Wall City Flavor

認識城寨風味系透過直播，直播中的食物已經非常吸引，昨天爲長輩在這裏慶祝生日，由訂枱開始，趙經理已給我非常親切的服務，其他同事也很有禮貌，至於食物水準一流，每道菜都是熱熱的，感受到廚師用心製造，環境方面也坐得很舒服，只可惜我們人數不多，未能嘗試多一些招牌菜，總結：非常推介這裡！ …Read More

今晚同班friend去咗九龍城廣場，預祝朋友生日飯食咗個幾滿意嘅晚餐！餐廳環境乾淨企理，服務員態度友善，成個用餐過程都好愉快。 我哋叫咗幾款招牌菜，**城寨風味雞*雞肉嫩滑，**沙巴龍躉**火候掌握得啱啱好，魚肉鮮甜彈牙。最驚喜係**凉瓜肉碎煎蛋*，苦瓜甘而不澀，煎蛋香口，送飯一流！**錦江海鮮豆腐煲**料足味濃，豆腐吸晒湯汁精華,柚子蝦球酸甜清爽，蝦肉爽脆，可惜得8件有啲唔夠喉。 整體食物質素唔錯，價錢合理，服務周到，係個幾好嘅聚餐選擇。今次生日飯食得開心，下次會再嚟幫襯！…Read More

符合我同老公既要求，會再返黎。價錢唔平，不過做到服務好、有環境、唔洗排隊、張枱夠大坐得舒服、燈光舒適、人小又安靜(除左有個好似冷氣機定唔知出風口槽既聲不斷好嘈..最後變左白噪音，所以唔知叫唔叫做嘈好)。難得係員工態度好又有心做，做野爽手，員工自己亦好乾淨(呢樣好難得)，所以搞到成個餐廳比人既感覺都好清爽乾淨。份量適中，唔會特別大份，如果只追求平價同CP值就未必滿意。但商務上好合適，又或者食餐飯除左對食物有要求既人黎講都會鐘意。一向唔留言，但因為員工無論服務態度、上菜、主動提點有得+$22有優惠菜餚(我地本身無留意到呢樣野)、同埋對份工非常上心(出面餐廳既侍應做野好似打機既NPC，係呢度個個都似老闆咁積極)，先會令我登特想留言。我相信絕對唔係因為我地叫得多野先會咁，我見對其他客都好好招呼。特別推介蠔仔粥。…Read More

近來成日去九龍城，見到呢間餐廳都幾多好評，想試好耐，終於試咗。位處九龍城商場，都唔係貴價商場，但呢間價錢係偏貴。唔緊要的，最緊要好味。鑊氣係有的，但食物普遍都係唔夠味而且份量少。蠔煲$270得8小隻。好彩當天有加一蚊多一個指定餸菜。我哋揀咗魚腸。一樣係無味而且個底係焗燶咗d，原價要成200$。最好味就係個燒乳鴿，價錢亦合理。總結：環境同食物質素以價錢黎比性價比低。係呢個商場夠膽收呢個價。食過一次就算。…Read More

本人於十二月經過此食店，因多年沒來，於是便查看該店外之餐牌。這時候一名穿着整齊禮貌不錯之男士向我打召乎並向我推介該食店。因為這位趙姓經理誠意十足打動了本人，於是便向他詢問年夜飯之詳情。該名趙姓經理亦向本人大力推介。於是乎本人19/1/2025晚上21:17致電這位趙姓經理留枱，於28/1/2025晚上1830六位吃年夜飯。趙姓經理亦向本人道明該晚晚飯將會分為六點及八點兩個時段。本人亦向他表明有點難處：因本人於元朗工作，接近五點才下班，未必能於六點準時到達，故垂詢可否留1830枱，該趙姓經理當時亦都表示可以留1830枱六位給本人。結果！…….. 於28/1/2025當日，本人已覺奇怪，為可沒有人向我confirm booking呢？因工作原因，五點前本人並未能致電此食店。越想越奇怪之下，本人於當日17:40再致電此店，並告訴接電話之女仕本人姓氏電話號碼留枱時間及人數，以確定訂枱事宜。最終！….. 接電話女仕找不到本人的訂枱資料，本人亦聽到此女仕於電話背後不斷問有否枱加六位給我。結果……這句真的一流⋯⋯她告訴我最早六位要八點先有。請問，我於28號打電話來是訂枱嗎？沒有一句道歉，態度一流。要知道：年廿九接近六點要再找吃年夜飯之食店真的相當困難。要我再幫襯這失信於人之食店，千難萬難！…Read More

