大吃一番 (Closed)

因為openrice評語幾好，咪黎試下囉！ :(我同老公黎到，條四眼侍應一句歡迎光臨都無，就指住張枱話坐埋一邊呀！一陣會有人搭枱(但到走果時其實都係得兩個人入黎…)！……其實仲有咁多位，點解一定要我地坐埋一邊呢:(？唔緊要，我地都好聽話咁照坐埋一邊，但佢兩部冷氣只開一部，我就問四眼侍應可唔可以開埋另一部冷氣，佢黑口黑面唔答我咁去開部冷氣…之後拎2杯水黎，有1杯係放低既時候倒瀉左好多水出黎但又唔抹……唉…其實咁既服務態度會唔會太差呀！？本身諗住食物質素先係最重要…點知個拉麵同烏冬黎到…食都未開始食…唔夠1分鐘…就已經漿糊咁……同好咸…我食左幾啖，咸到我要加半杯水落去先食到…個四眼侍應見到都完全無反應，完全無諗住加d湯俾我！…唉…環境又熱，麵又無湯又咸，又俾人黑面…邊會有客想再黎呀:(:(？四眼哥哥你成功啦…你黑口黑面咁唔想做，應該好快執笠唔洗做架啦～…Read More

又約左朋友仔齊齊加操是日目標係我最愛既烏冬X 最邪惡既芝士!!!大約晚上7點15左右到因為呢度都離地鐵站有段距離加上主要係D唐樓/屋村住宅區, 人流唔係好多去到唔使等位就直接入得先睇下MENU要讚下個MENU, 設計得好精美!!令食客可以FOLLOW佢個STEP黎挑選想要既野..好有心機!一打開係先有7款湯底而侍應小姐都非常recommand人地食「芝士龍蝦湯」底不過我自己其實對龍蝦湯麻麻地於是都係叫左個芝士湯就ok喇配料方便, 揀左呢度最出名既芝士流心豬扒試下係咪真係咁堅先!!除此之外仲叫左溏心蛋, 大家都對呢款蛋好有興趣~hahahd烏冬係用石鍋上枱既, 所以一拎黎不停滾呀滾呀超級有氣勢!!不過由於有芝士, 滾多一陣好快會痴底所以快手影完相後好即刻撩下佢喇烏冬非常軟滑有咬口湯底方面, 我呢個就好明顯既牛奶芝士味, 好creamy既感覺而朋友仔既芝士龍蝦湯味道會濃烈d, 芝士味冇咁重配料亦有齊昆布, 白色圈圈魚蛋同木耳絲身為烏冬怪, 我覺得係中上既水準! 至於豬扒, 不論味道/口感都係水準之作唔o鞋, 亦唔會炸到乾爭爭不過佢既流心芝士係一塊同一塊之間咁夾住而唔係好似台灣個種有芝士塞左係d肉入面個種但整體係唔錯~~總括, 以街坊小店黎講, 呢度係水準之作, 值得一試!…Read More

大吃一番係少有小新同愛麗絲會成日番去食既鋪頭，原因真係好簡單，因為真係好好食 鋪面設計好有小店特色，俾人一種朋友gathering既感覺 ,而且份餐牌都好有特色 ，好colorful,而且公仔都好得意，睇得出放左好多心機係入面。 有好多既湯可以選擇既，我地最經常就會睇芝士,龍蝦,芝士龍蝦同埋蕃茄湯。  小新最鍾意蕃茄鳥冬;愛麗絲就會鍾意芝士龍蝦烏冬。 簡完湯之後就去到簡主食啦，今次一樣都係有好多既野簡既，今次小新就食流心豬扒;愛麗絲就食海鮮佢上菜時會用石頭窩帶上，所以真係好熱，記住小心啲!!芝士龍蝦湯有好濃既芝士和龍蝦味，真係好好食，次次都會添湯，而且啲待應都會好樂意幫手 蕃茄沒芝士龍蝦湯咁濃味，不過就有番啲清清地既味道。 主食方面，流心豬扒好簿身，唔會有太多粉，不過啲芝士就少左啲，但是同豬扒一齊都係正 海鮮份量多，而且唔同既野都有啲，肉質亦都好滑口，唔錯 ps.不過啲湯質素好似有所下滑，希望可以一路keep住個水平啦…Read More

