Eat Together (Tung Choi Street) (Closed)

我想講我十年無黎過呢到食，以前係旺角返工，而已個同事好中意食，但之後轉左工就好耐無黎。以前朋友介紹我食一個蕃茄牛肉麵，再加餸。以前勁中意食💘但今次我左睇右睇好似唔返以前個款，所以叫左刀削麵+豬骨湯底+3個餸。餸我要了蕃茄牛肉，頸肉同生菜。刀削麵好香彈牙，個豬骨溝蕃茄牛肉個湯底好好飲，水準比我想像中好，因為依家好多麵檔味道真係好普通。佢D豬頸肉勁大塊，而已係勁多囉! 好耐無試過食麵D餸係咁多👍最中意係個蕃茄牛肉，7蚊有蕃茄有好多牛肉又有雞蛋絲，真係好抵食👍食食下再睇餐牌，D回憶返哂黎，當年就係好中意食呢個，有小小似撈麵但有小小湯，好好味的 ，下次路過唔知食乜既時候，我會再黎試下，今時今日真係經濟又好味👍…Read More

是日和同事仔隨意搵間平又快KO的午餐，在女人街隨意見到呢間就入去幫襯~~~餐牌上的飯或麵的價錢都算便宜，我和同事仔就決定叫麵食~~~同事仔點咗東坡肉手攪麵，佢覺得算是不錯，只是感覺賣相差了點~~~而我就點咗蘿蔔牛腩手攪麵，同事仔笑問為何我的麵沒有菜，我心想因為蘿蔔也算是菜的一種吧😂😂牛腩係幾入味，但唔係件件都係淋，有dd淋的牛筋在裡面，突然覺得牛筋仲好食過牛腩🤣🤣🤣整個午餐感覺價錢係抵，如果要斟水要靠自己~~~…Read More

大家食 係食米粉米線類既快餐店，同米線舖差不多。如果一個人找東西吃，可以黎呢度快食，環境算是可以，食物質素就一般啦不過還是可以入口。東坡肉，雖然好薄但幸好唔太肥所以岩我口味，唔會算好味架啦，不過還可以。雞翼，還算可以，味道唔濃。蛋都係味道唔濃，普通啦，入到口。豆卜 雲耳還算可以，不過份量係好少。米粉，比較特別，雖然口感係少少彈牙咗，半通透，有d似麵多過似米粉。飲品菜蜜就比較淡。。。總結味道好一般，速食就可以。…Read More

行過旺角諗唔到食咩又想食d 無咁飽，就見到鋪面幾多人，入黎試下佢個小窩米線。湯底唔錯，酸酸地好開胃，湯汁都濃，手攪面有嚼口。叫咗個白菜餃，餃子煎得香脆。小油，但咁嘅價錢，掋食。…Read More

好多年無食喇，今晚心血來潮試番當年嘅味道。點咗麻辣湯麵，酸辣涼拌雞絲麵，仲有一塊炸豬排。個湯麵我地加咗五個餸，全部都好食，尤其是東坡肉，好入味。拌麵酸酸辣辣，感覺好fresh，啱哂夏天食。雞排係因為特價所以點來試下，點知有驚喜，醃得好夠味。最重要嘅係，價錢好經濟，份量又足，十分抵食。難怪呢間快餐店外表平凡，都依然屹立不倒。…Read More

今時今日28蚊仲可以食到有餸既碗麵算係甘啦有牛肉，蕃茄，蛋，青都算食得飽既份量味道正常仲可以無限加呢個辣菜圃！幾好味架。。。勝在你加幾多都得！加埋凍檸茶都係36蚊！晚市來講非常超值！…Read More

So cheap and so tasty!!get the satay with pumpkin noodles, and some dumplings if you are hungry. I go here about once a week and many of my friends also love it. the only problem is that I go too much.if you get noodle bowl and dumplings you can eat it for 2 meals.…Read More

I had a take away noodle dish with tomatoes, beef and eggs. Delicious and only $29! Service was also quick, but not in English. Menu available in English. …Read More

黎到旺角突然好想食大家食 於是一支箭衝左入去 可能未到食晏時間 唔使等位就坐低左 點左我既最愛 茄蛋牛肉麵 雖然蕃茄唔係批得好乾淨 帶有黑邊 但呢個價錢有埋凍飲 都真係物超所值啦…Read More

對呢間米線鋪好有好感！個湯今次加咗4蚊轉酸辣湯底叫了過山雞，好足料嫁，食落唔會好熱氣。麵大大碗，個湯好夠味，有得揀刀削麵上海麵個啲，但我對米線情有獨鍾🙈 ，食落去辣辣辣成個暖哂!不過佢之前有得任加菜圃但依加佢比一碗仔免費，再加就要加錢。但佢個餐牌就唔太清楚，係菜圃隔黎寫要咩辣 。原來係指成個湯要咩辣，好彩叫咗3度辣，唔係辣死🙈🙈。…Read More