之前住九龍塘嗰陣成日都會去九龍城食飯踩單車，可惜已經係十年前嘅事了⌛️我地唔係食泰國菜就係去位於南角道嘅城寨風味，今次再訪已經搬左去九龍城廣場啦📍店舖裝潢以九十年代嘅寨城作靈感，店內每個角落都有展示充滿中國風嘅懷舊畫作同藝術品🖼️ 佢地主打粵式fusion菜，將創新嘅元素融入傳統菜色創造出多款秘製菜式㊙️ One of the most popular restaurants in Kowloon city will definitely be Wall City Flavour. They specialise in Cantonese fusion cuisine, offering all sorts of unique dishes.秘製紅燒乳鴿 $58/1隻Roasted Pigeon in Housemade Sauce 乳鴿原隻上碟，大小適中但好厚肉🍗 乳鴿燒至外脆內軟，每啖咬落都肉汁四溢💦 自家製嘅醬汁鹹甜平衡，經過長時間嘅醃製令精華滲透肉內✨ 肉質嫩滑又結實，甘香嘅脂肪充斥口腔👅The pigeons were roasted to perfection, providing a nice contrast of textures between the crispy skin and tender meat. The sauce was not too salty, and each piece of meat was marinated well.啫啫芥蘭煲 $138Sizzling Chinese Kale Pot上檯嗰陣已經聽到渣渣聲，就算影完相再食都仲係熱辣辣🔥翠綠嘅芥蘭爽脆鮮甜無澀味，配上肉碎同蝦咁滋味十足，送飯一流😙The pot was able to keep the dish hot throughout the entire meal. Chinese kale had a nice crisp, fried with savoury minced meat and dried shrimp for extra flavours.生滾潮式蠔仔粥 $168Chao Style Oyster Congee生滾嘅粥底同湯飯好相似，米飯唔會煮到好軟爛，保留到粒粒分明嘅口感🍚 蠔仔飽滿多汁而且份量十足，鹹香嘅味道湯底增添鮮香🦪 This type of congee prevents the rice from boiling down, so you can still feel each grain in its original form. The oysters were plump and fresh, which made the soup base so umami. …Read More

餐廳：城寨風味 (九龍城)地址：九龍城賈炳達道128號九龍城廣場1樓126號舖最近票房破7000萬嘅港產電影《九龍城寨之圍城》🎥，成為咗唔少香港人近期嘅熱話，而我最近亦專登去咗九龍城寨公園回顧昔日嘅歷史同點滴，畢竟當年嘅九龍城寨真喺非常有特色同歷史價值行行下公園開始落大雨水，入咗去九龍城廣場搵嘢食，見到1樓呢間城寨風味啱晒我今日嚟九龍城嘅目的，決定打鐵趁熱去食個晚餐🥢同店員傾咗幾句先知原來佢哋喺九龍城開咗接近20年，4年前由九龍城南角道搬咗過嚟商場，餐廳嘅四周都充滿城寨同清朝嘅特色，青磚紅泥牆、復古仿舊嘅裝飾，吸引唔少人嚟食飯都要影多兩張相📸。佢哋主打江南各地美食同fusion中式粵菜，雖然價錢感覺偏貴，但估唔到份量又幾足，我哋兩個人每人$250都食到好飽🫃✝️秘制紅燒乳鴿 $58燒得勁香嘅乳鴿，未食已經流晒口水🤤，入口熱辣辣而且表皮薄而香脆，肉嘅份量都唔少，惹味得嚟唔會好嚡，仲燒到逼出油脂香同肉汁👍✝️啫啫芥蘭煲 $138一上枱個煲熱辣辣仲「滋滋」聲💥，雖然睇落簡單得啲芥蘭，但要整得好食同keep住翠綠嘅顏色都真喺要啲功夫😎。爆香咗肉碎、薑、蒜、辣椒同蝦乾，加上XO醬，濃而不膩，火候控制得好好，芥蘭仲要好爽脆清甜，唔錯唔錯😌✝️生滾潮式蠔仔粥 $168好大窩夠3-4個人食嘅蠔仔粥，蠔仔嘅份量喺勁多🦪，基乎每羹舀起都有好幾粒蠔仔，而且細隻得嚟喺粒粒飽滿🤓，清甜粥水加埋潮式夠硬身嘅米飯，突顯出潮州粥嘅特色…Read More

