2
0
3
Telephone
24702201
Good For
Group Dining
Payment Methods
Cash
Review (7)
Level2 2021-02-21
75 views
d野食本身已經唔係好食 個姐姐態度勁差 無蒸飯無炒牛河唔緊要 態度都可以正常少少呀本身打算行完山就近食d野 仲可以曬下太陽 點知食到一d都唔滿意 如非必要 都係出市區食好好多 continue reading
(The above review is the personal opinion of a user which does not represent OpenRice's point of view.)
Level2 2015-01-02
3512 views
一大班親戚, 又想聚會又想郊遊, 結果選擇這裡, 貪呢度有野食有野玩, 細路又唔會悶.入到去, 先黎每部車 80 蚊泊車費硬食 (BBQ 場要付費泊車, 還是第一次). 都算啦, 諗住 STAY 得耐, 計返都係十幾蚊粒鐘.入到去, 原來佢有幾種服務比你揀, 一種係 BBQ 任食 ($128), 一種係齋入場費 (唔記得50定80蚊), 一種係摘荔枝 ($120, 但不知有沒有限制).我地就揀左 BBQ 任食, 共七人. 還境枱凳都尚可, 只係比較多烏蠅, 但考慮到其他 BBQ 場都差唔多, 附近又有飼養動物, 我認為可以接受. 食物望落好淺色, 以為冇乜點掩過, 但食落又唔係喎, 味道尚可.不過最大鑊係時間, 學埋市區放題0的衰野 ........... 竟然設有限時 !! 三小時咁大把.Oh God, 七個人仲要係天寒地凍, 已經肚餓想食多0的, 但一個小爐頭要在三小時內燒 7 人份的食物, 加上仲要搵人去看住班0靚仔, 可以想像有幾急 ? 係急到要 5 個人燒 1 個人食 1 個人睇細路無間斷輪流互換, 咁先至勉強0係三小時內僅僅夠飽. (任食 BBQ 竟然係要僅僅夠飽, 多諷刺).最頂癮既係, 佢真係疊正第三個鐘頭, 就搵人黎搬走0的野 "清場", 比唱 K 交房更趕客. 但人地一早講明三個鐘, 你又冇得反對.如果唔係已經比左 $160 泊車, 我諗我根本唔會再比呢 $128 入去 "速食". 除非你原本就諗住係燒 3 個鐘, 否則真係要諗清楚. continue reading
(The above review is the personal opinion of a user which does not represent OpenRice's point of view.)
Level4 2015-01-01
2189 views
新年假期和家人到訪大棠荔枝山莊,午膳於園內。除燒烤外,也有碟頭飯供應,獨市生意,價錢當然比正常貴少許。餐廳半露天,有不少蒼蠅飛來飛去,整潔度一般。點餐先購票,交票再等,廚房姐姐態度頗差。一碟叉燒炒蛋飯,成品略雜亂,叉燒半肥瘦,整體食味過得去。至於時菜牛腩飯,牛腩稍鹹,腍度一般。多加一碟炒時蔬,普普通通喇! continue reading
(The above review is the personal opinion of a user which does not represent OpenRice's point of view.)
Level4 2010-07-04
1848 views
如果細心一點去找,香港還有很多可以消磨一個假日的地方,今次就介紹大棠荔枝山莊,令你可以親親大自然。 這兒不要要求好好玩,當親子活動輕鬆行行的心情來吧。大家可以餵小兔、羊等等小動物,又可以餵錦鯉。輕鬆行了一小時左右,就吃素盤菜。炸香蕉炸完放久了,炸皮都淋了,食味一般。素龍蝦丸和素蝦當然又是麵粉,還要是沒味道的,多年也不喜歡。枝竹和蘿蔔炆得入味,不錯了。菜少得可憐,我們也笑說有機菜貴呢,而芋頭用南乳整,不過放了很久也未淋。因為是素,汁當然沒有鮮味,所以不能加太多水,要不是就連鹹味也沒有。茶有參味,喜歡的可以飲多杯。吃的不行,吃的地方的服務也是差的,我們在照相時,服務員只會催促上菜,之後加水在湯底、加茶等等都是自便,采你都傻。不喜歡吃素盤菜,有肉的盤菜,又可以燒烤,大家自行選擇吧。 continue reading
(The above review is the personal opinion of a user which does not represent OpenRice's point of view.)
Level4 2009-11-23
1430 views
昨天跟大廈業主會一起去大棠荔枝山莊,當爲秋天大旅行,天氣頗為適合作旅行的一天,不太冷也不太熱,蚊子也不多,只是蜜蜂黃蜂蒼蠅等等比人更多而已,不過身在郊外很難避免了,作為舒展身心的一個活動倒是不錯。山莊內有各式活動供大家享用,小朋友一定喜歡的有攀爬繩網陣,買食物供小動物如小羊,錦鯉和鴕鳥等吃用,其實是一種親子和親親大自然的活動。大人也可以自費騎馬,我看過馬房內的馬全部不是那種老馬,很多馬匹也是非常健壯的,所以相信要經過導師指導下才可以參加此活動。場地之大,恐怕要行畢整個山莊一天是不足夠的,所以我們只能夠在中心遊覽各類動物和令我們此類城市人最感到興趣的水果樹,像大樹菠蘿,楊桃,龍眼,人參果等樹木四處也有,是最佳的活動教學地方。當然也有士多啤梨園,不過現在不是當造時間。燒烤時到此處一定會造的事情,因為地方大,所以同一時間可以提供超過500個燒烤爐供遊人使用,三小時內任食,不過食物種類比較一般的燒烤食物,豬扒,牛扒,黍米,番薯,魷魚等等。飲料只有提供一支蒸餾水或一罐汽水,所以遊客記得最好自備多一點飲料。其實香港應該多一類此種場地供應,令我們在假日可以多一個遊覽的好地點。我們需要的不一定是很貴入場門券的主題公園! continue reading
(The above review is the personal opinion of a user which does not represent OpenRice's point of view.)