夢 (Closed)

天氣唔好，唔想出到咁遠，就到屋企附近到食，之前都幫襯過幾次，今次再來﹗中午嚟，有午餐，不叫午餐都仲有好多選擇，而且仲好抵食添﹗兩大一小先叫了十四件壽司，價錢分別有一件三蚊的、一件四蚊的、一件八蚊的，我哋叫咗八爪魚、螺肉、中華沙津、鰻魚、吞拿魚、鉝魚、象拔旁、玉子、魷魚、甜蝦、熟蝦、蟹子、黄金魷魚、鮑魚，各一件﹗又叫了半磅三文魚，賣相嘛嘛，但尚算鮮甜。再加多個壽司午餐﹕有火燄系列的鰻魚、帆立貝、吞拿魚、三文魚各兩件，迷你烏冬、兩串雞軟骨串燒、一個湯，全部都係食咗１５２元﹗本來仲想叫多份卷物的，因為見到有人叫好靚，但係實在太飽了，只好下次﹗個午餐都的好抵食﹗鰻魚入口即溶，讚﹗

嚮粉嶺住食好野既選擇唔多, 本來好難得搵到一間食物水準唔錯既餐廳食下飯, 唔洗日日都要屋企自己煮or捱麥記, 所以上年岩岩搬入去既時候, 幾乎係每個星期最少去一次~~抵食之選會推介佢既set lunch or tea set..... set lunch 由30幾蚊到50蚊左右, 最鍾意係胡麻角切魚生冷麵, 夏天食一流, 另外會有個小食跟, 試過有一次小食係餃子雞翼, 超好食~~ .... 不過食過一次only, 之後多數係mini沙律, 不過都唔錯......另外要推介既係炸紫菜雲吞 (散叫既小食黎既), 唔係好記得個名係唔係exactly咁叫, 係用紫菜包住d蝦肉再攞去炸既, 外型係三角形, 餐牌寫住製作需時架, 點菜既時候waiter都會remind一次, 大約15mins左右, 食住個set lunch慢慢等, 其實都唔係話好耐~~而tea set都係20幾蚊都已經有交易, 不過選擇唔多~~如是者幫襯咗數10次之後既某日,隔離張吉枱有個waiter A正在擺碗筷, 另一個waiter B唔知係同佢玩定係唔小心有d碰撞, 跟住d碗筷跌晒落地......最精彩既一幕上演嘞 ....

今日去左"夢"食lunch...非常唔滿意囉12點45分入座,,大約遲左2分鐘就落order15分鐘之後先同我講話冇果個set lunch..要轉即係又要等耐d啦,,我等到1325分先有得食...有冇搞錯呀...服務超差差差...very poor~~搞到差d遲到..真係好差呀-v-

我同啲同事嚟食lunch，佢嘅廻轉壽司做緊$6一碟 (只限轉緊嗰啲)，所以我都冇咩期望！但佢啲set lunch又吸引唔到我，唯有食啲壽司，令外散叫咗一個鰻魚玉子細飯($25) & 炸蝦手卷($20)！個鰻魚玉子細飯份量好少，味道一般！好彩個炸蝦手卷都唔錯！另外食咗兩碟$6壽司，佢係手握嘅，嘛嘛哋，好似唔太新鮮！我同事叫咗個set，佢話嘛嘛哋好食，杯凍檸茶有魚生味，oh no!!!!!!!!!服務一般喇，當日唔算太多人，但成日都揾唔到啲侍應！食滿$100用HSBC credit card簽脹有9折！

去完南丫島再去粉嶺食因為男朋友話呢間不太貴又不錯果然冇介紹錯~d壽司幾新鮮舊壽司飯又唔會超大舊同男友前後叫左約15碟半價壽司+1碟天婦羅+1碟正價壽司已經飽喇~~不過d waiter waitress服務唔夠貼心囉怪怪地但呢個價錢食到呢d野我覺得已經好ok會再去食 p.s.我地係7p.m.已經入左去食男朋友話晏d都會好多人喎~

