Tai Wing Wah Vill Cuisine (Closed)

來大榮華圍村菜都是晚上吃那些圍頭或九大簋的菜式。在家差不多禁足一星期，今天開車外出去上些糧食，方便泊車便到九龍灣其士大廈的大榮華試下點心。我倆11點進門是第一檯客，希望趕在飯市人多前吃飽離開。因應疫情關係，檯與檯中間的檯全用間隔圍封了，很有空間感。普洱茶入口醇香，比一般街坊酒樓好。十分鐘點心陸續上桌。薄餐- 材料有蝦米，韮菜，洋火腿，芝麻，煎得香口，外脆內軟糯。豬膶釀燒賣，切肉燒賣王- 主要餡料基本一樣有切肉，蝦粒，很新鮮，調味恰當可口，有肉汁。但豬膶粉硬，扣分。陳皮牛肉- 現在這乾蒸牛肉，坊間也很少有供應，有陳皮香，牛肉有質感，不錯。麻蓉飽- 有点驚喜能吃到這傳統的口味，粗麻蓉混入沙糖，啖啖麻香有咬口，兒時的味道👍奶皇馬拉糕- 這也是大榮華的招牌甜品，每次來幫襯也吃。質感鬆軟，奶皇味香濃，保持一向水準。很開心的一頓午餐，帶給我一些失落了的味道。看點心纸，這里二点後的下午茶時段，大中小點均一價22元。下次一定來下午茶，看看點心是不是也一樣水準。…Read More

九龍灣大榮華酒樓已經開了很多年了，以前常常去飲茶，但最近覺得太多人了，服務也差了，所以已經少去了很多。今天母親大人說，想食大榮華嘅奶黃馬拉糕，所以孝順的兒女就馬上去大榮華攞位，非常好彩地係下午茶的時間能夠攞到位置。點心依舊，味道沒有太大的改變，還是傳統的味道。最喜歡的還是「胡椒豬肚湯」胡椒味香濃。「當歸豬手」當歸味濃。「奶黃馬拉糕」幸好保持一貫水準。老字號還是捨得落本錢的，下午茶還是相當抵食的。但是服務不敢恭維，有個侍應叔叔，招呼周到。但是其他的侍應姐姐，就常常企在一邊看電話，傾偈。負責帶位的知客姐姐，就黑口黑面，可能客人太多了吧。這裏的侍應都是做了很多年的，很多都是熟口熟面，可能就是因為做慣了，對待客人也是這樣了吧:(作為一間老字號，除了食物品質之外，服務也是相當重要的。所以，如果不是母親大人要來飲茶，我也不會來這裏吃了…Read More

九龍灣附近真係好多嘢食，今日中午同同事到咗飲茶lunch time好多人，望落差唔多都坐滿晒。上菜快，好放心。白果豬肚，白果真係好多好足料，貪靚美白嘅女士表示好開心。推薦牛肉飯，應該用嘅係絲苗米，幼身飯底好，牛肉大大塊，好新鮮！同事都讚好好味。炸奶絲，好似係包住粉絲炸，好鬆脆，奶夾心都好香。松糕，好香好發得起，鬆軟可口。鮮蝦韭菜餃，冇諗到都好多蝦仁，算係足料！中午同同事黎食，人均80性價比都唔錯幾好！…Read More

今日同屋企人嚟食飯之前都有嚟食過覺得好味同埋大碟夾抵食所以就再encore今次食左7個菜式 1️⃣杏汁豬肺湯要預早打黎訂非常足料南北杏同豬肺都好多鮮甜濃郁 正2️⃣豉汁蒸倉魚味道一般 不過不失但夠厚肉3️⃣燒鵝肥瘦剛好 而且好抵食4️⃣薑蔥炒蟹自己買上去加工的炒得幾香口好夠味5️⃣琵琶豆腐更多款菜式最好味必點菜式！調味適中豆腐嫩口 好好送飯6️⃣燒乳鴿夠熱夠香口而且好多肉亦都係另一款必點菜式7️⃣壽包蒸嘅時間唔夠耐所以食落覺得好厚同好硬不過個餡都OK…Read More

