Dream House (Closed)

心血來潮想去貓cafe，平時去開果d都好多人，玩吾到貓，所以book左先，估吾到呢到有間人少少嘅貓cafe。老闆娘人好好，我地果日早到左大約20分鐘，冇話限制時間，又冇催我地落單，事關我同男朋友黎到見到d貓，忍吾住同佢地玩左一段時間先諗食咩，個感覺好舒服，終於有間可以靜靜地食下野，又可以同d貓真係玩得埋。一坐低，老闆娘仲比左貓零食我地餵貓，出面果d肯定要另計。呢到d野食全部都係自家製，由招呼、落單、煮野食，出餐都係一腳踢，所以要d耐性等下。但係都值得，d野食真係好好食，份量都吾少，價錢黎講，我覺得好公度。係個魯肉飯食到底果陣有d油，不過都吾大影響，因為食到底之前已經飽（個人）d貓貓隻隻都好得意，聽講笨豬同妹豬都係領養番黎，玩多幾下就會熟d。笨笨真係好為食樣，次次聽到開蓋聲就會望過黎，反應好過癮，老闆娘話妹妹要睇緣分，但好彩我地有幸睇到妹妹出左黎，仲摸到佢頭仔呢到都好多熟客同回頭客，下次我都會再番黎探你地架！希望下次試到紅豆冰啦～…Read More

我同我女朋友都好鍾意貓，所以喺2021年暑假某一日偶然搵到呢度，結果去一次之後就好鍾意呢度，呢一年幾以嚟都變咗我頭幾想去嘅餐廳🤣🤣食物方面，主要係台式嘅食物，我最鍾意嘅係口水雞，一嚟冇骨，二嚟個辣味真係啱啱好🌶️ 老闆娘亦都落好多心機煮，就算只係麵嘅湯底都係熬咗好耐，好有營養嘅魚湯👍🏻👍🏻 仲有呢度特色嘅甜品 貓腳，會間中有唔同味！老闆娘亦都可以就住你嘅需要去整私房菜💯💯呢度嘅每隻貓貓都好得意🥰🥰 妹妹、笨笨、笨豬同妹豬每隻都有唔同性格，同埋都係好友善好親人！無論你本身鍾唔鍾意貓，嚟到呢度都一定會好鍾意呢幾隻貓店長😻😻 佢哋之間嘅互動都係好搞笑，嚟到要多啲留意😂老闆娘Cat一手一腳撐起呢間餐廳，對客人亦都好好，有時我覺得嚟呢度好似唔係出街食飯，係好似喺屋企咁🥹 呢度嘅所有嘢喺我心目中都係好好，好完美，係我一個好重要嘅回憶。大家有機會都記住多啲支持夢樂園🫶🏻🫶🏻…Read More

/係尖沙咀鬧市都有貓貓Cafe可以渡過一個悠閒既下午.夢樂園Dream House係iSquare附近 離地鐵站亦都非常近 好就腳 平日去客人唔算太多所以氣氛都非常悠閒 店內一共有四隻貓貓 店主好nice仲向我地介紹唔同貓貓嘅個性以及由來 見到啲貓貓都好自在 間中又會好奇你做緊咩 好可愛啊.今次試左午餐 叫一個主菜加$6就會有小食 另外再加錢就可以配埋飲品.🐷家鄉黑毛豬肉燥拌稻庭烏冬 ($72)烏冬煮得軟硬適中 肉燥分量足夠 醬汁既唔調味剛好唔會過鹹 肉味都幾香 有啲家常菜既味道.🐤紅鳳凰口水雞（無骨）( $60)口水雞醬汁幾惹味 唔算太辣 撈埋珍珠米食好夾 雞胸肉一啲都唔鞋 幾出色 .🥟脆皮餃子&府城蝦條 (各加$6)上枱嘅時候仲係脆口架 熱辣辣新鮮炸起 餃子係椰菜豬肉餃 而府城蝦條入面既蝦肉同蝦膠都好彈牙 .🧋仙草奶茶 （半價） 飲品嘅選擇都唔少 今次試左特飲 都幾有茶味 仙草份量亦都不少 甜度同冰量都可以根據個人喜好調整.🍇巨峰乳酸梳打 （半價）飲落幾清新 炎炎夏日飲就岩晒啦.夢樂園📍尖沙咀北京道65-69號環球商業大廈2樓205-206號舖.#anygoodfood_hk#anygoodfood_tsimshatsui .#food #foodie #hkfoodie #yum #yummy #tasty #delicious #foodseeker #foodlover #foodsearcher #foodblogger #foodstyle #foodbuddy #hongkonger #foodstagram #foodguide#hkfoodpic #相機食先 #香港美食 #sharefood #hk #貓cafe #夢樂園…Read More

