大安茶冰廳

雖然掛住「茶餐廳」嘅名，但係發現佢哋竟然完全冇港式飲品淨係得咖啡類☕有啲似Cafe同茶餐廳嘅混合體🤔【叉燒太陽蛋蔥油撈麵🍜 】叉燒真係大得誇張，每啖都係肉，肉質厚實🍖食落去滿足感十足！太陽蛋煎得啱啱好，蛋黃流心，撈埋麵一齊食，口感豐富~但遺憾嘅係，麵就坨埋曬一舊，撈得唔夠勻啦！食嘅時候就覺得叉燒、太陽蛋🥚同個麵好似各自為政，冇咩融合感，總體就係算無功無過，冇乜驚喜...😐【奶茶蛋撻🥧】蛋撻個頭算大，而且奶茶味都幾濃郁不過個撻皮就有啲欠缺黃油嘅香氣，食到後面有啲滯😣作為一間新式茶餐廳，食物質素算係中上，但定價偏高，而且缺乏傳統港式飲品，可能會令一啲鍾意懷舊風味嘅食客有少少失望啦😞…Read More

今日得閒，心血來潮決定去試下呢間好hit嘅大安茶冰廳，門面有種濃濃嘅港式復古風。招牌鹹蛋黃雞翼雞翼炸得金黃酥脆，外皮好似裹咗一層薄薄嘅金衣，上面還均勻地鋪滿咗金黃色嘅鹹蛋黃碎，鹹香十足，而雞肉本身又保持住嫩滑多汁，鹹蛋黃嘅味道完全滲入咗雞肉入面。薯條炸得外脆內軟，外層嘅脆度剛剛好，而裡面嘅薯仔肉綿綿嘅，口感非常好。而且唔使點茄醬，單純食已經有好香嘅薯仔味。最後嘅肉丁滑蛋多士都令人印象深刻。多士烤得表面金黃，微微焦香。切開嚟，裡面夾住豐富嘅肉丁同嫩滑到好似布丁咁嘅滑蛋。一口咬落去，多士嘅香脆、肉丁嘅鮮美同滑蛋嘅嫩滑完美融合，口感層次豐富。肉丁炒得好入味，滑蛋又夠晒香滑。…Read More

最近返查香港越來越少懷舊嘅餐廳，喺網上見呢間餐廳感覺行懷舊風，所以專登嚟呢間餐廳試吓，可能因為早嘅關係，中午12點前，亦因為我一個人嘅關係，所以唔需要等位就可以直接入座。本來諗住對面個座位都會比其他食客坐，但係侍應並冇叫其他人坐我對面個位，大概食咗一個鐘頭，都係冇人坐我對面。雖然食物價錢有啲貴，餐牌大部份食物都係一啲非主流嘅配搭，其實感覺似一間Cafe多個似一間懷舊冰廳。壹加壹咖啡可以比食客一次試過兩種唔同嘅咖啡口味，感覺唔錯，黑啤肉醬配牛脷酥呢個配搭好特別，之前未試過，但係食得多會比較膩。整體上嚟講食物質素OK價錢偏貴少少。…Read More

星期六同朋友兩個人嚟諗住試吓啲特色嘢喺門口排咗15分鐘左右就入得，等候時間都OK嘅～但係落完單之後，等左成20分鐘先有嘢食，以冰廳黎講都幾耐～嗌咗個臘腸冬菇奶油意大利飯，個飯唔夠熱，味道OK，不過份量偏少～朋友嗌咗個腐乳Carbonara，但完全食唔到有腐乳味，份量亦非常少，完全食唔飽。仲要啲嘢飲要成$40至$50一杯，基本上係Cafe嘅價錢，但係個味道又冇乜特別，好有搶錢嘅感覺d蛋撻又要成$28一個，貴到都唔想嗌黎食～總結：又貴又唔飽，味道係唔差，但性價比頗差，成個dining experience幾失望。冰廳裝修，餐廳價錢，西餐份量，有d不倫不類。唔會考慮翻桌。…Read More

