Dreamliner (Closed)

今日去到旺角女人街好多好多嘅食肆要食晒都要食幾日原本剚唔係諗住食呢間係食隔隔離個間嘅但見呢間多人等啲同埋發現隔隔離個間之前食過 咁就轉做食呢間個招牌都整得唔錯門口望入去見啲座位都唔迫餐牌上有個設計錯誤嘅位置就係寫住午市餐飲$2朋友話以為呢版係lunch menu黎咁我話睇返啲英文字母係午市晚市都有只係飲嘢價錢收費唔同佢先醒覺但我認為呢個唔係朋友嘅錯 係餐版上嘅設計錯誤令到人睇錯或者睇唔明但一坐黎佢有介紹過我地有咩食嘅都服務幾好但服務再幾好 都係得兩個侍應間鋪嘅座位得兩個侍應吃力咗啲 見佢地行黎行去好急速 想要杯水都難咁我叫咗個豬軟骨丼飯個飯呢 味道唔太好汁太多 變得太濕豬軟骨以份量取勝味道一般 但咁樣只係$43+1價錢上係平嘅…Read More

首先 呢間餐廳服務0分員工冇禮貌 個個掛住自己食野傾計21:30 行到入去 有個女人唔知係職員定老闆啦佢就係度講22:00 last order叫我地快啲落order 咁好 無所謂 我都唔鐘意阻人收工 到我地揀好想落單呢個女人竟然話「食咩 你嗌出黎啦 我唔想行過黎」落單後仲將我地枱裝筷子既座放去等二枱 求其拎張落紙巾包住個筷子 真係唔知你用意係咩？ 懶得洗？第二 食物質素 唔好食咖哩漢堡扒飯 咖哩超級咸 漢堡扒煎燶鰻魚烏冬還好綜合價錢質素服務我打死都唔會再入黎食 打死都唔會個人意見做餐廳唔想幫人落單 咁你不如掛休息啦 最好長休添!同埋我覺得你地應該學下對人既基本禮貌 -完-…Read More

今日夜晚大概9點半同朋友係旺角搵有咩食，見到呢間店面唔錯又唔係好多人，就入去試下啦。一入到去，貌似店長嘅人同staff講咗幾句，詳細唔太記得，但俾我嘅感覺係唔想做我地生意咁🤤然後落單時唔行嚟枱側邊，反而叫我地嗌要食咩，原因竟然係佢好攰唔想再行🤤之後食到中途有另一pair顧客入嚟，落單時個店長仍然叫佢地就咁嗌出聲，個女顧客叫咗佢幾次過嚟落單佢依然都係咁做，到女顧客話有野問佢先至行過枱邊🤤究竟係咩野嘅心態先會覺可以用熟到好似同friend嘅態度同顧客相處？🤤 食物方面我就不作評論 (因為對食冇太大嘅要求)，但係就算d野食有幾好食，咁嘅待客之道已經係顧客心中大打折扣，甚至可以講係負分🤤並唔係要求咩野嘅五星級服務，但出名服務態度唔好嘅澳牛都好過你嘅時候，咁就應該反省下喇😉…Read More

前幾日同朋友去呢邊食野 條街咁多餐廳未決定去邊間 行過呢間野就睇下放係出面既餐牌先 點知睇緊果陣就有個肥店員(定唔知店長啦下)走出黎sell我地 睇左陣覺得唔啱就諗住走 點知條友就勁大聲'摺'我地仲鬧我地混吉 本身以為聽錯 另轉頭睇下 原來真係話緊我地 仲企係門口啤住我地wo😲真係第一次遇到d咁既人 服務態度十級撲街 夠膽死咁對客 打開門做生意sell唔到就發爛渣 精神有問題？ 最後梗係冇食佢 當然以後都唔會🤗都冇腦既 第一次遇到d咁既事 真係忍唔住上黎幫佢宣傳下🤗個app係到要人評分先po倒 逼住比左個一星佢 如果唔係實比負分🤗…Read More

星期日下午居然仲有lunch menu, 無加一服務費，環境仲要幾靜，真係有少少喜出望外。不過店員態度真係麻麻地。。。講左2句想叫人點貴野食之後就叫人落單，呼呼喝喝咁好粗魯，好啦落左單之後再嗌野飲，叫左熱菜蜜但上菜黎左個凍既😂🙈🙈 好彩凍飲唔洗加錢，所以都懶得叫佢換。食物叫了牛肉讚岐烏冬，牛肉入口好似豬肉😂😂，不過湯底味道都適中，烏冬咬口都幾好，四十幾蚊既價錢食到咁都唔差架啦。食完想埋單時，店面竟然一個人都無🙈 雖然人唔多，最後等左一陣入左廚房叫店員出黎幫手埋單😂🙈…Read More

