大丼家燒烤牛丼專門店 (Closed)

今日天氣炎熱， 所以約了班朋友 去荃灣 逛商場 可以 當作娛樂。到了晚餐時間， 我們行經千色店 附近，看見那處有間 大丼家燒烤牛丼專門店。 餐廳內環境狹窄， 但光線通明。 我們入坐後， 我先點了一個 晚餐是套餐的，黑咖哩吉列豬扒飯， 吉列豬扒份量 適中， 酥炸脆口， 肉質有點鞋身， 味道一般， 仍有進步空間。黑 咖哩汁味道 可以接受，配合白飯最啱。$55最配上 冰凍檸檬茶 非常有滿足感。另外我們還點了一些小食， 燒魷魚，和小丸子，每碟有六粒，熱騰騰送出枱上，非常新鮮美味。還有甜蕃薯，我們連蕃薯皮一起食，也很香甜有益。我和朋友今晚的晚、餐吃到很滿足，朋友話，下次經過荃灣都再來(大丼家)嘗試其他美食。

星期六，係公司開完OT之後連晏都未食，去到間舖都已經夜晚喇，之前有留意過D間舖頭架喇，諗住O完T之後食好西啦。點之....唉我去到之後其實都唔洗點等位，於是我到去叫左個【芝士燒牛肉丼飯】【芝士燒牛肉丼飯】平時我都會話芝士好邪惡，但我又好鍾意喎，一來到芝士做唔到拉絲效果，同時我冇諗過個飯其實無咩牛肉汁，乾乾地，入口果陣好油，連飯都好油，初頭以為係D汁，食食下唔對路...個碗裡面大部份都係令面，完部都係油。【大阪燒】不過不失啦，可能粉醬太多，但起碼口感軟熟同足料，都算抵食呀

近期荃灣開多左好多丼飯店，有平有貴唔同客路，是晚同同事黎試下大丼家，見近日好多好評，價錢又幾平咁C+ (+$3) & 凍檸檬水 (+$6)天氣咁熱，整啲凍飲降吓溫先，汽水跟餐加三蚊，抵！凍飲就要加六蚊，咁大杯都抵！日式豬軟骨拉麵 ($58)同事叫左拉麵，老實說，賣相真的有點hea。主角豬軟骨有三件，幾淋幾入味。而配料有蛋，少許粟米同木耳絲。麵條是白色直麵，湯底是豬骨湯，整體不過不失沒甚驚喜。芝士燒牛肉飯 ($53)自己點了芝士牛飯，只因鍾意食芝士牛肉是薄身肥牛片，上面舖了厚厚的芝士，已經熱瀜掉全黏在牛肉片上，咬落芝味十足，口感大滿足。份量如店名般，好大碗！雖然只有芝士同牛肉有點單調，但呢個份量真係超抵食喎。北海道黃金魚 ($22)見有點寡便加點小食，同事點了黃金魚，其實係咩魚黎呢？size同味道似多春魚，但無春。燒帆立貝(+12)仲有帆立貝，好多汁好甜，ok啦。大阪燒($29)自己加左份大阪燒，因為鍾意食，但無估到個飯咁飽，就同同事share啦。基本上粉佔多數，少量椰菜絲豬肉絲咁啦，煎得香口又多醬汁，廿幾蚊收貨了，略微木魚絲太多了，哈哈。食物味道ok，價錢抵食，店內冷氣十足，不失為一個

呢間餐廳已經開咗一段時間 今晚終於可以試到佢 因為平時想食嘅時候都好多人等首先餐廳環境帶有日韓風格因為餐牌有幾款選擇於是我就點咗咖哩燒牛肉飯當餐送到上嚟嘅時候已經有一陣陣嘅咖哩香味開始食嘅時候牛肉嘅肉質適中唔會太老而咖哩汁帶有日式風味容易入口希望大家都可以試下

今日1家3口約咗婆婆食晚餐，婆婆唔想行咁遠，所以要喺荃灣搵食，阿囝話要食章魚小丸子及串燒，但婆婆又一定要食飯嘅，於是搵左呢間大丼家。佢可以一次過滿足晒兩個要求。試新野，凍o茶配呢隻白色可樂幾好飲！芝士燒牛肉飯！正！好多芝士，牛肉又夠香，阿囝勁like咖喱炸蝦飯，咖喱汁OK，但炸蝦嘅粉長多咗少少！芝士番茄海鮮湯烏冬，味道香濃，免頭姐大廈非常鮮味！烏冬係靚嘅日式烏冬，最後連碗湯全部飲晒！叫咗一枱小食，當然有阿仔要求嘅串燒同章魚小丸子！全部質素都差！叫到一枱都係食物，你餐都算好豐富，最緊要係阿仔同婆婆都食得好開心！

