Sio Kan (Closed)

剛開張時去了一次。果時冇乜客老闆同佢個fiend 邊煮邊大大聲吹水，感覺做事唔認真。呢期見咁多正評諗住俾多次機會。點知都係物非所值。慢： 呢日晚上一條友去。佢另有一枱客總共得三個客 叫個拉麵都可以等成10分鐘。貴：叉燒拉麵$138。偏貴。埋單埋了好耐。原來因為姐姐仔用手寫單。一睇要收加一及茶芥。佢收加一都好正常。食日本野我都係第一次被收茶芥，以為自己去了吃中菜。唔好食： 叫了鰻魚串燒。我都係第一次食到唔熱的鰻魚串燒。叉燒是真心ok的。 但個湯完全唔掂。d 麵唔太熟。黏牙。早知返屋仔食公仔麵好過。…Read More

Insofar as restaurants are concerned, Tin Hau is full crouching tigers and hidden dragons; only the strong survives. Sio Kan is a stronger player tucked in the between Shell Street and Merlin Street. Chef Chris has high standard for food and will only serve you what he considers as nice and fresh. Check out the pictures and see for yourselves. As I can only post up to 12 pictures, check out the other pictures at OpenRice’s Sio Kan page. Rumour has it that they may be moving soon, so better go there before it is gone. Don’t say I haven’t warned you. 🚬…Read More

我對拉麵係有一些要求。呢間居酒屋我跟隨左好耐，本身佢既位置旺角，但執左而名都改埋。好幸運經過北角又認得翻老闆同夥計，就即刻book位一試等左幾年終於可以食返，我好大期望。入到店內可以選擇坐吧枱位睇住師傅整野食或者坐卡位。店內不是很大，大概有五台卡位，真的很想一試就一定要訂位。坐低就叫咗啤酒飲，手工啤新界似麥啤，飲到最後比較苦。黑松露湯底不是很油，而是很香。全個湯底都係黑松露味。鍾意黑松露一定要試。叉燒好厚。兩邊面都燒得很香口，做到外脆內軟嘅感覺。係要趁佢脆快啲食。燒牛舌也是厚身。感覺很有趣。燒黑毛豬是店裏的緣份推介。好食。多汁柔嫩但唯一一個缺點因為緣份推介不是餐牌內的菜單，不一定可以嘗到。總括嚟講呢間店係有少少貴，但都值得既。…Read More

是晚下班，時間多得是，徒步由銅鑼灣一直向前行，行到炮台山時，被門外神秘的門面吸引我停下腳步。拉麵款式較坊間拉麵店更為多，甚難選擇。左思右想下最後要安格斯拉麵！安格斯牛肉拉麵 - 賣相挺美感，飲落湯底咸度適中，不蹌喉！拉麵質感拿捏得宜，食落富彈牙感。安格斯牛肉燒得剛好，咬落富有肉燻香，質感鬆軟不帶韌，配上湯汁更為惹味！溏心蛋有濃濃的蛋香，流心度不俗！半隻確實不太夠。林檎果汁 - 總是感覺日本的林檎汁甜度較其他地方的更為高。不過呢隻飲落挺順口，解除膩氣！北海道牛乳布甸 - 彈下彈下挺過癮！質感滑溜帶點微甜，正餐後來一客甜點，確實會令我開心不已。…Read More