今日去左"大吃一番"食LUNCH小店內只有大約二十多個位, 唔算大, 入到去即時聞到好香濃既味道, 而且見到多數的客人都係食緊石頭鍋烏冬~香龍蝦湯底石頭鍋配吉列流心豬扒手打烏冬石頭鍋內的龍蝦湯送到時好滾, 個湯濃度剛好而且好鮮甜, GOOD。手打烏冬好有咬感。豬扒好鬆化, 中間夾住芝士, 好好味!龍蝦湯底石頭鍋配海鮮手打烏冬海鮮都好鮮味。 湯底鮮甜唔錯唔錯, 下次再離試其他野食~…Read More

香港人每逢聽到「芝士」兩個字就會好雀躍，就好似之前大熱既芝士熱狗，芝士豬肋骨咁。今次聽到「流心豬扒」就心諗，嘩！咁犀利，有芝士係豬扒中間流出黎，實要試下啦！大吃一番係長沙灣地鐵站行過去都唔太遠，加埋有goggle神既幫忙，所以都幾易搵到。鋪頭既餐牌好得意，用自己畫既卡通公仔去表達點樣菜，同埋有咩款揀。Step 1:揀好自己想食既湯底，我就揀左蕃茄湯；朋友就揀左芝士龍蝦湯。除左呢兩款之外，其實仲有其他湯底，實行任君選擇咁話😂Step 2 :揀材料！我就揀左流心豬扒；朋友就揀左大吃一番，另外有豬手，牛柳粒，海鮮，蔬菜呢啲（其實我係牛柳粒同流心豬扒中間諗左陣先下決定😝Step 3 :最後就係揀要飯，拉麵，定係烏冬🙆🏼佢地呢到既烏冬拉麵或者飯麵係用石鍋上，熱辣辣，冇咁易食幾啖就凍晒唔好食。 再或者可以俾多15$變餐，有得配小食同飲品咁。朋友嗌既芝士龍蝦湯大吃一番拉麵我試過佢個湯，都幾香，加埋熱辣辣咁上，就唔會覺得好漏🙈不過，所謂既大吃一番，材料就比較冇咁吸引嗌！好似係豚肉，溏心多咁樣。最弊既係，「一啲都唔漏」呢個形容詞，只係適用於熱食既時候，當個拉麵開始唔再熱既時候，佢個味道就開始愈黎愈濃，愈來愈咸，重口味到呢🙈🙈另外，我叫既蕃茄流心豬扒拉麵。拉麵同豬扒係分開上既，豬扒係唔錯，可惜佢係夾心，而唔係流心。本身拉麵入面亦有好多料，包括左有蟹柳，日式魚蛋，紫菜粟米呢啲。整體都唔錯，只係，真係太重口味，太咸啦！愈食就愈咸，咁樣唔係幾健康喇😂😂😂…Read More

最近好多朋獲推介 所以特登去試下 好彩等左一陣就入得去 唔係女友又之之左左  8個湯底有d花多眼亂 基本嗌個高級d湯底實冇衰 我就叫左個流心豬扒芝士龍蝦湯烏冬 相機食先基本功 一時唔記得摷亂哂女友就唔影啦 仲俾佢hi左兩野 不過龍蝦同芝士出奇地夾 響個熱鍋入面陣香味聞到都流口水 豬扒入面芝士唔係拉絲果隻 味道較濃 應該唔止一種芝士 不過有d龍蝦腳殘骸 小心d食 女友就食醬燒豬手豬骨湯烏冬 豬骨湯有雞味 幾特別 豬手冇骨我女友唔敢連皮食 我勇者無懼 識食一定連皮食 骨膠原呀嘛 個汁都幾深色 諗住好咸但最好原來有少少甜 之後叫左個蛋 蛋黃半凝結 軟綿綿偏甜 好過有d流哂出黎齋食蛋白 章魚丸都幾重料 木魚碎基本上遮曬碟野咁滯 同好明顯有章魚響入面 雖然冇咩特別 但係d沙律醬有唧出心意 最後白玉丸子冇咩味 d黑糖醬同黃糖先係主角 但女友話呢d係正常 hi我兩句話我唔識食 但我會再去呢度試埋其他湯底 證明我識食 …Read More