油麻地原來有間超有特色嘅香港冰室，佢哋融合咗西式元素，所以呢度食到嘅都係有西餐特色嘅茶餐廳菜式，仲有結合港式元素嘅特飲🤤🤟🏻❤️‍🔥!～「你又估唔估到原來冰室有得食西式煲仔飯⁉️有得食超澎湃嘅炒蛋多士⁉️有得飲童年飲品黑牛⁉️仲有芝麻/粟米西多士🌽🤣⁉️」-1️⃣「五香肉丁牛油滑蛋多士($62)」超級大份，滑蛋超級滑，中間有好多五香肉丁，辣辣地，下一層塞咗啲菜，亦都可以選擇加花生醬，成個配搭好特別！好食~Scrambled egg with hk spicy pork on toast (with peanut butter 🥜)👍🏻- 2️⃣「臘腸冬菇奶油意大利飯($90)」其實有意大利嘅感覺，不過佢融入咗港式嘅臘味，又似煲仔飯，又似意大利飯，飯粒有咬口 👍🏻- 3️⃣ 「特濃黑芝麻麻糬西多士配黑芝麻雪糕🖤($72)」超級超級濃郁嘅黑芝麻味，超級香，而且唔係太甜，上面仲有球好大球黑芝麻雪糕！~Black seasame French toast👍🏻-4️⃣「流心奶茶蛋撻($28；可跟餐)」食落麻麻哋，奶茶味可以濃少少，同埋個曲奇皮都好腍，對佢期望太高🥲…-5️⃣ 「抹茶拿鐵💚($42)」正常水準，不過最特別係有個舞獅拉花~Matcha latte👍🏻-…Read More

原本上兩星期過嚟試吓，今日見冇乜嘢做過嚟試下，冇記錯係睇電視見到有呢間嘢，四點左右去到咁啱仲有位一個人坐晒成張卡位，去到先睇吓食乜好，原本諗住嚟試佢啲撻，但見啲唔吸引，最後叫五香肉丁唔知乜乜嘅多士，同埋黑牛😋（一心諗住試佢啲咖啡，但俾黑牛吸引咗😂）個多士嚟到已經好吸引，食落真係好好味，中間心仲係有沙律菜同埋蕃茄，而杯黑牛啲雪糕好香好好味（似以前維記雪糕嘅味道）仲要係支裝可樂👍下次一定要叫埋朋友一齊食，可以試多幾樣野😋…Read More

睇相比呢間茶餐廳吸引咗我地兩個好少揀茶記嘅就決定來試吓特濃黑芝麻麻糬西多士配黑芝麻雪糕 8.5/10呢個西多真係比我見識到咩叫冰火兩重天喺凍冰冰嘅雪糕下係有果仲辣手嘅pan 熱住西多上係有滿滿嘅黑芝麻醬同奶酥整體來講係非常濃郁入面仲有大大嚿麻糬真係好正不過就建議兩個人分因為會有少少膩腐乳卡邦尼煙鴨胸意粉 7/10好特別😂😂係有腐乳🤡不過其實都好唔錯😂真係體現到咩叫中西合璧嘅fusion 菜不過撈埋之後個卡邦尼意粉其實都好夾鴨胸就切得一條條肥瘦適中符合到大家需求…Read More

因為 Hong Kong D 推介。所要在晚間七時關門前光顧此食肆。門前見到好多原本香港地度美食，改良後可以將原味蛋撻改成朱古力味。入內，橫裝好以八十年代茶餐廳。這種橫裝在坪州常見。餐廳內有售 Hong Kong D 明信片。單一款 $200，兩款 $360。全套五款 $780。我個人點咗叉燒油撈麵，忌廉溝鮮奶及杏霜巴斯克蛋糕。總共$162。叉燒油撈麵好多蔥油。食落好開胃。加上大大塊叉燒。好美味。忌廉溝鮮奶係八十年代初香港特色飲品。早在八十年代尾絶跡。如果想飲要點忌廉汽水及鮮奶。之後自己加埋。今次有得點。飲返一個四十年前已遺忘既味道。杏霜巴斯克蛋糕，個杏霜造到好厚底。食落冰凍美味。誠意推介。…Read More

