Big Boil's Club (Mei Sun Building)

間中就會去大埔大滾友打邊爐，中國宮廷式裝修，一入門口已有張金閃閃皇帝龍椅俾人打卡登基，盡顯氣派。 今次湯底選了半隻花膠雞湯鍋，湯底呈清澈的淡金黃色，雞肉軟嫩多汁，湯頭滑順濃郁，花膠養顏美容，釋放的膠質讓湯底略帶黏稠感大滾友牛肉拼盤(細) 肉材有人手切吊龍、本地手切牛頸脊、澳洲和牛金錢展、美國頂級雪花肥牛、牛黃喉、牛肉粒和牛舌花。在清甜鮮美的花膠雞火鍋湯底中燙食不同牛肉部位，能突出食材原味，牛味濃厚，湯汁輕裹肉片，增添膠質的順滑感。金屋藏嬌和牛墨魚丸手打工藝讓丸子質地緊實卻不失彈性，結合和牛的濃郁肉香與墨魚的鮮甜彈牙。即炸響鈴即炸後快速燙食，金黃酥脆，外脆內軟，吸收雞湯的溫潤甜香。黑松露蟹肉餃餃子外皮厚薄剛好，薄皮口感嫩滑，內餡紮實豐滿，結合蟹肉的鮮甜與黑松露的馥郁菌香。酥炸小菇菇外觀金黃酥脆，炸漿均勻裹覆菇體，內裡保留菇類特有的彈性嚼感。炸支竹本身濃郁的豆香，相比即炸響鈴，支竹更厚實，吸湯力強。薯粉晶瑩通透，口感煙韌彈牙，更可以吸盡濃稠湯底，滋味無窮。爆漿芝士腸外層腸衣Q彈有嚼勁，內層芝士爆漿流出，集合濃郁奶香與肉香。手打蟹子鮮蝦丸純手工打造確保彈性，以新鮮蝦滑為基底，混入蟹子增添鮮味。火焰焦糖豆腐花以木桶盛載的豆腐花，做法有如西式甜品焦糖燉蛋，即場灑下黃糖再倒酒，以火槍點火燃燒，將表層炙燒成焦糖脆殼，與滑溜豆腐花形成一嫩一脆的極端質感。自家製竹蔗茅根1渣草本清香緩解飽滯感，有清熱祛濕功效，能調節火鍋的溫熱性質，避免上火。…Read More

最近同屋企人去咗大埔行街，經過呢間裝修古色古香嘅火鍋店就入咗去試吓🍲 呢度食材新鮮又大大份，服務都幾好👍🏻！🐥玲瓏浮凸·花膠雞湯鍋($328/半隻)我哋兩個人，揀咗半隻花膠雞🐣 首先有花膠雞湯，煲滾可以飲咗先，再加入雞肉同其他火鍋配料食🥰 個湯好滋補，夠香又唔鹹👍🏻🐮👍🏻大滾友牛肉拼盤 ($428細)必叫嘅仲有牛肉拼盤！呢個拼盤有安格斯牛肉、一口牛柳粒、牛頸脊、牛舌、牛白肉、牛板腱⋯ 好正！安格斯雪花好靚又唔會太肥😚 連牛柳粒都唔會韌，全部都好食🤤！🐷伊比利亞橡果豬👍🏼 （$228）除咗牛肉，呢度嘅豬肉都係店長推介😍，大大塊，油脂香得嚟肥瘦適中🙃🍡 黃金藏嬌和牛墨魚丸4粒（$78）我哋仲叫咗好好食嘅和牛墨魚丸！彈牙得嚟唔會遮蓋咗和牛嘅香味😍🥟 大滾友餃子拼盤·八粒 （$138）餃子我哋都好鍾意❤️ 有四款口味，每款兩粒，粒粒都包都好飽滿😝🍅 新鮮蕃茄 （$28）加爅蕃茄落湯底煲好甜！🥤 自家製足料竹蔗茅根 （$78）仲有一大壼竹蔗茅根下下火😚🍨 豆腐花食完仲送咗桶豆腐花，店員加入紅糖之後仲會點火燒，有得睇有得食❤️‍🔥…Read More

今日等佢喺大埔打完波話要去打邊爐，搵到呢一間。整體坐得舒服，份量又足，食物質素好！全間都整到金碧輝煌咁，好似幾有儀式感，所以就嚟試吓極度推介呢個花膠雞湯底，佢就算之後加湯嘅湯全部都係雞湯超濃見佢都有好多花膠，係幾足料嘅！一開始嚟到會叫你先飲咗湯，之後先落雞。不過重口味嘅我覺得可以飲到一半之後再加啲雞，咁個湯就會更有味，好好食嗰間本身係全熟狀態，不過都係建議可以再浸多一陣，熱熱地食先好食㗎嘛打邊爐不少得竹蔗茅根仲要係自家製的。如果兩個人食嘅話，叫個細嘅牛肉拼盤就夠晒了拼盤有本地手切吊龍同牛頸脊，澳洲和牛金錢展，美國雪花肥牛，牛肉粒同牛舌可以一次過試晒唔同款式 surprise到嘅竟然係牛肉粒都唔會韌！即炸響鈴好脆手打黑松露墨魚滑，真係幾有黑松露味手打鮮牛丸都好彈牙！打邊爐都不少得一定要叫菜，哩度啲菜都洗得好乾淨又靚…Read More

