Dai Jou Bu Sho Ku Do

朋友約了一起逛香工，前提要吃飽飽才有力氣逛街呀，朋友選這家，對於長期糧尾的我最適合不過🥰，這家算是味道可又好平價之選了。我們3個人點了3款定食。每款定食都配了野菜沙律／麵豉湯／茶碗蒸／漬物。✴️三文魚丼 $79 飯不多，鋪上滿滿的一層三文魚刺身，還有幾片酸子薑，份量蠻多的。三文魚蠻新鮮的，不過不算肥美，脂肪不多，還算合格，最後還真吃不完😅，還剩兩三片。✴️燒鯖魚定食 $93 （+$18轉牛油果薯仔沙律）鯖魚好大一條，配蘿蔔蓉，魚身烤得外皮酥脆，肉質仍然保留着肉汁及魚油，非常美味，只有一條正骨，吃的時候完全無難度，啖啖肉。滿意之選。✴️天婦羅丼 $153（+$18轉牛油果薯仔沙律）份量有夠浮誇的，裏面有炸鰻魚／2隻大蝦／冬菇／南瓜／茄子／炸蛋，然後點這個定食的朋友出名的小鳥胃，所以還沒開吃，她已經分了好多給我們🤭。天婦羅炸得挺亁爽的，不油膩，海鮮類炸得剛剛好，蔬菜類軟糯可口。大家都吃得飽飽的，可謂為我們補充體力，開開心心逛街去囉。…Read More

每年都會去長沙灣走一轉,往年都是去酒樓食lunch！今年想轉下搵間餐廳食下！就在openrice搵到呢間大丈夫食堂！睇到食評推介的食物都幾吸引所以便去試下,入到去餐廳整潔樓底高,員工服務很好！柯打幾個定食和壽司,食物亦不錯,價錢合理值得推介！…Read More

返工食lunch最鍾意就係去大丈夫，嗌牛舌定食，自己燒，正正子，再加三文魚，好好味，大滿足！雖然喺一樓，但係都好多人嚟食係有時候貴嗰set牛舌嘅份量有少少唔穩定要讚一下免費加單沙律前菜，食完精神返晒嚟服務方面都大致冇問題，保持水準，機械送餐都好幫得手，哈哈會一如既往支持…Read More

長沙灣探朋友後，上了一間並非連鎖店的日式食店開餐。名字好有氣勢，大丈夫。朋友說不要當中文的意思理解，日文大丈夫其中一個意思是解作安心，即是說這間是安心食堂。這樣我們選了來這吃也吃得放心，那就看看質量如何。餐廳位於樓上，坐電梯或行樓梯也可到達。我們來到是晚餐時間剛開始，不用等位可入座，餐廳環境開揚，面積大，座位闊落舒適。每檯都放置了一個保溫壺，食具，豉油。掃碼看餐單，這裡出名是吉列豬扒，但我們怕熱氣，沒選這個。看完餐單，最後決定要雙色丼定食和A4日本和牛(300G)定食。套餐有沙律菜、麵豉湯、茶碗蒸。要定食的客人更可以無限追加沙律菜和飯，真是包保吃得飽。雙色丼定食，說是雙色其實有三款食材，油甘魚、三文魚和三文魚子，雙色魚生各四片，一碗內共八片，小量魚子。飯是正常份量，珍珠醋米飯，粒粒圓潤飽滿，口感佳。飯面上鋪滿了顏色艷麗的魚生和魚子，中央放了一小撮的綠色芥末，四周灑上蔥花和芝麻，賣相不錯。魚生件件厚切，入口即化，鮮甜美味。A4日本和牛定食，給你一個小型的燒鍋自行把和牛燒熟，生熟自己掌握。一份定食有八片和牛，雪花紋理清晰可見，顏色鮮明。我喜歡吃帶點焦香的肉質，把和牛放在鍋上慢慢燒，看到焦香出現時可吃。每一片都充滿肉味，燒過後的口感仍然保持嫩滑，油脂令你味蕾回甘。八片份量剛剛好，太多反而會吃滯。麵豉湯味道正常，茶碗蒸的蛋十分滑，像吃豆腐花一樣，內有蟹柳，冬菇，帆立貝，味道調配得好。漬物有三片，爽口不過酸甜度不足。吃日本餐我喜歡有甜酸薑，可消消膩，定食沒有提供。吃完正餐，感到飯量己夠，抱著吃多點蔬菜有益的念頭，我們追加了幾次沙律菜。總的來說，今晚所嚐的食材新鮮好味，環境舒適，可以考慮再來了。…Read More

