大壽司．和食 (Closed)

由於我是第一次去食大壽司..屋企人就去過..甘我同細妹拎位先...因為我地5個人...要過半數先可以入去... 我地足足因為要等多一個人..要extra 等多半個hr...甘都無所謂...因為個個都係甘.甘入到去...發覺我地d 椅子是圓型果隻...仲要無靠背的... 甘我地咪想問...可吾可以換個張desk... 但叫極人...都無人理我地.... 甘無辦法喇... 咪行去收銀同佢講...佢話吾得wor..吾可以轉desk..要轉就再拎果張ticket轉喇... 甘都得... 甘我咪坐返埋去..但真係坐得吾舒服.. 咪叫佢同我換dd 有背既椅子喇...佢話我地無甘得... 甘都有.... 我話甘既環境.. 我真係入錯黎.. 我地吾食喇....佢好串講一句... 你地鐘意喇~~ 服務好差.... 語氣都非常之差.... 其實我最吾滿意吾係無舒服既椅子..亦吾係似大排檔既格局(我阿媽第一次黎..佢一坐低..就甘講喇).... 最不滿係佢地既服務語氣...

我上星期去呢間大壽司到食，個收銀阿姐態度超差，問佢拎張飛好似唔想俾咁，問佢叫到幾多號，個好串阿姐話”自己望下塊玻璃咪有寫囉！”入到去食野，其他人態度都唔多好，我地都係坐樓上，只係一個男仔既態度係好囉，我地點左三文魚刺身，完全無魚味，只係好大件囉，我反而覺得ｄ炸蝦和軟殼蟹太卷係比較好味ｄ之外．．．我地最後都叫左一樣泰式食物，泰皇咖喱雞飯，雖然只係３５蚊，好大碟，個咖喱汁比較甜，但總算係好味既，我覺得佢太多洋蔥、花生，雞就反而得２－３件，我好不容易先搵到一舊雞，一食落口超勁雪藏味，ｄ雞又柴皮．．呢間野唔值得我再去食，ｄ服務又差，食物又唔好味，重要我去排咁耐隊！我呸～最後：佢地如果要book位係要每人最低消費１００蚊，呢ｄ咁既規矩我真係未聽過！ｂｂ車又唔比入，有時幾多位以上又暫停登記～　古古怪怪咁．．

之前都食過好多次,又真係大件抵食既,不過佢真係好多人等位..又差,,可惜自己又犯賤,,鐘意食佢個鰻魚肉鬆卷..只好將就下,,外買啦..今日又想食,,突登同男朋友黎買外買,買左咁多次都知規舉..入去問佢拎完外買紙就要出門口諗好先入去叫,,同男友諗左陣,,諗好入去叫啦,,佢態度非常唔好咁同我講"我地師傅好多單,,唔做外賣"心想..下咁我頭先問你拎外賣紙你唔講,,我諗左幾分鐘唔係即刻爆單呀???出到門口..我個口就係咁鬧佢服務差,,但男友又知我心好想食..就話行個圈番黎睇下有無得叫..行左陣番轉頭問佢都係話無..咁男朋友就好好聲氣咁問"咁大約幾時有得叫呀??"佢唔耐煩咁答"師傅做晒d單咪有low" 哇...咁即係幾時??d人keep住黎..咁你不如同我講無得外賣啦..男朋友再講,,咁一係我地落左單..等師傅得閒就做啦,,我地唔介意等,,自問對佢態度真係好到加零一..可惜回應係"唔得咖wor"成件事最嬲唔係食唔到,,係你點可以咁既態度..自己都做過飲食業..你講句"唔好意思..因為今日太忙師傅唔做外賣"咁樣會唔會好d呀???真係差到無人有,,唔想再入間店..但想再食鰻魚肉鬆卷,,真犯賤!!!

成日見到此店大排長龍,勁多人在門口等位,所以那天便襯自己放假,特到這大壽司泰國人@ 西灣河一試!魚生也頗新鮮;壽司、卷物均是大大件的,味道僅算不過不失.海南雞飯唔係好得而且亦無去骨!價錢算平,size也很大件,只是味道並不突出,所以如果要排好耐則不大化算!唔使排隊也可算是〝OK〞!

同老公食左好多次,每次夜晚飯市時都多人排隊,收銀好寸,好多規條如多人時無外賣,过半數人齊才可入座……，食物質素一般,勝在廉價寿司,比起同區日本食店普遍貴又唔好食,佢算係咁,所以我地會継續受氣又継續幫襯,唉！犯賤！

佢好似因為師傅比人搶哂之後呢家變左泰式野食同sushi好多set sushi變左外賣以前好食既雞軟骨呀咩沙律呀, 唁係冇左就變左泰式而且貴左次次去到, 佢都話個三文魚卷賣哂, 好假lo, 佢一開dinner我就入去，　佢ｌｕｎｃｈ又話冇～態度唔駛講啦~ 差..之前見佢抵食, 都同d fd 成日去,,呢家,, 變左泰式野..大家都覺得差左好多

d 野都唔係大家講得甘差,服務係一般..刺身真係好大件..個度d野真係抵食..