晚上經過北角「蜆殼街」，剛剛幫襯試食完一間走「沖繩風」路線的日本拉麵食店「黑X」之後，我忽然感到意猶未盡，忍耐不住想光顧多一間拉麵店，結果衝動是魔鬼，我最後走進旁邊，有點像居酒屋的「塩館」。我說「塩館」風格像居酒屋，的確不是信口開河的事情，因為「塩館」內部的裝修，餐牌感覺都很有日式高級料理居酒屋的氣派。期間我還看見「塩館」的牆壁上，還有類似塗鴉的筆跡，不曉得那些筆跡，是食店刻意塗鴉上去，還是有食客偷偷寫上去，但是我只知道「塩館」樓面環境給人很休閒，很寧靜的風格？其實我本來也可以，選擇坐進「塩館」樓面內部，有塗鴉的偏廳餐檯位置，但是我最後還是忍耐不住，還是想坐在廚房附近的吧檯位置，看看廚師製作拉麵的過程。由於光顧「塩館」之前，我剛剛才在於旁邊的「黑龍」，食完一大碗有濃烈中華料理風格的雞湯拉麵，所以我胃口沒有之前那麼龐大，只想淨食一碗拉麵就算數。怎料「塩館」的拉麵，原來還附帶一味剌身小食作前菜，所以我最後食完拉麵，埋單的價錢比我預期的昂貴了不少。不能夠說「塩館」的侍應欺騙我，只能夠說「塩館」餐牌的價錢說明略有少許不足，令我最後誤會收場。拉麵價錢的落差，令我試食後，對「塩館」和他們的拉麵觀感有了另一層體會，就算餐牌不是電腦打印出來的版本，但是作為食客亦應該在用餐前，細心看清楚餐牌的價錢和細節，避免任何不必要的爭拗。另一方面，我發現「塩館」的拉麵和小菜，價錢都比一般日本拉麵餐廳，都來得昂貴，性價比相對來說都比較打了折扣。例如我今次點了一碗「香辣牛舌拉麵」，原本價錢已經要港幣一百二十八元（未計加一服務費）。但是加了餐前的海老刺身沙律之後，最後我吃完要付的價錢，就一下子變成了港幣一百六十一元。我離開「塩館」，再次看完收據之後，我才發現沙律也需要收費港幣十八元左右，魔鬼果然真的隱藏了在細節裡面。雖然「塩館」的沙律也沒有偷工減料，也有使用新鮮沙律菜和新鮮生蝦肉，但是現在我還是覺得，我真的沒有食餐前沙律的必要（因為我有點飽）。吃完蝦肉刺身之後，我一直等待「塩館」的「辣味牛舌拉麵」上檯。只是「辣味牛舌拉麵」上檯之後，「辣味牛舌拉麵」辣味超出了我的預計範圍，亦令我有點吃不消。因為「辣味牛舌拉麵」的辣味，不是我平日能夠承受的辣味。再加上「辣味牛舌拉麵」面頭，只得半隻雞蛋，所以我吃完拉麵之後，我很少有地不能完全喝完拉麵湯，便結賬離開「塩館」。「塩館」牛舌的口感，沒有我預期的那麼韌那麼耐嚼。不知道「塩館」廚房用了什麼秘訣，可以令牛舌的口感，可以造得如此軟腍，我從來都食過，質地如此軟腍，不需要怎樣嚼就已經可以吞嚥下去的牛舌。「塩館」的牛舌超出了我的預計範圍，曾經令我一度誤以為，我食的不是牛舌，但是再三觀看牛舌外觀的構造和紋理，我吃得也真的是牛舌。至於「香辣牛舌拉麵」的湯底，它的辣度真的超出了我的預計範圍，湯度的辛辣程度，真的令我完全無法再喝下去。儘管「香辣牛舌拉麵」湯的味道真的很濃，也很有芝麻的香濃味道，奈何味道太辣的拉麵湯。喝一口都還可以接受，叫當時的我把整碗「香辣牛舌拉麵」湯底完全喝光，我真的完全做不到。另一方面，「塩館」沒有自助點餐紙，我無法選擇「香辣牛舌拉麵」的麵底，對於拉麵的粗幼軟硬，我今次也是無能為力。「塩館」拉麵屬於幼身拉麵，口感偏向軟腍，要有嚼勁拉麵的人或許要失望而回了。最後我勉強吃完「塩館」的拉麵，已經再無法喝味道極辣的湯底，便要喝水解渴，付款結賬走人。最後我概括形容，整晚在北角兩間拉麵店的食後感，沖繩拉麵店「黑X」的中華風雞湯拉麵，效果比「塩館」，牛舌拉麵來得理想，而且價錢亦是「黑X」比較便宜可人。如果我要選擇下次幫襯哪一間，我覺得前者比較合適我一點。…Read More