次次出開旺角都會去女人街覓食，因為大部分都大食夾抵件🤤係旺區鬧市中既食野好地方。今次行開就發現呢間新開既日本（定韓國？）餐廳，睇格局仲以為屬於中高檔次，一望menu，優惠晚餐都係四十零蚊，身為勇者既我梗係二話不說即刻入去試下😻😻男朋友嗌左個蒜香豬扒飯($45)，蒜香汁甜甜地好多蒜蓉好足料好惹味，豬扒煎得夠淋唔會zip牙la之餘又入味，一啖汁一啖飯一啖豬扒輕而易舉就ko成碟飯👏🏻而崇日既我見到餐牌有鰻魚飯($46)當然唔會放過🤞🏻本身諗住咁平既鰻魚一定質素麻麻，雖則未到入口即溶，但個人覺得好過元氣啲鰻魚 起碼唔會有骨，而且份量唔算細。呢個價錢性價比好高🙆一定會翻兜👅下次有機會試下個豬軟骨再上黎報告😽…Read More

晚上九點同朋友路過女人街，見到寫住創意料理，潦潦地既英文名，加埋裝修好似幾特別咁就無睇食評就入去等，望一望響收銀部侍應A沒反應，明明不是在收錢（？），咁就主動同響比較入既侍應B打手勢，之後坐低侍應B放低餐牌然後行開，當我想囉起餐牌既時候聽到左邊又突然侍應A用比較大聲同粗獷既女人聲加上用"命令式口音"話：你2個人，食2人餐啦。 果一刻我朋友答: 我地睇下先(心諗我連餐牌都未睇）（黑人問號上身），之後佢又走番去收銀。睇完餐牌就同侍應B點左晚市套餐"炸雞讚岐湯烏冬，而朋友就點左牛肉讚岐湯烏冬，因為我地坐比較入近廚房（八至十步之遙）之後聽到叮一聲，侍應B行過去囉餐，忽然聽到廚房有把男人聲爆粗，唔知係埋怨定點一句說話夾雜左三次問候別人娘親，心諗間餐廳咁靜好多客都聽得清楚（？）之後上完野飲再上烏冬，份量比較偏少，不過大讚湯底唔差，烏冬唔太硬，又唔會煮軟左，剩係呢到已經優勝過好多連鎖日式麵店，炸雞有四件，鬆軟而不太油膩。進食期間聽到另一對食客西人夫婦（鬼佬）想去toilet, 咁我望一望侍應A好有耐性同細細聲咁用英文同矩講解turn right and go straight。食左大半個餐，我朋友食野比較快，而我就用筷子夾埋最後一舊炸雞（細雞翼連尖），忽然間左邊又出現一把女聲講左句"食完啦麻"，侍應A就一次過收晒我朋友既餐，連埋我個炸雞碗，我心諗（我同朋友都未答你食完未）又自把自為？  之後awkward位就出現，筷子夾住一件雞翼，碗入面仲有1/3烏冬，如果食完件雞都唔知放邊好（？）之後當我食完，侍應A又黎啦，極速收埋我個餐走去廳房，我呆左望住佢，佢仲對住個廚房講： 無錢食完快D埋單送你走sin。我望一望其他食客，望一望個錶，晚上九時35分，入座率只有5-6成，有必要這樣做嗎？侍應A咁多出位行為，又要單單打打話人無錢，無錢買樓我成日聽，無錢食飯都有？九十年代？響呢個位things go bad, 但又唔想咁ugly,咁就拿拿淋行出去埋單（太急無影單） 2個套餐連野飲加一$117, 咁岩頭先果對西人夫婦又埋緊單，見侍應A好好態度咁遞個找續比佢又用溫柔聲講：Thank you so much。 然後我打開銀包，諗都無諗抽張$500連單遞比佢。總結：今次無睇食評walk-in, 優點食物唔差，猶其是湯底，價錢亦可以接受，缺點份量比較少，有加一，不過如果接受唔到worse than澳牛既服務態度真係要三思。P.s 二人餐不是這樣sell的#茶記服務#金玉其外敗絮其中…Read More