有段時間我哋一家人都好鍾意去「大榮華」飲茶㗎，不過佢點心水準時好時壞，而且價錢都唔平😌 不過衰就衰在佢個抽風系統唔係咁好，仲要安排喺open area煎糕、煎腸粉，所以每次飲完茶全身都一陣油煙味😅 不過爸爸話鍾意佢個普洱茶，所以我哋都好樂意間中陪佢過嚟飲下午茶嘅。呢日阿哥帶埋姪仔出嚟探爺爺嫲嫲，我呢個姑姐又點可以唔出現呢😉 諗住預早少少去霸位囉， 點知一樣門口排滿人，好在等左20分鐘左右就有位坐。因為成朝未食過嘢，個肚餓到打晒鼓🤤 唔理三七廿一正價又叫啲、特價又點啲。媽媽最鍾意「大榮華」嘅 #馬蹄糕，煙煙韌韌食落又甜甜地，確實唔錯㗎🤤 而爸爸就最鍾意食佢哋嘅 #潮州粉果，入面嘅 #沙葛、#蝦米粒 配埋其他材料好香口。由於所有點心都係即叫即蒸，要趕時間嘅就唔好嚟喇。最後點都要叫返個「炒嘢」先夠飽，$32 #黑椒肉眼筋炒麵 大大碟，雖然唔可以覺得好好食， 不過就一定可以填飽你個肚仔喇😉…Read More

第一次去大榮華, 聞名不見幫襯.經驗話我知, 咁出名嘅餐廳, 其實..... 都係食個名氣啫....再加上今次同D麻煩人一齊去, 唉.....第六感話我知, 今次將會無咩驚喜.由於同D麻煩人一齊去晚飯, 食D咩由佢地話事, 我都免得俾意見.如果唔係朋友介紹, 我都懶得應付D麻煩人幫佢占卜解決問題.結果點咗客翡翠琵琶豆腐, 粉絲什菜煲同鮑汁花賿仔玉掌煲.其實三個小菜都唔係我杯茶, 不過我一心打算快快攪掂快快閃, 算!翡翠琵琶豆腐 - 琵琶豆腐口感嫩滑, 但茨汁過多, 而且茨汁味道重咗少少.粉絲什菜煲 - 同一般大排檔無咩分別, 其實哩款簡單小菜無咩太大特式.鮑汁花賿仔玉掌煲 - 茨汁太過淡, 花賿亦唔夠冧, 自己唔太中意食玉掌, 食咗一隻感覺唔夠入味同比較爽口. 炆得唔夠耐.要讚一讚係三個小菜都無偷工減料, 侍應服務態度亦唔錯.…Read More

跟屋企食團年飯，外甥說大榮華今年嘅盤菜幾抵食，$1680 /12 人....所以今年的團年飯就決定在位於九龍灣大榮華圍村菜食。今晚年二十八，原來要加15% ，訂位和下訂金都時沒有說明，所以這點酒家應該要注意！！盆菜有干煎蝦碌，燒鴨，五味雞，圍頭豬肉，厚茹，蝦米魚肉，生曬干門鱔，魷魚，蘿蔔，和12隻鮑魚等！盆菜份量看似很多，但盤底的蘿蔔很大件，不過亦很清甜！鮑魚也很大隻，豬皮很爽很入味! 總括來說價格是底！值得一讚，盆菜味到剛剛好，不咸也不淡👍🏻豬肉也不太肥👍🏻👍🏻…Read More

繼老闆包中午飯錢，連晚餐都包埋😂唔知咩雞聽老闆講呢隻雞好出色，好滋味。試完一啖感覺…冇咩特別呀。雞肉算嫩滑，就係普通的雞味，食唔出有咩調味咁巴閉😂雞蛋焗魚腸好少地方有焗魚腸，難得見到揀係要食啦。用傳統砵仔焗👍不過同樣地，味道冇我想象中咁驚艷，雞蛋應該焗得太耐變老同鞋，魚腸加埋葱呀薑呀，味道可以。燒腩仔皮脆肉厚，點芥末醬一流海鮮粉絲煲普通小菜冇影相😂炸生蠔同事為左爽飲啤酒專登叫😂炸生蠔超正👍小炒皇豬油撈飯咁懷舊既飯未試過，可能係我落得唔夠多豬油所以唔香？Menu…Read More