今日同朋友仔食大家食我叫左個千島汁雞扒飯味道出乎預料之外普通一個雞扒可以做得咁出色。讚令外我朋友叫左個東坡肉飯，東坡肉軟得黎有口感 不太肥 不太瘦令外再叫水餃，做得非常出色。…Read More

上完堂都差唔多11點，同個同學仔搭小巴出旺角食飯，同學話想食大家食蠔仔粥，所以先喺哩度食。講真，大家食我最少有3年無食過，平時經過門口都唔會入去。我哋叫咗豬肉蠔仔粥同千島醬焗豬扒飯Share兩份食，蠔仔粥果然幾好味，又多蠔仔，而且無沙，湯底都幾鮮味，不過食得出有加味精。千島醬豬扒飯，同學仔又係推介話好食，果然味道唔錯，熱辣辣，又夠蕃茄味，配合埋千島醬酸酸甜甜好開胃，豬扒亦都唔錯，兩個人半份飯，半份粥剛剛好！下次嚟再食過先！…Read More

行完山 肚子很餓 回到旺角 最初的起點。尋回最溫暖的味道- 焗豬扒飯！焗豬扒飯加凍檸茶，熱騰騰的豬扒送口中，油香、鮮茄的甜味刺激住口腔，豬扒的香味在口中大爆發，此時吸入冰凍的凍檸茶，一陣清新的檸香，甜中帶有一點苦澀，頓時口腔又變得冷靜。不斷地重複以上複雜口感，除了飽滿感外，的另一興奮。…Read More

大家食。。好耐前已聽過， 但從來都冇食過，其一比我覺得間野個名係抄人，其二個款好大陸今日老公經過 同我講不如食e間， 佢話以前食過， 都好味嫁， 個茄旦牛面出名招牌菜雖然對間野感覺不良好, 但都一試 坐低後, 証明我既感覺係冇錯既入到去, 自已揾位坐,  睇完食咩, 當然舉手叫人黎寫野, 3個待應, 都望唔到我,一定係我隻手短LA,我就大叫寫野AR, 隔我大約兩張枱, 企係收銀機果個終於應我LA,係收銀機果邊話: 食咩呀, 講LA  (平時食開茶餐廳, D 叔叔幾唔想做都好, 都會行過黎問我食咩, 今次要大叫自已食咩, 真係好唔慣)叫完食咩之後, 就上野食LA..)咸07   跟食物+10 好好奇, 姐姐上左杯冰比我後, 就走左去LA,諗住佢罐7喜會等陣比我...等了又等後...過左10分鐘, 叫先比我.咸07, 咸檸檬唔太有味, 得好少好少咸味,咸檸檬醃得唔耐, 仲係好好好好硬, 唔建議大家+$10叫杯咁既野, 飲返檸水仲好咖哩牛腩飯 $43味道平平, 個汁有D 用粉感,  咖哩, 薯仔, 牛肉, 各有各味道, 好似分開砌埋出黎上碟咁.茄旦牛肉面 $27面質好實, 茄旦牛肉湯底有D 稀感覺, 牛肉唔係話特別好味, 聽講佢係招牌菜, 招牌菜都咁, 其他食物難以想像…Read More

好耐無黎大家食，記得以前個老闆做生招牌，好似Ｄ藥油嘜頭，依家改左個公仔就順眼好多，始終點都有Ｄ人會比老闆嚇親唔入來幫襯，哈哈。睇番菜牌，和以前無乜分別，除左面餐之外，多左幾款飯，例如：咖啡飯、焗飯，都照顧到需要。蕃咖牛肉手攪面，以前會叫刀削面或南瓜面，佢主要個蕃茄湯底係秘制，出面食唔到呢隻味，加上牛肉和蛋花，夠濃味，好好食，以前返工黎呢度，我差唔多十次有九次食呢款＂茄牛面＂，值得推介。咖啡牛腩飯，老婆點的，我真係未諗過黎大家食食咖喱，剛上枱時賣相一般，比我感覺咖啡份量唔多夠，女仔就無問題，我試食左兩啖，食落又唔錯，佢呢度Ｄ咖喱原來係落左蕃茄蓉和蘿蔔去煮，食落好濃蕃茄味，對於呢Ｄ對蕃茄情有獨鐘既人，就覺得好食，有Ｄ似佐敦間阿龍咖哩，又唔太辣，但唯一不滿真係份量唔多夠，仲要成４Ｘ蚊一個飯，真係唔多抵！…Read More