Video
5-min walk from Exit A2, Kwun Tong MTR Station
continue reading
Telephone
94496830
Opening Hours
Today
07:15 - 20:00
Mon - Fri
07:15 - 20:00
Sat
10:00 - 20:00
Sun
Closed
Above information is for reference only. Please check details with the restaurant.
🥰官塘做完野，唔想煮飯，買埋外賣返屋企。呢間餐廳大彥位於apm後面，位置都算方便。👍餐廳有少量座位，但主要做外賣，提供的食物款式多，價錢合理，方便附近上班一族。揀咗五款食物，即叫即做熱辣辣。🥢蒸燒賣幾彈牙。🥢糯米雞大隻足料。🥢炸韭菜餅香口，韭菜多。🥢瓷飯飽肚，包住油炸鬼，肉鬆同炸菜。🥢話梅甘薯條酸咪咪幾開胃，番薯條香甜。見到仲有早餐套餐同冒菜食，下次再來買。觀塘巧明街107號國基集團中心地下01號舖
continue reading
喺 studio，連續做咗三個客，攰到爆。落到樓下，見到有間新嘅外賣店，門面好乾淨，仲好受歡迎，選擇好多，價錢唔貴。見到選擇太多，決定每樣叫啲同個客一齊 share 食。我哋叫咗一個主食湯麵、一個粢飯、一個韭菜餅、泡椒魚皮同一碗糖水，好豐富，兩個人食好足夠。睇得出係家庭小店，每樣嘢食都好用心製作，新鮮加真材實料。勁肚餓嘅我見到每一樣嘢都想食，見到佢有粢飯好感動，好耐冇食過，粢飯出到嚟係暖笠笠，肯定係即叫即做。泡椒魚皮辣得好過癮，魚皮好入味，呢種辣味出面好難搵到，我同朋友忍唔住係咁食。😍😍湯麵每個餸都好新鮮好好味，勁肚餓嘅我，一啖湯、一啖麵，係幸福的感覺。🥹🥹我投湯麵一票！韭菜餅，排隊時候前幾個客都叫，我就知係每人必叫，果然冇失望，超香口！即使凍咗都好好食。😋😋椰奶香芒燒仙草，最驚喜係佢冇額外加糖，可以消暑解渴，又唔會覺得好 heavy。一流呀！😌😌呢度有很多古早小吃，感覺好懷念 童年的小回憶。🥰🥰
continue reading
同事話公司附近開咗間好食又抵食嘅冒菜，今日lunch又想食少少辣嘢，再跟住佢一齊去試吓💗入到去見到唔少人排隊，不過等咗5分鐘就可以落單了，唔使幾耐就拎到返Office食📈冒菜C餐（任選5款配菜）$55一直猶豫緊叫藤椒湯定麻辣湯，最尾叫左冒菜麻辣湯小辣✨男同事太肚餓叫咗8餸啲餸多到裝吾曬，我吾係太肚餓就叫咗五個餸（風琴豆腐、蓮藕片、雞中翼、鮮蝦雲吞同豬大腸）同埋蕃薯粉👩🍳一打開見佢放左好多蒜，啲餸好足料，每樣材料有3件以上，食落其實都唔係好辣，但好香好香，下次可以挑戰中辣💁🏻♀️自己最中意係豬大腸，真係滷得好入味，風琴豆腐吸晒啲湯汁食冒菜必點👀泡椒魚皮 $28呢個真係超平超平！平時出面嘅川菜餐廳到$40以上。呢個比起我個冒菜小辣更辣🌶️魚皮入晒味比起藤椒魚皮更加惹味，份量足夠同同事share一齊食桃膠燉雪燕 $22食完冒菜覺我要潤下喉，再喺公司落去買啲野杯同甜品翻去，呢個又係好足料！要搖一搖先至可以飲得晒所有料，桃膠好滑又大塊～雪燕唔會得幾片，加埋紅棗飲落去成件事好養生🙂自選甜品 $28本身諗住揀豆腐凍但係賣晒😶🌫️最後揀左店長推薦既燒仙草配黑糖汁再加芋圓！咁樣都係$28🥹仙草冇講錯真係好滑，黑糖唔算特別太甜，啱晒唔係食得好甜既我，重點係芋圓真係好好食！真係軟軟糯糯吾會硬又難消化，係我食過咁多間最好食嘅其中一間💙
continue reading
【📍觀塘｜簡單香港原味道】🐨即包肉鬆粢飯 $26推薦度：⭐️⭐️⭐️⭐️⭐️粢飯熱辣辣食落好煙靭，肉鬆超級多，鹹香味十足！！！仲要有埋油炸鬼同榨菜，因為即包嘅關係所以保持到香脆，口感十足😛加上非常飽肚，做早餐真係一流～.🐨邪惡花生醬芝士餐肉炒蛋三文治 $32推薦度：⭐️⭐️⭐️⭐️幫同事叫多左個三文治，點知原來都係即叫即做。麵包烘到好脆，配埋花生醬唔會好乾，而且三文治好厚身，有蕃茄生菜好清新又可以去油膩🍅🥬.🐨魚肉燒賣 $12/8粒推薦度：⭐️⭐️⭐️⭐️魚肉燒賣唔算好特別，但係有咬口唔會覺得好粉嘅嗰種。反而佢嘅辣椒油好出色，又夠香、又夠辣🌶️仲要哩個平民價錢就食到，性價比勁高！！.🐨錫蘭奶茶 $10推薦度：⭐️⭐️⭐️⭐️⭐️奶茶係有驚喜，本身見到全部係雪櫃雪住，無咩特別期望。但係一入口，覺得非常順滑😍茶味好濃又唔會有苦澀味，早餐一杯醒神一流！！——☼——☼——☼——☼——☼——大彥📍地址：觀塘巧明街107號國基集團中心地下01號舖🐨推薦度：😋😋😋😋/5 🪸環境：👾👾👾👾🗣️服務：👍🏻👍🏻👍🏻👍🏻📸食物打卡度：💡💡💡💡🛠️分類：#HTB觀塘 #HTB港式.#觀塘 #觀塘美食 #港式 #港式美食 #燒賣 #奶茶 #飲品 #美食推介
continue reading
叫左雲吞，豬頸肉同蓮藕樣樣餸都好味、足料！個藤椒湯係比想像中辣，但好爽😍最鐘意個泡椒魚皮，連小朋友都鐘意食！好爽口，咸香惹味，比小朋友食左一半飲埋酸甜既楊枝金露就舒服哂！滿足！聽聞蕃茄湯都好好味朋友仲叫左話梅苦瓜，好清爽開胃！😋老闆娘好好，下次會再嚟食！
continue reading
You may be interested in