大和燒日亞放題店 (Closed)

' 我同朋友上到這食店，可能時間尚早，不用等位已經可以入座，職員招呼很好，安排到卡位給我們，刺身超新鮮，好有鮮甜味，天婦羅蝦同多春魚好食，炸粉唔厚，花酒煮硯，清焗生蠔，蒜香牛柳粒，及其他小食好好食，最後甜品Oreo布甸,木槺布甸，朱古力牛奶凍，牛奶果凍超正very good.今餐超滿足。'…Read More

與好友眾會,基本上一開始沒想到會食哪間放題,但好友說不如試一下兆萬的放題聽到兆萬我暗自倒抽一口氣,因為早就聽聞兆萬裡的放題大多是"伏"結果在樓下左想右想,終於決定試下這間大和燒環境方面有足夠的空間,很闊絡,服務方面也不錯,上菜速度非常快,而且沒少見的沒有漏單,抵讚基本上大部份的食物都有叫來試食,味道倒是令我意想不到刺身:意外的頗鮮甜,沒想到能夠在這間放題食到如此美味的刺身好味到order了兩次,特別是三文魚腩,大大塊又好味!而且在入座後服務生會先提醒你order刺身,所以基本上入座不夠5分鐘就可以享用食物上菜速度也很快...枱面全是滿滿的食物www燒物,小食:沒什麼可以挑剔,水準十分OK唯獨炸豬扒有點不太喜歡,另外酒煮蜆也是不太入味,牛聊粒好正,即使放置了一段時間再入口也是十分有嚼頭,不會覺得乾身難吃.不過燒蠔就真的麻麻,友人說她那隻好像有點腥,所以不建議各位叫燒蠔炸物:炸蝦的蝦份量很好,不會有太多的炸粉,讚!飲品:選擇不多,我揀了巨蜂提子,大滿足甜品:不得不說甜品,之所以會選擇大和燒的其中一個原因是因為友人說這裡的甜品很好食.結果也沒令我失望.可惜的是只限每人叫兩份,不過由於經理好人所以俾我地每人叫三份.....真係好好味!價錢方面不貴,16X左右.....而且真係食到好飽咁離開,以咁既價錢食到質素不差的食物,真係十分抵食!下次會選擇再黎的:)…Read More

當天四個大人一個小朋友去食大和燒日亞放題店 , 其實開頭松屋日本料理之後見到樓下有他們我同事推銷中又好似我平咁就入去試一試 .... 點知真係沒有下一次囉 ! 一行五個人全部每樣都很少份量 , 一係就漏單都有 , 之後有我與侍應追煎餃子的對話 ....我 : 侍應生說還有餃子未到侍 : 未到就唔到你落過單啦 !我 : 咁侍應咁講又再落單啦 !點知之後來了20條餃子給我 , 最慘是連自己在內有五個去食有三個都出現肚痾的情況 ,所以以後都唔會再去.... 只是唯一一樣就是甜品都還好一點 .... 總結無樣好食:(食物味道可以,但未見過這個條形的餃子賣相唔好 , 好像深水埗十元八元賣衫的店舖一樣真的少少食, 叫多多都食唔飽 ...味道偏鹹我朋友食完話佢未熟 ....…Read More

與朋友飯聚，在網上購買了團購，在用餐前一晚，在Openrice看到好壞參半的食評，心中已有一股不快，但券買好了，位訂好了，唯有硬著頭皮上去一試。一試就覺得網上的評價有點不盡不實，幸好能一試，消除了誤解。放題一定有的刺身，當然不少得，我們的order後，10分鐘內就到了，三文魚有光澤，厚切，數量足，每人5塊都已經極滿足，象拔蚌，爽口，甜蝦，數量足，新鮮，北寄貝，有點細塊，壽司火灸三文魚、火灸芝士大蝦，飯比較實，但可接受，熟食蒜香牛柳粒(必食)，芝士年糕(喜歡芝士的人必食)、七味雞翼，雞軟骨、牛油粟米粒、吉列大蝦、等等味道都不錯，飲品蘋果綠茶、蜂蜜綠茶，我點的是蜂蜜綠茶，只有綠茶味，沒有甜味，算最不滿意的了，當清清腸胃。甜品(每人只能點2個)木糠布甸、Oreo布甸、牛乳布甸雖然每人只能點2個，但因為放題都拼命地食，最後才是甜品，沒限制的話，會多點幾款，反而造成浪費這個年代，網上訊息太流通了，只要網民的一句，餐廳就能永不翻身，要不是非食不可(因買了團購，錢都已付)，否則，我都不會給予一個嘗試的機會。…Read More

