壹小籠

Open Now

Now Closed

叫左個燒肉五寶飯，嚟到啲燒味係凍嘅，飯又係又凍又乾硬。搵侍應講啦，佢竟然話燒味凍係正常😂大家睇路……………………………………………………………………………..

突然心思思夜晚想飲茶....無啦啦諗起呢間舖...又再一次幫襯....先睇睇餐牌...其實點心價錢都幾貴...真係偶然食一次就算...點左6樣點心鳳爪 牛肉 灌湯餃 牛肉腸 棉花雞 小籠包除左個小籠包外，其他食物味道都唔錯！小籠包比出面超市買返黎蒸既仲要差....仲有一個缺點....點解要6樣野蒸好哂先一次過送黎？碟腸粉擺到凍哂...侍應就永遠叫親都越叫越走....想加水都要叫幾次...唉...講真句，食物質素係可以，但服務太差！成餐飯食左2百幾蚊...抵唔抵真係見人見智...我就覺得服務質素唔值呢個價....

同老婆加個女食晚飯嗌埋d非常普通既野食燒賣，鳳爪，鮮蝦菜苗餃，珍珠雞，叉燒包同埋芒果布甸比阿女。除咗燒賣，鳳爪係正常之外其他野就。。。可以將普通野整到咁特別，不過唔係特別好食無其他評論了，總之食完一次唔會再黎食下次係咁先啦

星期六諗住黎試吓飲茶….入到去，冇人招呼，冇人問你幾多位。行到入邊近中間位置先有人問你….答佢兩個，咁有張兩人台，差張櫈….個女侍應嗌我地坐….我即刻答佢，我坐邊？佢先慢慢搵返張櫈黎。佢執台期間，付近有張卡位，我想轉台。佢話：今日星期六，會有好多3、4人，要留台。咁好，算數。轉個頭，有對望落去似係熟客夫婦，2個人，坐左落去。原來唔係留比4人，係留比熟人。返正題，野食，正常，唔係特別好食，冇必要專登去試，完！

一黎到就收左張單，但冇問飲咩茶。之後打好單好似dum垃圾咁，見到單有收茶錢 之後問佢你都冇問我地飲咩茶 但有問其他人，佢話我以為你地飲水？？？已經火到黎 之後沖好壺茶 “pa”一聲放低 水都到流晒出黎….

今日係元旦假期最後一日，早D起床，去左飲早茶。壹小籠因為冇加一服務費，所以一直都好多人食，今日都係人山人海。咁早黎飲茶，都係貪佢有早晨孖寶，價錢夠哂抵，但又唔會話質素差。一個孖寶HKD$38，就有兩款點心。首先緊係叫左個飽肚類既盅仔鳳爪排朋飯，味道夠味，排骨數量都好多夠送飯食。另外孖寶就叫左碟牛肉腸粉，腸粉都滑身好好味。最後另一個孖寶就係鮮蝦菜苗餃，蝦就大大粒，皮又彈牙唔立口。而茶錢就同一般茶樓差唔多，都係HKD$9一位，總結黎講唔錯既早茶選擇。

突然好想食燒味、路經此舖！ 可惜的是、我點了一個燒鵝叉燒、 誰知燒鵝無肉、只有骨頭、真心的氣憤、便要求換掉。 但也是無乜肉….. 而叉燒也不見得好吃、因為食落去只是有一點點微暖、肉質也不太好。 如果你真要試、請三思……

新開間餐廳一段時間門面幾靚，入面卡位都幾闊落之前試左幾次燒味外賣都好食今次就叫左西班牙黑毛豬叉燒拼燒肉飯叉燒夠淋又香，燒肉個皮又夠脆 飯都夠軟熟份量又夠哂飽 送既湯都正常搵日可試埋佢d 點心，見都幾抵食

見到新開，立眼以為茶餐廳，原來係點心店。餐廳座位都算舒適，卡位坐得舒服唔會迫，唯一唔掂係啲碗碟全部都油淋淋，滾水洗都搞唔掂，有待改善！第一次試，先叫個燒味點心套餐$69.8，黑毛豬叉燒飯+點心一款+油菜，見佢叉燒幾靚。值得一讚係啲飯，粒粒分明軟糯好食，靚米👍🏼叉燒夠香，肥肉相間，肉質淋滑，另上一小兜蜜汁，撈飯一流！套餐揀咗《醬皇蒸鳳爪》《原隻鮮蝦腸粉》蝦好爽，腸粉唔錯，阿女話個豉油最正《海皇醬金錢肚》味道好好，肉質唔會韌《鮮蝦腐皮卷》上枱仲熱辣辣，煎炸嘢都一定要熱辣辣先好食👍🏼《花膠灌湯餃》最後仲叫咗個懷舊金絲蛋散，不過唔知係咪侍應太忙太多嘢做，出咗菜好耐都上唔到枱俾我哋，嚟到嘅時候已經凍晒同淋咗，唔好食，同侍應反映問題都幫忙取消咗。