今日真係跑少少食多多啊因為呢排天氣太熱啦，所以跑步都跑唔到咁長，早咗跑完，有得早啲食飯。就走咗去大丈夫。今次我哋兩個人去，叫咗一個定食，叫咗個手卷，其實仲有壽司嘅，不過掛住食都唔記得影。當然佢最出名嘅一定係炸嘢啦，去過咁多次都食唔到佢個油甘魚膠，今次終於都有啦。食日本嘢係因為多魚，所以今次我哋都特登叫咗個油甘魚鮫，$78 200g。 另外我再加多咗一碗椰菜個椰菜加埋芝麻醬真係好好食呀，平時自己喺屋企都好少買椰菜食。因為通常八點幾先可以食到飯，所以就好少叫燒牛肉，其實我好想叫燒牛肉㗎。…Read More

成日嚟大丈夫都係食吉列豬扒吉列蠔，其實佢仲有魚生食㗎。附近除咗成日排隊嘅壽司郎之外，想食魚生可以嚟呢度，壽司手卷都好好。又新鮮又可以用app排隊攞飛。今次我都冇影定食，就影咗我哋要嘅壽司俾你睇啦！…Read More

呢間大丈夫食堂，我已經由舊鋪幫襯到新鋪，以家搬咗，地方大好多，坐得好舒服，等位又快咗好多. 至今仲保持到食物質素.今日終於試咗佢嘅限量版鹽燒油甘魚頭定食，原因係油甘魚頭唔係次次都有得食，每日只限幾個. 食唔食到真係要睇緣份！:)限量版鹽燒油甘魚頭定食$108呢個燒油甘魚頭真係好大個，熱辣辣，燒到金黃色. 仲好多肉. 點埋醋和蘿蔔蓉又開胃又滑！ 個餐仲包埋蒸蛋，沙律，麵豉湯，漬物. 咁的價錢真係超級抵食呀！烏冬兒童餐…Read More

已經食過幾次 食物味道不錯 但沙律入面有指頭咁大的烏蠅 同服務員反映 只係好快咁收左碟沙律 就當無事發生 一句唔好意思 道歉都無 連上碟新嘅沙律都欠奉想食烏蠅伴菜的 不妨一試這家！😨…Read More

大丈夫食堂⭐️⭐️⭐️⭐️💫🐾 吉列豬手扒定食 $108朋友話係呢間餐廳嘅招牌。份量超多，豬扒又厚又大舊。雖然佢嘅炸粉都唔少，但調味啱啱好，唔會係好bland嘅炸粉味。一咬落去個外皮超脆，而入面嘅肉超juicy超軟熟，好驚喜。但舊肉就好似有少少軟熟得太誇張，可能落咗唔少鬆肉粉。🐾 蒜香醬漬三文魚丼 $76同時俾咗蒜香醬漬三文魚同三文魚刺身，份量好足。蒜香醬漬三文魚好香蒜蓉味，送紫菜飯食一流。三文魚刺身雖然偏瘦，但都新鮮。跟餐嘅茶碗蒸好食，漬物係似醃過嘅娃娃菜，酸酸地幾好食。麵豉湯好飲。沙律係生菜x紫椰菜x蕃茄x黃椒配柚子醬油，同白飯一樣可以refill。🐾 芝士蛋糕好香濃嘅芝士味，唔會過甜，味道啱啱好。可惜嘅係佢比較乾硬，好易碎，可能放得比較耐。如果新鮮啲可能會好食好多。🐈‍⬛ Overall 環境好乾淨闊落，侍應都好nice。食物絕對值得呢個價，cp值滿分。📍 大丈夫食堂 (長沙灣)長沙灣元州街350號家壹1樓11號舖#香港美食 #長沙灣美食 #neko_nibbles_csw…Read More