一向怕貓貓的我~今日來到尖沙咀一間*夢樂園*家庭台式餐廳令我對貓貓有另一看法！店舖老闆娘非常和藹可親，不時與我們交談與貓相處的趣事、領養兩隻貓貓及打理鎖碎事~已感到老闆娘的愛心與工作熱誠！店內現養四隻貓貓了🐱🐈🐈‍⬛🐱🐱 裝修： 以貓為主~例如：貓架、貓玩地方、感覺好家庭式！好溫暖！四隻貓貓自由自在地玩~牆上的壁畫全是老闆娘親自的傑作， 大部分主題圍繞貓！餐櫈五顏六色有孔圖案、餐枱以白色為主！清潔度滿分！🈵️所有餐牌全由老闆娘設計！當然不少得四隻貓貓上鏡，這點十分欣賞及獨特呀！選擇兩個午餐：一個主食＋小食$6＋飲品$6🐱 家鄉黑毛豬肉燥拌稻庭烏冬$72通常食湯烏冬，撈烏冬很少機會食！店長提示一定要撈勻一起食，果然冇錯~每條烏冬好爽好彈牙！味道一流！加埋香蔥及肉燥，整碗烏冬都好入味，可以再吃多一碗🍜小食：紅油抄手~ 皮薄餡靚又多汁，麻辣得嚟好易入口，唔會太辣！食後唔會覺得嘴唇脹脹咁！好惹味，值得一試！飲品： 自家製冬瓜茶~ 自家煲嘅冬瓜茶真係唔同啲,不太甜也不淡！仲食到磨碎咗嘅冬瓜蓉加冰~好好飲🥤🐱🐱 黑毛豬魯肉飯$68魯肉~豬肉半肥瘦，口感唔錯，份量啱啱好！魯肉汁好夠味配白飯恰到好處！🍚順帶一提~白飯係採用珍珠米超鍾意！小食：府城蝦卷~ 新鮮炸起，蝦條口感彈牙，有鮮蝦味，正呀！💯飲品： 蜜桃烏龍茶~ 好清新，茶味濃與蜜桃味混合，最佳拍擋🤗整體來說：我一定會再來支持老闆娘的小店貓貓cafe！ 因為無論食物、環境、心情、各樣質素我都好滿意…Read More

作為一個貓奴 一知道呢間餐廳有貓店長駐場 就超級想黎食野同玩貓😍😍😍😍 餐廳係正isquare對面 位置都好方便 呢到餐牌幾特別 有台式又有川菜～ 仲有超多台式飲品選擇🧋🥤 叫咗個黑毛豬肉燥稻庭烏冬 唔好睇碗烏冬賣相好似平平無奇咁 啲醬汁撈埋個烏冬 加埋好多既蔥花其實都幾好味 朋友叫咗個魯肉飯魯肉個肥瘦比例幾適中～ 加埋啲菇煮得好入汁 幾好送飯 叫咗個花枝丸做小食 係新鮮炸起既～ 都幾好食 唔會成舊都係粉 都有好多墨魚粒粒係入面餐廳係行一個好warm既路線 周圍都有好多貓貓decorations 醫飽咗個肚就急不及待同啲貓貓玩 抱住貓店長訓係大髀真係好治癒🤤🤤 負責係上空監察既貓店長🤣🤣 呢到鋪頭細細感覺上係家庭式經營 老闆娘雖然忙都好熱心介紹幾隻貓貓既名同埋性格 都幾適合黎呢到度過一個懶洋洋同貓貓玩既下午😺😺😺…Read More