位於長沙灣的大吃1番 是家很溫馨的小店 店裡位置不多尤其是晚餐的時間 很快就會客滿了不介意的 可以在門口等1會兒 1起來支持1下小店吧!!坐下來之後 很快就選好吃什麼了 當然是要試試這裡的招牌流心豬排烏冬 流心豬排當然要配上豚骨湯才是皇道啦 選完之後就開始期待著囉!!整家店的佈置都是簡簡單單的風格 2邊都有大大的黑板來介紹自家的食物和小故事所以在等待的時候1點也不會沈悶 因為有很多東西可以看 把等待的空虛都填滿滿因為每個石鍋裡的料都是現叫現做的 需要1段時間的等候而石鍋方面是預先放在烤箱裡的 所以整個鍋物是超級燙的 千萬不要碰到它喔!!應該是直到吃完還是不要碰到它 因為石鍋的保溫程度是可以非常久的終於等到我們的到了 鍋物上來的時候1直呈現冒泡泡的狀態 1直盯著它看直到泡泡開始靜止後才拿著湯匙搖下第1口很濃的豚骨湯把烏冬都煮得很入味 而且也很配合到烏冬本身很Q軟的口感喝過湯頭 吃過烏冬後 就來試試流心豬排的味道了 1口咬下去裡面的起司就會順著流出來了 這1定要先吃完 不然待到起司冷掉之後就會凝結起來 變得沒那麼好吃的喔 所以在熱騰騰的情況下 先把它吃光光吧!!有時候小店的經營真的會比較有人情味 不單單是食物所帶來的滿足更多的是店家給你1個怎麼樣的感覺 所以有空也來感受1下這邊的溫馨吧!!…Read More

 之前經過想試下，不過多人無排隊今日又行開⋯終於有機會試下一行三人。。叫左3款吳同口味可以試多幾款野我選了豬骨湯。。就覺得無咩特別個人覺得朋友的蕃茄湯底比較出色不過個湯嘅味道如果可以再濃d就更good 👍流也豬扒都ok..👌…Read More

好耐無幫襯這店舖，我以最愛吃這裡的吉列流心豬排同醬燒豬手，通常都配烏冬加蕃茄湯底，但今次的外賣令我非常失落，因為味道同以前的完全改變，先講吉列流心豬排內的芝士，從前吃的芝士拉出一絲絲芝士的，未吃落口望到已很開心，但現在的給我感覺像是芝士汁加忌廉白汁的液態流心，望到未吃已失望傷心，其實味道還可，但已不是我其待的味道，若大家想看以前豬排的賣相，可找回他人-舊有食評分享的照片以作比較，湯底也差了，不再感到新鮮的蕃茄湯，像普通羅宋湯加半個蕃茄般簡單，已79蚊的價錢外賣這一碗烏冬，絕對不值，希望店主可正視問題，我並不覺得像你口說的因為舊有芝士像吃刷子膠，而作出今次的改變，希望日後有機會吃回往曰的美味。另外講講上次的醬燒豬手，味道保持軟甜入味，但份量時多時少，有客人還即場投訴呢，店内環境比以前少了唯一緊有的電視機，枱也少了一張，其餘也沒甚麼特別。…Read More

