有日特登大埔墟落車太肚餓了見到呢間就直入炸雞大塊到無人有！ 酸辣粉好正 夠酸辣香！食酸辣粉第一次第二次特登再返去食試炸雞！ 諗住遲啲再去試埋手抓餅打打下又想食酸辣粉了…Read More
The above review is the personal opinion of a user which does not represent OpenRice's point of view.
Like
Dining Method
Dine In
大埔友‧手抓餅專門店 (Closed)
大埔友‧手抓餅專門店 (Closed)
真係嬲到要特登DL apps開ac寫食評，零晨差唔多近1點入黎叫外賣，眼見仲有3碗糖水，所以好放心咁叫糖水+炒腸粉拎走，比完錢之後，後面就有幾個人入黎鋪頭堂食，我見人多就出左店門外等，中途都聽住老闆同岩岩係我後面入黎既客吹水口氣聽落已經係熟客仔等左都有15-20mins突然個老闆問我係咪叫炒腸粉+糖水，我話係佢話唔好意思，糖水賣曬我即刻黑人問號？？？我話：下？岩先唔係仲有3碗咩？老闆：果d留左比其他客人，不如我退反糖水錢比你？佢見我皺曬眉頭就話：一係我轉鋪頭特飲比你？然後我餘光就見到果幾個熟客係到食緊糖水一瞬間火都黎，我覺得如果你唔記得左拎左我果份比其他客人咪照直講（已經唔係第一次發生呢樣野）起碼我都冇咁燥，唔好我一路聽住你地對話然後再係我面前拎他藉口塞比我lor最後退糖水錢離開老實講，我連炒腸粉都唔想要因為有糖水先諗住買多樣但整又整左，唔要就浪費食物谷住啖氣拎反屋企食都唔開心咁既服務我真係祝你生意興隆唔會再有下一次幫襯👋🏻…Read More
The above review is the personal opinion of a user which does not represent OpenRice's point of view.
Like
HkInd
你眼見有😂
Date of Visit
2020-11-16
Waiting Time
20 Minutes (TakeAway)
Type of Meal
Last Night Supper
諗著食late tea, 叫咗份紫薯手抓餅，諗住外賣拎走食 晚飯之前過下口癮 仲喺附近買咗杯珍珠奶茶添 點知原來要等成30分鐘先有。。而且佢咁大間舖 又唔夠人手得一個人 又要收錢又要一路整嘢食終於接咗foodpanda, 外賣員嚟到都有排等食物係味道水準都OK嘅 （真係好食， 同埋附近既鋪頭都冇手抓餅賣😭😭😭🥺)不過性價比仲有時間付出唔係真係唔係抵囉 建議佢下次接單之前衡量下自己人手夠唔夠比客知道要等幾耐先至收錢出單…Read More
The above review is the personal opinion of a user which does not represent OpenRice's point of view.
Like
Recommended Dishes
紫薯手抓餅
紫薯手抓餅
紫薯手抓餅
Waiting Time
30 Minutes (Dine In)
唔好問小編點解4月嘅交易咁遲先出post因為條氣到而家都未順！仍然好嬲！當日小編星期日去到買手抓餅(芝士、燒雞肉、加沙律醬)($34)店內一個客都無必須提小編當時散銀包有好多碎銀好想用左去所以點完餐小編就望實螢幕睇吓幾錢順便用埋啲散銀見到係34蚊 小編就拎咗「一張$100紙兩個兩蚊銀」總共$104俾收銀阿姐係遞緊錢嘅同時門口有對couple企係度望咁個收銀阿姐就自然咁望左佢哋講句「隨便睇下想食咩」找錢比小編嗰時找左$66小編隻手接咗啲錢望住隻手覺得硬係唔對路 明明應該係找齊頭$70個阿姐見到就問「唔啱咩」小編就話「我比$104你」收銀阿姐即刻一句「肯定冇」「你比$100我姐」肯定？咩叫肯定？客人有質疑係咪都應該諗一諗先呀？隔離整緊嘢食嘅店員阿姐仲要加把嘴話如果佢哋收零頭一定會大聲講出嚟小編真係覺得好笑佢又冇見到我哋嘅交易情況 點解一口肯定係小編錯？😡其實就算點樣有客話你找錯錢你都應該有少少猶豫卦？想強調全程小編都好聲好氣冇同佢坳 因為小編只係感到極度失望同無奈 多於憤怒試諗吓 佢話佢肯定冇錯 小編仲有咩好講☹️只係無奈地細細聲講左幾句「算啦算啦」「是但啦」「我真係俾左$104」等餅嘅時候有叫佢哋睇返閉路電視佢哋話要老闆夜晚返嚟先睇得又叫小編留低電話 話夜晚埋數搵到就打返俾小編但係小編都唔係住大埔小編住九龍區冇幾何會過嚟到時你俾返$8我我都唔會為$8坐2個鐘來回返嚟攞啦😑諗多兩諗小編最後都係留咗電話係因為想得到公義😡😡結果係點？