老豆今朝突然心血來潮想一家3口去食個放題開心下。但是日星期五, 仲要臨時臨急book, 咩好野都比人book晒啦。咁就唯有又返去食「大和燒」, 今次已經係第4次去。之前去已經一次差過一次, 經過今次之後, 我諗真係有人比錢請都未必再去。:)19:30入座, 準時到達。因為book左既關係, 所以去到都唔使等位, 即刻入去就ok~不過事實係未坐滿人, 但都安排唔到卡位, but it's fine。:) 有個類似經理既女人快速過黎, 叫我地寫一張sashimi先, 其他再慢慢諗, 因為會快d上可以食住先。原先都諗住呢個行為幾貼心, 之後就知道係出事既開始。:( 叫既食物幾乎所有黎既份量都係3折。唯一只有炸物係黎齊, 仲有無叫既都包埋(除左蝦,一樣係你叫幾多就比個3折你)。食左一個鐘, 其中有約半個鐘係可以完全無食物0係面前。:( 食物質素非常一般。燒物:羊架未熟,其他過熟干真真,仲要微溫,熱度同壽司飯相約炸物:食得落口, 都係唔熱sashimi: 算新鮮, 三文魚都肥美, 但甜蝦未溶雪有冰壽司: 算係最有水準既一樣食物, 無特別, 都唔係差, 注意舊飯都唔係細, 真係出面街買壽司咁沙律: 同上述食物相比, 真心變為必食食物之一不過比得呢個價錢仲要免加一, 呢個質素其實都不致於太嬲。:(甜品每人限點兩個。仲要岩岩上完雪糕, 45分鐘前點既野食先到‥‥‥:) 雖然食物係差少少, 黎又黎得慢左d, 不過d waitress 都幾nice, 至少見到做野無停手, 對客都無黑口黑面, 追單都無0係客面前不悅你, 我覺得都appreciate ga喇~ 我本身唔係鐘意影相既人,不過呢張我覺得唔post真係對自己唔住。認真, 上菜後我係真係未掂就影張靚相先!!!!!!…Read More

漏單情況非常嚴重, 太嚴重! (特別是刺身, 如三文魚)炸物都還可以但其他都沒什麼大驚喜這個價錢還可以有其他更好的選擇第一次食放題後返到屋企個肚會打鼓 絕對冇第二次!…Read More

旺角兆萬多放題就係人都知之前食開某一間但今日突然想試新野點知咁就出左事5點過少少就男朋友入坐當時冇乜人 (大約得4枱人)心諗漏單應該冇咁勁食放題一開始就點刺身是常識吧點完之後等等等等左半個鐘D刺身都未黎咁就催單啦結果 真係冇諗過第一ROUND就已經漏單不過我地再REORDER佢好快就送上黎其實個刺身都算幾新鮮而且有三文魚腩 *0*但係我地叫多幾ROUND之後刺身既分量愈來愈細 -口-SIZE只係比隔離既冰大少少 /口\不過我最不解既D壽司左手邊係海膽墨魚壽司~~~我都仲可以接受到但有乜理由右手邊果個竟然係花之戀 :0我接受唔到囉!!!最後有個姐姐走過黎話LAST ORDER叫我地叫甜品張紙上面又寫住要等15分鐘結果我地就叫左一個雪糕 一個OREO木糠布丁點知點知唔晒5分鐘就到問題係男朋友叫左既烏冬仲未到男朋友無奈地先食甜品....到左最後 個烏冬都係冇出現到 ORZ最後男朋友話第一次食放題係食唔飽人~0~…Read More