一年前食過，大大舊壽司，好抵食．一年後再黎，已經無左大大舊壽司set，唔抵啦．質素其實一般，用咁既價錢不如去板前食．．．佢都係攪gimmic:大舊．．．飯之嘛．．．不如吃飯好過．．．

食過大壽司3次，第一次聽朋友講話D壽司好大件，所以去試o下，壽司真係好大件，不過味道就一般。第二次去完全無驚起！第三次尋晚去的，一坐低，睇o下餐牌，e~有泰菜食??!!我2個人叫o左2客三文魚壽司+1客蟹子壽司+1客鰻魚壽司+1客三文魚及象拔蚌刺生，最後試o左個泰式炒金邊粉。食物來到，壽司刺生比已前用心制作o左，但味道都係一般，三文魚好似雪o左好耐，無鮮味，但係個炒金邊粉來到，e~賣相ok喎，仲有伴碟添！可惜唔記得影相...." 試一口.....o.....境然有驚起，金邊粉抄得好爽身唔淰唔油肥肥，酸甜比例做得好，配料都離不開豆干、牙菜、蝦球、花生碎，食o下食o下發現原本以為係辣椒絲的，原來係小蝦干，唔怪得有蝦干的咸香La~唔錯！再睇0下餐牌，寫著所有泰菜由廚房"泰哥主理！我諗下次來大壽司食泰菜好過食壽司，不如改名叫大泰菜La~睇過之前食評話店員服務差勁，我覺得係果個西瓜刨亞姐就真係有D問題，其他店員都ok!我去3次都無不禮貌對待，反而覺得樓上有個男店員幾好人，(我都係男仔，唔好誤會！)

我從未試過對一間餐廳的服務可以不滿到不吐不快，今次終於俾我試一次了。這間所謂的餐廳真係令我有生之年都唔會想入去食..話說..我一直都知道這間餐廳的存在，亦聽聞話壽司好大件..咁我就係兩個月前約左朋友去呢間餐廳食啦。當晚我排隊等食..等左差唔多個半鐘，等等下..我就知自己有點唔對路，開始頭暈..我就趁仲有少少知覺，入去餐廳問佢地借場椅子坐下..點知.在我面青青..口唇發白時.問個收銀話可唔可以借時，個收銀話無咁的規矩，我朋友出聲話坐下即..我地下個就到。跟住個收銀話..唔可以..你地要等就要出去等..跟住有個八婆走出來，話咁唔舒服..就叫白車啦..不過，你地出左我地門口先好打電話wor!我激氣到陣，加埋十級唔舒服，雖然係好掃我朋友興，因為佢勁想食，但係我最後都係唔得，暈住咁去隔離杏花樓坐..足足抖左三個字..先好些。最後係杏花樓食埋夜晚。我覺得服務態度差..到呢個田地的餐廳，真係從未見過...雖然事隔咁耐，但係講起，都會火起。

入場先比果個樣衰個姐串一串!! 勁!!無錯d食品係好大件，但魚生就極不新鮮，d 3文魚切到連魚皮邊都有，係咪癡線....大份都無用服務奇差，唉~~~加次水都黑口黑面。使唔使覺得我地d客好似欠左你禁，唔想平咪賣貴d囉，壽司整細舊d。免得我地覺得好似d客貪左你地禁。平係平~~係果間野一個人要食$100，係有d難度。如果想比人睇唔起，覺得你係cheap人可以試下

本人曾经去過這壽司店，非常認同以上食評，這間壽司店實在太差，食物唔得所有魚生都冇味，招呼唔得，所有待應連收銀都勁冇禮，只有一樣好就係份量大大大，如果想飽肚再加黑口黑面都可以試吓嘅！

我一向極少Black List一間餐廳對餐廳亦唔係有太多要求但今次真係爆～我今日lunch自己一個人去食．食左１舊水但呢間野簡直不知所謂～ｄ態度差到爆佢地絕對係一間唔會尊重客人既餐廳我做左咁多年人．真係第一次見到有一間當客係死既餐廳首先．我去落order．．．有時為左方便個Waitress落單．．我就跟佢地．用ｍｅｎｕ上既號碼黎落單之後個Waitress超級串咁話（咩呀．．講個名黎聽啦）ｄ態度真係令人即刻扯火．．．我於是問番佢（你地唔識對番ｄ名架咩）跟住個Waitress黑口黑面就話(係呀．唔識ａｒ）我真係嬲到飛起～～不過呢一段野並唔係Main Point之後一路食．．．冇人加茶．．企曬係一二邊．．黑口黑面．好似所有客都得罪佢地睇Waitress就知佢老細係咩人啦～～然後埋單..我俾Visa...佢話唔收所有其他Credit Card乜都唔得．．．只收現金我真係唔預佢咁大間野．．連Visa呢D咁Common既野都冇囉．．我真係十個Surprise ar~佢左右隔離個ｄ餐廳我都去過．．間間都有架啦於是我話我需要去禁錢．．之後Cashier姐姐（全場最好禮貌架啦）叫左一個黑口黑面．真係相由

我同屋企人諗住黎試一試..(之前同男友食過,so far麻麻)一試之後, 我地一致都話以後都唔會再去..呢間野真係差到令我覺得好討厭.如果唔係同屋企人一齊,我諗我會鬧佐佢地.係我有史以黎最唔開心既一餐飯!我地食佐都好多樣野, (諗住order佐先,因有5人)but每一樣都唔係咁好食. 由奇三文魚, 平時我地最愛.家人都已經好失望, 因都唔鮮味!最差既就係我地唔少心倒捨佐杯荼,唔該前唔該後叫佢黎清理.佢竟然扮聽唔到, 我再大聲d叫, 佢好大力咁將荼水wu掉係張台到, 黎到搽既時侯仲jie一聲! service真係好差好差..我嬲到即時黑晒面, 真係好憎d咁既態度.未食既你地, 都係唔好食好過, 食完真係嬲到一肚氣走.food and service = bad!

真係十分差,特別係d服務...''今時今日咁既服務態度點得架''好似我得罪左佢地咁...d壽司得個大字,如果要食飯,我洗鬼黎你e度....總之免費我都唔會去啦..俾夠一百個差佢!!