呢間大滾友好正！一家人有老有嫩，打邊爐最適合不過！裝修靚得來，仲有好多特別嘢，特別係有兒童影院同夾公仔！仲搞咗個比武龍虎榜！同埋呢度環境夠晒闊落，每張枱側邊都有會有茶几俾你放食物！花膠雞湯，有半隻雞食台式宮廷火鍋，必定係飲咗鮮雞湯先然後才打邊爐！雞湯未放雞已經非常鮮濃！放埋新鮮雞真係不得了！呢個湯底打邊爐真係食乜餸都昇華百倍！手打鵝肝墨汁墨魚丸粒粒墨魚你丸裏面都藏了一個鵝肝😍羊肉片厚切羊肉片，羊肉味濃郁，加埋雞湯特別鮮味！爽脆豬膶都幾新鮮，而且份量夠多，食落好脆滑！蟹黃餃好少地方可以打邊爐有蟹黃餃食，蟹黃味好香濃！酥炸小姑姑是非常可口的小食，椒鹽味味令到香菇的鮮味都迫了出來牛肉拼盤由七種上等靚肉組成1.手切吊龍, 2.本地手切牛頸脊 3.澳洲和牛金錢展 4.美國頂級雪花肥牛 5.牛黃喉 6.牛肉粒 7.牛舌花打邊爐，必定要點的牛肉拼盤，牛肉紅卜卜就知道非常新鮮！當中手切牛頸脊最有牛肉味，而且脂肪分布平均，入口即溶！竹蔗茅根自家製竹蔗茅根清熱潤肺，打邊爐最佳夥伴！焦糖布甸又食得多，但係焦糖豆腐花真係第一次，睇住佢啲火慢慢燒非常過癮，焦糖脆卜卜配上嫩滑豆腐花！老人家和小朋友都對呢餐打邊爐好滿意😀…Read More

今次同朋友去咗大埔「大滾友」打邊爐，，環境闊落仲有好多包廂，最特別係有個兒童影院播緊卡通片，啱晒一家大細嚟聚餐！我哋四個人叫咗個超豐富嘅火鍋餐，人均$363（連加一），食到捧住個肚走～ 🍲 湯底：卜卜蜆（$288）一上枱就聞到超香蒜蓉味，啲蜆大隻到似乒乓波咁，而且完全冇沙！滾熟之後個湯鮮甜到不得了，最重要係喺開始之前職員會幫你加湯，因為底下擺咗乾冰，所以仙氣滿滿，啱晒鍾意打卡嘅我。🥩 牛肉拼盤（$428）｜牛魔王必試！個拼盤真係超級豐富，有齊7個部位，每款都各有特色： - 牛展：全場最正！切到厚薄適中，腍得嚟帶少少爽口，牛味濃到不得了，淥8秒就食得 - 牛胸爽：白色一片片，咬落滿滿嘅牛油香- 骰仔牛柳粒：方粒形狀，煮耐啲都唔會老，肉汁鎖得好實 - 黃喉：其實係牛嘅血管部位，口感爽脆，好似食緊脆骨 - 牛舌：薄切滾10秒就捲起，嫩滑冇渣 - 牛小排：油脂花紋好靚，入口即溶 - 牛肋肉：肉味最濃厚，適合鍾意原始牛味嘅人 🌶️ 香辣牛肉餃（$78）｜辣到噴火！一咬開個餃，辣汁即刻湧出嚟，辣度夠晒刺激！入面嘅牛肉餡好紮實，仲食到粒粒辣椒籽，鍾意食辣嘅朋友一定愛上～ 🦑 手打鵝肝墨魚丸（$72）雖然鵝肝粒比較細，但個墨魚丸彈牙到可以打乒乓球！仲食到粒粒墨魚肉，鮮味十足～ 🐚 貴妃蚌（$158）蚌肉肥美鮮甜，淥10秒就食得，配卜卜蜆湯底簡直鮮上加鮮！ 🥬 蔬菜類｜新鮮到不得了- 水蓮：超長一條條，爽脆清新，淥5秒就夠，索晒湯汁好正 - 萵筍：切成一條條手指咁粗，煮耐少少都仲保持到爽脆，清甜冇渣 - 山水滑豆腐：豆香濃郁，用筷子一夾就散，入口即化 🍹 飲品：竹蔗茅根（$78）清甜解渴，打邊爐飲最啱！ 🍮 甜品：火焰豆腐花侍應會即場淋酒點火，燒過嘅黃糖變成焦糖，配凍豆腐花冰火交融！視覺效果滿分之餘，味道仲好正～ 💡 小總結▪️ 環境：座位闊落，有包廂同兒童影院 ▪️ 服務：侍應會主動加湯換碟 ▪️ 食物：材料新鮮，特別推薦牛肉拼盤同卜卜蜆湯底 ▪️ 價錢：人均$363食到咁多好嘢，合理 如果想同朋友或者一家人打邊爐，「大滾友」絕對係唔錯選擇！我哋已經約定下次再嚟encore～ …Read More