Fairwood (Closed)

原本出街諗住發掘下啲新嘢食，點知比大快活個價錢吸引咗去過去。望佢個水牌啲下午茶餐都係30幾40蚊，睇落好似好抵咁，就隨便叫兩個餐再加啲小食。我揀咗T02嘅「沙嗲牛肉麵」($35)再加「碗仔翅同珍寶腸」($12)；另一個係S07嘅「原隻淮鹽生炸雞髀+迷你雪菜肉絲脆皮腸湯米粉」($46)·兩個餐都跟汽水一杯唔使加錢，咁大堆嘢都係$93蚊，抵唔抵就見人智，我覺得家下嚟講就可以話平。兩個餐冇因為價錢平咗而將個份量縮細咗，佢個$12蚊任選兩款小食更加誇張，佢個碗仔翅個份量比我出面食嘅仲要大碗。味道方面，100分滿分的話，佢呢幾款菜式都係大約60分，未達到基本嘅味道要求，樣樣個味到硬係爭啲咁，只可以話比幾多錢就得番啲咩質素咁。「淮鹽生炸雞髀」同「碗仔翅」係唔好食，個雞髀一陣雪臭味同肉質極「鞋」，「碗仔翅」係唔熱，只係常溫，同埋個味道怪怪地，完全唔係碗仔翅味，大碗得嚟唔好食。…查看更多

大快活係香港人既大眾快餐店，由小到大陪住成長，應該大部份人都去過大快活用餐。今早收工約咗人交收，早餐時間不可以太耐，即諗到去觀塘廣埸呢間大快活，由係收銀機點餐到取餐時間，只不過用了五分鐘左右，企係取餐處等餐，見所有員工分工合作，每人做好自己嗰PART，各有各忙，真體會到合作既力量係好重要，分秒必爭為大家服務今早點了H06餐，有我至愛之一～～蘿蔔糕，另配有粥，加杯凍奶茶，合共$37。價錢合理，啱口味，又方便快捷。快餐之選…查看更多

健康餐之首選！！最鍾意去大快活食嘢，因為有得揀！ 有得揀多菜少菜，多飯少飯，紅米飯、白飯定橄欖意粉，又有啲健康啲嘅嘢飲揀（低糖綠茶），仲有得揀健康啲、少油、無味精嘅餐！今次去大快活食就揀咗個南瓜汁雞胸飯 配低糖綠茶😝$46欣賞佢個汁，一嚟調味唔多，幾消淡， 二嚟有啲淮山粒係入面，增加個口感，幾頂癮😝 三嚟會汁另上，警多落少都由顧客自己選擇！十分細心！個雞胸又大舊又嫩口又唔柴！食極都唔厭，唔會食到嘴歪歪！ 啲菜唔會太油，唔會太有調味！岩哂我口味！再加埋一杯低糖綠茶，完美！…查看更多

最新推廣既白咖喱香茅豬扒飯， 本身中意食白咖喱既我忍唔住一試究竟。個餐加5$ 可以加杯柚子特飲， 偏甜。啲汁食落比較重椰奶味但都算好食既都少少似沙嗲王但無原版咁好食，豬扒好大塊以40-50$ 一個餐黎講都過得去。…查看更多

上星期去鑽石山嘅大快活,呢度地方好闊落,今晚試一試煲仔飯,揭開煲蓋,香噴噴的味道,想即刻吞落肚,臘腸咬落去博一聲,有少許油漏出嚟,滑雞整得好鮮味,而且一點也不口,食到嚿雞胸,非常嫩滑,飯一粒,最好吃是飯焦,非常鬆脆,下次一定要再試！…查看更多