人少真係唔可以去大榮華食嘢🤔遇上花多眼亂嘅餐牌樣樣都好似好好味咁都唔知點揀好😖避免做大嘥鬼 我哋兩人只好揀選三個餸 佢招牌嘅五味雞 每次去我都會必定選擇 雞夠嫩滑 皮又夠甜之後我哋每人再 自己揀一個 可惜一時失手點咗兩個煲 臘肉生蠔煲同碧綠花膠鵝掌煲兩個煲都好好食 不過可惜味道重疊咗當然 嚟到大榮華食嘢 小菜係其次主要食就係佢個豬油撈飯，豬油嘅香味再配上佢嘅頭抽撈飯 食一碗點會夠喉一定要食多幾碗雖然佢啲小菜都好好味😋不過極力推介唔係小菜而係豬油撈飯✌…Read More

今日又嚟咗公司附近嘅大榮華酒樓飲，雖然話係嚟飲茶，其實係掛住佢哋嘅乳豬飯先真。其實冇幾耐之前，我都未嗌過呢度嘅燒味飯，後來一次唔打唔撞試咗，就愛上左啦。呢度嘅白飯，煮得好好，好挺身，總之就係傳統酒樓有嘅水準，幾啱我哋胃口。燒味都係唔錯嘅，唯一就係可能有時會冇晒乳豬，或者冇燒到，咁就可以試佢地Ｄ叉燒同雞，都唔錯。我哋今日就比較肚餓，除左乳豬拼油雞飯外，仲嗌左幾味點心。咖喱豬皮魚蛋就好大碗，相中係食左少少的，魚蛋質素一般但俾得好多，差啲食唔晒。然後再嚟咗個叉燒餐包，鹹水角，仲有一碟油菜。呢度嘅叉燒餐包係比較實淨，大大個，咬落去唔會有空心包嘅情況出現，所以其實一人食一兩個都好飽。鹹水角大隻，不過有啲硬得滯，都OK。最中意就係佢地個泰式魚餅，明知係黎貨的，彈牙又有香葉味，又唔錯，個人中意食冇計。主角乳豬拼油雞飯。乳豬熱熱的，皮脆，多肉，不太肥，俾得都幾多。平日午飯時都食到乳豬，真係要感恩。油雞夠味，豉油香，雞肉滑，好正，再送幾條菜。白飯係另外裝開一碗，好岩老人家口味。依度成日都唔少人，但傳統酒家黎講依度服務都幾殷勤，唔會話寸寸貢咁樣。但如果自己太少人黎嘅話，就要可能搭枱。如果你行得太慢嘅，甚至要等位添。…Read More

近排香港局勢很動盪，令到成個人都情緒不好，所以今晚約埋三五知己食返餐，可以聚舊之餘，也可以呻一呻怨氣。朋友話就我方便，所以選擇了在這裡吃飯，這裡的菜色很多，除了有套餐外，還有過百款菜色，真的很費時間才可選擇到！脆炸魚皮好脆，好香口，份量唔太多，好快就食晒了！滷水浸大雞腳呢個小食好好食，滷水好入味，雞腳好大隻，有咬口，但又唔會好硬，正！玉蘭炒臘味芥蘭好翠綠，爽甜，臘味炒得好甘香，不愧為鎮店之寶！麥芽桂花雞我們叫了半隻，都已經好大隻，雞好嫰滑，外皮有一些甜甜的麥芽糖味，加上桂花放面頭，食落有淡淡桂花香味，好特別！酥炸鮮蠔炸得好鬆，份量就少了一些，鮮蠔入面都還有好多汁，都可以。鮑汁花膠仔玉掌煲成個煲都冇飽汁味，味道又淡，好像沒有落調味一樣，鴨掌有雪味，整個菜都很差！咸菜胡椒豬肚煲咸菜不會太咸，豬肚都炆得唔差，但略嫌唔夠胡椒味，有點失色。椒鹽油魽魚鮫(例)魚鮫都算做得幾好，入面的魚肉還很JUICY，外皮炸得很香，但椒鹽欠奉，如果落多少少椒鹽應該梗加好食。香煎南乳米鴨(半隻)米鴨煎得很香，鴨也很大隻，食落香口之餘，肉也很嫰，又多汁，呢個菜係全場最出色的一個！雞蛋焗魚腸入面魚腸焗很好鞋，好乾，好腥，好失敗！酥炸鯪魚球外皮炸得很香，裡面的肉味道調配得唔錯，點上蜆介汁就錦上添花了！奶皇馬拉糕(8件)來到這裡的必點糕點，入口軟滑，奶皇又香滑，冇失水準！食完後還送上每人一碗綠荳沙，真係開心！好耐冇來這裡食晚飯 ，但感覺比以前差了，希望他們可以保持返以前的水準吧！…Read More