久聞大吃一番的石頭窩烏冬, 可惜一向甚少踏足長沙灣所以無緣相會。這天剛巧要到附近辦點事, 終於有機會一試。大約19:00到達, 馬上就能安排入座。小小的店約有二十個座位, 空間頗為狹窄, 加上大部份食客點的都是石頭窩烏冬, 感覺很侷促, 後來請店員把冷氣調較了才有所改善。這裡的石頭窩烏冬湯底選擇頗多, 有豚骨濃湯、黑芝麻、南瓜、龍蝦、番茄、芝士等等……等了十多分鐘, 我的牛肉龍蝦湯石頭窩烏冬終於來了。湯底不錯, 上桌的時候牛肉是生的, 沸騰的湯慢慢把肉灼熟了, 入口剛好不會過熟。烏冬的質感很滑, 可惜石頭窩的熱力令烏冬變腍了, 個人不太喜歡這樣的口感。…Read More

每日到午飯時間都會懊惱食咩好, 雖然荔枝角工業區內都有不少餐廳, 但係真係好難選擇。冇可能日日去飲茶, 也不能日日食譚仔, 但d茶餐廳又唔爭氣, 唔好食不在話下, 最慘既係好嗱揸, 碟反送到枱上, 可見到碗碟邊仍會黏住d上手食完反而又未洗乾淨的飯跡, 見碟飯連食慾都冇哂, 呢d茶餐廳己被我地black list咗, 永不錄用。所以呢, 揾食真係唔容易嫁。 今日唔多嘢做, 同同事一齊行遠d揾食去 ~ ~ ~ 居然見到一間完全唔起眼的小店外有數人在等位, 好奇心驅使下, 我地又走去睇下, 原來係食烏冬的, 再望下餐牌。 哇!價錢都幾貴, 要成六七十蚊一碗烏冬又冇嘢飲, 同時, 比我地發現有午餐ga la, 好啦, 決定一試。 小店內只有大約二十多個位, 唔算大, 入到去即時聞到好香濃既味道, 而且見到多數的客人都係食緊石頭鍋烏冬, 一問之下, 原來佢地係食單點既香龍蝦湯底石頭鍋烏冬。好啦, 貴就貴啦。 我就叫香龍蝦湯底石頭鍋配吉列流心豬扒手打烏冬,。同事就叫咗龍蝦湯底石頭鍋配海鮮手打烏冬。好心急呀, 因為製作需時, 我地等咗大約 20分鐘, 食物先送上。哇哇哇, 石頭鍋內的龍蝦湯送到時仲好滾, 好勁呀, 先試下個湯先, 濃度剛好而且好鮮甜, 好正。烏冬真係用咗手打烏冬, 好有咬感。塊豬扒亦都好鬆化, 中間夾住芝士, 好好味呀。而同事果個D海鮮都好鮮味。 另外, 幫另一同事買咗個午餐C轉手打烏冬, 我見D 手打烏冬都幾正, 就算加$10都可接受。話哂都加咗$10轉手打烏冬, 返公司路程又遠, 我咪要求分湯, 點知服務員話, 午餐不能分湯石頭鍋就可。我即時呆咗, 點解唔得呢 ? 我就問服務員, 我加外賣碗錢, 你幫我分湯吧。最終都分了湯。…Read More

上網見到呢間comment都唔錯,所以今日經開就試下.舖不大,去到時要門口等一等先有位.見到有胡杏兒同黃宗澤的相,佢地以前竟然會黎呢度食..??坐低後,見到有好多湯底揀,最後試左一個豬骨湯叉燒同南瓜湯豬扒烏冬.facebook打卡有小食送,送左一個薯蓉.ok la.等左一陣,先黎左豬骨湯的,石窩上,好滾,熱辣辣.烏冬質感ok,但叉燒不多.後尾南瓜湯都上了.好濃南瓜味,正!反而個招牌豬扒,好薄同"鞋",唔好食.:(價錢其實唔算平,同甘味有得fight,選擇不算很多.冬天都可一試!但未必再試...…Read More

