大業車仔麵

喺附近探完朋友, 諗住身水身汗去食壽司啦咁啱撞正食飯時間超多人排隊~Search search下openrice就見倒依間開24小時嘅小店, 原來過條馬路就係張自己✔️嘅點菜紙, 最多可以揀5餸~揀左4樣心大心細唔知第5樣揀咩好。5款以上每加一餸+$8, 都唔過份就要多2款啦舖面細, 又冇門~開左冷氣其實有對流都愈食愈熱! 不過勝在凍檸茶🥤夠大杯! 食到中段真係頂唔順🥵, 要放低啲嘢出去食支煙~事頭婆好好人, 仲叫我慢慢總括來講食物質素不過不失, 但主要都係嗰份人情味啦街坊生意…Read More

多次路過都覺得風格比較麻甩🤔今日終於一試，賣相真的麻甩😅但一試就叮咗一聲，佢嘅沙嗲好野味，牛肉薄得嚟夠滑💯凍齋啡出奇地好飲😅應該話啱我口味，因為平時茶餐廳會較苦，老闆一腳踢，好禮貌👍雖然裝修老舊，但會再幫襯🤞…Read More

同班朋友飲啤酒，吹下水，仲有小菜點，老細招呼一流！埋單平過大排檔！車仔面份量十足，宵夜係鰂魚涌算係首選！👍🏻👍🏻👍🏻缺點係廁所麻麻地，都係去隔離麥記乾淨…Read More

太古大業車仔麵包菜蜜 or 豆漿三餸油麵腩汁油麵煙刃不重鹼水味。牛肚好入味 夠林 有咬口。鹵水雞翼 不會太咸，肉質不錯。魚皮夠爽，咸香為主。整體偏咸，菜蜜可中和咸味。$37 太抵食了。…Read More

師傅之前講過黎緊會寫一系列關於車仔麵嘅食評，所以繼續去搵車仔麵黎食。位於鰂魚涌太古中間，車仔麵嘅食店真係冇乜幾多間，有得食都要偷笑啦! 由於冇乜得選擇，師傅只好黎呢間食店，食個車仔麵午餐。入到去，放飯時間都幾多人，師傅一條冷當然好易搵位，坐底後二話不說就攞起張紙同支筆，好似答緊MC咁係咁劃😂。師傅一口氣劃左豬紅，豬皮，豬腸，牛筋腩，沙爹牛肉同腐皮卷，粉絲做麵底，配上辣汁同腩汁，六個餸，再揀左杯豆漿。說時遲那時快，車仔麵就放左喺師傅面前。個侍應姐姐係咁話師傅要六個餸，偏偏黎到得五個餸，咩玩法先? 左睇右睇先發現少左一個腐皮卷，同個姐姐講左兩次才還師傅一份腐皮卷，真係搞笑。一如以往，師傅第一啖當然是試下個湯底，湯底味道普通，唔香唔辣，沙爹味，牛腩味，辣味，樣樣味有少少，但就係唔算好味，到底係食店問題定師傅問題呢? 再試下豬紅，豬紅四四方方細細粒，味道就滷得一盤，入口唔滑亦冇煙煙韌韌嘅口感，一夾就碎，都幾普通下。豬皮正常嘥屎，入口零爽口加上勁腍，超冇癮，失敗。至於豬腸就炆得唔腍，有渣，係幾厚身但算韌，唔掂。反而個牛筋腩又幾好，牛筋比牛腩好，牛筋夠腍夠膠，入味，牛腩就乾身同鞋口少少，牛筋間接提高返師傅少少食慾。沙爹牛肉就正正常常，就係沙爹牛肉囉，冇特別。另一敗筆就係腐皮卷，話佢係腐皮卷倒不如話佢係魚肉卷好過，味道唔得，腥腥地，真係千萬唔好試。至於個粉絲都冇特別，係勝在多，份量撘夠。最後杯豆漿都幾好味。總括嚟講車仔麵水準絕不合格，環境普通，唔算乾淨舒服，埋單50蚊，50蚊有六個餸送埋豆漿，只要冇乜要求，都算扺食嘅。笑臉肯定比唔到，唔喊都係因為扺食撘夠，再黎機會不大。相比從前，好似仲差左。…Read More