Café de Coral (Closed)

之前一個人天天困在office(密室般) 對住部電腦睇video吃飯，悶爆！我天天都上video next 看訪問，感覺好像自己只懂和「電腦」做「朋友」！實在恐怖！吃完後就坐係度訓覺，實在很不健康！今天，終於忍唔住落街買飯食！落到街，陽光灑滿我，今天還是晴天呢，心情即刻靚哂！因為我同自己講！哇！今天天氣好，又有微風，吹落我身好舒服！心情也不會壞！行左一輪，最後去左大家樂吃粟米肉粒飯~原來大家樂的粟米肉粒飯很讚！第一、粟米汁夠濃，比起我在家用罐頭粟米湯煮出來的「水羊羊」的效果差太遠了！我真想知道它的煮法！！！第二、賣相很美~，除了肉粒、粟米粒外還有紅蘿蔔粒、青豆粒，整碟飯有黃色、橙色、綠色，令我心花怒放，引起我的食慾。我平日在家煮的沒有用紅蘿蔔粒、青豆粒，下回我煮的時候可改進了！哈哈！第三、它用的是豬肉絲，而不是豬肉碎~有口感多了！唯一不足要改善的是豬肉絲稍為煮老了一點點，但只是小問題。總括而言，雖然是三少的健康之選，但真的挺美味，證明左一樣野，就係健康的食物未必係唔好食的！而減肥人士例如我(哈)日日帶飯悶悶地，偶爾出街吃飯就最適合吃這個啦！我今天還很乖地叫了少飯，除了為左減肥之外，還可減少浪費，環保一點！而且原來直至6/11號，若同收銀講少飯，大家樂就會捐$1俾那個接濟一些貧窮一士，短期食物援助他們的機構(對不起~講得很複雜~我忘了機構的名字！)今日最後悔就係冇帶到相機係身，冇影碟好靚仔的飯~~好啦~下次我食野就帶定相機係身la~~~…Read More

到連鎖快餐店吃早餐，其實不會有很大的期望，但求食物夠熱，能飽肚就可以了。今次選擇了魚柳煎雙蛋。都知道因為物價高漲諸如此類的原因，不但價格升了，連食物的份量也會少了的，這份早餐當然也不例外。魚柳比以往少了接近三分一，但味道尚算可以。最令自己感到希奇的是當打開牛油包之後，發覺竟然少了一角。很記得這包裝應該是沒有被開過的。竟然會有這一件事，真是奇怪。…Read More

最喜歡吃這兒的粟米肉粒飯,是店內少有的衛生署認可的”三少”營養餐,即少油少鹽少脂肪.味道我覺得不特別美味,但勝在健康,如果再叫少飯就更好了,不浪費.我也喜歡這兒的煎旦免治牛肉飯,肉醬很惹味, 牛肉也不少,還有西蘭花和車厘茄伴碟,賣相不錯.服務方面也頗滿意.有一次在免治牛肉飯吃到一根小鋼絲,大概是"鮑魚擦"留下來的,給經理反映,他就問我要不要多一碟飯,我說不需要後他就爽快的把飯錢退還給我,很快的就解決了事情.…Read More

本來我真係好唔想食大家樂都寫個食評...大家樂喎..有幾好食..大家心裡有數喇...二十三蚊一個歺..你想點呀 ??想好食就去酒店呀笨...之旦係.平都唔洗咁難食架!!!..真係不寫不快~ 雞 - 份量夠多..但無乜雞味, 唔香, 不停lur 骨同lur 雞皮...印象中無乜肉..飯 - 無飯香味, 有油但無飯香味...薑蓉 - 有薑無蔥豉油 - 有苦澀味不知名醬 - 怪味..有一堆無煮过既菜 + 2 粒車厘茄 + 2 旧新蘚菠蘿 - 堆菜同車厘莙似未洗过, 唔敢掂 ; 咬左一口菠蘿, 肯定係新鮮既, 不过酸, 感覺上次唔知放左幾耐.. 成個歺..最正常係果杯無乜汽又加左冰既淡汽水可樂...最好味係佢架喇..我印象中以前大家樂既海南雞飯係無咁求其架喎..搞咩呀??仲要收我 HKD 34...…Read More

本人十分認同食家Alibaba的講法, 這間大家樂分店裏除了售票姐姐態度良好之外,其他員工的服務態度都不太好. 可能是因為附近很少食肆的原故,所以他們就好似唔憂你唔幫襯咁款,果d姐姐同d廚房哥哥傾到暈陀陀成日比留野,外買飯盒唔比刀义筷子點食呀,飲品冇糖和飲管:( , 又不夠衞生意識, 我就唔會再去幫襯啦.…Read More

機緣巧合下 去左灣仔工作 lunch時間 去左最近既大家樂買外賣番公司食12點半到達 已經冇左最愛既一哥焗豬扒飯fine 叫左個白菌燴雞皇飯($25)因為驚唔夠飽 叫左多飯不過番到公司 發現飯冇多到-.-不過個汁幾好食 有d似pizza hut既意式雞皇焗飯不過唔太鐘意青椒 如果有d菇應該會好d^^…Read More