當然不出所料係全無音訊啦🙄老實講做生意嘅小編唔會話要你蝕錢但係稍為用腦袋諗吓都知如果冇俾過又會唔會為咗呢$8呃你呢？講真小編都唔會話100%肯定自己俾咗因為嗰一下大家都失左神去對couple度但係點解店員竟然可以查都唔查話佢100%啱？完全係唔合理至於食物質素？心情肯定影響食慾嗰刻食龍肉都無味🤮手抓餅外皮即叫即整係脆嘅 正常OK內餡雞肉無乜味 勁淡 芝士就係超市片裝芝士一塊 存在感近乎零成個餅都無味…Read More
The above review is the personal opinion of a user which does not represent OpenRice's point of view.
Like
Date of Visit
2020-04-26
Dining Method
TakeAway
Spending Per Head
$34
自助餐掃街風味❤️生菜雞蛋芝士煙肉風味手抓餅mix沙律醬：即叫即整 熱辣辣 好好食 🤓外面個皮好酥脆內裡既生菜雞蛋芝士煙肉夾埋一齊食好咸香 如果做早餐既話一定好一流 因為佢如果換左做麵包 根本就係三文治 🥪😂 XO醬炒腸粉：呢個我同肥仔都一致覺得繼手抓餅之後必叫既野 炒得好香口 好惹味 😍涼拌海哲絲：呢個似乎調味重手左 又辣又咸 too much 左啦 我唔ok 😫炸雞脾：呢個係勁野！大過我地塊面！個炸粉唔太厚都ok wo ! 雞肉好嫩滑！又係即叫即炸！好食！鮮榨果汁：店汁推薦時令水果 火龍果+石榴 👍👍👍👍👍👍👍大推 好夾呀個味 本身已經一杯滿 店主仲叫我飲一大啖先 再將剩餘倒埋比我 🙂🙂開心 🥳🥳 我飲哂架 完全無浪費架 …Read More
The above review is the personal opinion of a user which does not represent OpenRice's point of view.
Like
Dining Method
Dine In
夜晚返到大埔有啲咩好食？唔使諗一廣福道落車就會搵到大埔友。好過食麥當勞啲劣食。雖然話價錢就唔係特別平，但最起碼係新鮮熱辣即刻整。今日就試咗呢一個xo醬炒腸粉。32蚊真係一啲都唔平。。但係鑊氣勁夠。熱辣辣之餘仲有好多芽菜。xo醬夠辣好味。仲有好多好多好多嘅蔥花喺上面，呢點我最鍾意。而且嗰腸粉好大份食完真係好飽。配埋13蚊嘅西瓜冰，新鮮睇住老闆自己整，少少甜會太過份，即刻滿足曬可以返去大教瞓。
每次夜晚都忍唔住要再食。…Read More
每次夜晚都忍唔住要再食。…Read More
The above review is the personal opinion of a user which does not represent OpenRice's point of view.
Like
Dining Method
Dine In
我一向鍾意飲沙冰，見到這家店門口大大的招牌寫著店長推介西瓜沙冰，當然立即心心眼，於是在炎熱的下午決定進去試一試，這其實是一家小食店，除了基本的燒賣腸粉之外，還有滷水雞髀炸雞比炸薯條餅牛肉湯烏冬酸辣粉，與及台灣人氣手抓餅，我問店員什麼東西好食，她向我推介手抓餅，於是我就點了手抓餅和西瓜沙冰。先說手肘餅，始終新鮮熱辣製作，味道始終有保證，我點了甜粟米和蘑菇作餡料，味道真的不錯。至於那杯店長推介的西瓜沙冰卻教我非常失望，沙冰最重要就是冰粒要打得夠細小，我目測那部攪拌機應該性能也不錯，可是我的沙冰的冰粒很大，有點失望，再者西瓜可能買了一個不靚的，所以沒有西瓜味，唯一好的就是沒落太多糖水，而且有點西瓜果肉吃，真心說，如果這是店長推介，這個店長都應該是「老點」他的客人。後來我見第二個人也點了西瓜沙冰，我見他那杯顏色比較紅，似乎要怪就要怪我不幸，不過我始終覺得如果食材質素有問題，就不應賣給客人，你賺了我這杯沙冰的$13，卻換來我從此不會再光顧，到頭來是賺是蝕，顯然易見。…Read More
The above review is the personal opinion of a user which does not represent OpenRice's point of view.
