Ootoya

跟朋友去荃灣大會堂聽音樂會，之後就黎咗大戶屋食野。食物味噌醬煮吉列熟成豬扒鍋定食 $126每次好肚餓一定叫呢個，因為好多汁，送飯一流！個豬扒會切到一口大晒，易入口！個鍋入面仲有菜、蔥同蛋，非常好味！鯖魚定食 $104條魚非常大條，朋友食唔晒添！不個夏天蘿蔔蓉就好苦～我自己覺得幾間大戶屋分店水準煮法都差唔多，叫自己叫開果啲一定唔會伏。服務原來大戶屋變左QR code落單，要用會員優惠先叫店員落單。呢度要收加一，個服務費應該就係包不斷斟茶～幾欣賞啲員工繁忙時間唔會大聲講野吵吵鬧鬧。環境之前只係去過康怡同中環分店，發現呢間格局唔同，啲檯冇咁密，似日式飯堂咁，最欣賞佢地有圓檯，見到真係有一家大細包括老人家一齊野，覺得幾溫馨！折扣原來荃灣分店又唔同中環，星期六日冇得用會員三選一優惠。埋單比嘅現金券又只適用於荃灣店，可惜～黃昏離開，從遠處見到大戶屋頭頂有美麗的月亮～…Read More

牛肉份量夠，好吃😋配菜就煮得耐咗啲。唔夠精緻。環境好舒服空間足夠，有落地玻璃。兒童餐好吃，還送了玩具和有甜品。咖喱飯不辣，但是仍然含有咖喱的味道。雖然甜品不是之後再送上，但是也非常好味。…Read More

大户屋（荃灣）星期五夜晚去食好多人排緊隊，等左20分鐘左右至有得入座。餐廳日式裝潢，多位而且坐滿人。可能因為晚市太多人，服務一般，有好幾次飲曬茶，都無職員fill，要自己行岀去斟。（單）大戶屋壽喜燒鳥冬（牛）  $129（另需加一）上碟幾時候好吸引🤩，熱碢熱辣辣出晒煙咁。壽喜燒湯甜甜地，牛都係普通肥牛咁，一般配菜有金茹、冬菇同溫泉蛋。呢個價錢只係包左一碗烏冬，性格比唔高🙂‍↔️，食物質素一般。滑蛋雞飯定食   $99（另需加一）滑雞飯質素一般，啲雞肉有啲柴。滑蛋正常水準，都係有啲蛋汁撈埋雞同洋蔥。定食包左茶碗蒸、麵豉湯同沙律。茶碗蒸啲蛋都滑既，不過沙律就真嘅唔得，無醬又無味，成碟無食。整體黎講，晚市太多人食，坐得好逼。食物質素一般，而且性格比唔高。如果鍾意我呢一篇食評，歡迎關注我:獨角獸aka彩虹小馬🦄🦄記錄日常生活食物日記…Read More

大戶屋向來主打日式家常料理，但價格卻並不家常🤑所以一直未有進內光顧。這次碰巧本身想去的餐廳未有位置，見大戶屋有位便決定一試。———————————————————————套餐包括了主菜、白飯、茶碗蒸、醃菜和味噌湯。主菜方面，豬扒有厚度有咬口，炸粉厚薄適中，屬正常發揮👌滑蛋亦未有煮得太熟，仍保留着嫩滑的質地，與偏甜的醬汁混合起來，味道不錯👍🏻其他套餐附有的配菜也不過不失。但另一個餐則較令人失望😓魚柳份量非常少，只有4件，每件魚柳都十分迷你，而且魚皮和炸粉都比較厚，佔了整件魚柳的一半😵‍💫蔬菜的份量也偏少，每款蔬菜只有二至三件。整體來說這個餐的CP值都頗低👎🏻炸雞size 正常，外皮香脆，肉質嫩滑，而且有肉汁，但調味方便稍鹹。沙律菜新鮮清脆，適中用來中和邪惡炸雞的油膩感。但始終7件炸雞收這個價錢，個人來說還是覺得偏貴。———————————————————————其實所有菜式都味道正常，中規中矩，只是價格和份量並不是太對等，讓人有期望的落差。…Read More

呢間餐廳的用餐體驗極其糟糕，員工態度惡劣，令人難以接受。餐點價格同品質味度完全不成比例，不過野食唔掂都唔緊要，最主要服務更加係糟糕透頂，直情係負分。Order果陣問一個簡單問題都已經好似得罪咗佢，回應得不耐煩。上餐仲將個餐dump係你枱面。請個咁既員工不如好似快餐店咁叫個客自己用手機app落order再去counter拎埋野食好過，唔洗受佢氣。如果想洗錢去被不禮貌對待，呢間餐廳絕對是你的不二之選。…Read More