門面寫著壽司半價而吸引我們光顧,因沒有table改坐廻轉柜,價錢由$9-$3０多元不等,先發現並不是所有壽司都是半價,所以先看着半價壽司嘅list到廻轉帶上揀選,吃了五碟後在我頭上嘀了一串串冷氣水,要求換位過後又發現原來同一款壽司,在廻轉帶上是不設半價,須在半價list上揀選,後來揀選了＋款八款壽司,價錢半價份量亦减半,一隻北寄貝變半隻,鮮甘虾變雪藏虾,有Ｄ揾笨.行政管理問題.熱食點了燒靑魚,個酸汁甜多過酸,蟹子沙律漏單後又送魚鱗,再來過又不夠沙律醬,人為錯誤.在吧枱入面工作的一位小伙子把飯煲內的飯網向我們抬前兩臺客潑水共三次,我們又怒目而視又閃避,佢都冇反應,工作態度問題.食品唔算突出,又有Ｄ比人揾笨.所以冇食飽就走.幸好有一位男待應態度不錯.

約九點半想食野,諗起「夢」有九點半後碟碟6元,一於試下。坐低先知原來只限迴轉帶上食物。但係帶上都有差不多6、7款,還可以啦,因為我只要有三文魚食就ok。我男友就鍾意食吞拿魚壽司,據佢所講,都幾好食。見到你想食0既就要快手喇! 手快有手慢無。一試無妨,但唔好咁大期望。迥轉帶上有三文魚、吞拿魚、鮑魚、加洲卷...

自從福苑同埋食德小館相繼結業, 四處尋覓, 找尋聚腳點.......食過燕雲莊, 但唔知點解鍋貼會落蔥, 又去花田居食屋, 好食但坐唔得多人.......找下找下, 找到黎呢度.......第一, 坐位唔迫, 係四人卡位窄了少少.第二, 各人點了各款午餐, 均有共通點, 係大到食唔晒.第三, 點過刺身, 壽司好新鮮第四, 價錢不貴第五, 上次去埋單時送了VIP咭, 下次去食會有九折.一定會再去.

話說咩咩媽唔係淹尖既人，我地入到去，見到好迫，已經唔知點算好，帶位果個幫我地推好張椅，但好明顯好論盡，因為佢d椅真係好鬼死大張，搞到d位好迫。一坐底，見到迴轉帶上面d壽司，無光澤(可能係佢地d燈暗得滯)，好似擺左好耐，又細件，唔多想食落肚咁既樣。隔離個阿伯點左幾碟野，大大碟，但d位咁迫，好似痴住左我地食野咁，舉高手拎壽司好似會撞到人咁，搞到我地唔敢郁。咩咩媽忍唔住問：「我地坐底又起身走係咪好衰？」我話：「唔走我驚對唔住自己。」所以，我地走左。呢個post唔係食評，但係我想講，坐得唔舒服又迫，d食物又唔吸引，燈光又太暗，俾人感覺好唔自在。我地又真係衰左d，但講真，粉嶺上水好多壽司店比佢吸引得多...

朋友介紹我去食哩度既壽司 , 強烈推介我食三文魚魚腩刺身 , 好新鮮好正呀!!! 但哩度 d 侍應真係要再培訓 , 又落錯單 , 又唔會主動為客人添茶 , 試咗好多款食物都好唔錯 . 價錢又 ok , 我會再嚟 !!!

昨晚一家走去呢間野試吓, 點知一等就等咗2粒鐘,裡面好細,整咗個BAR檯,檯位又少,得一張大大張,其他只可坐4個人,話說我哋一家7口去食,等咗2粒鐘,心情已經嘛嘛,終於有位啦,入到去佢竟然比張4人嘅卡位比7個人坐,o個張卡檯可以拉少少出黎,但都覺得超逼,我哋坐咗一陣,聽見隔離卡位d人都講"嘩!!!好逼啊!!!"跟住我望過去,得4個人,4個人都話逼咁我哋咪超逼.食野方面:整體都嘛嘛,d拉麵唔彈牙,味道又唔夠,個花之戀超薄,味道一般,d飯好爛,冇咩口感.