呢日尖沙咀行街，想搵個地方坐耐少少食個lunch，上網搵到呢間有貓貓ge餐廳，身為愛貓之人，就去試下啦！一入到去，老闆娘就起身好熱情咁招呼我地，又介紹下d野食，仲介紹埋d貓貓比我地認識，又係咁同我地傾偈，一齊share下養貓心得，成個感覺好溫暖呢！d牆全部畫哂壁畫，原來係老闆娘自己親手畫架！不禁讚嘆同影番幾幅相haha色彩繽紛ge環境真係令人好開心呢。入面有4隻貓貓 全部都超可愛 有3隻可以摸摸 一隻比較怕人老闆娘推介我地飲呢杯自創紅豆冰，特別在佢係用豆漿沖的！超好飲，一定要試，唔會太甜，上面仲整左個貓掌，細節上睇得出老闆娘的用心。我地叫左風酥豬排飯、胡麻萵筍、餃子，仲有一樣唔記我左叫咩名haha全部都勁香勁好食lol 豬排好香脆，餃子又係皮脆足料，胡麻萵筍好開胃，碗飯都好食，係住家菜ge味道啊。價錢都好合理，非常推介！…Read More

貓貓貓貓🐱一間有野飲有野食有貓玩既cafe😄喺尖沙咀行街行都有啲肚餓，喺北京道見到有依間以貓做主題嘅Cafe，便同朋友沖咗上去做下貓奴！餐廳喺尖沙咀北京道環球商業大廈2樓，iSquare對面，有lift 搭上去2樓,唔使行樓梯 😊推開門就見到有一個貓corner，有貓樹有貓玩具仲有board game添，當日有四隻貓貓🐱，有一隻黑貓一隻灰貓同埋兩隻三色貓！隻黑貓超級活躍，會成日主動撩我哋同佢玩！我同朋友分別叫咗兩個套餐，一個肉燥稻庭烏冬，一個肉燥飯，小食叫咗炸花枝丸同埋紅油炒手，而飲品叫咗紅豆冰同珍珠奶茶！稻庭烏冬既烏冬好彈牙，超好味😋，肉燥飯都唔錯呀，飯面仲有一大塊紫菜及兩片青瓜，有菜有肉營養均衡！最值得推介係杯紅豆冰，紅豆冰睇得又飲得，面頭有貓爪設計！紅豆冰係用豆漿沖嘅，我諗同大家喺其他餐廳飲嘅唔同,用豆漿沖嘅味道好有豆香味！又唔會有太飽太滯既感覺 今餐食得好滿足呀，除咗食物唔錯外，仲有貓貓既陪伴，尤其係隻黑貓！好黏人玩好可愛！…Read More

15:15下午茶時間，嚟到呢間貓貓cafe。未入門口，已經有兩隻貓貓迎接我。🐱🐱一入嚟，就見到牆上嘅壁畫，店主話係佢自己親手畫嘅，好有特色，打卡一流。呢個時間叫lunch set 會抵啲。野食好快就嚟到，味道同service都係家庭式，好親切。叫左肉躁鳥冬，花枝丸，同埋店主自己煲嘅冬瓜茶。食之前記得撈一撈個烏冬，咁就每啖都好味啦！等緊食物嘅時候，啲貓貓係咁八八掛掛地嚟搵我。原來呢個鐘數係貓貓放飯時間，明明訓緊覺嘅都突然變得好活躍，係到跑來跑去。店主好好人，仲俾咗啲零食我，等我可以近距離接觸貓貓。勁得意呀！ ！原來呢度四隻貓之中有兩隻係店主領養，好有愛心💗，一定要支持！如果係一家大細，或者拍拖，就更加要來啦。…Read More

上完興趣班放學後，與同學一起到夢樂園進餐，因為鐘意佢食物味道好，價錢不貴，而且店主又親切好人，最緊要仲有可愛的貓貓招呼你，最喜愛食佢哋嘅風酥豬扒飯、風酥黑毛豬排骨和自家製的冬瓜茶，喜愛貓咪的朋友，必定要去試一試呀！…Read More

今日同女朋友係isquare睇完戲，講起而家新興左好多貓cafe，點知上網睇下真係搵到附近有一間呢間夢樂園正正就係isquare對面，好方便中午時段都坐左好多人。野食方面呢到主打台式食物，連menu都勁有心機整左好多貓貓圖上去好有心機好得意，超正！呢到啲貓貓完全唔怕人，係人群到走黎走去，甚至跳上枱但係又好乖咁唔會打瀉啲食物，好叻呀一個午市套餐有主食、小食再加一杯飲品。我就叫左風酥黑毛豬排骨，唔會好油但又有少少脆口，排骨半肥瘦岩岩好，勁好餸飯紅油抄手唔會太辣，唔錯芋頭沙奶茶好重芋頭味，唔會整到好杰飲到好滯。女朋友叫左黑毛豬魯肉飯，肉粒軟身、醃得入味，唔會太濕蝦條外皮脆脆地幾好咬口仙草奶茶亦不失禮，甜度適中，加埋啲仙草口感，唔錯！…Read More