每當下雨天，不知道吃什麼好的時候，我就總會走到這裡，簡簡單單的吃一餐 😍 這裡就是我的「飯堂」🫢 ～ 大户屋 ～ 一間主打日本家庭式料理的餐廳 🤗 走進去就「仿如在家中一樣放鬆的地方… 另一張，家的食桌」這亦是大户屋標榜的經營理念。👇🏻 餐廳位於大型商場裡面，有數條行人天橋連接在一起，就算打風落雨 ☔️ 都不擔心濕腳，甚至連雨具都不用帶上 😍 店內裝潢走簡約日系風格。👇🏻 我視這裡為「飯堂」的主因，是因為他們嚴挑有品質的食材，注明是選用S.Pure 無激素肉類 🥩👍🏻👇🏻 餐牌有好多選擇，我挑選了「黑醋野菜雞」定食 😍 類似中式的「咕嚕肉」，將甜酸汁換成黑醋汁，感覺更健康👇🏻 定食配有足料的日式碗蒸蛋 😍👇🏻 鹹淡得宜的日本麵豉湯 🥰👇🏻 稱得上「飯堂」當然是可以免費續飯兼可享用「加大」size的日本米飯 🍚👇🏻 最後是套餐的野菜沙拉，配料絕不求其，非常豐富，薯仔蓉、西蘭花、海帶、蕃茄….👍🏻…Read More

吃過兩次的日料餐廳 東西和環境都蠻不錯的在香港的日料大部分都很貴 這間的性價比算蠻高的⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯味道：⭐️⭐️⭐️⭐(5⭐️為滿分）CP值：⭐️⭐️⭐️⭐️(5⭐️為滿分）環境：⭐️⭐️⭐⭐️ (5⭐️為滿分）服務：⭐️⭐️⭐⭐️(5⭐️為滿分）⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯❤️牛肉壽喜燒定食 $138 推薦👍🏻每次來都必點的壽喜燒定食，定食有配白飯，湯還有蒸蛋 壽喜燒湯底甜甜的 牛肉也很軟很入味 最喜歡沾生雞蛋吃 再配上一口飯 太喜歡了❤️五花腩 $122 不錯👌🏻五花腩都還不錯 算是這間的招牌了 我覺得五花腩有點硬 不過烤得蠻香的 除了五花腩也有很多配菜 再加上一碗飯 完完全全夠飽了❤️炸雞翼 $42 推薦👍🏻雞翼超級好吃 雞肉不會柴 而且很夠味 炸得也剛剛好 外脆里嫩🤤來這裡必點的小吃…Read More

嚟呢度喜歡食佢嘅燒五花腩，配3款醬料好好吃👍依家仲有增量版啱晒啲食肉獸🤭另外叫咗五花腩拼牛肉定食，一次過食埋豬和牛喇🐷🐮新品的大戶屋招牌定食除了有五花腩外，仲有我鐘意嘅太陽蛋🍳同可樂薯餅。單點加$25就升級為定食：有漬物、茶碗蒸和日本米飯，性價比高呢🤩🤩再加$33白飯就可轉迷你三文魚吞拿魚飯🐟💕增量五花腩定食 $133💕五花腩拼牛肉定食 $133💕招牌定食 $99💕跟迷你三文魚吞拿魚飯 $33…Read More

講到呢間餐廳嘅嘢食，就好似置身喺日本當地咁樣。確定食相當吸引，半熟嘅牛肉望落去，已經馬上好好。仲有係好鮮甜嘅沙律又好食。不過最鍾意就係嗰個吉列豬扒，炸到好香，雖然份量好少，但依然食到返唔到轉頭。魚生方面，一樣冇得輸，三文魚好新鮮，食完之後包你回味無窮。估唔到碗湯都唔冇得輸，味精味唔會太重得好適宜食嘢之前飲咗佢，暖下個胃。下次會再介紹朋友嚟呢間食，因為個便當賣相太靚，無論係食定係打卡都超級一流。😃😃…Read More