推薦嘅長沙灣性價比高日式餐廳 由舊鋪搬到新舖 我都係佢嘅食客 新鋪坐得好舒服 適合一家大細 食物價錢合理 當飯有埋麵豉湯沙律蒸蛋前菜 好抵食飯鐘嘅時候要等位 有時會外賣返屋企食 佢嘅牛油果三文魚飯 啲三文魚勁厚切 …Read More

呢間大丈夫食堂，喺長沙灣好出名，住喺附近的我經常嚟幫襯😍. 因為價錢合理，咁多年都仲可以保持一定嘅水準👍👍. 除了出名嘅吉列豬扒，其實其他定食和食物都好足料和新鮮.今天天氣好熱，叫了我最鍾意嘅魚生飯. 三文魚腩定食定食包括沙律，蒸蛋，漬物，麵豉湯. 可選多飯多菜或少飯少菜，共有8塊三文魚腩，好厚同好肥味又新鮮😋。沙律都可以再添加的，啱晒我呢個鍾意食菜嘅人😍😍. 蒸蛋好滑.烏冬兒童餐原來呢個兒童餐係新出的，包括烏冬，毛豆，兩件炸雞1隻炸蝦，甜品可選芝士蛋糕或者朱古力蛋糕🍰，一支酸奶飲品. 仲可以抽一份神秘玩具😍😍. …Read More

以前成日食我最喜愛嘅餐廳之一嘅大丈夫，今日再去嘅時候發現咗佢出咗好多新嘢，其他食物保持水準今次先試佢嘅藍鰭吞拿魚盛，食咗兩件忍唔住要影相留食評，火炙吞拿魚壽司，肥美入口即溶，好味😋藍鰭吞拿魚壽司及刺身，雖然冇拖羅肥味，但魚味濃郁，又新鮮，就算食得多都唔會覺得膩…Read More

呢區唔係好多野食 但呢間一定聽過係樓上舖 都幾大間 好多位雙色丼 ($95)每個定食都有沙律、茶碗蒸、漬物同麵豉湯沙律都幾大碗 正常幾開胃茶碗蒸都幾滑 入面有冬菇蟹柳漬物係類似嗰啲海帶條 都ok個丼飯有8片刺身 都幾新鮮再加d豉油 配飯都幾好食😎吉列豬扒定食 ($115)成間餐廳最多人叫個樣塊豬扒真係好大塊 又真係炸得幾鬆脆味道算係正常啦但又唔會驚艷到我想食第二次😂和牛定食 ($118)呢個配一大兜椰菜沙律 麵豉湯同埋茶碗蒸和牛有8塊 不過偏細塊 男士應該唔夠飽但都幾有牛味 碗飯太大送唔哂😂整體ok啦 食一次就夠🤣…Read More

黎到長沙灣呢邊食都算多野揀有唔同既餐廳可以選擇~今次就揀左呢間食堂試下, 環境係寬敞又坐得幾舒服既~午餐就點了三文魚飯太餐試下, 雖然份量唔算大不過50幾蚊還可以接受既~因為都有唔少配菜.三文魚都算大塊而且口感唔錯, 賣相都ok既.其他配菜味道正常,普普通通沒有特別~自己唔太好呢類沙律菜就只係食左少少, 蒸蛋都算滑,味道正常吧~>>>整體黎講<<<坐得舒服既餐廳, 食物質素係ok唔錯既地方~食lunch黎試下係一個選擇~…Read More

位置方便 性價比高百幾蚊食緊二三百既野由以前舊細鋪食到而家大鋪一直都係忠實客戶食品質素非常唔錯但仍然係平民價位唯一可惜係下午茶時間無做生意好幾次都黎到發現無野食會繼續支持的 希望會開分店…Read More