抓住暑假嘅尾巴，拍拖去貓cafe食物方面，以台式料理為主，另有午餐set，幾抵食，around$80又有主食又有小食又有飲品我們選了兩個午餐黑毛豬魯肉飯$68+$6紅油抄手+$6綠茶魯肉的肥瘦適中，唔會太肥膩感，送飯一流！家鄉黑毛豬肉燥拌稻庭烏冬$72+$6台灣腸+$6蜜桃烏龍烏冬彈牙，麵底下有醋香醬汁，撈勻食帶少少酸味，開胃！十分適合夏天食！兩道小吃，台灣腸煎得外皮香脆，配有蒜泥紅油抄手，包住蝦肉餡料，辣辣地，十分惹味蜜桃烏龍茶（上）富蜜桃味，甜度適中綠茶（下）茶味足，有回甘來貓Cafe，除了食物外，最重要的當然是貓貓，店內共有4隻貓貓最主動就是牠！黑色小家貓，一路陪住食嘢！最初好怕牠會偷吃，但一叫Sit，牠竟然好乖咁一直坐在桌邊陪食還有我最愛的英短，有點怕鏡頭，但肥嘟嘟！超可愛！仲有另外兩隻，在木架上休息，店內也有不少貓玩具供客人跟貓貓玩。貓貓觀察人類一陣子後，也會主動走近，行上大脾(最好著長一點的褲和裙，準備好被主子寵幸)☺️總括而言，這兒的台式小吃很不錯，貓貓也很友善，不用擔心會被咬和被抓❤️店家也細心地每枱都有搓手液，方便玩完貓貓都可搓手食嘢👍🏻👍🏻拍拖好去處呀！…Read More

身為鍾意貓貓嘅肥仔，當然唔少得要去貓cafe朝聖下啦😚呢間位於尖沙咀嘅樓上貓Cafe，勁方便，係iqsuare對面😍放左之後去happy 下真係冇得輸入面有貓貓可以一齊玩，佢哋都好乖㗎，可以比客人任模，同佢哋玩🐱無骨口水雞烏冬🌶🔥啲雞冇骨之餘仲要好滑，份量都唔算少，麻麻辣辣咁，岩曬鍾意食辣嘅肥仔🥰配合埋餐廳自家製嘅雞湯烏冬，湯底一啲都唔咸又有雞嘅鮮味，肥仔都忍唔住飲咗幾啖🤣🤣家鄉黑毛豬肉燥拌稻庭烏冬🍜台式嘅陳醋配上肉燥撈烏冬，酸酸鹹鹹咁，大熱天時食落真係好開胃家🤪食極都仲想再食lunch 時間加$6仲有小食添, 肥仔當然唔執輸加咗兩個小食，分別係花枝丸同蝦條，小食就好似冇乜特別，都係炸物，不過勝在熱辣辣炸熱，食落去都唔錯㗎最後當然唔少得台式野飲啦😋今次分別叫咗黑糖珍珠奶茶同自家製冬瓜茶，黑糖珍珠奶茶就少少偏甜，如果叫走甜會更好，自家製冬瓜茶甜味就啱啱好，入邊仲有啲冬瓜粒，飲落去口感唔錯，好有層次…Read More