廣島生蠔拉麵- 麵豉湯底鹹香微稠，海帶添海洋鮮味，芝麻增香，帶微甜的罐頭粟米沒驚喜，若換上新鮮粟米粒，整體配搭上或許更上一層樓- 幼拉麵掛湯，吃後負擔不太大- 溏心蛋流心，討好- 廣島蠔咬下去時有輕微爆開的感覺，頗爽脆且嫰滑味鮮…Read More

大大話話已經去過哩間街邊轉角既鹽館三四次啦，每一次食完都好滿足好滿意。今日系第一次book抬食，先知道原來落booking既客人會有hiddenmenu 選擇架，而且唔會有paper menu，全部都係店員親口講既，menu個個禮拜都唔同，視乎主廚入左咩好食材。今日就有火焰玫瑰蝦，蝦好大隻，重長過我隻手呀，煮法系先放滿滿酒味既特製玫瑰露落d蝦度，等隻蝦“醉”左先，吸收曬玫瑰露既香味之後，再點火燒蝦，系半生熟既時候熄火上蓋，用餘溫焗熟，好香好香！食落口蝦肉爽口彈牙一d都唔老，玫瑰露香味好濃，佳品！另外仲有特製醬汁，味道好濃！另外點左鹽燒活鮑魚拉麵，其實都試過好多拉麵館，鹽館系唯一一間有甘大隻又新鮮既鮑魚系碗拉麵度既拉麵館。食既時候都好講究架，希望我無記錯店員講既食法：先飲一啖湯，再食一啖麵，麵要由碗底抽起d沾滿湯，再落檸檬汁，先再慢慢食。個湯好清甜，有檸檬汁吊味，加埋鮑魚涔出既鮮甜，正！只鮑魚好重稱，肉厚，彈牙，易咬開。另外店員叮囑唔好從個碗度令走鮑魚殼，因為個殼系會涔出獨有既海鮮味。鹽館真係我百試不厭既拉麵館，雖然價錢比較高，但絕對值得！無論用料，煮法，味道，都非常特別，真係得鹽館先有。…Read More

同Mr. C講話想出街食，佢就話好想試下呢間小店。每次行過都好似好神秘咁。去到餐廳，好彩時間尚早，因爲我哋冇訂位，不過都有bar檯俾我哋坐。坐底之後聼隔離檯同師傅傾計，我估計係熟客。之後又有另外幾個客人，都係同師傅好好傾。我估呢間小店主要係做熟客生意。我同Mr. C睇下個Menu，有串燒，有拉麵，小食等等。我哋點完菜等緊時，有枝豆食住等！厚燒叉燒拉麵（豬骨湯）$138平常我嘛嘛地蔥，有得走必走。但呢樹好特別。餐牌上都寫明話唔會走蔥。“為保持湯底的原味，所有拉麵均不設走蔥”。幾特別。所以我都冇所謂啦，試下啦。另外蛋都係用日本雞蛋。拉麵上檯個時，見到個兩塊豬肉。嘩！好肥好厚。舊肉稍微火灸燒過，邊邊有啲脆口。叉燒半肥瘦，裏面肉質厚嫩。湯底就，個人認爲都ok，但始終唔及出面啲拉麵店既味道濃厚。麵條軟硬適中。半熟糖心蛋都唔錯，夠味。味淋河豚乾 $98 出面食過有啲好乾好硬。但呢樹既魚乾，每塊夠厚身，又唔太乾，軟硬剛剛好。我同Mr. C好快就清咗呢碟！特級牛舌 $78我哋叫既牛舌同埋雞胸軟骨一齊上。好特別。冇見過咁樣既鹽板（我見識少哈哈）！師傅話如果唔想太重口味，就要快食。如果唔夠味就可以再響塊鹽板上面捽多幾下！個牛舌好好味。真係好好味。超juicy。好厚。易咬得黎又好有趙口。質感一流！雞胸軟骨（本地新鮮雞） $45本來想叫雞膝軟骨，但師傅話雞膝係冰鮮，而呢個雞胸軟骨就係新鮮。哦，咁試下啦。都ok既，只不過唔係我想象中既雞軟骨。個人本身嘛嘛地雞胸。雞翼（日本）$42/一只呢個雞翼，我哋問師傅好唔好食，佢好覺笑咁話，"唔好吖，最怕呢個！最多功夫！” 哈哈。但我哋見啲熟客都叫，我哋都叫啦！師傅話佢整呢個雞翼係用日本華味雞 - 天然飼料飼養、肉質特別嫩滑、脂肪部分亦比較少。所以成本都貴啲。佢賣到$42一只，你自己話抵唔抵食，見仁見智。不過to be fair，加埋個鹽板，個雞翼熱辣辣擺上檯，又真係好味！火喉控制得剛剛好，肉質幼滑多汁。啤酒 Miyazaki Yuza Ale $68Mr. C話呢樹咁近我哋，下次可以再返去試其他野食。我話，一定要encore個牛舌。超正！…Read More

