足火鍋冰室試吓佢哋主打嘅「椰子雞湯底火鍋」，朋友話$198一位任食任飲，真係要親身試一試！🍲一入座，侍應即刻推薦咗椰子雞湯底，一開煲已經聞到椰子香同雞湯味撲鼻，好清甜唔膩。打邊爐配料非常多選擇，無論牛肉、豬肉、雞件都齊晒，仲有超新鮮海鮮，包括蝦、蜆、花甲、貝殼類、魷魚、魚件，全部任拎，無加錢真係開心到癲！🦐🦑個人最推介佢哋嘅牛肉，油花勻稱，涮一涮牛味濃郁，滑溜啱晒打邊爐！雞件鮮嫩多汁，吸收晒椰子湯底精華，海鮮新鮮彈牙，蝦和花甲仲有蠔最受歡迎，啖啖肉又唔腥。🥩🐓現場啤酒、汽水、凍茶任飲，盡情暢飲無限制！食到一半仲有雪糕甜品自助bar，口味多到揀唔晒，真係由頭食到落尾都無悶場。服務都算主動，補菜、收碗都快，店內環境光猛闊落，通風唔會焗促。🍦🍺總結：$198一位任食任飲，選擇多份量足，食材新鮮，鍾意邊爐或者想食到盡情狂歡，好值得一試！下次會再約朋友幫襯，CP值真係極高！👍

一直都好鐘意食放題邊爐雞煲見到依間有19款火鍋湯底揀超吸引就要去食下‼️🐤 麻辣雞煲雞煲可以用「多椒多料」嚟形容雞食落嫩滑多汁調味方面好夠辣加上落左好多三色椒洋蔥食落覺得好健康仲帶點鮮甜同埋之後轉打邊爐個湯底都鮮甜足料啲而火鍋配料超多選擇‼️值得一題海鮮類好多種類～包括魷魚、蝦、花螺、蠔🦪等仲要超新鮮😍😍😍魷魚水魷彈牙有嚼勁特別推介食蝦好鮮甜又大隻另外都好多蔬菜、丸揀牛丸係潮洲嗰種爆汁彈牙牛百葉爽口新鮮韮菜餃係人手包爆多料😍另外推介手切牛肉片薄嫩又易咬食落牛味濃郁餐廳都有熟食類小食提供竟然有丸肚魚食🥺🥺超正（本人超愛食）炸韮菜餃內餡韮菜香濃木耳酸辣勁夠味🤩飲品方面都好多嘢飲🥺仲有店舖自己煲嘅竹蓆茅根可以食到咁上下清熱氣同埋好多唔同牌子啤酒🍻總結火鍋料種類豐富🤯從海鮮到牛肉再到特色配料選擇超多元化🤩仲要價錢二百頭一個人咁多嘢食抵到爛🥺真心推介🥳🥳

大滿足火鍋冰室大陂坊9-31號泰華大廈地下6-7號舖聽聞呢間荃灣嘅大滿足火鍋冰室， 有性價比高嘅火鍋， 於是今日同朋友嚟一試。入到去環境唔錯，店員安排咗我哋去舒服嘅卡座。 然後我哋去到自助區拎食物。 佢除咗有一般火鍋嘅肉類，蔬菜，多種飲品， 甜品。仲有海鮮類， 有蚝， 聖子，蝦等等， 好有驚喜。最特別嘅佢仲有十幾種湯底， 任君選擇， 而且味道唔錯。埋單人均 $218， 果然性價比高。食完如佢個店名一樣， 大滿足。😆#大滿足#荃灣美食#荃灣火鍋#性價比高火鍋#海鮮任食火鍋#foodie

今日我哋嚟到呢間自助餐，真係抵到爛！一百多蚊就可以任食任飲兩個鐘，仲要有成七八十款配菜揀，頂級食材同海鮮應有盡有，還有雪糕飲料，正到爆！ 湯底都有十幾款，烤魚都有多款味：蒜香、剁椒、番茄、酸菜等，仲有清補涼、皮蛋芫茜、番茄湯底，揀到眼花！我哋揀咗酸菜魚鍋底，啲魚片又滑又嫩，配菜多到數唔晒——粉條、木耳、白菜、豆腐泡，吸晒酸菜湯精華，入味到不得了！🥩肉食獸最愛：手切牛、美國肥牛、頂級牛板腱、黑毛豬，全部靚料！美國肥牛薄切大片，一放入湯底幾秒就熟透，入口即化，肥瘦比例啱啱好，吸收咗酸菜魚湯底之後更加鮮味爆棚！ 頂級牛板腱肉質結實有咬口，但一啲都唔韌，帶少少筋位，越嚼越出肉香，最適合鍾意有口感嘅朋友。海鮮檔仲猛——基圍蝦、聖子、蠔仔、波波蜆，鮮到彈牙！新鮮基圍蝦和海蝦上枱仲跳跳紮！蝦肉爽彈鮮甜！聖子肉厚飽滿，煮耐少少都唔會韌，咬落去鮮味爆出！ 蠔仔超肥美，入口creamy又唔腥，放酸菜湯底度煮，吸晒湯汁精華，好味到停唔到口！其他火鍋料仲有成60幾款，多到碟都疊唔晒！ 🍻飲品有獅威、喜力啤，飲料仲誇張，杯杯都見到真·水果粒，西瓜、檸檬款款足料，飲落超fresh！甜品仲有雪糕糖水潤住個胃

荃灣新開業嘅大滿足火鍋冰室，主打任食火鍋兼任飲啤酒，湯底仲可以選 雞煲/ 烤魚/水煮魚等，食完再打邊爐 ，性價比爆晒!今次揀左豬骨湯底，濃郁豬骨鮮味伴以彈牙手打烏冬，口味一新!火鍋配料選擇眾多，除咗基本院類仲有水魷魚、台灣鴨血、牛柏葉、鵝腸，仲有多款新鮮蔬菜提供，有金菇，娃娃菜、萵筍、冬瓜、蕃茄、粟米、枝竹等。 肉類分別有美國肥牛、手切牛、黑毛豬肉, 美國肥牛脂肪較少, 切得有DD厚度，食肉獸至愛!飲品區有好多選擇，如水果茶，紅豆鮮草涼粉，甜品區有雪榚同芒果布甸，甜品控樂園!