茶記食得多，呢間茶嘅樣，但係cafe嘅格調同食物，奇。肥妹（朱古力）冰被朱古力粉蓋住，而杯身有溶左朱古力，打卡不錯，但飲落原來唔係好濃，但有好處無咁甜。食物選擇唔算好多，不過都有幾款心儀想食嘅。咕嚕呢個酸甜味一向都愛好，今次變左包，一定試下。佢出錯左雞絲漢堡比我，咕嚕雞扒漢堡再要等，不過黎左影張相先。杏霜cheese cake，佢講明重杏霜味，所以唔啱我，鍾意杏霜嘅人，要試。叫左個mocha撻返歸食。個包黎到一定打個卡，厚，食都有D難。一路食真係好juicy係咁滴汁。個雞好滑，咕嚕汁酸甜適中，其實偏酸，但我鍾意，雞配菠蘿再加酸甜汁，又似食餸，但又食包，感覺好神奇，個包就值得一試。薯條呢個厚條好有懷舊feel，薯條正常。話梅肉桂蘋果西多士，話梅味𡙡唔多，但肉桂同蘋果呢個配合加埋都已經好夠，力creamy配西多，係煎方式，因為唔炸，無乜油同事又好似無咁燥熱。不過我本身唔好creamy覺得唔要creamy，好似仲食到肉桂蘋果個味。整體小店一向我都支持，仲要有水準同有新奇食物，我會定期黎幫襯下。…Read More

原本只係當一般餐廳去食，不過一個蛋撻已經可以叫一餐飯，同埋茶包沖噶嘢飲都要另加費如果當咖啡室都係偏貴味道⭐ ⭐蛋撻冇咩凸出，正常味冇套餐情況下50-60蚊一個真係嚇親，我係其他地方可以吃5個同款有午餐20蚊其實都唔抵新舊風格係吸引，不過唔會考慮去下一轉…Read More

三五知己相約下午茶🥰芝士煎蛋菠蘿包唔似預奇脆皮雞尾Bagel賣相新穎，可惜椰絲少咗啲脆炸咸蛋黃雞翼配沙律好鬼邪惡👍經典焦糖流心蛋撻紫薯蘭王蛋撻Flat White Cappuccino Flat White Latte 美式咖啡…Read More

🥧奶醬蛋撻 $28這裏主打各款出爐蛋撻，例如抹茶紅豆麻糬蛋撻、港式奶茶蛋撻和椰汁芋頭西米露蛋撻等。蛋撻採用曲奇皮，這奶醬蛋撻有花生碎加上煉奶流心餡，味道不會太甜，整體而言非常特別😋🍳五香肉丁滑蛋牛油多士 $52朋友們覺得很辣，我又覺得還好。五香肉丁辣得很惹味，炒蛋十分嫩滑；但放在牛油多士上令多士失去那種乾脆，變得太濕潤🫢🍋西檸雞牛油檸檬汁意粉 $82西檸雞扒外層香脆，內裏嫩滑。但朋友們吃到某處意粉覺得檸檬味太酸，我覺得還好，意粉十分掛汁，酸得很清香，頗為開胃👌🏻🤎啡立刻 Coffee now 原價$50 跟蛋撻餐+$12咖啡結合好立克，味道不會太苦或太甜👌🏻☕️鴛鴦咖啡 $48…Read More

這是一間茶餐廳和cafe的crossover。點了西檸雞牛油檸檬汁意粉、特濃黑芝麻麻糬西多士配黑芝麻雪糕和酒香抹茶朱古力紅豆菠蘿包。薄身的西檸雞排很鬆脆入味，檸檬味道新鮮有層次古。港式西檸雞撞上意粉，完美呈現中西合璧。緊接著甜品到，烘熱鬆軟的西多士，加上上面的雪糕，裏裏外外都包圍着黑芝麻醬。雪糕雖然不夠軟滑，但是可以溶得慢些。唯一就是麻糬的存在感比較薄。菠蘿包的配搭則十分balance。酒香味的cream很輕盈清甜，配上一大片香濃的抹茶生朱古力和紅豆，十分滿足!地點近油麻地果欄。雖然菜單就是Café，但店舖裝飾格式似潔淨的冰室，外牆則裝飾着香港的美照和畫報。…Read More