呢間日本店絕對可以encore 但因為店舖細所以座位唔多，需要訂位，上次無訂位摸門釘食唔到，不枉我再訂位再行多次1。黑松露枝豆頭盤小菜 dap下dap下幾過引2。燒活鰻食嗰陣嘅肉質口感同平時食開嘅好唔同，所以特登問師傅，原來佢地既鰻魚拎返黎之後係用咸水另外養住，等吐哂d淡水出黎，同一般出面既鰻魚會唔一樣唔怪得食落去個味咁特別3。塩館飛龍頭裡面係帶子，外面類似炸腐竹皮，沙律醬茄三文魚子，鎖到帶子既肉汁4。岩鹽板燒雞翅5。海藻鹽聖子燒配海膽醬勁新鮮，配埋個海膽醬一流6。岩鹽燒嘉美雞新鮮雞皮 呢個炸雞皮不得了，佢一啲都唔油仲好爽口雖然食到雞皮下面啲雞油雞脂，但一啲都唔溜非常之好食頂引7。香燒新鮮雞軟骨出面一般都係一粒粒，佢一條條咬落去好過癮食到啖啖雞肉，又可以咬到雞軟骨好正8。鹽燒牛舌因為本小姐唔食牛所以呢味既食口感係1來自我朋友口中形容: 彈口，外脆內軟，鎖到肉汁😂 end up佢同我講，好正，同埋問返店長先知，呢碟係佢地其中一味主打 鐘意食牛既朋友可以去試下9。黑椒原燒雞心串10。趷趷花竹蝦店主有教，其實食蝦嘅正確方法，應該要用口剝殼因為隻蝦係鹽燒花竹蝦，佢用左海鹽整係個蝦殼上面一齊燒，所以應該要用口食慢慢品嚐個蝦殼再食入面啲肉，入面啲肉亦都非常之爽口彈牙！以上開飯食評，係本小姐個人食後感…Read More

無啦啦有免費午餐吃，諗住去飲茶，誰不知有食家建議去呢間拉麵店，初初以為有何特別之處呢？又遠，好在有的士炸，店內還未滿座，不論是門面或是店內裝潢設計都令人感到很高級似的，開放式廚房令客人可以同師傅溝通，聽下佢提議食乜都唔錯嘅，先看看餐牌，價錢都比較高一點，特別係高級食材，完隻龍蝦拉麵，第一次食有龍蝦既拉麵，師傅話得兩隻，我和一位朋友都要這個，多一隻都冇..成間店就得咁小量貨？眼見魚缸內有幾隻係咁多，有D已預留比其他客人，最後兩隻就係我地架啦等左好耐，我們都好期待，深信師傅好用心烹調，耐心等待係必須的一上枱，嘩，真的好壯觀，龍蝦頭也在拉面上，侍應又教我地不要撈埋一起吃，會影響味道同層次，先喝一啖湯，好甜，面質地很好，不太淋，掛湯力不錯，仲有半隻半熟蛋，蛋味香濃，主角龍蝦肉鮮味彈牙！爽肉才是新鮮但食得幾狠狽，D殼要咬開才吃光裏面的，朋友好厲害，食到ler曬骨咁，呢頓午餐比平時食開的貴，幸好有朋友請客啊好豐富呀！…Read More