同Honey 打完波, 到夢食晚飯.我不太肚餓, 所以我們, share 了幾款食物:1)雞扖 拉麵: 雞扖味道淡, 岩我口味, 拉麵都幾in un. 2)一口餃子: 好香脆, 正!3)蟹子沙律: 賣相吾錯又大碟, 可是很難吃. 好似已經放了好耐, d沙律出晒水, 又冇味道. 4)三文魚壽司& 吞拿魚壽司各一客: 我見壽司不大件, 自己又食飽, 冇試. Honey 話冇特別, 不太好味.總括來說, 這間壽司店價錢大眾化, 食物味道一般, 但環境不錯. 服務一般, 可能我們坐在car 位, 服務生都好少理我們; 而且, car 位太大冷氣了, 好凍, 所以我們匆匆食完就bye bye~

琴晚終於試左呢間新野,d服務真係九流囉,帶位既冇禮貌,吧枱d師傅仲衰,你望佢整刺身咩?佢又會望一望你,但係d眼神就話你聽佢唔鐘意你望佢囉!侍應就真係你叫左佢,佢係望到你,但就唔識埋黎果種咁囉...到左食物喇,我地3個人就叫左三文魚刺身,炸軟殼蟹,三文魚腩手卷,海膽手卷,吞拿魚手卷,蟹子沙律,日式咖哩旦包飯,豬軟骨烏冬,金龍蝦卷,鰻魚壽司,八爪魚壽司,花之卷,腐皮壽司,吞拿魚壽司...仲有幾樣唔係好記得.1)三文魚刺身:夠厚,新鮮,魚身有光澤2)炸軟殼蟹:有驚喜,唔同出面果d只係得爪同埋食到層軟殼,呢度係明顯見到有肉同有膏,而且炸得乾身之餘都仲會keep到入面有少少肉汁3)蟹子沙律:麻麻地,一路見到個女師傅整得幾靚,但係食落口太多醬,好漏,不過就幾大碟囉4)金龍蝦卷:入面隻蝦好脆,做得唔錯,上枱既時候入面隻蝦仲係熱既,口感好rich5)豬軟骨烏冬: 豬軟骨唔夠軟,d骨仲係咬唔開果種,麵豉味既湯底有d咸,入面仲會有加隻旦同少少菜同粟米,整體碗麵都算足料6)壽司同手卷:用料好新鮮,一眼望落去就知道一定唔係隔夜賣剩貨,但係就比出面一般既壽司細少少,一啖一舊,所以食到魚鮮味總括係一間唔錯既日本料

本人於2月17日晚上6:30到粉嶺中心一間夢日本料理晚膳，當時店內已滿座, 店員就派飛給我們等候(旋轉BAR檯位)，當時排隊等候人數不多。大概等了差不多1小時，店員仍然叫人數2位入座，過了一會，他又一連叫了3張人數3位的入座，，我忍不住問: 為何不能稍作調動安排4位入座，是否唯有一排4位離去我們才可用膳。那位態度囂張的男帶位員居然解釋這是公司規定。5 分鐘後，他叫19號4 位入座( 我手持18號飛)，我問這是什麼安排，他一點歉意也沒有便大聲回應我一句，他們是坐卡位，但不足5分鐘他竟然叫25號4位旋轉檯入座，我們唯有要求他找經理出來面談，但這位男帶位員完全將我們置之不理，仍然叫客人入座。最後我們即致電店內經理，電話內一位自稱經理的人先向我道歉，然後回答說他其實看到整個過程，但他表示基於我們當時表現比較憤怒，他才『不敢走出來』，不過他應允會向那位態度惡劣的帶位員發出警告信。我覺得這間店舖聘請員工最基本的禮貌也沒有; 另外那經理都太令人費解，什麼是『不敢走出來』，這是店經理應說的對話嗎﹖這間日本料理老闆，請慎重聘請員工，否則白費你的心血。

個叫位中年嘅性叫位員態度勁差,我哋四個人等咗半粒鐘都只係叫二或者三人台有位,同個叫位員講態度超差,重啤番我哋.完全當我哋冇到,重繼續叫我哋後面哋号碼,串到skip 咗我哋個号碼叫後面啲四位号碼,串到爆!同佢叫個經理出嚟講,個經理又唔敢出嚟.我哋然後再打電話去揾個經理,佢同我講話知道亦見到發生咩事,但唔想場面越攪越大,所以唔出嚟, 真係不知所謂, 做經理都咁唔掂,所以啲細哋咁差.未食已經一肚氣!