大家樂的食物間間差不多, 要寫的是服務和態度. 有幾次買早餐時, 由廚房的人, 放碟經理, 和打包阿姐, 人人都好似被減薪咁, d碟和餐具是擲出來的, 只見d腸仔, 膠刀掉出來, 用手放回, 一點也不衛生, 仲要成日加價. 結論: 行遠一點, 灣仔大把大家樂.…Read More

因為很想食滑蛋,附近又只得大家樂,所以在沒有選擇的情況下,入內進食.今次的選擇:楓糖雞扒+牛乳滑蛋+多士+熱檸水,餐肉+牛乳滑蛋+多士+火腿通粉+熱檸樂.楓糖雞扒很薄,但不乾,還有水份的.雞皮脆脆的.汁甜甜的.牛乳滑蛋今次炒得太久,沒有蛋汁,也不滑.多士一定要趁熱食,脆脆的,加上牛油,yummy.熱檸水的檸檬有很多塊,也不苦.餐肉超級薄,又太乾.火腿通粉湯底淡,通粉仍爽.熱檸樂份量是一枝細可樂,檸檬有很多塊,也不苦.…Read More

今早, 要來到灣仔呢度做野, 一早九點正要報到, 知道要等同花時間, 一早來到, 食野先. 早聽聞其深海魚塊, 始終都是不太就腳同金鐘另有choice而沒有試過. 今晨的早餐, 便是深海魚塊加滑蛋.配多一件蘿蔔糕, 弄得有點中西合壁, 滑蛋最欣賞, 半熟的炒蛋, 發到金黃色的蛋, 帶點未熟透的蛋汁, 食落真的幾順喉. 魚塊, 外面看來硬了一點, 但內裡魚塊, 新鮮味道好, 那新鮮當然是冰鮮啦, 咬道魚肉有爽脆的感覺, 攞得出黎做特色招牌, 果然用料不馬虎.奶茶, 綜合三間快餐廳, 大家樂, 您私奶茶是最好的.…Read More

課前晚飯, 今次光顧從未來過的瑞安中心店, 以為人會少點, 原來六點後仍有幾多客於此吃晚飯. 吃了幾次一哥焗飯, 今天改吃咖喱牛腩吧, 加$5要西湯, 到counter取食物時又一次無西湯, 連續幾次在不同店都如是, 為何收銀不及早說明呢? 又一次不情願下轉中式湯. 咖喱汁保持一貫水準, 牛腩不多而牛筋卻碎濕濕, 因此不能給予一個笑臉.…Read More

再次到灣仔出差,等候政府部門文件期間,跑到這裡找早餐吃;看到其他食客的炒蛋相當像樣,雖然這個星期吃了很多蛋,但也按捺不住再來吃個蛋。蜜汁雞扒炒蛋配煎蘿蔔糕,看名字已夠豐富!雞扒份量看似很少,但作為早餐已經足夠,雞皮煎得香脆,咔嚓一聲的吃進口裡相當痛快!雞肉仍有點肉汁,配合那快餐飯的燒汁,活脫脫是平時吃雞扒飯的味道,正當懷疑蜜汁何在的時候,吃了一件沒蘸汁的雞肉,原來雞扒本身有點點甜味,個人而言覺得沒燒汁的更為好味;捨棄多士改配的蘿蔔糕質感實實,雖然沒甚蘿蔔絲,可幸蝦米及臘味份量不少,煎香了味道更濃,可以接受!早餐靈魂的炒蛋外觀極佳,還有蛋汁在上面,好吸引!!加了菠菜茸的滑蛋真的頗滑溜,意外地還有點蛋香,感覺上還健康一點哩。+$3所配的蕃茄肉碎通粉用上有坑通粉,個人略嫌通粉偏淋,將那pat茄醬混在湯裡,味道原來也不錯,肉碎和蕃茄碎味道鮮美,蕃茄湯最後也被我喝光!凍奶茶是預製調較好的貨色,從果汁機裡"射"出一杯給客人,味道不過不失,但早上不來一杯總覺欠了一點。當我拿著相機向早餐左拍右拍時,店內主管剛經過我身邊,主動地問我拍照來做什麼??我也坦白的說是放上網寫食評的,主管恍然大悟又問:咁早餐好唔好食??比d意見丫! 原來女主管正跟快餐店高層在另一邊開會中,得知我的答案後就即時匯報上級 放心吧,這店的出品還算不錯的,今次進餐經驗是ok的。…Read More

剛剛裝修完，第一次幫襯。餐廳格調不同了，環境也舒服不少。午餐時份，長龍得驚人，幸好"移動"速度頗快。這天吃的是鱆魚花菇肉餅蒸飯，味道不錯。會再來。…Read More

前兩天吃午飯時，因趕時間，到這間快餐店醫肚，見排燒味檔取食物的人不多，就柯打了燒鴨雞飯，排隊取食物時見前面個食客碟上o既燒鴨好多肥膏，差不多有1cm厚，我已心想「下一碟到我了，如果燒鴨一樣有o甘多肥膏，我一定要出聲」，幸好不是，但後來發現那些飯熟不透，而雞有些開始變壞的味道，因時間關係，沒有作進一步行動，認真失望．…Read More