這一條砲台山的食街, 坐立咗三間日式拉麵店, 有兩間都非常開揚, 而正正係街頭的哪間, 卻看不見裏面嘅環境, 原來真係一間隱世間拉麵店!一入到去氣氛非常之好,客人非常之雀躍, 店主同客人打成一片, 一間餐廳如此多熟客, 我相信除咗同待客好之外, 佢嘅食物質素一定不差, 所以今晚的我很放心, 而且有一定的期待!用上起喜瑪拉雅山岩鹽板, 製成嘅串燒感覺比一般串燒與別不同, 令它有一種微微的香味燒烤的食材沒有燒焦 而且能夠保持食材嘅原味肉汁鎖住並不流失, 這塊喜馬拉雅山岩鹽板打出食材原本風味燒花竹蝦睇到花竹蝦係魚缸內, 游得生生猛猛, 口感超級彈牙, 味道更鮮甜，燒出來的顏色也好看明太子雞翼 ,燒得恰到好處, 辣辣地幾好食串燒有質素之外拉麵也同樣出色麵豉湯既精華同黑松露融為一體, 黑松露令到帶子嘅鮮味提升不少, 帶子係刺身級 ,感覺非常的新鮮, 放在熱湯內, 利用湯既熱力把帶子變熟, 唔同既時間食, 帶子既口感都與別不同麵質冇得彈, 有咬口之餘, 麵既掛湯能力又夠高, 麵鼓湯口感細緻的味噌湯，以及春夏之際想讓味蕾感覺到比較輕盈的風味…Read More

今天補完習後，要對自己好一啲，慰勞自己，所以揀咗呢間朋友推薦嘅炮台山小店塩館食晚餐睇過成個餐牌，印象最深刻就係嗰個和牛拉麵，事關出面好少有呢個款叫，所以決定叫呢個試一試...個麵嚟到，待應同我講個湯底好有層次，叫我唔好撈均佢嚟食，我唯有聽佢講喇，事關幾真心欣賞對嘢食嘅堅持，雖然個湯底我唔係好食得出有好大嘅分別，但我感覺塊和牛喺令人有驚喜，有別於一般拉麵嘅配料，不過如果多幾塊，又或者個湯底再熱啲就好喇另外叫咗個鯖魚都唔並，香口多汁，總結嚟講都值得一試…Read More

早前到北角找個老朋友，順帶來這邊晚餐。朋友說想帶小妹去一間居酒屋，方便聊天。小妹對北角區不太熟悉，只記得印象中，區內日本菜可說是寥寥可數，大多要去天后一帶吧。跟他走過一條條街巷，步行至炮台山蜆殼街一帶，那間居屋酒「塩館」就呈現眼前。店內的位置不多，我們被安排到就近師傅前方的位置就坐。裝潢頗特別，發現其中一邊牆身與日式風格有點兒格格不入，寫上幾條數學題。已拋開書本有一段日子，不太懂得拆解了，不知道能夠拆解是否有獎賞呢~哈哈餐廳與一般居酒屋不同，沒有壽司、沒有刺身，以拉麵為主。拉麵選擇十款有多，小妹較喜愛吃辣，選了這個香辣牛舌拉麵/$118。拉麵由地獄豬骨湯製，辣度不是一般程度，雖然越吃越辣，吃到有流汗的感覺真的很爽。牛舌雖厚切啖啖肉，但有點失色是煮得太過腍身，而拉麵亦是偏腍，失去彈牙的口感，幸好主要有湯底補回分數，不過不失。所有食物也即叫即製，以燒物而言，一燒起就遞到客人前方，可即時感受到串燒熱騰騰的溫度呢。眾多燒物之中，小妹較喜歡雞軟骨/$28，留有嚼勁之餘，亦不會太韌，味道的確不錯。燒冬菇也是推介之一，冬菇不會太乾身，而且還熱騰騰，雖然是燒物，但始終是蔬菜，感覺一解油膩之感。很少在日本餐廳中可以吃到小籠包，這裡的極品小籠包/$38可是店內推介之一，內餡有蝦或蟹選擇。小妹點了內餡是用蟹肉造成的小籠包，上面放了一少塊海膽及條條椰菜碎絲。小籠包皮薄身，一咬開，可以看見塞得滿滿的蟹肉，連海膽吃味道又很夾呢，味道出奇地有驚喜，大可一試啊。居酒屋不只是單單只提供食物，氣氛亦十分重要，這裡的老闆十分親切，與店內大多客人熟落，亦與我們有說有笑。而老闆亦大顯身手，親自燒牛舌給我們吃，發現味道真的大大不同，牛舌腍身又爽口的感覺，超好吃，的確大開眼界! 由於明天一早工作的關係，是夜沒有開酒喝，期待下次再與友人到此一聚。…Read More

