大利咖啡店

Sometimes when we can’t think of what to eat, we will go to this cooked food market for lunch. This market is located in between Causeway Bay and Wan chai. It’s quite close to the Time square and easy to find. There are different kinds of food here. My favorite restaurant is this “dai lei” coffee shop, they provide variety of food and most importantly it’s cheap!Today I have ordered fried noodles with spiced pork cubes. Really taste good. Large in size.…Read More

灣仔呢個鵝頸橋街市，係我細細個食到大既，今次介紹呢檔係比較港式既茶檔，入面都有好多中式既美食，炒粉麵、小菜等都唔錯，但我就經常食呢個常餐~ 就係沙爹牛肉麵、火腿奄列、多士配凍檸水啦~ 點解我要極力推薦??? 因為本人覺得呢個沙爹牛肉麵算係咁多餐廳中，其中一間有質素既沙牛麵。上枱啦~ 上枱啦~ 佢呢碗沙牛麵份量比較其他餐廳多出一倍啊!!! 佢既沙爹醬真係非常之香又惹味，牛肉就好嫩滑爽口，唔會煮得過耐，麵底就係普通既大光麵，成碗野真係好食到連湯都飲埋，跟住到個火腿奄列啦，你地唔好以為呢個火腿奄列好普通，雖然佢既份量冇荃灣個一間咁大，但佢個蛋既份量同埋火腿真係唔好睇少啊，另外佢係用多士嫁，唔係普通方包，呢的細心真係加分，再加埋一杯凍檸水，我相信你食完呢個餐之後，已經係飽住個肚走，都係$35蚊。而且服務亦都好好，所以呢一間街市檔，係我極力推薦既食沙牛麵檔之一，正啊~~~…Read More

今日下午響灣仔見完客，趁仲有時間，去左鵝頸橋街市上面熟食中心，揀左呢間大利咖啡店食午餐。下午3點，差不多仍然有8成滿，衹好同其他人搭枱，點左個星洲炒伊麵同凍奶茶，星洲炒米食得多，又試下炒伊麵睇下點，先黎杯凍奶茶，勁多奶。大約十分鐘，伊麵來了，份量比同枱其他客人所點的碟頭飯細好多(呢度D飯超大碟)，星洲伊麵D料當然同星米一樣啦!有蝦，叉燒，蛋呀!不過換左伊麵，變得好油好膩，一D都唔好味，結果我食左半碟已經頂唔順，其實碟麵師傅炒得夠鑊氣既，衹不過配伊麵太油膩，換返米粉應該會好好多，今次因為自己試新野，出左事啫…Read More

今日同爸爸上嚟食晏 ，佢食海記蒸魚， 我就叫咗大利咖啡店嘅 涼瓜菜脯煎蛋飯 。海記做得好大方，兩個人坐响佢舖面一人幫襯佢另一個可叫隔離舖嘅食物一齊食，重要主動問你要唔要例湯！人情味就咁解！！！碟飯一嚟到 真係畀佢嚇親 ，個煎蛋巨型到完全遮住曬啲飯 根本多到食唔曬 ，賣相十足一隻UFO。食嘅時候 耍鋸開一塊蛋 才可以見到裏面嘅白飯，本身涼瓜炒蛋已經好送飯 ，加埋菜脯粒簡直係11分 。到最後都係食咗三分二， 唯有比多1蚊買個外賣碗帶走。碟飯價錢只係42蚊 ，足夠兩個女士食。…Read More

朝早食早餐喜歡嚟鵝頸橋街市，平民抵食又唔駛迫。食物味道同水準好過好多茶餐廳。呢度早餐30蚊有找，但份量同質素可謂超值。大大塊吉列魚柳，外面鬆脆，裡面香軟，絕唔油！而且有汁的⋯ 真心未試過咁好食的炸魚柳。咖啡簡直一流，香氣濃郁。…Read More

和愛人來這裡是為了食我喜愛的星洲炒米，可惜樓面工作人員話今日廚房休息一天，只供應茶餐，蒸魚飯和燒味飯。我便一試他們的吉列炸魚柳配香腸炒蛋加多士，跟凍檸檬茶。等待時有點長，不過上餐時都很有驚喜。吉列魚柳大過我塊面，熱辣辣，即叫即炸，魚肉算鮮嫩，點一些沙律醬入口，甚麼不快情緒也煙消雲散。原來做人真係可以好簡單，我想這就是知足常樂吧。:)…Read More

鵝頸橋街市熟食市場， 午餐時不時食，早餐反而第一次試， 叫了雞翼公仔麵加奶茶。$26， 算抵吃。奶茶一般茶餐廳水準，反而雞翼麵有驚喜， 麵是普通，但雞翼大隻， 一碗有3隻， 上枱時雞翼還熱辣辣， 小心燙口， 雖然放在湯麵上， 但食時還脆。 很多餐廳雞翼都是返炸或一早炸定，又凍又乾。一早有鮮炸大隻雞翼，少有！ 惟一彈，雞翼不大入味，中間淡味，好彩外脆有肉汁救回評分！如起得早， 會再食。…Read More

去改衫又未夠鐘飲茶，過左隔離熟食中心坐下食d野先多士餐（$20）：果醬鮮牛油多，奶茶，媽咪話好食三文治餐（$24）：蛋牛冶（餡少左d）味道不錯，熱檸蜜，差不多成個🍋比晒你爸爸只叫了一杯奶茶，後來見到媽咪份果醬鲜油多咁正，又encore多一份（$20）仲見到其他野食，下次得閒又去試下先…Read More