由於本人生日在本月，女友問想點慶祝，我又好耐無食過放題，所以想食放題。咁係網上見到呢間放題做緊團購，$128都算平，食物又好似幾咁胃口，所以決定去試下。昨日去到，由於早已book左位，所以唔洗等就入得，其實我地仲係早到左15分鐘，佢都即刻比我地入。抵讚一入到去例牌狂點野食，一口氣入左七張紙食物，等左幾個字，食物開始上枱。上菜速度ok啦！因為知道放題一定會漏單，所以我已經入第二輪單，前後入左4次單，第一輪單的食物黎左7-8成，第二輪只有5成，第三輪只有3成，最後一張單直頭無黎，總括黎講漏單情況都幾嚴重。:(食物質素，只係一般，刺身體積細，只有三文魚刺身的體積ok，希靈魚，油甘魚，甜蝦刺身的體積都偏細，但做放題呢個情況可以理解。但刷身不算好新鮮。:(壽司算ok啦，D飯唔會一夾就散，上面的魚生體積比刺身大，只係同刺身一樣不太新鮮。炸物係比較好的一樣，炸得好脆，有汁比你，特別係炸蝦又脆又熱，算好食，只係蝦比較細隻。:)燒物只食了少許，味道比較濃。烏冬好味，份量又唔少，但有些配料係凍既，明顯係就咁放上去，無煮熱。:(凍芝麻醬豆腐沙律，個豆腐好滑，芝麻醬又好味。:)飲品：如果唔飲汽水，只有蜂蜜綠茶同沙冰，但係昨日無沙冰供應，所以我同女友都只係要蜂蜜綠茶(因為我地都唔飲汽水的)，飲品上得好慢，杯蜂蜜綠茶唔係好甜，但係杯野唔似蜂蜜綠茶，無乜蜂蜜香味，我只係覺得係加左少少糖既綠茶。:(總括黎講：只會去食一次，一試無妨，但係好難會再試第二次。…Read More

跟大胃朋友食飯,最好當然揀可任食既餐廳啦.記得食過大和燒係幾OK既,仲有團購價,不作他想,一於覆卓.食物選單有7-8張紙,我地狂風掃落葉下點左幾輪食物:火灸壽司系列-左口魚背邊,深海赤鯥,日本魴弗,蔥蒜三文魚茶漬等, 赤鯥即係板X壽司賣緊廣告那種魚,食落冇乜特別,不過好驚喜哩度有得食.三文魚茶漬幾特別,蔥花微香,加上少少焦味, 層次感豐富,good既!魴弗魚魚紋幾明顯,初時以為係腥既,食落又好彩冇,但唔算滑,唔係人人喜歡.左口魚背邊一向係我至愛,微焦香+魚油=滋味無窮,我推介朋友食過後大家都有encore.其他較特別既壽司:安康魚肝,三文魚士多啤梨醬,玻璃蝦等, 加左stawberry醬既三文魚幾sweet, 女士一定鍾意. 魚肝壽司唔敢食,因為個人唔多食內臟,友人們食後感係.玻璃蝦一如以往大隻, 蝦肉彈牙,like~卷物點左特別d既:芝麻香辣三文魚碎卷及火灸蟹肉魚生太卷,前者飯邊圍哂芝麻粒,好香口,唔會太辣,幾好; 後者蟹肉幾多,伴上沙津醬同飯中魚生鮮味倍增,比較下後者險勝!刺身今次等得耐左, 不過賣相好靚,估唔到佢用船上.8款任食刺身點齊, 魚生片幾厚,唔小家.唯甜蝦細隻d.北寄貝呀,鮑片,螺片都有嚼勁,希靈魚仲切得好大片,但個人唔太欣賞此魚類, 咬一啖就放棄.炸物點左吉列蠔及吉列海蝦,炸粉再薄d就好了, 好難跟貴價日本料理比較,但蠔及蝦都都夠熱,蠔保留到肉汁,幾juicy,3個蠔癡第2轉叫左8隻,好誇張 蝦又脆又香,只係細隻d.燒物今次冇左蒜片燒牛肉粒,勁勁勁失望呀點左燒茄子,燒菠蘿,燒粟米,串燒花枝丸等, 燒粟米比較失準, 未熱哂,又冇焦味,扣分.環亞美食叫左豬大腸,青酒煮蜆,辣花螺,前3樣份量都細左,可能初落單時寫2人,要注意.6寸薄pizza皮勁薄喎,冇咁滯肚,味一般啦,有hawaii及粟米tuna,要趁熱食先好味食左近一個鍾,已經9成飽了, 死都唔肯放棄既係北海道牛乳奶凍及木糠布甸.個奶凍細兜左可能今次係團購價,每日限量供應,食左先算啦,好彩味道依然.木糠布甸份量不變,一杯滿既都食左8成,肚皮唔得了,友人們又食雪糕又食brownie,我又係得個睇字,不過肚皮已經好滿足,友人們食多3個字先收手.睇佢地個樣就知應該冇投訴.…Read More