呢排全民九龍城寨，經過九龍城就試下城寨風味。2人世界龍蝦餐澳州龍蝦：中式做法，永遠唔會輸。蒜蓉清蒸，加粉絲底。龍蝦夠晒大隻，有唔小蒜蓉，一攞上枱已經聞到勁香蒜蓉味。龍蝦新鮮爽口，又啖啖肉，粉絲底唔會落好多豉油，粉絲索晒d龍蝦精華加埋蒜蓉一齊食，絕。金湯濃情燕窩羹：本身有得揀趐既，不過揀左燕窩黎試下，燕窩量都唔小，加埋個湯底夠濃。拔絲咕嚕肉：咕嚕肉真係有拔絲效果，酸甜度啱啱好，唔會太甜太酸。配菜d椒，洋蔥，凰梨好食。櫻花蝦蒸菜心：菜心新鮮爽脆，面上有櫻花蝦，調一調味。香煎海斑扒：塊扒就厚肉無骨，啖啖肉，唔會太多調味。裝修中國風，坐得舒服，乾淨企理。侍應又夠主動幫手，食物係一份份咁上，食完收碟又夠快。…Read More

話說前排食左間好特別既中菜今次要為大家介紹既係 - 城寨風味城寨風味係位於九龍城賈炳達道128號九龍城廣場1樓126號舖餐廳主打係食中菜為主成個環境都好闊落佢地有好多唔同既特色小菜 個人大愛佢地個賽磅帶子佢勁多蛋白係到而且個味道好香濃城寨風味Location : Kowloon CityPrice: $150-$200/p.pEnvironment (10 is chill): 7/10Yummy (10 is delicious): 7/10…Read More

以前住廣播道成日都會嚟呢度搬左入天水圍後就無點再嚟今日舊地重遊變左好多見呢排無點食中菜裝修又幾霸氣一於試試選擇困難既我最鍾意叫餐😂2人世界龍蝦餐$698加左$100轉澳洲龍蝦餐廳好貼心已經分好一份份一人一碟唔使不嚟不去湯：翅就間唔時食，所以揀金湯濃情燕窩羹飲落好似南瓜湯甜甜地，好多燕窩每一羹都有🦞蒜蓉開邊蒸澳洲龍蝦～底有粉絲龍蝦好厚肉由頭到尾都係肉，鮮甜係基本蒜蓉撈粉絲～絕對係最佳拍檔拔絲咕嚕肉～係我最想試，因為咕嚕肉係我最愛之一夾起真係拉絲，外皮十分脆口，啖啖肉～正呀！配料有紫洋蔥、鳳梨、青椒、紅椒櫻花蝦蒸菜心～海量櫻花蝦，菜心爽脆兼無渣啱晒我口味🐟香煎海斑扒配兩棵西蘭花～海斑果然係扒，厚肉皮好煙un，滿滿骨膠原🤤食完有少少黏口座位有卡位或圓枱，環境舒適唔擠迫，水滾茶靚，店員親切有禮～下次可以帶埋屋企人嚟幫襯…Read More