大熱天時最岩就去啲有冷氣既地方同朋友gather下開心下，呢個時候去貓貓🐱cafe就最好不過，渡過一個療癒既下午小店位於係尖沙咀isquare附近，所以交通真係極為方便，一上到去就見到有好多貓貓既門口～開門時記得要小心～因為主子們都好中意訓係門口度迎接客人呢度啲貓貓都幾有個性架，有啲都好嗲人～餐廳亦都有好多玩具提供同貓貓玩～仲有board game添架呢間貓貓cafe既菜式好特別，唔係一般cafe西式料理，係有無骨口水雞、無骨花雕雞，仲有其他川菜野食～真係估你唔到！芒果乳酸梳打飲品味道有點酸味味，但又帶著乳酸的甜味，恰到好處蜂蜜紅茶蜂蜜紅茶清涼香甜，消暑不錯～風酥黑毛豬排骨估唔到cafe都有飯食仲要味道質素都幾好，排骨香酥可口，肉質juicy肥瘦亦適中，食落亦無油膩既感覺～Good! 最緊要仲要有軟骨可以咬～一啲都唔乾，配飯一流黑毛豬肉燥拌飯呢個都好味，肉燥肥瘦得宜，香濃既肉燥配合香菇，好岩拌飯仲要上面有隻蛋，成兜拌飯都無得輸！台式香腸花枝丸除左主食之外，我地仲叫左兩個小食都幾有質素，台式香腸多汁又香脆，炸花枝丸甘香可口，唔覺油膩。讚整體而言，呢間家庭式貓貓cafe真係好推介，一黎食物質素真係幾唔錯，又有貓貓玩同睇～絕對會再來呀…Read More

街坊系列 – 夢樂園 💚哈😮‍💨先岩岩換屆唔夠一個月就推哂以往話唔會推出既🙄以後想香港人咩馬就咩馬🐴總之就係要為佢做牛做馬😑------------------------------環境: 位於尖沙咀既樓上小餐廳😝作風低調撲素🇹🇼行台式家庭餐館風亦有貓店長負責睇鋪🐱歡樂感提升衛生良好👍🏻每枱都放有酒精消毒劑------------------------------食物: 風酥排骨飯 ($58) 🐷同小編係台灣夜市食到既炸排骨好似😍採用較為肥既部分😋再加以醃製後即炸排骨外脆內爆汁🤤味道鹹香,油脂感豐富就算無醬汁😈用黎配白飯都係唔錯食法家鄉黑毛豬肉燥拌稻庭烏冬 ($72) 🍜味道特別🥰醬汁帶點酸味,撈勻後食好開胃豬肉肥瘦勻稱🔥微微炒香,無多加額外調味食返豬肉本身既味🤣同個醬汁都幾夾台灣腸 (+$6)🥓新鮮磨左啲蒜蓉做配搭🧄蒜味更加突出胡麻蒿荀 (+$6) 🥒味道正常😜口感清新爽口,唔錯既開胃小食冬瓜茶 (跟餐) 🫖自家製有心思仲有冬瓜蓉係到,味道稍甜茉香仙草 (跟餐) 🧋奶香同茉香一樣濃郁😍仙草甜甜地,味道正常------------------------------服務: 店員人數唔多👏🏻但服務都殷勤到位俾水時都會問需唔需要暖水👍🏻亦會介紹餐牌食完後叫埋單時👩🏻仲會主動問”啲野岩唔岩食”整體態度都好良好😆更唔會因爆埸趕客人走------------------------------環境: 7 /10食物: 7 /10服務: 8 /10地址: 尖沙咀北京道65-69號環球商業大廈2樓205-206號舖人均消費: $100 - $ 200…Read More

#ftf_尖沙咀家庭風味 溫暖小店整體環境舒適，店員服務親切，店內有三隻可愛小貓，而且又有board game玩，適合同三五知己來放鬆一下！家鄉黑毛豬肉燥拌稻庭烏冬 $98⭐️⭐️⭐️⭐️肉燥肥瘦均勻，肉味鮮嫩配上淡淡香菇味，毫不油膩，零負擔感。配上烏冬，感覺比飯更健康清爽。烏冬都算彈牙又掛汁，健康之選！風酥黑毛豬排骨 $108⭐️⭐️⭐️⭐️⭐️排骨香脆可口，火喉控制剛好，乾身唔油膩，無溢味，炸完入面嘅肉質都仍然好嫩又多汁，唔老唔靭。啖啖肉配埋脆卜卜軟骨，令口感更豐富！府城蝦條 跟餐+$6⭐️⭐️⭐️⭐️⭐️蝦條口感Q彈，鮮蝦味重，推薦！脆皮餃子 跟餐+$6⭐️⭐️⭐️⭐️外皮脆，多肉汁，放耐左，個皮都冇淋，抵讚！花枝丸 $36⭐️⭐️⭐️尚算彈牙，不過不失，正常發揮。芋頭沙奶茶 跟餐半價$16⭐️⭐️⭐️⭐️芋香味重，個人而言有啲甜，但夏日炎炎，配返杯沙冰，感覺真係爽！#feedtiffood #吃吧孩子 #吃到懷孕…Read More