Like
Dining Method
Dine In
一直都知道有呢間小食店既存在 今日終於得閒入去幫襯下 我懶得諗 叫咗個B餐雞蛋生菜芝士火腿（$36）由於佢即刻整 所以手抓餅都熱辣辣既 睇住佢將個餅整熱 加上唔同既配菜 利用熱力將芝士整溶 過程好好睇口味黎講 個餅底好脆 芝士火腿10分㚒 生菜爽口能夠中和芝士既膩 真係十分好食我朋友就要揀餸食飯 佢揀咗芝士蟹柳雞蛋鹹牛肉沙律醬辣椒粉（$45）蟹柳比足兩條 鹹牛肉加上少許辣椒粉超級惹味 沙律醬再配上蟹柳 又唔會覺得奇怪 所有配料加埋咸香咸香 好好味 唯製作需時人多時要耐心等候…Read More
The above review is the personal opinion of a user which does not represent OpenRice's point of view.
Like
Date of Visit
2019-09-21
Waiting Time
20 Minutes (Dine In)
Type of Meal
Tea
發現大埔呢間小店都開左一段時間，但係一直都試過。咁啱下午茶時段見唔算多人就同朋友入左去食野。點知一叫左野食就超級多人，下層坐滿哂。聽講另一個店員咁啱行開左，得返一個店員自己做到踢哂腳。我同朋友叫左一份炸燒賣同兩份手抓餅，朋友叫左芝士蛋吞拿魚，我就叫左粟米蛋肉鬆餡。手抓餅menu。好多唔同既配料選擇。本身想影埋另外d小食既menu，但係突然開始多人就影唔到。炸燒賣︰好脆，唔會好咸，幾好。我份手抓餅，份量唔少，食完都好飽。手抓餅︰好足料，超多粟米、肉鬆，個餅就好脆。佢係即叫即整，所以好熱好新鮮，好好食，同朋友食到停唔到口。
比較可惜係比較多人，同埋另外個店員行開左，得一個店員要等比較耐。但係手抓餅真係幾唔錯，等待都係值得既。…Read More
比較可惜係比較多人，同埋另外個店員行開左，得一個店員要等比較耐。但係手抓餅真係幾唔錯，等待都係值得既。…Read More
The above review is the personal opinion of a user which does not represent OpenRice's point of view.
Like
Date of Visit
2019-09-22
Dining Method
Dine In
Spending Per Head
$40 (Tea)
買隻雞髀由原本有小巴等都冇小巴超過半個鐘， 本身撐盡但係真係慢得太恐怖， 冇辦法繼續再撐， 要夠八十個字我真係唔知點寫已經寫足曬 真心誠意嘅評價， 如果咁樣包庇呢個平台都係冇乜嘢用途…Read More
The above review is the personal opinion of a user which does not represent OpenRice's point of view.
Like
Dining Method
Dine In
今日做完運動，路經大埔友，見到酸辣粉好想試下
見佢Menu 仲有炸雞脾，下次先試
我叫外賣返屋企食！所以係店坐左陣，覺得店入面都有d 裝修喎原來，其實唔錯樓梯上去唔知咩黎呢😆😆返到去打開，其實都好大碗！我一個人食都覺多左小小
有少少麻同酸辣，都唔錯
…Read More
見佢Menu 仲有炸雞脾，下次先試我叫外賣返屋企食！所以係店坐左陣，覺得店入面都有d 裝修喎原來，其實唔錯樓梯上去唔知咩黎呢😆😆返到去打開，其實都好大碗！我一個人食都覺多左小小有少少麻同酸辣，都唔錯…Read More
The above review is the personal opinion of a user which does not represent OpenRice's point of view.