今日約左個好耐冇見嘅朋友。去到旺角，行左一round，見到呢間嘅名幾得意，佢叫Dreamliner夢想家，好岩我地呢啲追夢的人。而且野食又幾岩我胃口，就入黎試下啦！入到黎，好多客人，可見佢嘅食物質素都唔差嘅！我地坐低後就揀野食啦！我見到個dinner set入面有一個原條鰻魚飯即刻心心眼同埋已經mark實左佢！而黎到嘅時候，食落系唔錯的。汁唔會太甜搶了味道。鰻魚分量真的好多。飯同鰻魚嘅分量夾得岩岩好。唔多唔少。食完剛剛好！我地後尾問反個侍應，之所以叫set系因為野飲系額外半價！即系一碗野食加一杯半價的野飲。其實就唔算好抵嘅。。但呢個價錢食到咁大條鰻魚真係此生無憾啦！另外，朋友就叫左豚肉讚崎湯烏冬，我試左佢碗烏冬就唔算特別好味，個湯有小小鹹，但烏冬都ok嘅！而豚肉就唔懂得評價啦，因為我唔中意食豬肉，冇試到。兩杯野飲就不過不失啦，無咩特別。…Read More

個日睇完戲行左黎呢頭搵野食, 見呢間鋪頭夢想號都幾熱鬧, 就入左去食餐便飯啦~晚市套餐都成9個餐可以揀, 當然都可以單點啦~不過套餐抵食d, $50 - $80 跟埋湯, 野飲都係加$8旺角鋪租咁貴, 呢個價錢都算公道ge~我點左蒜香牛肉飯$54蒜香牛肉飯幾正, 有D 洋蔥片同菜, 炒得幾香;牛肉唔會煮得太熟, 岩岩好, 有彈性得黎唔會好韌~最驚喜既係飯上面就然有飯素, 撈飯真係好正~平凡既牛肉飯上面加左唔少分呀!跟餐仲會有碗湯, 個味都幾好.除左主菜之外, 我仲追加左一碟和牛串, 真係鍾意食牛鍾意到一個地步~一共有兩串, 共有六粒和牛粒~燒得幾香, 而家都醃得幾入味, $30貨仔, 仲想點呀食到飽哂都只不過一舊水, 盛價比幾高~ 諗唔到食咩可以試試, 又唔貴~…Read More

和朋友兩個人剛剛從國內回來，肚子已經非常餓，我們知道通菜街是旺角的美食天堂，就立即飛奔過去，希望可以醫一醫肚但通菜街的餐廳多到眼花撩亂，患有選擇困難症的我唯有靠感覺去覓食巧合地經過一間名叫夢想號的餐廳，正所謂做人不能沒有夢想，我決定進去尋找我的美食夢侍應安排我們坐在靠窗的位置，台面上已預備清水，我們立刻拿起餐牌，點了兩個小食和兩個主餐， 加上2杯飲品我朋友點的是左邊那杯Shake Shake紅豆綠茶，而我的是青BB梳打，紅豆綠茶使用了外型特別的玻璃樽盛載，上邊亦加上少許cream , 十分滑口而我的青檸梳打簡直是醒腦提神，消除疲勞第一款小食是芝士和牛粒，雖然名字叫和牛粒，其實是大大件的和牛配上香濃的芝士醬更用上黑色的器皿盛載，添加韓式風味再來的是茄子天婦羅，皮薄茄子新鮮，入口不會太油膩，大家可以加上少許檸檬汁，更添日本風味我朋友點的是北海道燒蠔便當便當非常豐富，有蟹柳、少許泡菜、日式沙拉，還有溫泉蛋，飯的量更是特別的多但價錢只是港幣＄80 ,超級抵食重點是燒蠔不會腥，感覺非常新鮮，加上配搭的蔬菜一同入口，更有一番滋味日本飯食料理當中，我最喜歡的就是鰻魚飯食鰻魚飯最怕的是鰻魚多骨又肉硬，但夢想號的鰻魚炮製得又淋又香，是我最喜歡的質感。最重要的是一條骨也沒有嚐到，真是大讚最令我感到餐廳誠意的，是跟餐的這碗海鮮湯，外表平平無奇，但喝誰口的時候卻十分清甜，而且裏面真的會有大大隻青口，完全能夠感受到餐廳不只注重外表功夫，更是非常注重內涵竟喜歡韓式又喜歡日式料理的朋友，推介你們來到旺角通菜街的這間夢想號，一定會有意想不到的收穫…Read More

夢想未必人人有，如有，能實現夢想，確令人羨慕， 老闆用夢想號做店名，一定用心完自己夢想整好每款食物。 加上門口的招牌相，非常吸引，便入去試試，看了餐牌後，選了一個和牛便當和一個胡麻 炸雞飯， 食物未到，首先有一個湯到來，湯看似一個海鮮湯,湯内有一隻蜆，入口覺非常鲜甜，值得一 贊， 胡麻炸雞飯很快便到，雞非常嫩滑而炸得又啱啱好 , 加上飯煮得非常軟绵绵，和牛便當來時，真的被嚇一嚇， 賣相一流而 配菜亦非常多，有蛋、餃子、蟹柳、沙律等等， 每樣都煮得相當出色， 而主菜和牛處理得非常香口而不靭，以這價錢來計，真的非常超值。飲品，叫了一杯凍奶茶和一杯電燈膽果茶,同樣出色好飲， 吃完整餐飯，未走也已决定下次再去， 試試其他食物， 延續夢想又多一餐。…Read More

