Video
1-min walk from Exit D, Tai Wai MTR Station
continue reading
Introduction
It offers many kinds of local style snacks, such as three stuffed treasures and egg waffles at reasonable prices, which is a fast food choice for students and neighbours.
continue reading
Above information is for reference only. Please check details with the restaurant.
Review (469)
大圍小食是大圍火車站對面一間屹立多年的老字號小食店，堪稱街坊的集體回憶，港式小食掃街熱點🤭。餐廳位置極其便利，步出地鐵站數步便到，店面雖小，但每次去都人頭湧湧，店員熱情高效，所以每次去都唔需要等太耐。每次嚟都忍唔住會嗌咗勁多嘢食😆😆串燒就係其中一款必點次選，即叫即燒，所以離遠已經聞到串燒嘅香氣❤️小妹推薦必點之選有司華力腸、豬頸肉、雞髀肉和 牛丸。司華力腸烤得外皮微脆，內裡多汁，咬下時帶有濃郁的香料風味，炭火香氣撲鼻。豬頸肉油脂分布均勻，燒烤後肉質彈牙，雞肉串燒嫩滑多汁，火候恰到好處，表面略帶焦香。牛丸則結實有嚼勁，肉香濃郁，一串4粒分享最佳🤭🍲碗仔翅承載了濃厚的港式懷舊情懷。碗仔翅用料充足，有冬菇和木耳的香氣，配以少量肉絲和粉絲，口感層次豐富。羹質濃稠卻不黏膩，入口順滑，調味適中，帶有微微胡椒香，加埋紅醋一齊食味道更佳👍🏻👍🏻🍢魚肉燒賣+陳皮魚蛋配自家製辣醬是另一款招牌必食經典街頭小食。金龍燒賣外皮煙韌，內餡啖啖魚肉帶有輕微咬口；陳皮魚蛋夠彈牙而帶點陳皮微微嘅甘香，。搭配店家自製的辣醬，香辣中帶點微甜，完美提升了燒賣魚蛋的風味，令人一口接一口。辣醬的濃郁香氣尤為出眾，但對不嗜辣的食客來說，建議要求少辣以免搶味。狗仔粉則是簡單卻充滿港式風味的選擇。銀針粉筋道有嚼勁，湯底清甜，加入肉碎、冬菇絲和蔥花，增添了豐富的口感層次。‼️重點辣菜脯的點綴為湯底帶來一絲爽辣，雖然辣到頗高，但卻令人回味無窮。煎釀三寶款式多樣，每次嚟都會嗌一大盒，有齊茄子、青椒和豆腐等，魚肉餡料厚實彈牙，炸得外脆內軟。茄子吸滿醬汁，入口多汁；青椒保留爽脆口感；豆腐則滑嫩可口，搭配甜辣醬更是惹味。
continue reading
去完石門，經大圍轉站，想着以前過來踩單車必吃的小食檔，不知道還在不在呢？原來還在，一出站已經見到了，旁邊店舖來來去去，這家始終屹立不倒。快步走過去，人好多呀，看到好多想吃的東西，晚餐有着落了😍🥰，就來埸傳統街頭小食盛宴吧。✴️肉碎銀針粉（細）$40配料有：肉碎／冬菇絲／辣菜脯／炸蒜粒／蔥粒。肉碎非常多，湯底好濃郁，有炸蒜及蔥粒吊味，辣菜脯又辣又爽口，好吃到清碗😋。✴️油渣麵（細）$42配料有：豬油渣／冬菇絲／辣菜脯／炸蒜粒／蔥粒。湯底跟銀針粉一樣，豬油渣加了湯，還是很脆，油香滿溢，粗麵是一定的，更吸湯，湯底一樣，但風味完全不同，好好食，又是清碗之作😋。✴️港式炸大腸 $16這款傳統港式小食，必試，好好食，大腸一層疊一層，非常紮實，炸得非常酥脆，一口咬下，滿嘴留香。✴️串燒燒豬頸肉 $16燒雞肉 $16燒貢丸 $20燒花枝丸 $20 可以要求要甚麼調味，有好多款選擇。串燒原本已有調味，我要求加少辣已經夠了。爽口嫩滑各有特色，終歸一句，很不錯。✴️煎釀三寶 4件$20 魚旦／青椒／尖椒／茄子／紅腸／豆腐／冬菇／西蘭花／餃子 種類多到不得了，亂點一通都不會踩雷，他們的魚肉釀得特別厚實，而且爽彈。