初代的冰廳/冰室據說都是起源於售賣凍飲、雪糕、冰品的店，因為是小食牌照，會兼售廉價西式簡餐，都是以小食為主，後來有點領到食肆牌照的，就演變成茶餐廳，食物更多元化。位於油麻地的”大安茶冰廳”原來已經開業50多年，驟眼看來門前和其他舊式茶餐廳差不多，但是經過翻新之後，其實改成了Cafe，店𥚃特別保留了懷舊特色，不論是卡座、水吧、牆上的menu、桌上的玻璃，全都是回憶中茶餐廳的裝潢，售賣的竟然也是cafe的Latte、Americano，還有精緻的英式司康、蛋糕卷、蛋撻，主食的menu看來有點fusion感，把腐乳、五香肉丁、臘腸、沙嗲牛、菠蘿包等茶餐廳該有的食品中西合壁做成吸引的款式，新鮮感倍增。今次餐廳和香港的抹茶專門店”Matchali”合作，用上優質抹茶粉製成甜點，我們點了”抹茶生朱古力紅豆菠蘿包”，抹茶mix了法國朱古力造成生朱古力，大大片夾在菠蘿包中間，加上自家的紅豆蓉，和經典菠蘿油有異曲同功之秒~整體甜度也是恰到好處。“抹茶紅豆麻糬蛋撻”(單點$28)抹茶蛋漿夠滑溜，切開還有點流心效果，麻糬屬軟身，好吃👍🏻“抹茶鮮奶” ($42+$5轉燕麥奶)點了沒加糖的也很好喝，抹茶味濃而不澀，喝到底也沒有殘餘的粉粒。“ 紫菜肉鬆沙嗲牛肉滑蛋多士”($68)，好有驚喜，第一口我的反應是:係茶餐廳的沙嗲牛啊~~~滑蛋炒得非常出色澤，生熟大概有七成左右，加上肉鬆柴菜，配上多士真的很加分。“臘腸冬菇奶油意大利飯” ($90)反而被比下去了，奶油的味道加上臘腸其實不錯，不過個人覺得可以再濃味一點，例如加多點芝士，或者加上香港的XO醬之類，更能添加特色和味道。咖啡室保留了舊有的，也接受/加入了新穎的，新舊的融合有了化學作用，欣賞店家的用心，舊有的不代表會過時，也不代表要丟棄被取替，當然，我是典型香港人所以好愛茶餐廳。…Read More

表面係懷舊冰室，內裡係主打飲咖啡同創新嘅港式食物，可能無傳統食物關係，眼見客人偏向後生一族~ 店員亦全部都係後生仔女。一入嚟聞到好香咖啡味♨️雖然我唔飲咖啡，但相信飲咖啡既人會鐘意，因為餐牌有好多款咖啡，仲見到員工好認真咁拉花。我地叫蛋撻餐$58再補差錢叫$38以上飲品，蛋撻全部都係新式口味，叫左經典焦糖流心蛋撻＆兒童鴛鴦蛋撻，會比埋匙羹，當做甜點下午茶😛○經典焦糖流心蛋撻 ○ 蛋味香濃，中間流心嘅焦糖唔會太甜○兒童鴛鴦蛋撻○上層係阿華田，下層係好立克由於我坐水吧旁邊，見到員工非常之衛生，拎蛋撻時會帶上手套，食得安心！我通常去懷舊冰室一定叫奶茶，但原來呢度無奶茶🤣 最後叫咗忌廉溝鮮奶 ＆ 黑牛 ，擺盤好適合打卡！假期偶爾諗起流心蛋撻過嚟食下都OK😋…Read More