前兩次想黎食都唔成功一次係無開一次係太夜趕唔到LAST ORDER今日終於專登早D 6:30就到左但原來開7:00 (OPENRICE要改時間啦)唯有周圍行下.....雖然附近無野行我叫左我每次都會叫既牛柳粒烏冬(豬骨湯底)男朋友就叫左海鮮烏冬(芝士湯底)跟餐有薯蓉食,個薯蓉其實一D都唔特別,不過我就都鍾意叫黎食牛柳粒烏冬(豬骨湯底)除左湯底好濃好好味之外,我覺得佢既牛柳粒都值得欣賞,好冧唔會咬唔開烏冬都好有口感,好彈牙芝士湯底唔會話好漏,都好香D海鮮既份量好多,好似食唔完咁真係好鍾意食呢間野我諗我第8次倒黎食,每一次既水準都係一樣,唔會話一時好一時差加上價錢都唔係貴,我應該會繼續KEEP住食…Read More

入到店子裡雖然細小，坐位大約有二十幾個到；但和家人一坐著感覺都頗舒服；所以好快地揀選我們想吃的＿。首次我點了一客龍蝦湯底的海鮮拉麵，其後家人各選一客招牌手打烏冬及牛肉鳥冬；再加上一客流心豬排！（這是店子推介之一）真是十分期待。等了8~10鐘到，每碗熱滾滾的石碢烏冬同拉麵送到過來，看著大大碗，很滿足哇！跟著開始食呢碗拉麵已經俾龍蝦湯底吸引了。而且份量足料，味道鮮甜，令我一試難忘！再食店裡的流心豬排，咬了一口，脆滑香口仲有滿滿的芝士流出，值得推介！食完後價錢都覺得ok。所以有機會再約去食先:)22~04~2014 芝…Read More

根據香港人心理，要排隊的餐廳也不會差到那裡去，這晚，我們又被這門口（的人群）吸引住。由於店面不大，我們花了三十分鐘才入坐。　　在長沙灣這個小區有間日本餐廳，打開餐牌，當然希望有一點不一樣。湯底是麵食的靈魂，大吃一番主打多款湯底，豬骨、蕃茄夠正統；南瓜，木瓜、芝士、黑芝麻、龍蝦夠特別！其實好像最少有十款味道，但多得我也忘記了。我選了芝士吉列豬扒配龍蝦湯底，友人選了牛柳粒配蕃茄湯底。侍應首先端上芝士吉列豬扒，半溶的芝士加上不厚粉的的賣相實在吸引，相機吃過後，我立刻把它放進口中，芝士加豬扒是好朋友所以味道不錯，可惜豬扒是薄切，毫不油膩卻乾了一點，但湯底搭夠，也對得起價錢。　　烏冬也隨後端上，大吃一番深明「工欲善其事必先利其器」的道理，要做個不平凡的烏冬，器皿也重要！怎麼烏冬底可以藏有一個温泉口，湯面會斷冒泡泡呢？因為大吃一番用的是石頭窩。彷彿卡通片裡一樣，香氣形成了一條白色的軌跡，緩緩飄到鼻裡，食客立刻食指大動。其實石頭窩還有個非常重要的作用，就是在吃完整個烏冬之前，整個食物還能保持温度，唯一是要小心燙手。感受到熱騰騰的感覺嗎？　　吃一口龍蝦湯底，你會想像到店家用了大量龍蝦去打造出鮮甜的口味，湯底比龍蝦忌廉湯少一份鮮奶忌廉味，多一份鮮甜味。而友人的蕃茄湯有少少酸味，而且夠濃郁，如果比起那間中環因蕃茄湯粉麵而有名的店舖，我覺得這間比較優勝。另外牛及蕃茄的作愉快，牛柳粒是又嫩滑又入味没錯。滿意的一餐，最後兩人結帳200元有找。　　要在冬天做個受歡迎的食物，熱氣騰騰要重要元素，大吃一番烏冬，吃一口立刻暖在心頭。…Read More