前排發現咗炮台山附近呢間居酒屋幾正，入到去個氣氛唔錯，個老闆亦會主動同D客人傾下計，今次小弟首次嚟到，整體食物都幾好，值得再去。前菜係芥末八爪魚，都幾開胃!小食點咗個極品小籠包，好有新鮮感，第一次晌居酒屋食到呢D野。小籠包可以揀蟹或蝦味，小弟就簡咗個蝦，個小籠包皮唔太厚身，入面藏有好多蝦肉。呢到主要係供應拉麵，點咗碗巨輪叉燒拉麵，係用豬骨湯做，豬骨湯帶少少鹹好惹味，不過拉麵就好似太過腍，講到最好食係舊叉燒，大大舊又厚身，啖啖肉呀。比較鍾意係燒物，燒冬菇一D都唔太乾身，食落裡面仲有D汁，即燒即食，幾好味；個牛舌好味到簡直無得頂，特別係老闆親自燒，火喉岩岩好，一D韌的感覺都冇，食落仲好爽口。仲叫咗杯青森縣蘋果汁，初初以為好似汽水咁，原來唔係，味道又唔會太甜，口感挺身，用嚟送燒物唔錯。…Read More

去北角上堂的日子，可以順道去港島搵下食。搵食之前，一定要搵到泊車的地方。朋友屋企附近就有幾條「食街」，食物選擇多又泊到車。街角有一間好Fancy的餐廳，感覺似係貴價的高級日本餐廳。點知行近望下Menu，價錢又幾親民，仲有拉麵添。入到去氣氛格調都好特別，有少少西式的感覺，好有現代感。坐在吧檯，師傅好主動同我地傾計，真係有種食OMAKASE的感覺。吧檯上面有大魚缸，裡面養著活海老，特大虎蝦真係成隻龍蝦甘大架！坐低無耐，店員姐姐就送上前菜，係我最鍾意的芥辣八瓜魚啊！本來見到魚缸，想試下塩味海老拉麵，但師傳推介我食三文魚味塩味拉麵。三文魚子都可以做拉麵？聽落好特別，一於一試！上檯即刻引到我心心眼，三文魚子粒粒晶瑩圓渾，份量十足，成三文魚子山。拉麵底味道很特別，加少少檸檬更突出，配合三文魚子的鮮味，好精彩。朋友點左最基本的叉燒拉麵，但出品亦唔簡單。叉燒竟然係網燒，有網紋！薄薄的油脂好香，表面仲有少少碳香。麵條有掛湯效果。湯底除左豬骨濃香，蔥花的香味都好出。除左拉麵，師傅都推薦我地試試串燒。見到火爐上的食物好豐富，雖然已經飽左，但都淺嚐一下吧。我地只點左一款牛舌，但已經係驚喜十足。牛舌厚切，牛脂油好香，牛味好濃。口感方面，一串牛舌有三件，刻意做左三款size。每件都有獨特的口感，最大的較軟滑，最小的較香脆。一串牛舌都可以做到甘多層次，實在很夠誠意。…Read More