Like
Recommended Dishes
酸辣粉
$25
Dining Method
Dine In
偶爾路經此店，試了炸雞脾，雖然$28一隻，但非常大隻，即叫即炸，不單香脆美味，肉質也頗滑，食一隻已經飽肚了，所以價錢來說有此質素，我認為值回票價!其實此小店原來也有很多不同小食，日後有機會要試吓先…Read More
The above review is the personal opinion of a user which does not represent OpenRice's point of view.
Like
Dining Method
Dine In
大埔名物大埔友，身為大埔人都應該試下佢地喺對面街起家既手抓餅，不過今次就試下佢個炸脾。調味啱啱好，唔會太鹹，原味有好微好微辣，同埋係即叫即炸，等係要等耐啲，都係要等佢炸起。切簿左，入面唔會有血，儘管一定未去到某炸雞快餐店Jxxxxxbxx咁神奇超多汁，但係一定好食過KFC，呢隻食晒果時都唔會好想飲野/好膩/太重口味而味覺疲勞，食完可以再黎多隻既感覺!同埋其實好在搬左新舖之後，有地舖加閣樓既座位坐，閣樓重放左兩部飛標機，可以坐低食襯熱食下午茶以小食店黎講真係好有心!…Read More
。調味啱啱好，唔會太鹹，原味有好微好微辣，同埋係即叫即炸，等係要等耐啲，都係要等佢炸起。切簿左，入面唔會有血，儘管一定未去到某炸雞快餐店Jxxxxxbxx咁神奇超多汁，但係一定好食過KFC，呢隻食晒果時都唔會好想飲野/好膩/太重口味而味覺疲勞，食完可以再黎多隻既感覺!同埋其實好在搬左新舖之後，有地舖加閣樓既座位坐，閣樓重放左兩部飛標機，可以坐低食襯熱食下午茶以小食店黎講真係好有心!…Read More
The above review is the personal opinion of a user which does not represent OpenRice's point of view.
Like
Recommended Dishes
炸雞脾
Date of Visit
2019-04-28
Waiting Time
10 Minutes (Dine In)
Type of Meal
Tea
晚飯唔想食d heavy野，但又要食少少野，有少少時間search下大埔有咩小食可以食，重點係唔可以等太耐又有位坐，行過廣福道見到呢間鋪裝修幾得意，仲有我未食過既手抓餅，之前一值都想試，但又冇尊登揾邊度有得食，竟然呢度有。本身我有選擇困難症，我未食過而又要我揀咩餸簡直係沮喪，好彩店鋪都有set定幾款手抓餅既餐唔使自己揀，於是我揀左個超級簡單既手抓餅A餐：有雞蛋、紫菜、肉鬆，另外叫多左個xo醬炒腸粉。個手抓餅整起超級熱，好好味，呢幾種食物既配搭係絕對穩陣既，除左用紙袋裝住仲會用個膠袋仔入住，方便你一路行一路食或者拎走。個xo醬炒腸粉都係即刻整既，都係熱辣辣，好入味，唔使再點其他醬都好好味。…Read More
The above review is the personal opinion of a user which does not represent OpenRice's point of view.
Like
Recommended Dishes
手抓餅A
$28
Xo醬炒腸粉
Dining Method
Dine In
身為大埔友又點會未去過大埔友食野😏今日見好天，就約埋班朋友一齊去踩單車。由大圍開始出發，踩到去大埔。幾經辛苦大家都終於到達大埔啦，個個都冇晒力，又勁肚餓😅作為地膽既我，就帶咗佢哋去大埔友度食下啲小食。咁我哋就叫咗個滷水雞脾，冇記錯好似要$20，有少少細隻，另外滷水味醃得唔夠味，不過勝在啲肉都好嫩，都算係咁啦！朋友就叫咗個炒腸粉，估唔到都幾好食喎👍🏻講到手抓餅專門店，又點可以唔叫佢哋嘅手抓餅呢，我哋叫咗手抓餅嘅B餐，啲餡有生菜、雞蛋、芝士同火腿，好足料！另外個餅都好鬆脆，加埋有少少流心嘅芝士，簡直一級棒！$36一份，個人認為好食就抵㗎啦！…Read More
The above review is the personal opinion of a user which does not represent OpenRice's point of view.
Like
Date of Visit
2019-02-02
Dining Method
Dine In
Type of Meal
Tea