路過九龍城，見到呢間餐廳店名咁有霸氣，吸引咗我🤣🤣估唔太食物上枱，發覺真係同平時嘅茶餐廳唔同喎，睇得出每個菜都落足心機煮。先來一份香口小食，椒鹽豆腐平淡嘅豆腐，配上師傅嘅精湛廚藝，令炸豆腐好鮮，令人忍唔住食完一粒又一粒。主菜，芒果蝦球外面就炸到卜卜脆，再淋上芒果汁，提升左個層次感同口感，而且令到道菜唔會感覺肥膩。另一主菜，黑椒粉絲肉碎煲🍲好香好惹味，聞到真係流晒口水，每一啖粉絲都掛住左肉碎同黑椒，辣辣地，好醒胃，粉絲份量都唔少…Read More

九龍城商場內的鑊氣小炒🍳行過見到小菜吸引，環境設計特別，所以坐低享用晚餐，叫咗3個菜式都份量十足，夠二人食用😋黑椒粉絲肉碎煲：用石鍋上，好香濃嘅黑椒味，熱辣辣出晒煙，彷如街邊大排檔感覺，鑊氣十足👍🏻👍🏻芒果蝦球：8隻大大嘅炸蝦球，🍤🍤外脆內軟，肉質好彈牙同新鮮，芒果酸酸甜甜🥭好好食！椒鹽豆腐：份量好多，每一粒豆腐感覺唔細，個皮都幾薄但係又炸到啱啱好脆卜卜，絕對考驗師傅功夫，值得一試…Read More

本身約咗朋友喺九龍城食泰國嘢，點知落大雨，去咗九龍城廣場避一避雨，咁索性睇吓有咩嘢食，點知發現咗一間幾有特色嘅中式餐廳叫城寨風味，一於去試下！餐廳裝修充滿懷舊香港嘅味道，有種好舒服嘅感覺！朋友想食蝦球，但又唔想太過重味道，揀左個芒果蝦球，蝦球幾大隻，配上芒果汁同果肉，味道都好夾！另外仲叫左紅燒豆腐班腩煲，用料好足，原來呢間餐廳啲份量都幾大份！最後無飯不歡既我叫左個招牌既城寨風味炒飯，好大碟又夠多配料，口感豐富！…Read More

有時嚟到九龍城唔一定食泰國菜，今次食嘅中式菜幾好食，裝修充滿中國風～位置都好闊落～飲杯茶、食個飯、聊聊天嘅好地方～首先，叫咗一碟芒果蝦球，大大粒又啖啖肉嘅蝦球，酥脆外皮，點上甜絲絲嘅芒果醬汁，有新鮮嘅水果味道，清新得嚟唔會過甜～另一個餸，紅燒豆腐斑腩煲，斑腩同豆腐都好入味，斑腩肉質幾細嫩～城寨風味炒飯，炒得好香口充滿鑊氣，有雞肉做配料，仲有蛋白、雞蛋同菜，好食！每碟餸菜都好大份，兩個人食差啲食唔晒～…Read More

九龍城新派懷舊粵菜🔥 [城寨風味]話說之前同屋企人喺南角道食過佢哋嘅舊店 對佢哋嘅乳豬有啲念念不忘 今次同女朋友特登過嚟到訪 🌟即燒脆皮香豬（$258）¼隻嘅乳豬份量都好多 而且外皮燒到非常酥脆 而且唔會感覺到好油膩 豬身醃過而且仲風乾令到外皮更酥脆酥脆 乳豬肥膩瘦比例適中果然係店內嘅招牌菜 肉質結實 微微五香粉嘅味道 配搭着乳豬醬 簡直係實力嘅典範🌟啫啫芥蘭煲（$138） 一嚟到香氣撲鼻 簡直成間餐廳都聞到 微微嘅鹹魚好惹味芥蘭唔會過腍 肉碎嘅份量都好多 抵食！🌟日式山葵蝦球 （$228） 上網睇到呢個好多人嗌即刻試一試 大蝦過咗油而且蝦身爽脆 但係山葵味道有點過濃 略為微微蓋過蝦嘅鮮味 味道 8/10環境 8/10推介程度8/10 📍城寨風味 (九龍城)九龍城賈炳達道128號九龍城廣場1樓126號舖…Read More