最值得讚的, 是用麥包做多士, 不是用白麵包, 喜出望外. 可是加了牛油又變返無咁健康.炒蛋很香, 微鹹不用加鹽魚肯定是即炸的, 因為等左好耐, 入面仍然燙口香腸和奶茶一般.…Read More

途經灣仔，誤打誤撞，上了鵝頸橋熟食中心，環顧一周，揀了大利。點了茶餐廳標準食物：茶走，奶油多和蛋牛治。嘩！蛋牛治蛋滑咸牛肉香，即時尋回兒時的記憶。奶油多也出色，厚麵包，外脆內軟。可惜茶走令人失望，無煉奶的甜滑，感覺上只是一丁點煉奶溝了大量糖水，差不多破壞了整頓下午茶。…Read More

久未過海, 而這一次的過海飲食, 竟然是我新工作的第一章. 當日的約會是4點. 不過, 出席這些重要約會, 我總會提早到達現場. 提早到的一刻, 當然也以食為先. 就近地, 鑽上去鵝頸街市, 找個茶檔, 輕鬆tea一tea. 是tea time, 當然也輕輕的吃. 隨便的, 叫份三文治, 叫杯茶, 好打發時間. 於是, 就叫了一份咸牛蛋治同一杯熱茶, 慢慢食. 忘記了自己喜歡的口味, 咸牛肉應該要求同蛋分開煎, 這樣才咨淡分明. 混合了, 感覺就只能說一般. 不過, 大排檔的三文治包, 取勝的地方就是佢即叫即整. 熱熱的, 最能帶出咸牛肉的香. 奶茶, 感覺就帶少少普通, 雖然夠濃, 但欠缺了滑, 香味一般的. 令我決定, 這兒, 不是我會常買早餐的地方.…Read More

十二月下旬‧晴在附近找地方傾點東西，朋友未吃飯，不如來這裡斬幾兩，如何？吃得惠記的燒鵝多，也試試海記的燒鴨。但那邊人多，唯有來這邊喝杯咖啡，慢慢等。要了咖啡及茶各一，咖啡很香濃，奶茶就奶多茶少，我還是喜歡茶味多一點的。齋跟東西不大好意思，也要一件鮮油占多。鮮油厚厚的，如多士麵包一般厚，毫不欺場，配上果占，一甜一膩，加上脆口的多士，天仙配。埋單28蚊，剛好去拿燒鴨。…Read More

12月12日, 去完2個禮拜旅行, 呀菲好掛住佢嘅蛋牛治! 返黎第一件事當然要食番d港式野, 今日落到黎灣仔食tea, 就上咗街市睇有冇咩好食~::: 沙爹牛河 + 凍華田 ::: $28可能喺英國食完d中國餐, 覺得呢度嘅味道好好~ 條脷味覺應該唔準… 不過d沙爹又真係唔錯~ 牛肉幾淋, 整體個汁都做得幾好~ 可惜d河粉差, 一舊舊, 冇差開先黎炒, 懷疑只係炒咗個汁跟住倒落d河粉度… 凍華田ok, 幾濃, 又夠凍~::: 蛋牛治 + 凍奶茶 ::: $16蛋牛治要咗烘底~ 但烘完同無烘無乜分別… 個包都係軟賴賴… d蛋牛中間個切位好厚, 真係比佢呃晒! 個邊邊係無乜料架! 蛋牛嘅比例亦都太唔平均, d牛太少喇~ d蛋又太熟! 整體黎講只屬一般. 滿足唔都我! 奶茶都只係平庸~ 茶味太濃喇! 蓋過咗d奶味…食番正常港式餐, 代表我地嘅旅行完完滿滿結束~ 又係一個新開始~…Read More

今日比朋友拉了去食這店, 地勢不太顯眼吧...說正題了~飯正炒得不錯, 起碼沒有結粒..(送)菜-好像是粟米雞排炒飯, 也比想象中的豐富哈,很久沒有飲樽裝的可樂了...雖然好食~但如對正價來說...相對大排檔還是貴了一點..對了...炒飯份量較大, 少肚的人可叫少飯~…Read More

今天真的熱得要命，連吃的胃口也可以減低了點的，多嚴重，所以和女友走了到鵝頸橋下的冷氣熟食中心，吃個湯飯及一碗車仔麵，較易入口嘛。此店也有三款湯飯選擇，分別有冬瓜粒湯飯、雜薈湯飯及鴨腿湯飯，個人其實最喜愛鴨腿湯飯，而且在相同價錢底下，顯得更便宜，但今天那麼熱，當然要吃冬瓜粒湯飯，消消暑，更開胃。不消一會，一大大碗的飯及大大碗的冬瓜粒湯，這個冬瓜粒湯，也真的想用雜薈來形容它，除了有常見的豬肉、冬菇粒及冬瓜粒外，還有火腿粒、蟹柳粒、叉燒粒及蝦仁等，雖然全都是較便宜的食材，叉燒粒韌，蝦仁非常玻璃，完全沒咬口，蟹柳粒更是不願多談，但在熟食中心就是這樣子的了，但怎說吃起來也是豐富，而且湯飯，最重要都是那啖湯，可是喝起來沒有肉香，但仍是好喝，很簡單，完全是一碗不折不扣的味精湯，所以最後吃剩飯了。這個二十八元的湯飯，另附送一杯凍或熱飲，最後選了解渴而較清新的凍檸檬茶，其實也沒什麼好評的，只是茶味太薄，而吩咐了少甜，卻還是很甜，當是較甜的檸水來喝，也是可以的。這個湯飯，非常麻麻，幸好有個還可以的車仔麵。…Read More