呢間大滿足真係同朋友聚會之選，首先價錢夠平，7點前埋單成人$178，最貴時段7點至9點$198，9點後$178，另收加一服務費。火鍋鍋底有19款比你揀，除左雞煲，仲有5款烤魚，有辣有唔辣。今次我就揀左麻辣雞煲小辣，雞煲超惹味，2個人份量都好夠，又唔會話比哂啲骨位。戲肉係出面自助既打邊爐料，有墨魚仔，蟶子，蠔，蜆，冬風螺，蝦。餐廳夠大方，refill速度快，除返每個人最貴既時段都係$218蚊，淨係食呢啲海鮮都夠回本。餐廳仲有手切牛，黑毛豬，鵝腸，餃子，丸類，菜，豬紅，魷魚，涼伴等等。仲有雪糕任食，飲品方面除左基本汽水啤酒，亦有自家制竹庶茅根同珍珠奶茶，呢個價錢絕對係超值。

今晚約咗靚女去試間荃灣嘅海鮮火鍋牛肉放題打邊爐，果然冇令我同靚女失望！一入嚟見到好多卡位，雪櫃嘅海鮮都算幾多，海蝦張牙舞爪，生蠔聖子花甲海螺新鮮，各式各樣丸類水餃雲吞包羅萬有，睇住都覺得好味。牛肉係另一個重點！雪花肥牛紋路好似油畫，放湯裡涮三秒就熟，入口即溶，脂香直衝腦門。牛肉都有幾款，任食唔心痛。湯底揀咗胡椒豬肚雞煲，唔會太濃太膩，打邊爐一流！自助混醬吧全部正路嘢都有，啤酒選擇種類多，自製水果茶同手打檸檬茶都有，無糖飲品有烏龍茶同解茶，人均先$218，性價比真係冇得彈，下次一定再黎！

相約住荃灣的友人吃火鍋，每位$198，湯底多款選擇，連雞煲烤魚都不用加錢，今次我們選了椰子雞，半隻雞肉毫不欺場外面超多款配料，牛肉有手切牛和牛板腱，肉味濃少脂肪，好吃韭菜餃自家製，餡料飽滿，相當有誠意另外設多款海鮮，包括生蠔，魷魚筒，花甲，海蝦等，魷魚筒爽口彈牙，有驚喜飲品亦有很多選擇，有自家製的蜜桃烏龍茶，竹蔗茅根等，紙包和罐裝飲品，啤酒多款任飲打邊爐前可先吃涼拌前菜，有涼拌青瓜、雲耳，炸餃子等最後吃完甜品才算滿足，有多款口味雪糕，雪櫃裏還有芒果布丁，非常有誠意由前菜到主菜，飲品，甜品都超多選擇，每次都大滿足離開

之前喺大埔食過類似，好正好得🤣見到荃灣都有一間又嚟試吓，真係無黎錯😆🍲有成19款煲底 (任選），唔同味烤魚、酸菜魚、藥膳雞、椰子雞、麻辣、雞煲……真係選擇困難症😆😆最終揀咗蒜香味烤魚，條魚都係滑滑的，皮脆卜卜👍🏻，食晒條魚都飽咗一半🤪！ 🥩🐮🐽🐔～手切牛、頂級牛板腱，以任食黎講，佢質數都幾高👍🏻👍🏻 🥬🥟～好特別，竟然有韭菜鮮肉雲吞同餃，見朋友食左好幾隻，好足料好多韭菜🦪🦐～蜆、蠔、聖子仔都肥嘟嘟大大隻，無沙洗得好乾淨🥗前菜～好多款，我鍾意其中醃木耳、青瓜同埋炸雲吞仔👍🏻🥤～飲品，都有好多種，有汽水、啤酒、烏龍茶..！試左竹蓆茅根水、水果茶、綠豆冰，三款都可以再encore 飲，好欣賞佢唔會好甜，配合打邊爐好啱！ 環境：－路傾偈吹水，－路食野打邊爐，好滿足😏💰 : $198+1/👩🏻👨🏻‍🦳🍴大滿足火鍋冰室(荃灣)🚙荃灣大陂坊9-31號泰華大廈地下6-7號舖 / 公園仔邊邊位

呢場火鍋真係「打破認知」😋！兩個鐘食到飽，仲有勁多湯底揀——連酸菜魚、烤魚都包埋，真係驚喜滿滿。🥘最後揀咗豬骨湯底，兩大舊豬骨、馬蹄、紅蘿蔔等湯料，清甜好補。火鍋配料有魚蛋、海蝦🦞、魚 、聖子、蠔🦪、仲有肉類。要試牛板腱☺️☺️。好食 飲品隨咗基本汽水、酒、紙包飲品，仲有特飲仙草紅豆奶茶、生果茶、烏龍茶等，超多選擇。甜品有7款雪糕，其中覺得紅豆、芝麻、椰子好好食。食完火鍋降溫☺️。甜品試咗個芒果布甸🍮，滑luk luk 。