今晚諗住去呢間試下食放題，點之貼錢買難受，服務態度非常惡劣！我地7：00多到，冇book 位一去到就有位坐，以為幾lucky,點之換梨一肚火！坐低點晒野，遲遲都冇野到，點十樣梨得一樣，係＂放題任點＂丫，不過唔＂任食＂law，因為跟本冇野到！少食物揀，等候時間長都算la,最差係喺收銀處既一個穿黑衫男waiter,態度極度惡劣！野食遲，火鍋冇gas,我叫極都冇人理，果個黑衫男waiter仲要寸寸口叫我地唔好complain 話最驚人投訴！甘嘅服務態度點會冇人complain ?究竟咩服務態度？客人比錢食野，仲要受氣！唔比追單？唔比出聲？如果係唔比人追單，投訴，不如放個牌喺門口，叫人唔好投訴，甘我仲選擇入去就係我抵死啫！我知可能係其中一個害群之馬態度差，其他人唔係甘。但我希望老闆可以正視下，要知客人食野唔係一定要服務員恭恭敬敬，但最起碼既禮貌，尊重要有law! 甘既態度一定留唔到客！今次係一次好差既體驗，我以後都唔會再去呢間食放題！各位如要去試請三思，最好比定個底，有咩不滿都唔好投訴，因為冇人理你ga!…Read More

我的朋友慶祝生日，打算去呢度放題食，之前中午已訂好位，晚上齊哂人就很快入去坐，我們點完菜後，有送出刺身,,牛肉串...，那三文魚刺身不新鮮，有雪味，真失敗，其他食物方面還OK(不是很好食)，個火鍋食完後打算再點另一個藥善雞鍋，等了很久未換上，問了樓面三番四次先換到，已經等了40分鐘左右先換到，唉。鐵板炒雜菜有很多油，看得出馬馬虎虎地炒出菜，完全無用心去煮...炸物還出油味，那天婦羅蝦太濕不夠脆。下次以後不會再去這店食放題。…Read More

想起已有一段時間沒吃放題 自不然口癢癢了 不過腦中浮現的.. 總是那幾間放題店的名稱.. 吃也吃到悶了結果到網上找找看 發現了這間很少食評 但以正評居多的放題店 打電話去問價錢 意想不到的便宜 還有免加一優惠 一到店面 環境裝潢十分滿意 待應態度也很好以我不食虧的性格 當然二話不說地點了大量刺身想不到的是 寫的量與到的量是相同的 !!看著厚切嫩滑的三文魚 被冰晶似的碎冰襯底 加以美女待應親切的笑容未吃 心已經先興奮起來了結果當然不出預料 三文魚新鮮 嫩口 沒有過份的雪藏 加上有碎冰在底 溫度適中 上品也再吃吃其他的食品 .. 全部都有一定的水準串燒雞柳 汁燒魷魚 生蠔 鰻魚壽司 蕃茄三文魚湯 都值得一試!!更特別的是..有 鹵水食品 及 蠔餅 味道也不錯但當然也有美中不足之處1. 甜品只限每人二個.. 也太小氣吧:(2. 生蠔味道鮮美 可惜後期再點 有兩只都有沙粒3. 薄餅 極難食 4. 飲品太差.. 除了汽水可以說是沒有選擇了:(總括來說 這是間相當不錯的放題店一刻間在我心中地位升上了頭三絕對有下次 且值得推介!!…Read More

經團購見到佢地係除夕都可以優惠價食放題, 所以即使知道旺角d放題唔多掂都貪平買2張去食番個除夕大餐.之前都俾其他旺角放題店嚇親, 好似之前已寫過食評既火X, 真係好差下. 而且呢間又未試過, 即使見到有好評都心驚驚, 不過冇計, 除夕夜度度貴又多人, 儘管再試.訂座係經團購網上訂的, 店員亦有在除夕夜re-confirm, 一讚! 因為通常店舖對團購客係唔會多理你既:)不過去到都要再等15分鐘至有位, 而walk-in就要夜d至有位.入座後第一件事係落order, 刺身係必食, 亦order左熱食同drinks. 是夜全晚滿座, 待應好忙咁行黎行去, 但係上菜既速度亦都其快, 5分鐘後第一碗刺身已到, 碗係因為佢係用冰墊底上, 刺身數量冇小, 亦好鮮下, 絕不張貨就價, 讚:)之後其他order亦都陸續上枱, 無需追單.食物方面: 要讚既係油甘魚, 真係好肥美, 食足3轉, 仲有就係火灸燒三文魚壽司, 本人認為係必食, 因為又係好肥美, 比起三交魚刺身更好食, 而家諗番都想再食!!!仲有鐡板牛油燒生蠔, 係咁意燒下, 同生既冇分別, 重要任食, 簡直回本呀!而佢既蠔餅, 塊蛋餅味道同廟街差不多好味, 但係唔知係未唔記得落蠔仔, 完全食唔到囉:( 同埋個金菇牛柳卷係冇味既:(甜品雖然話放題, 但order時每人只限2款, 重要係唔同既兩款, 取巧左囉, 以為真係任order家嘛我就order左大家都讚既北海道3.6牛乳, 真係好滑好香但細杯左d, 同埋木糠布甸都係好食既. 而團購就再每人送一杯dreyer"s雪糕, 出面賣都成$20, 抵晒!總括: 食物質素同味道係不俗既, 待應好好服務態度同上菜好快, 食完係滿足既同會再幚襯, 唔似其他旺角放題咁no next time囉…Read More