下面是小食店標榜香港制造✴️陳皮魚旦 10粒 $12 細細粒，輕輕陳皮味，如果食得辣，一定要求多辣汁，他們自制的辣汁又香又濃。✴️魚肉燒賣 10粒 $12 ✴️山竹牛肉球 2粒 $15正常魚肉燒賣，好食又有咬口。牛肉球也是正常口味，味道可以。總結，這裏可以找到以前小時候的味道，銀針粉／油渣麵味道可以說令人回味無窮。工作的姐姐阿姨都好有活力，難怪這麽多年都還可以支持下去，因為我自己都好多年不來踩單車了🫣，下次過來應該不會隔這麽久了。
continue reading
講起大圍，除咗係一個住宅區，仲係一個隱藏咗唔少美食嘅地方！今日要介紹嘅係一間開咗好多年嘅老字號——大圍小食 性價比極高，食物種類又多，由小食到地道港式風味都有，真係食到停唔到口！煎釀三寶：臭豆腐、茄子、紅腸 煎釀三寶係呢度嘅招牌之一，特別係佢哋嘅臭豆腐，外皮炸得香脆，入面依然保持嫩滑，臭味夠晒正宗，食落去真係回味無窮！茄子同紅腸都唔輸蝕，茄子吸晒啲汁，紅腸外脆內軟，配埋秘製醬汁，真係一絕！炸雞髀 炸雞髀係另一款必試嘅小食，外皮炸得金黃酥脆，咬落去啖啖肉，雞肉嫩滑多汁，完全唔會乾柴。呢個價錢可以食到咁大隻雞髀，真係抵到爛！魚蛋 魚蛋係香港街頭小食嘅代表，大圍小食嘅魚蛋彈牙得嚟又唔會太硬，配埋佢哋自家製嘅辣汁，辣得嚟又唔會搶咗魚蛋嘅鮮味，食完一串真係想再encore！秘製辣汁燒賣 燒賣係另一款經典小食，呢度嘅燒賣唔係普通貨色，而係配咗 秘製辣汁 辣得嚟帶少少甜，同燒賣嘅豬肉味好夾，食落去好過癮！串燒豬頸肉、雞肉 串燒方面，豬頸肉 雞肉都係人氣之選。豬頸肉燒得香口，油脂分布均勻，咬落去juicy得嚟又唔會膩。雞肉串燒則係嫩滑多汁，燒得剛剛好，唔會過火。車仔麵（豬紅、魚肉、滷水雞翼） 最後一定要試吓佢哋嘅車仔麵 配料可以自由配搭，推薦 豬紅 魚肉 同滷水雞翼。豬紅滑溜，魚肉彈牙，滷水雞翼入味得嚟又唔會太鹹，湯底濃郁，食完真係好滿足！大圍小食雖然係一間街坊小店，但食物質素絕對唔輸蝕俾大餐廳，而且價錢親民，性價比極高！無論係想食日式小食定係地道港式風味，呢度都應有盡有。下次經過大圍，記得嚟試吓啦！
continue reading
黎到大圍，大家都離不開叫唔同嘅香港特色小食、例如魚蛋，例如有魚肉翅個都、跟住我食嘅呢間舖頭佢除咗魚蛋出名之外、佢仲有好多唔同特別嘅小食，包括串燒都係好出名！講明係小食舖嘅老店、性價比一定好高㗎！呢度基本上所有嘅美食嘅食物質素都係好高！保留到舊有風格、但係食物嘅質素就一直都冇變過！一樣都係咁優質！香港真係唔多咁有心嘅小食舖！除咗優質、佢嗰個辣汁，簡直係高質到極緻！老闆凌晨兩點就已經準備材料去熬製最新鮮嘅特製辣汁、用兩個鐘嘅時間去整除咗心機傑作！仲係老闆用心嘅心血！喺香港嚟講真係好值得去讚揚呢個獅子山精神！今次我主要叫咗佢嘅臭豆腐會甜醬，簡直係一流！唔少得就係佢嘅碗仔翅，豬腸，韭菜蘿蔔、狗仔粉同埋一定唔可以少嘅燒賣加魚蛋啦！我覺得必食嘅一定係佢嘅燒賣同埋魚蛋！魚蛋好彈牙再配合秘製辣汁食，真係超級最佳拍檔！大圍小食大圍富嘉花園地舖
continue reading
睇完《消失的味道》先知大圍小食咁有來頭！後悔💢點解當初冇試到佢哋嘅咖哩魚蛋同臭豆腐🤣不過上次掃街都冇輸～試咗幾款勁地道嘅港式小食，全部正到癲👇 🍗炸雞髀手掌咁大！脆皮裂開，肉汁多記得要準備紙巾😆～ 🔥串燒豬頸肉，即場火攻🔥蜜糖味！🍢🔥煎釀三寶，魚肉彈彈，青椒🫑爽甜，竟然仲有西蘭花！💥脆皮炸大腸3串，外脆內糯！點甜辣醬食到lam lam脷～ 好在我都買咗樽神級咖哩醬返屋企，煮麵加幾匙✨
continue reading