壹家車仔米線

粉麵有六款可以選擇 粗麵 油麵 上海麵 米線 紅薯粉湯底有四個 麻辣味/酸辣味/蕃茄味/豬骨雞湯個人喜歡蕃茄湯再自己加辣醬仲可以揀四個辣度餸方面 會揀雞翼(有炸過，抵食)咬落去夠脆中間有汁唔乾咸牛肉洋蔥炒蛋《一個餸有三樣嘢👍唔會炒到蛋好老， 咸牛肉再加埋半透明嘅洋蔥， 夠大份，非常滿足個人口味加多個娃娃菜野飲方面熱飲係附送 ，我叫左奶茶， 色澤均勻，夠滑， 茶葉冇苦澀 ， 可以唔使落糖， 可以一試總數埋單連飲品都係53蚊，可以再去😋…Read More

呢間野已經食過好多次，就足足忍左佢好多次！明明個袋唔夠大，夾硬將碗麵同杯飲品塞入去，點塞？竟然係將杯飲品打橫放！！！！！結果咪瀉晒出黎囉！！！！！！！！！！已經唔係第一次，係已經試過好多次係咁，根本就唔尊重客人！！！！！！！！！！！！！！！！！！！！！！！！！！！！！！…Read More

來過兩次， 感覺店面乾淨，有唔少街坊幫襯。價錢算便宜，但係食物質素很好。豬軟骨飯，不失不過。酸辣米線，湯夠熱，湯底有肉碎，很美味。豬大腸 很有彈性。性價比完勝各連鎖店。…Read More

試左兩碗外賣車仔麵，有分湯盒，湯夠熱。餸由$5-$8不等。但叫咗4-5樣餸點解會變左$60？原來淨湯麵$33。送熱飲。豬紅一般，蘿蔔可以，豬手偏林，豬軟骨都夠林，豬腸都乾淨，牛百葉切得好幼，雞翼炸的，豬扒都夠林入味。豬骨湯就唔可以辣。食完感覺湯濃，但頗喝。點解筲箕灣區要搵一間食得下既車仔麵係咁難🥲4餸，6餸，2杯凍飲$6，外賣盒$2，外賣$133最後發現比漏娃娃菜，返去取回$5。…Read More

由開張嘅時候就已經成日落嚟嗌外賣食，自選麵佢哋個豬扒同雞翼都炸得好香好好食🤤麻酸辣撈幾款麵試勻曬之後都係覺得撈粗最好食，夠曬彈牙，同隔離嗰間大排檔老字號有得揮👍🏻不過有時啲辣椒同埋奶茶個糖漿失手落得多得濟，同埋一直都覺得撈麵送嗰碗湯唔好飲，不過剩係計個麵就已經對得住個價錢啦！最近佢哋又出咗個$28嘅豬扒米線，晚市外賣自取限定嘅，見咁抵就試下啦，豬扒依然係嗰塊好味豬扒，佢仲比咗兩塊我添😃抵食！…Read More