行完旺角，買完衫行到攰又肚餓，係時候食晚餐行到通菜街(即俗稱女人街)，見到呢間夢想號既鰻魚便當唔貴，又幾靚仔。一於入去試試佢。入到去，我諗都唔諗，當然已經揀好我既目標，就係原條鰻魚便當。便當包括有原條鰻魚，有鰻魚汁既飯，炸蟹柳，泡菜，溏心蛋，沙律菜鰻魚份量都幾多，幾多汁，幾入味。食埋旁邊既沙律，好開胃重有 呢到既泡菜夠哂辣我地兩個人，叫多左個蒜香牛肉飯晚餐牛肉份量多夠哂飽晚餐定食包埋飯同湯架，幾抵食野飲就叫左個造型得意既電燈膽果茶果茶用電燈膽既玻璃樽裝住好特別呀果茶好冰涼，甜甜地，真係有果粒係上面架不得不提呢個東東唧出黎既係水黎架，比客人自己加水飲好特別！好好玩😂初初以為係洗手用，點知見到係食用水😂食飽飽，繼續行街shopping 😎…Read More

拉麵向來都中意食, 呢到湯底如果要比較有小小似金仔個D湯底因為食開拉麵第1句會問都係湯底點?半熟蛋整得不錯牛柳粒就好好食!基本上成間餐廳最愛呢道菜!份量正常,不過配菜OK多,肉身彈牙,偏軟易入口,推薦要試!呢個係炸午餐肉!份量對於我地黎講好多~因為6件..好大條本身午餐肉已經好油,會好易濟,加上炸既話, 其實會仲易濟,1件起2件止.. 所以份量對我地黎講有D多但口感係唔錯, 好少人咁樣整!呢到特飲好不錯,, 份量大之外外型都好特別, BULB咁味道都不錯, 整體中意牛和 特飲!餐牌既名都幾特別…Read More

都有一段時間沒有在旺角區試新餐廳了，今日一試，出奇的好味，價錢又合理。夢想號炸雞 點埋個醬更滋味哈哈沙律 d蝦幾新鮮，有別於平時沙律菜的冷藏蝦 好足料可是我個人唔食火龍果和牛串 一客兩串，不錯幾有肉汁燒蠔 可選芝士或蒜蓉炸蠔 我俾五分，下次再食同不釀茄子 這個有驚喜推介燒魚 - 減肥女仔最愛，又低卡又美味大熱天時梗係飲返杯梳打這餐真的很不錯可能是新店，食物質素都很好，希望可以保持水準，咁下次黎旺角又有好西食連我老公平時好咀勻都讚好…Read More

女人嘛.... 吃飯不是吃日本菜就是西餐不是西餐就是韓國菜。通常都是很沒新意的，日本菜就吃元氣韓國菜就去韓燒的店西餐就是麥當勞。今天想來點特別的我們吃的不是飯是藝術。店裡環境乾淨清爽，用了白色做主調。佈置上滿用心的。有可愛的紅綠燈作點綴。晚市的價錢也合理。 創意無限第一波，你以為是免沖洗洗手液，其實它是水...... 創意無限第二波，你以為是雜誌嗎? 其實是個不老實的餐牌......創意無限第三波，你以為是罐頭牛餐肉嗎？其實是剛新鮮炸出來的.......說出來我也怕被人笑，我就是被不老實的雜誌圖片騙了!點了這個邪惡炸餐肉。價性比很高，跟圖片相似度100%。完全沒用美圖秀秀。也不像在淘寶買的衣服一樣，永遠貨不對板。現在金黃色的肉在我面前閃爍著，色、香、味俱全。配菜有了。主菜就要上。原條鰻魚便當 ! close up拍過去，鰻魚的肥油是那麼的多汁多汁。油而不腻。amazing and enticing! 而且這便當很有份量，有沙律有泡菜有飯也有蟹肉棒。豐富。也配送海鮮湯。絕對是要你抱著大肚子離開。記得當時店裡正在做串燒的優惠。(不太確定抱歉啊>_<)分別叫了和牛和牛舌。賣相已經非常吸引。吃進嘴裏，是靈魂一晃，還是如嚼枯柴.....???我只記得我「嘩」了一聲。finger licking ! 最後以清清味蕾飲料作結尾...所有食物都極具創造及造型。今天我真沒吃東西啊我吃的是餐廳用心創作的藝術品啊! …Read More