今日嚟咗大榮華酒樓飲，雖然區內酒樓其實都唔少，但有時想食比較傳統口味的時候，都會過嚟食。依度Ｄ點心係走傳統風，有豬潤燒賣呀果Ｄ，而家份量用料都比較紥實，唔會鬼鬼馬馬咁，所以總係有佢嘅捧場客。佢地午市成日都幾旺，比較唔好嘅就係人少嚟就要搭檯。今日一個人嚟，食唔哂一個飯，竟然就想整個大包試下。我不嬲都幾中意大包，但依樣野唔係度度酒樓都有供應。依度嘅大包同佢地其他包一樣，個皮係比較紥實，唔會輕飄飄。用料其實有Ｄ似雞包仔，但有更多雞件，同埋鵪鶉蛋！好多料蒸埋一齊就好鮮味，成個包份量十足，一個人差Ｄ都食唔哂！…Read More

今日因為要過去工廠區取貨，所以在下午時約同幾位同事在附近食個午飯，同事建議去這間酒樓，只在取貨點的鄰近街口，所以我都欣然答應。我們預先訂了位，坐下後同事幫我們發板點點心，還點了一個叉燒燒鴨瀨粉。鮮淮山百合餃，故名思意就用淮山和百合做饀，外表的質感似蝦餃皮，但比蝦餃皮黏口，淮山和百合食起來很爽，似食馬蹄粒，雖然是素，但不會覺得很寡。奶皇水晶包，裡面的奶皇好豐富，水晶皮不算厚，又晶瑩剔透，見得晒裡面的奶皇，口感香甜滑溜，食一個都覺得好滿足。叉燒燒鴨瀨，燒鴨很多肉，叉燒雖瘦但又不會靱，兩者味道都做得好好。有些人不喜歡瀨粉，因為嫌它太滑，很難夾食，但我就偏偏好喜歡吃瀨粉，就是喜歡佢這種滑的感覺。潮州粉果皮不算薄但都適中，裡面都有好多饀，花生馬蹄都少不了，沾上辣油就梗美味！南瓜餅，一客有三件，皮好煙靱，南瓜味都香甜。脆皮紫蕃薯丸，得個樣，咬落皮好多油，入面的紫蕃薯很少，根本食不到紫蕃薯味，皮是煙靱的，食落去都唔知自己食緊什麼。除了紫蕃薯丸，其它都不過不失，慶幸我們有訂位，因為坐一陣不久已經滿座了。…Read More

六個人食，五餸一湯，年年有餘........同事們吹雞叫食飯，首選九龍灣的大榮華，成為我們的飯堂。😋😋😋😋原本打算叫6人餐，到最後決定散叫，有肉有蝦，今次試線鴨🦆🦆，滑，值得一試。蝦也是第一次叫，中蝦🦐🦐的尺寸，爽身，不黏殼。再來牛仔骨🐮🐮，肉質夠諗。選有我最喜歡的生炒骨，百吃不厭。配上鎮店豬油撈飯，飽肚加增肥。還有叉燒🐷🐷同粟米湯，這個組合，如同4人餐一樣，自制套餐。😋😋…Read More

九龍灣呢間分店係咁多間大榮華入面我第一間試既分店係佢開張既時候已經開始幫襯最初開張既時候真係好多人幫襯過左咁多年入流開始少左但星期六日lunch 都係坐滿裝修後明顯係...的位窄左但推出下午茶時段價錢比較以前優惠但我多數幫襯既時間係午茶所以都係收番正價😓值得一讚係佢員工服務比較好人手夠，要叫人加水落單好方便我最喜歡佢既點心係芋頭糕和蓮蓉包芋頭糕佢整得好好味有蝦米臘味仲有五香粉調味每次去必點榮華既蓮蓉特別出名軟滑和唔太甜但近年蓮蓉包皮出左問題品質不太穩定包皮太厚或太粗糙希望佢可以改善下…Read More