Mr. Tree (Windsor House)

所有野都幾好，設施夠玩、員工友善、食物正常。小朋友玩得開心。計埋食物，其實同平時啲playhouse價錢差不多。但好熱！冷氣不足，仲要用射燈射住啲餐枱。希望改善。…Read More

大樹先生嘅餐單融合咗多樣嘅美味，令人驚喜。雞肉蔬菜高湯燉飯香濃可口，米飯吸收咗高湯嘅精華，口感滑順，搭配新鮮嘅蔬菜，營養均衡。照燒三文魚外焦內嫩，醬汁嘅甜味恰到好處，令人垂涎欲滴。蜜味烤雞翼則係令人難以抗拒嘅小食，外皮酥脆，蜜汁嘅甜味同雞肉嘅鮮美相得益彰，令人一口接一口。而貓貓飯團配粟米番茄汁則增添咗可愛嘅元素，飯團嘅黏糯同番茄汁嘅酸甜，令人感受到童趣。最後，酥炸日本紫薯甘栗餅嘅口感獨特，外酥內軟，甜而唔膩，係完美嘅結尾。加上隔離嘅 playhouse 設施，包括波波池同滑梯，令小朋友喺享受美食嘅同時，亦都可以玩得盡興，實在係家庭聚會嘅理想選擇。整體而言，呢個係一個美味同樂趣兼具嘅用餐體驗。…Read More

女女好鍾意去大樹先生的家玩，平時去開荔枝角店，今次第一次去銅鑼灣店！玩嘅設施都好唔同，女女玩得好開心😀當日仲有復活節活動玩🤣唱遊同埋做手工😉見到個個小朋友都玩得好開心，包括我個女🙂食物方面，我地叫左韓式烤牛肉配四色藜麥飯、煙三文魚意大利粉同埋兒童餐：粟米南瓜忌廉汁紐繩粉！同荔枝角店一樣係好味架～ 唯一比較可惜係當日無提供嬰兒輔食，咁岩我地又無帶，搞到細佬b望住我地食自己無得食，個樣好可憐🥹🥹🥹但係都好推薦一家大細去玩+食野 😉…Read More

一入到嚟餐廳登記，接客戴眼鏡嗰個態度已經唔好，咁我就問多一句，我買咗套票咁係咪可以依家用？因為怕買咗依家唔講等陣冇得用，諗住問清楚先，佢就佢就好燥底咁講「唔好急！等陣同事幫你！你坐低先！」坐低咗一陣，已經聞到有大浸臭味，類似冷氣嗰浸霉味，本身已經好想走，唉~都算啦，見自己買咗套票份上同仔仔又真係想玩就忍下啦~另外，呢間親子餐廳舉手係唔會有人show你，企喺前面戴眼鏡職員同另一個女職員就好專心傾偈，好似見到都當睇唔到你舉手咁，淨係得後面嘅職員見到你舉手會過嚟serve。咁到埋單見到張單冇減返套票嗰個價錢，咁我就同職員講 我買咗套票但係點解個價錢都係冇減到嘅？咁戴眼鏡個職員就一輪嘴講話，你依家係有冇買到先？收套票錢嗰個唔係我哋，而係團購公司，我哋其實唔負責呢個套票？？？？？我聽完真係？？？？心諗我買完套票，我仲要畀多次清潔費？咁我買套票嚟做咩？？？？咁因為真係唔係好明，咁我就叫我老公問問其他職員，佢地話己經扣咗啦，你睇下面應付金額就得架啦，一句簡單明瞭，唔明戴眼鏡個職員點解要帶我哋遊花園😂建議呢間餐廳要培訓吓員工啲情緒，我哋俾得錢入嚟玩，唔係想受氣，仲要你哋本身啲嘢都唔算平🙏🏻🙏🏻…Read More

今次喺Cocomelon 主題，所以我帶2歲小朋友一齊嚟，我想同大家講，嚟呢間餐廳用膳，單拖湊小朋友都無問題👍🏻雖然我喺中咗抽獎（豁免小朋友清潔費、同埋送一份pancake）但喺份Pancake一啲都唔馬虎，直頭影相打咭一流！💖又靚，味道又好，值得一讚！我另外再叫咗一份芝士培根安格斯牛肉漢堡🍔（跟餐湯，加凍檸茶）賣相幾靚，好吸引小朋友😃店員好好禮貌，會耐心解釋各項收費，另外我唔知原來個食物喺套餐，包含飲品、沙律🥗/餐湯，店員都有提我點埋order，無「則則博」👍🏻最緊要嚟到玩嘅地方，換鞋區有消毒噴霧、濕紙巾、乾紙巾俾各位使用，而啲玩具都收拾得好企理，波波池同「沙池」都OK，仲有好多其他玩具玩啱晒小朋友放電！最後值得一讚：餐廳有提供即棄圍裙同尿片（我自己有自備，沒使用佢，見到都覺得好貼心）…Read More