早2日放工去荃灣買化妝品經過千色店發現一間新開餐廳，最緊荃灣舖頭轉變得好快，時常都有新面孔出現。天氣咁熱完全唔想煮飯，一於今晚就試一試先。餐廳招牌光猛，內裏格局簡潔。餐廳主打燒肉丼飯，款式選擇唔算太多，但就好適合我呢啲有選擇困難症嘅人。原祖燒牛肉飯牛肉香烤之後味道突出，牛味濃郁，野菜加咗少少柚子醬汁好清新。芝士燒牛肉飯牛肉面層加上芝士燒焗，芝士香濃軟嫩，牛肉鮮嫩，好好食。大阪燒份量雖然唔算太大但足夠2人share , 餡味蔬菜鮮甜，墨魚有咬口。章魚燒（6粒）章魚燒外脆內軟，外皮金黃香脆，內裏creamy ，而且仲即叫即整，保證新鮮熱辣。價錢一啲都唔貴，食咁多野都唔洗$200，非常抵食。

這間大丼家位置較隱敝，但去過幾次都座無虛席，可能因為以日本菜來說較便宜！餐廳主打牛肉飯，我便試了香辣燒牛肉飯及芝士燒牛肉飯，再加一個甜蕃薯小吃！香辣燒牛肉飯$48：牛肉鋪滿飯面，牛肉質素一般，有些少筋同乾身，但合符這個價錢！辣味主要來自七味粉加少許辣粉。另外，有很多飯，細食的人記得要叫少飯！芝士燒牛肉飯：薄片牛肉同樣鋪滿飯面，薄薄的芝士不會太膩，還可以每塊牛捲一捲一啖飯，自製壽司！這個甜蕃薯跟餐加$9就有啦!熱辣辣，不會太乾身，仲有好多粒！抵食啊！

路過千色樓下暗角位有間平價丼飯 見門口餐牌d相都正正常常 價錢又唔貴 於是入左去試左個望落最正常既 原祖燒牛肉飯🐮 $46牛肉有驚喜 大大片香噴噴 燒到充滿油香 吸收左燒肉汁 少少黏黏的 惹味度十足😋 單靠牛肉吸收既醬香都夠撈曬成碗白飯 可惜個汁濃得超越過火位 感覺有d燶燶地🙊牛肉肉質唔韌 不過有成一半都係脂肪 真係肉就唔多 好鬼邪惡 連我都要投降吧😈 最敗北在d椰菜同蛋絲好硬好難食 好似有陣洗潔精味 同埋上菜時間都好耐 等左成20min

在商場逛了很久，行車出天橋時，發現地下有這一間店舖。 便決定與朋友一嚐。店舖的座位都算住得寬綽， 而且這裏的價錢實惠，不會很貴。蕃茄野菜海鮮湯 $12味道像羅宋湯，而且番茄味很足夠，很夠酸。很開胃。芝士年糕 $16芝士年糕咬起上嚟煙煙靭靭，當中的芝士很多，一咬開， 會有芝士拉絲。炭燒雞串 $12雞串不會燒到很乾，醬汁亦很夠味。 雞肉不會鞋， 12元兩串的質素來說，我覺得很不錯。燒帆立貝 $12帆立貝很大粒， 而且足足有三粒呢。 醬汁味道帶鹹， 配上帆立貝的鮮味， 更加突顯其甜味。溏心蛋 $10溏心蛋不會很鹹，味道甜甜的。 而且蛋十分滑，不錯呢！芝士燒牛肉飯 $53他的牛肉片有很多，而且之事都佈滿在牛肉上。 牛肉的肉質不會很鞋， 咬起來很 juicy。配上燒過的芝士很好吃。黑咖哩炸蝦飯  $52黑咖哩的味道不會太辣，對於我們不吃辣來說，覺得很好吃。炸蝦亦份量也絕對不小，而且炸得金黃香口。凍荔枝茶 $10我很喜歡它的荔枝茶不會過份地死甜， 而是會有淡淡的荔枝香味， 配上濃郁的紅茶，很好喝。而且還有數粒椰果增加咀嚼感，很不錯呢！凍菠蘿特飲 $10它的菠蘿特飲不會太酸，味道酸酸甜甜十分解渴解膩

朋友相約放工一齊去荃灣食飯，放咗工見仲有時間，先去荃灣千色店行左一陣， 行到咁上下就去搵嘢食，今次我哋大家都想食得平啲，因為就嚟交稅銀包又少左錢。上網睇咗陣就決定食丼飯， 希望有一個愉快嘅旅程。 去到門面都幾光鮮， 應該都幾乾淨。我就點咗芝士牛肉飯，因為本身自己都鍾意食牛肉。 牛肉飯上到臺視覺上已經有驚喜，冇諗過會咁大碗，最重要嘅係上面鋪滿曬牛肉，雖然望落去吉野家嘅好似， 但係佢哋比吉野家嘅深色。 味道方面有少少偏重但係充滿牛肉味，芝味香濃，不過牛肉未必係重點因為佢個飯煮得好好，好香米味，最重要入口分開一粒粒，真係粒粒皆辛苦。小食點了雞翼，香脆可口，味道不錯。飲品點了罐裝汽水，只需要加三蚊，其實真係一啲都唔貴。下次都會再嚟食，冇諗過香港都食到咁出色嘅日本米飯類。支持