前排係yahoo見到呢個團購 之後見佢$128就買左 服務$加13 五,六,日另加$10 本來見佢有聖誕可訂位==點知23-26,31比人訂曬了,,只好訂左28 ,,,bo左 9點-11點個團購係上網bo位,,,,,明明曬num 姓名,,電話.......成個星期,,,27號仲未打來通知就打左好幾次去問話幫我查,,,,,查查查==唔吹佢都唔查 ,,,查完仲話唔同姓,,,,吹脹,,,不過好彩都有位==刺身方面 ,,,,,,,正a.a"補返數 三文魚大大舊 ,飽片都好爽口 甜品><"正 呢方面真係值得推介壽司都幾多,,,a.a花之戀,玉子,蛋,蟹柳, 仲有好多..,不過我唔食開生野><腐皮壽司.....還可以平時去食果dd飯大大舊== 呢間好適中 不過d飯一夾即散沙津,,,冇叫個 番茄湯......好難飲 蒜片牛柳粒.....冇味==燒生蠔......都係冇味.......(唔通我冇左味覺.....)辣酒花螺...唔錯煎蠔餅....都ok滷水鴨舌...第一次食.....唔識廣滷水雞亦,紅腸 ,,豆腐 ,,,好掂 可推介燒牛肉,,,,,果晚冇 想食冇得食燒雞翼....第一次食冇味雞翼燒菠蘿....又一推介燒玉米...冇叫@,@炸蝦天婦羅 ,唔錯 可接受仲有花芝丸 唔錯 可推介火鍋大飽沒有試了甜品方面 試左木爆布甸 ~~~可推介 另一款係團購雪糕><正 (正常選雪糕係雀x)漏單方面算係咁,,,來少一兩樣 不過聽到其他椅有追廣真 服務方面 如果100分我都會比90 因為員工服務真係好好 收碟好快 好有禮貌食物方面.....我只推介魚生==燒波蘿滷水品,,,好多野都冇味同好多油下次都係選第間好了野食好少選擇..........…Read More

隨着[放題]之質素及服務每況越下,已經少食了,上星期經唔起朋友再三邀請, 經一輪比較下揀左哩間[大和燒].簡而精地講講意見:1)刺身大大片, 唔小家,味夠鮮2)沙津好大碗, 其中一款有大大粒蘆薈肉, 好健康!3)壽司選擇都幾多,迷你花之戀，玻璃蝦，大北寄貝等等， 最正竟然有劍魚群邊,好滑好多油花, 食下滿嘴油香, encore左1次。特別一提，壽司全部由師傅手握，飯煙韌，跟魚肉比例適中，要讚！4)燒生蠔不得不提，上卓時香氣撲鼻，芝士微焦，蒜汁香濃,正呀～～～食左２－３轉都咁好味！5)第一次於日本放題有港式食物如:辣酒花螺, 煎蠔餅, 老水鴨胸等, 花螺夠辣(朋友食得辣我冇食),煎蠔餅少左份油膩，仲食得出日本麵粉所整; 鴨胸肉大大片,老水汁味適中, 再濃d更好. 6)燒牛肉/蒜片牛柳粒都唔錯,牛肉味濃冇筋,唔會有渣,燒 雞翼皮脆肉嫩,又再encore；仲有燒菠蘿，燒玉米，唔會太乾身，食到水份，只係玉米唔夠甜。７）甜品我只食北海道３。６牛乳奶凍及木爆布甸，牛乳濃滑，仲係大廚自家製貸色，只係唔夠凍，似唔夠時間雪；木糠布甸合格啦，太飽了只食左幾啖。雪糕都食唔落，明知有dreyers都被迫放棄鍋物冇點，因為已經好飽，心有不甘，一定會再來，想挑戰麻辣鍋…Read More