大戶屋都唔係第一次食，一直都給人一個性價比較高的洋食餐廳，今晚跟家人到大戶屋食晚飯，叫二人餐。飲品，選了橙汁和巨峰梳打。分量尚可。小食可選兩款，就選了吉列蠔和雞翼。兩款小食到桌上時都是非常熱騰騰，味道不俗。吉列蠔遞上兩款醬汁包括蛋黃醬及和風醬。個人比較喜歡蛋黃醬，因為和風醬，味道校濃烈。主食選了椛魚和五花腩拼牛柳配上兩個白飯。燒椛魚份量十足，味道不太鹹，恰到好處。五花腩及牛柳，味道尚可，配上沙律，送飯之選。最後奉上兩客綠茶雪糕。總結，性價比是絕對可以接受，如果食量不是很大，可不用選擇二人餐，其實已經足夠了。…Read More

今日喺外賣平台叫咗個外賣，一送到嚟拎起舊蕃茄見到下面有隻死曱甴，即刻喺外賣平台 cancel咗張單，再打電話去話俾餐廳知，餐廳態度非常一般，淨係話「哦，咁我打去外賣平台幫你cancel左張單啦下」，完全冇提及到會改善衛生問題同埋感覺唔到有歉意。最後我提到話會報埋食環，佢竟然係就咁冷冷地講左句：「你咪報囉～」⋯⋯都真係唔知講咩好了。至於間餐廳本身有幾污糟，大家自己應該都可以想像到⋯⋯…Read More

早幾日到荃灣廣場行街，順道再食大戶屋😋😋來大戶屋食過很多次了，性價比真係唔錯，食物質素有保證，不過等位時間可能比較長，無得預約，所以可能要提早等位。🔶味噌醬煮吉列熟成豬扒鍋。呢個係我每隔一段時間就一定要食一次既食物。豬扒炸得酥脆，配搭濃濃的味噌醬汁非常惹味👍👍👍🔶特選增量燒熟成五花腩。五花腩油脂豐富而且燒得剛剛好，本食唔太鐘意食肥肉既我都覺得好正 食唔停😋 配埋日本飯和其他前菜真係食到好滿足…Read More

中午去食，兩個大人一個bb,叫咗牛肉壽喜燒同埋滑蛋雞飯配烏冬。首先講牛肉壽喜燒，110 蚊，唔係牙化，呢個價錢呢個質素，好過去搶，個餐咸到我夜晚都仲係度飲緊水。滑蛋雞飯，仲衰過出面賣30 蚊果d，佢憑咩賣86 蚊，雞太硬，份量少，其實真係搶錢。又咸。唔明白點解有人排隊，講咩家庭料理，收緊懷石料理的價錢，請大家三思。然後講下大家都有提及的中年白髮女店員，入去企門口完全冇招呼，收咁貴價錢，無服務，環境殘舊，似去foodcourt。講最重要嘅，bb凳設計差到極點，唔可以拉埋去拍近張台，搞到bb凳同張台有gap,又冇安全帶，bb坐坐下成個人唔見咗，原來跌咗落台底…Read More

—荃灣太多選擇 當唔知食咩嘅時候 日本菜never disappoint us環境幾舒服 可能因為已經過咗午飯時間油甘魚刺身飯($144)附茶碗蒸 漬物 小鉢 幾豐富好認真 店員有拎推薦食法簡介出嚟1. 芥末醬油 / 2. 生糀味噌 /3. 高湯茶泡飯油甘魚就咁食都夠鮮美 加咗高湯之後泡飯變得脹卜卜 好飽肚吉列熟成豬扒定食($113)自己用研磨缽現磨白芝麻碎豬扒炸得乾身唔膩 頗軟腍——————————————大戶屋 荃灣楊屋道1號荃新天地一樓118號舖…Read More

因為而家住荃灣，其實都唔係第一次去呢一間餐廳食飯，但係每一次都覺得自己食完係受氣嘅！店裏有一位很老嘅店長，頭髮斑白，短頭髮。但係佢有好多時間，喺度剪花！對客人嘅態度很冷漠。我最後一次去嘅時候，我同前面一位女士前後腳入去，大家都係要兩位，佢將我前面嘅女士安排一個四人座位，而我咩住兩代行李，就只得兩位座位，但其實仲有另外一啲四人枱，四人枱上邊有餐牌，但係我枱面上面乜都冇，我坐低要求店員安排多一張椅子俾我放東西，佢拒絕，話佢哋有籃，但安排一個放唔到我行李嘅籃俾我！亦都冇人嚟招呼我，我要企起身先至望到嗰位店長，跟住佢先至叫我等佢，隔咗三5分鐘後先有另一位同事過嚟，我話我冇餐牌先至有人交餐牌俾我！之後我個女嚟咗，佢叫咗一個餐，我只係叫咗一條燒魚，但係條魚唔知係咪師傅劏魚，劏穿咗個魚鰓，結果近魚頭魚肚嘅位置，食出嚟係苦嘅！…Read More