大廚小館 (Closed)

這裡地方很小﹐不過卻有種吃住家菜的感覺﹐很溫暖﹗過年前我們一行二十多人吃“團年飯”﹐差不多包了整個場﹐非常熱鬧開心。最正是我不過第一次去﹐對這種小餐館沒抱什麼希望﹐那晚的菜卻令我喜出望外﹐而且價錢極之合理﹗因為是朋友一早寫好菜單﹐所以不知道那些菜的真正名堂。先來的湯好甜﹐不過係真才實料﹐而不是加了味精那種﹐正﹗再來一個冷盤是苦瓜﹐不過經過醃製﹐變的甜甜的﹐連我這個最怕吃苦瓜的都吃個不停﹗另外那個好像是什麼乾煎牛腩﹐是把牛腩砌片再煎香。d 牛腩好入味﹐而且好軟滑﹐不會黏牙﹗個生炒排骨雖然是一般菜式﹐但做得好好食﹐完全是皮脆肉嫩﹐夠熱﹐個汁酸甜度剛剛好﹐好食到要encore 添呀﹗條蒸魚d 味道有d 似泰式明爐蒸魚﹐不過不是用爐上囉﹐都好好食﹐有魚鮮味﹐個汁則酸酸的﹐送飯一流﹗仲有好多樣菜﹐不過不記得係咩囉﹐呵呵... 最後甜品﹑糖水各一﹐perfect ending to the meal 啦﹗總體上﹐食物係唔錯﹐不過地方比較逼d。除非包場﹐否則不適合大班朋友食飯。但是呢個價錢呢個質數的食物﹐算抵啦﹗附註﹕老闆話附近d 街坊比較喜歡早食飯﹐所以晚上9 點後去比較容易搵位﹗

無味精靚湯!!日日唔同款!湯好清,一d渣都無...但係我係鍾意食渣的, 曾經問過有無咋,佢地竟然話倒哂..好浪費呀!夜晚的二人套餐唔抵食, HK$168, 兩個餸一個小食加兩碗白飯, 仲有一盅湯(大約三碗仔).但係散叫都係差不多,而且d餸細細碟。我建議兩個人可以叫一煲湯(有八碗, HK$42)和一個炒飯(HK$55左右),每人都只是五十蚊左右地方有點迫,通常都要搭枱!

朋友介紹, 一行六人, 一早預訂左地既「大廚菜」.菜單如下:芥末小黃瓜皮蛋豆腐泥唔記得乜野釀雞翼鯊魚骨湯木瓜炖翅Rum 酒焗海蝦上湯蝦子包心菜鴛鴦檸檬焗烏頭家鄉炒粉絲焗椰絲湯丸食物精致, 冇味精, 夠鑊氣, 每一度菜上檯都熱辣辣, 重有每一度菜都換碟同筷子....讚!芥末小黃瓜, 皮蛋豆腐泥同埋釀雞翼, 須然唔係太特別, 不過係水準之作. 個鯊魚骨湯木瓜炖翅真係甜到痺, 每人重有兩梳翅, 真材實料冇花假, 個個都差Ｄ想將個木瓜食埋. 下次要試埋個椰青炖翅, 睇下得唔得.上湯蝦子包芯菜夠精致, Ｄ上湯都好甜. 鴛鴦檸檬焗烏頭幾有特色, 味道新穎, 條魚焗得一Ｄ都唔鞋.家鄉炒粉絲夠乾身, 一Ｄ都唔油俐.甜品焗椰絲湯丸, 唔會過甜, 椰絲又夠多, 好味! 朋友話個炸鮮奶重得Ｄ, 不過要早兩日order.鋪頭唔大, 不過若果太大, 相信將會淪為流水作業, 變左酒樓貨色. 呢餐食得好滿意, 應該會返黎再幫襯.