之前都黎過壹小籠飲早茶，因為食過，個價錢又算合理，食物質素又可以，所以今日又再來啦。壹小籠最大既優勢就係免加一，呢樣真係平唔少。同埋佢地星期六，日早茶時段都有孖寶點心優惠，孖寶點心即係，$36.9就可以係指定點心款式選擇兩個點心，而點心有牛肉腸粉、鳳爪排骨飯、叉燒包、鮮蝦茶苗餃、燒賣、咸水角等等，孖寶點心質素都正常發揮好好食👍🏻👍🏻，唔會將貨就價。除左孖寶點心，我地仲叫左個炸腐皮卷，好脆口好好味。

門口以為燒味店。原來係吃點心。點了一個燒肉飯同一個小食味道滷水猪手冇滷水味。。。靠淋上面d汁有少少味燒肉飯。皮都脆。例湯就不要有希望。超油份量飯算少。大約是出面燒味飯的碗猪手有5件。算正常ok定位後一條街有得過米芝蓮一星的點心。價錢亦比他平。但坐得沒這間舒服。茶來講。感覺這間茶包比後面那大泡好點。不過都不要指望有茶味附近好似沒有堂食的燒味飯。（e.g 雅都foodcourt 有間吃雞同鴨。不太算燒味）如果想吃點心味道。可能去後面那間好點如果想吃燒味飯。附近冇選擇。但這間多左茶費。但這間好處是可以慢慢坐或者又想同時吃點心同燒味飯。這也是一個選擇

呢間飲茶既小店，首先讚既係，呢間舖頭好多卡位，如果3-4個坐都好闊落，同埋呢度係唔收加一，又慳返一筆。講返食物先，呢度如果叫孖寶係好抵食，$36.9可以選擇2個點心，仲叉燒包，菜苗餃，牛肉腸，鳳爪排骨飯選擇，全部都係大路既點心。個排骨飯既肉量都好足夠，仲有孖寶特價點心竟然有燒賣，的確難得。除左孖寶點心，仲叫左個炸腐皮卷特價點心，非常脆口好食。但係正價點心，因為價錢上都覺得唔算抵食，就冇點了。最後講句SORRY，因為唔記得影左先食野，有D相片係食左一兩舊先影。

話說小弟經過昨晚教訓，晚上8點再黎幫襯一坐底先叫普洱茶，再慢慢睇食乜野好！d女侍應就不停望住你，好煩擾！有個套餐幾抵食，一碟燒味飯 加點心，例湯／油菜！3樣野加埋70蚊小弟點選例湯油雞飯 同 蒸鮮竹牛肉球！先講例湯，全部都係湯，冇渣...飲完黎就不停要飲茶解渴...牛肉球，呢樣野幾好食，幾大粒！我幾滿意，齋食牛肉球都飽最後係油雞飯，睇見擺盤就唔開胃...擺堆蘿蔔絲出黎做裝飾做咩？好好睇？浪費食材！點解食雞連薑蓉都冇碟？豉油雞 話明用頭抽，味道遜色冇咁重味是正常，重點係雞肉煮得過熟，好似擦子膠...另外d飯就擺得好靚仔，口感幾好！有米香！最後湯撈飯算！賣單77蚊，食物質素一般，唔值呢個價總括黎講，下次我食晚市齋叫兩籠蒸牛肉球加壼普洱茶算咁樣仲抵食

小弟見新開張，膽粗粗入去幫襯...眼見門前寫營業時間去到晚上10點，我晚上9點15分去到，掃2維碼後，收銀機侍應叫我隨便坐我就好奇怪點解會冇左掃描安心出行果部機坐底後問我飲咩茶，我選普洱！飲左兩啖茶，其他侍應就走過黎講已經收工！示意叫我離開！ 去到收銀處邀請我入去既侍應仲罵我話收左工唔做生意啦，請你離開！我即時罵返佢，收工你就唔好叫我入黎啦！浪費我時間，搞x錯！話明收10點，9點半已經唔洗做，5個侍應係收銀機前傾計，真係舒服！個經理就坐係後面埋數，乜都唔理！聽日我會再幫襯，暫時今日服務欠佳