公司改左收工時間, 有時早到可以食下午茶餐當晚飯,今晚無街去, 就響車站附近搵野食. 呢間日式丼飯開左一段時間都未食過, 價錢唔貴一於試試.平日下午2:30至6點有下午茶餐, 有大阪燒, 拉麵烏冬或者飯類, 唔算貴.不過睇佢menu既原祖燒牛肉飯好吸引, 成碗丼飯份量唔算小, 牛肉微微燒香, 香口既味道, 配上燒汁, 唔會太咸, 肉質軟腍入味, 有肉香味. 既然個飯咁平, 忍唔住追加小食, 因為小食都好平.鹽燒雞腎唔會太乾太柴皮, 食落仲腍腍地唔韌, 加左椒鹽響面好香, 又惹味.燒雞皮串好脆口, 食落卜卜聲, 但唔會太油, 食完仲開胃左.雖然鋪頭細細, 不過飯類小食類都幾多野揀,一路食都好多人買外賣, 40蚊個日式飯響荃灣真係好難搵, 值得再幫趁.

次次帶亞女去cool牙都會經過呢度，但係從來未入過去，見到門口啲相片好吸引，今晚一於試吓芝士燒牛肉飯先。我哋兩個入到去係最後一張枱，原來都幾多人食個喎，之後門口啲人都要等位，好彩行快一步姐門口招牌好易認食物選擇都好多款見到有呢款新可樂啊！一於叫黎試吓啦，加埋個檸底冇得輸呀芝士魔怪阿囡一定要叫呢個啦，果然芝士香噴噴，牛肉質素高，一啲都唔油膩喎黑咖喱炸蝦飯炸雞軟骨，呢個好好味喎，炸粉唔會太厚，卜卜趣口感十足燒雞翼兩個人食咗咁多嘢會唔會太過份呢

荃灣又開左新餐廳 講緊位轉角位嘅呢間大丼家沒有華麗裝潢 走簡約平民風 食物質素唔差喎㨂左芝士牛肉丼同叉燒拉麵 跟餐重可以以優惠價叫小食 小食好快上枱 有雞腎。雞肉串。炸多春魚鹽燒雞腎 略嫌靭左少少 不過都好味嘅雞肉串醬汁好好味 雞肉嫩滑重有炸多春魚 炸醬夠薄 口感一流主角來了 芝士牛肉丼 上枱已經好香芝士味芝士同牛肉溶為一體 入口牛肉嫩滑 唔會過老配埋芝士一齊食 係另一種口感 送飯一流另外叉燒拉麵 叉燒口感唔錯 唔會太肥 加埋隻溫泉蛋 湯底一流

諗住係荃灣食個快但又唔太hea既lunch😝揀左呢間平平地價錢既日本牛丼專門店 嘩但真係伏到一個點啊😂😂😂個拉麵湯底無味就預咗㗎啦😂 點知佢隻糖心蛋話唔好叫糖心蛋啊 叫流心蛋算啦🙈加錢配嘅小食仲伏 價錢雖然唔貴 一款大概加＄10至＄15 但個帶子個味道竟然係甜㗎 又細粒又咬渣🙈 鯖魚竟然係得兩小舊😢半條都冇😢 有燒得唔乾身 仲有啲甜嘅醬汁淋係面👋👋個日本咖喱飯始終飯唔係日本珍珠米 吉列豬扒就粉多個肉 炸得好厚又dryyyy 個咖喱汁就普普通通正常啦 我下次都係俾多少少錢去食返碗拉麵好過啦😭😭😭

由於逢星期六下年幫人補習的原故，今日又到荃灣，補習之前緊喺E吓肚先，蕩下蕩吓找到一間食日本嘢，於是叫埋小朋友一齊食，我較喜歡食芝士所以點了芝士燒牛肉飯，嘩！勁多芝士好似唔駛錢咁！由於是炙燒所以更能帶出芝士的香味，每一口飯都充滿住好香好濃厚的芝士再配合牛肉嫩滑，正到無朋友！不過朋友仔點了生姜燒䐁肉飯我亦試了幾口，豚肉比較遜色沒有牛肉味咁出，覺得一般無乜特別呀！我下次來會選其他款因為都有好多款色可以揀；另外每款飯或拉麵可以選三款小食，我就點了些串燒有鹽燒雞腎、燒魷魚以及燒帆立貝，魷魚夠彈牙和帆立貝鮮甜加上醬汁鮮味而且燒得剛剛好，唔錯！但雞腎稍嫌硬及乾了一點，要改善喔！整體來說呢間都尚算可以的！